لعبة الصراحة

تذكير بمساهمة فاتح الموضوع :

بسم الله الرحمن الرحيم
انا عجبتني لعبة جميله اوي.......................وهي لعبة الصراحة
يعني انا اسأل سؤال للي بعدي وهو يجاوب عليه....................وبعدان يسأل سؤال للبعده
يلا نلعبها بقي
انا هسأل سؤال للبعدي
انت في سنه كام

ما فيش غير اخويا الي افتكرني ربنا يكرمه

أما بقي بالنسبة لأصحابي فأحنا مش بنجيب لبعض هدايا أصل عيد ميلادنا كلنا في شهر واحد و الفرق ما بينا ايام كمان فمش معقول يعني اجيب هدية و بعد يومين ولا تلاتة يجي نفس صاحبي الي جبتله هدية من يومين يجيبلي هو كمان هدية . هي مراجيح بقي ولا ايه . احنا نقصر و ما نجبش لبعض حاجة و خلاص كفاية اننا كل يوم مع بعض اقولهم كل سنة و انتو طيبين و كان الله بالسر عليم



لو كنت تقدر تعرف الشخصية الحقيقية لواحد بس من الاعضاء ع المنتدي ده هيكون مين ؟؟؟؟؟

ههههههههههههههه

انا بالذات بلاش لاني عارف كتير


لو واحد بس

يبقي


يبقي


يبقي


برايت








اللي بعدي لو مش بتحب السمك؟ تقدر تاكل سمك؟
والله مش هزار ده سؤال نفساوي

لا طبعا لو مش بحبه مش هاكله بس أنا بحب السمك


نفسك أيه الي يعملوه في كليتنا علشان تبقي زي أي كلية خلقها ربنا ?

انا الحمد لله خلصت
يعملو اللى يعملوه بقى



ايه اكتر حاجه تحب تاكلها

ههههههههههههه

السمك
والله بحبه جداااااااااا
وكل انواع السمك بحبها كله كله
ماعدا الرنجه والفسيخ ياحفيظ


اللى بعدى

احكينا قصه قصيره عن حد حبيته او هو حبك يلا
محدش يدخل يلاقى السؤال ويمشى
جاوب او جاوبى الاول وبعدين ابقى امشى براحتك

واللة يا ايمى سؤال غريب قوى بالنسبة ليا انا عمرى ماحبيت قبل كدة لانى مش بعترف بالحب فى سن المراهقة لانة مش بيقى حب بيقى هبل بس اكيد طبعا اتحبيت كتير وبلاش نحكى قصص

السؤال ممكن الى بعدى يحكى لو عندة قصة لو مش عندة يسال سؤال تانى

هو في بس مش هينفع أحكي و الله
نغير السؤال بقي



تقول لمين أبعد عني بقي كفاية كده ؟؟؟

لحد معايا فى الكلية بجد كفاية حرام ابعد لان الى بتفكر فية عمرة ماهيحصل
نفس السؤال للى بعدى

ههههههه
لحد معايا في الكلية برضه




ايه رأيك في فيلم twilight الأخير ؟؟

ما شوفتووووووووووش


الي بعدي ايه رايك في عادل امام؟

بحبة ف المسرحيات جدا وبعض افلامة واكيد ف افلام كتيرة لية مش عجبانى مع انة بيضحكنى جدااللى بعدى اية راية فى الحب؟؟ظ

الحب أعظم حاجة طبعا . الواحد لما بيبقي بيحب بيحس انه طاير من الفرح و شايف كل حاجه قدامه حلوة و خصوصا بقي لما يحب و يتحب



لو حد صاحبك بيحب و خد رأيك في الموضوع هتنصحه بأيه ؟؟؟؟

هو لو الشخص دة بيحب بجد انت مهما نصحتة بانة مثلا يبعد عن الموضوع مش هيسمعلك وهو معذور لان دة غصب عنة اما لو هتنصحة لمجرد النصيحة وتبقى عملت اللى عليك فهقولة ان كل شى لة اخر ولو شايف ان فى امل فى الموضوع توكل على اللة اما لو مفيش امل فحاول تنسىلو محتار بين امرين الاتنين اصعب من بعض تعمل اية؟؟

