لعبة الصراحة

تذكير بمساهمة فاتح الموضوع :

بسم الله الرحمن الرحيم
انا عجبتني لعبة جميله اوي.......................وهي لعبة الصراحة
يعني انا اسأل سؤال للي بعدي وهو يجاوب عليه....................وبعدان يسأل سؤال للبعده
يلا نلعبها بقي
انا هسأل سؤال للبعدي
انت في سنه كام

مفيش حاجه بعينها


كرهت حد ابل كده ؟
وليه؟

بصراحة مش وصلت لدرجة الكرهة بس مش بحب اشوفها فى اى مكان انا فية
ودة علشان سببت لى مشاكل كتير ووقعت بينى وبين اعز اصحابى
ممكن بعد ماتحب حد قوى يتحول الحب دة لكرهة

مش كره بمعني الكره

الكره يبقي ف حالة واحده لو اكتشفت انه كان بيستغلك او بيضحك عليك


لكن طالما افترقتم لسبب تاني

علي الاقل الذكريات السعيده بتفضل بينكم

سؤالي ممكن تغفر للي بتحبه غلط فيك

وفين بقى السؤال......ههههههههههههههه

لو الغلط ممكن يتغفر بس ساعات ف حاجات الواحد مش بيقدر ينساها بسهوله وطبعا لو بحبه هسامحه بس اهم حاجه يكون بعيد عن كرامتى ....موقف حصلك ومش ممكن تنساه؟؟؟؟اسهل السؤال موقف السنه اللى فاتت؟؟؟

لا بنسي بسرعه اللي بعدي لو فاكر يقول

لو زعلان بسببى
وانا غلطانه
يبقى انا اسفه







ظلمت حد ابل كده؟

ازاى؟
متقولش لا ومظلمتش
قول الحقيقه

اكيد بس الاكيد اكتر بدون قصد



اللي بعدي بساله؟ ايه رايك في العلاقة بين البنت والولد عموما؟وتحب شكلها يبقي ازاي؟

مفيش حاجه اصلا اسمها علاقه بين بنت وولد
الا لو كانوا مرتبطين رسمي يعني جواز مش حتي خطوبه
اما الصحوبيه دي اعتقد انها مش بتنفع
اما الحب باه فمجرد احساس يعني يايصيب يا يخيب
ياريت اللي بعدي يجاوب نفس السؤال؟

انا بردة شايفة ان مش ينفع تكون فى علاقة صداقةبين بنت ولد لكن مافيش مشكلة ان الولد او البنت لو احتاجوا محاضرات من بعض يدوها لبعض ولكن فى حدود الادب اما كعلاقة فلازم تكون رسمية يعنى يكون فى خطوبة
نفس السؤال ياريت الى بعدى يرد علية

ايه يا جماعة هو السؤال ده حلو اوي كده


أجاوب و خلاص


انا تقريبا رأيي من رأيكو برضه ما فيش حاجة اسمها صداقة بين ولد و بنت
و كمان حكاية المحاضرات دي مش معاها أوي لأن لو مثلا ولد راح يقول لبنت عايز اصور منك محاضرات ممكن تقول في نفسها يعني ما هو عنده زمايله الولاد اشمعنا انا يعني و تبتدي تفتكر حاجات غريبة كده . و الولد يا عيني بيبقي معزور لان اصحابه الولاد فشلة زيه و مش بيكتبو محاضرات فبيضطر ياخدها من البنات .



الي بعدي يجاوب ع السؤال ده هو كمان

انا رأى ان مافيش مشكلة ان يكون فيه زماله بين الولد والبنت
طالما فى حدود الادب بس المشكله ان باقى زمايلهم مابتفهمش الموضوع كده
كل واحد بيفسره على طريقته
اما ان الحكاية تقلب حب وكده يبقى قلتها احسن


لو عايزة /عايز تجاوب براحتك

اية يا جماعة خلاص نغير السؤال دة بقى مافيش غيرة بقى ولا اية
اية اكتر حاجة بتعملها وتخليك مبسوط جدا

أما ببقي مع أصحابي ببقي مبسوط



بتحب المزاكرة ؟؟؟؟

انا اكتر حاجة بكرها المذاكرة

بس هعمل اية مضطرة عشان اخلص من الكلية دى

سؤالى بقى هوة......... اية احساسك لو اتكلمت مع حد بصراحة وفتحتلة قلبك وفى الاخر يقول عليك انك