هحاول افكر بهدوء علشان اعرف افكر صح و هستخير ربنا و ممكن اخد رأي اصحابي في الموضوع و اتكلم معاهم ممكن يعرفو يفيدوني



هتعمل ايه لو اتحطيت في موقف جد أوي و افتكرت موقف يموت من الضحك و ما قدرتش تمسك نفسك ؟؟؟؟

عادى يعنى انا اصلا شخصيتى غامضة شوية وساعات دة بيبقى مطلوبلو حد طلب منك متعملش حاجة معينة من غير ما يقولك السبب اية هيكون رد فعلك؟

مش هبطل اعمل دا غير لما تقولي ليه مش عند بس كدا هجبرها انها تقولي السبب
السؤال لما بتحب تفكر بصوت عالي ويكون التفكير دا قدام حد معين يباه مين الشخص دا

انا مش بفكر بصوت عالى قدام حد خالص لان بحب احتفظ بافكارى لنفسى
ممكن لو حبيت تقول لكل اصحابك ولا هتستنى على ما تتاكد من حب الطرف التانى

لما احب ان شاء الله هقول لصاحبيتي الانتيم علشان هيه اكتر واحده بتفهمني
نفس السؤال

اه انا برضه هقول لصحبي الانتيم لاني اما بتكلم معاه بحس اني بتكلم مع نفسي و باخد رحتي في الكلام و اقول الي انا حاسس بيه .

ع فكره يا برايت انا ولد مش بنت




في اسرار ممكن ما تطلعش لأي حد ولا كل اسرارك ممكن يعرفها صاحبك الأنتيم ؟؟؟

لا مش كل الاسرار تعرفها

يعنى لازم يكون ليا خصوصياتى وافكار اللى مش بقولها لحد خالص
اطلاقا

نفس السؤال

لا أسرارى بحب أحتفظ بيها لنفسى
حتى صاحبتى الانتيم ماتعرفش عن أسرارى غير قليل
نفس السؤال لانى ماعنديش سؤال

انا مش بخبي حاجه علي اصحابي اصل مافيش حاجه تستخبي
السؤال
لما تكون ف امتحان ومش مزاكر وصاحبك اللي جمبك مزاكر بتسلكو بعض ولا
يعني من الاخر بتغشوا ولا لا

و الله مش بتحصل كتير لأني مش بعرف أغش أصلا يعني خيبة في الغش من الآخر



لو حد ما تعرفوش بعتلك فريند ريكوست ع الفيس بوك هتقبل ولا لأ ؟؟؟؟

واللهي مش عارفه اصلي لسه جديده علي الفيس فامفيش حد بعتلي لسه
ههههه وكمان عندي جهل تام بالحاجات دي
نفس السؤال

انا بقبل بصراحة علشان بس اعرف مين ده ممكن يكون حد أعرفه بس مش كاتب اسمه فبقبل و اشوف مين ده و لو طلع ما اعرفوش بتعرف عليه و نبقي اصحاب



نفس السؤال للي بعدي

لا طبعا مش هقبل
لو وراك امتحان بكرة فى مادة رذلة وأنت مافتحتش كتاب هتعمل ايه ؟

العمل عمل ربنا يعني انا طول الوقت الي فات ده ما فتحتش الكتاب هاجي افكر أفتحه بقي ليلة الأمتحان



بتزاكر كام ساعة في اليوم ( أنا اقصد لما كنت في الثانوية دلوقتي أكيد صفر طبعا ) ؟؟؟

انا مش كنت بزاكر بالساعات انا كنت بزاكر بالمزاج ههههههههه يعني الطناش دا حاجه من زمان مش الكليه بس
اللي بعدي لو عنده اجابه ع السؤال يقولنا كام ساعه
سؤالي باه
مين العضو اللي نفسك يدخل المنتدي دلوقت بصراحه؟

بصراحة مفيش حد معين
انتى مش هاتذاكرى ولا ايه ؟

ازاكر ايه وليه هو فيه بكره امتحان ولا حاجه هههههههههه
السؤال ايه اكتر لعبه عاجبتك ف المنتدي

لعبة الصراحة و سؤال من القلب


نفس السؤال للي بعدي

لعبه الصراحه وسؤال من القلب ولعبه التخمين
السؤال ايه اكتر حاجه ضايقتك واكتر حاجه فرحتك النهارده؟

اكتر حاجة ضايقتنى انى كنت عايزة اتكلم مع صاحبتى ومش قدرت تلمح انى عايزاها على الرغم من انى كنت واضحة خالص فتعصبت بصراحة
واكتر حاجة فرحتنى ان بعد ما السكشن اتلغى اخدناة ففرحت ةانى هاجى البيت
مين الشخص الى ممكن تقعد معاة فى ساعات ضعفك ولية

صاحبتى الانتيم لانها اكتر واحده بتسمعنى وتفهمنى
مع ان ساعات ضعفى مش كتير
لما بتكون متضايق ممكن تبكى قدام حد

لا خالص عمرها ما تحصل أبدا . لا قدام حد ولا و انا لوحدي حتي



ايه الي بيلفت انتباهك في أي حد علشان تعجب بشخصيته ؟؟؟؟

ليه هو البكاء عيب
انه يكون شخص مؤدب ومحترم
لما حد يعمل حاجة تجرحك اوى ممكن تنسى ده وترجع تعامله عادى

لا مش عيب ولا حاجة بس الراجل مش بيعيط الا في المواقف الصعبة أوي بقي
انتي قولتي لما بتكون متضايق
و لما اكون متضايق ده مش موقف صعب اوي يعني
الناس كلها بتبقي متضايقة مش معني كده ان كله بيعيط



علي حسب الشخص ده هو مين


بتقضي وقت أحلي مع زمايلك الي من الكلية و لا الي بره الكلية ؟؟؟

زمايل الكلية طبعا


لو حد مخنوق منه اوي بس مفروض عليك انك تكلمه تعمل ايه

معاك حق يادكتور انا شخصيا مش بحب البكاء كده لأتفه الاسباب
وعن نفسى لايمكن أبكى قدام حد غير لما يكون الموقف جامد ويستحقوبفضل امسك نفسى
مع ان ده بيكون على حساب اعصابى

هكلمه

ايه اكتر صفة ممكن تكرهها فى واحد صاحبك

انة يكدب عليا او يخدعنى لانة بالطريقة دى بيجعل ثقتى فية تهتز
بتثق فى الناس بسرعة ولا بتحتاج وقت على ما تعطى الثقة دى للى قدامك

بثق فيهم من اول مره بس الحمد لله بكون دايما صح
يعني مش بنخم فيهم


ايه اجمل هديه جتللك؟

قطة حوله كده جابوهالى صحابى فى عيد ميلادى ههههههههههههههه
بس كانت احلى هدية
ايه اكتر فيلم عربى رومانسى بتحبه

عن العشق والهوى
للاولاد ممكن تهتم ببنت وانت مش بتحبها وللبنات ممكن تهتمى بولد وانتى مش بتحبية يعنى تديلة محاضرات تطمنى علية كدة يعنى

اية السؤال دة بس بصراحة اة ممكن اهتم بحد معايا فى الكلية واكيد مش بحبة بس علشان انا بعتبر الشخص دة زى اخويا فممكن اديلة محاضراتى
نفس السؤال للى بعدى

مش فكرة أهتم ولا ما أهتمش انا بعاملهم زي أخواتي بالظبط
و للأسف في كليتنا دي الناس مش بتفهم كده خالص
بس لو في واحدة بحبها هيبقي في أهتمام زايد طبعا
يعني مثلا اسألها بعد الأمتحان هي عملت أيه و كده
و المفروض هي تحس بالأهتمام ده و تميز بقي


نفس السؤال للي بعدي

ممكن بس على حسب الشخص ده هو مين واخلاقه ايه
واهم حاجه انه ميفهمش غلط زي الولاد .............
يعني مجرد اما بنت تكلمه يعملها علطول قصة حب
بس طبعا مش كلهم


** قلت لحد قبل كده انك معجب بيه؟ **[b]

للاولاد لا طبعا وعمرها ما تحصل اما لبنات فقولت لبنتين شخصيتهم كانت عجبانى جدا فقولت لهم
الى بعدى قال لحد

بصراحة انا عمرى ماقولتها لا لولد ولا لبنت
نشوف اللى بعدى كده

لا مش عارف أقول بصراحة
الموضوع مش سهل أوي كده


حد قلك انه معجب بيك قبل كده ؟؟؟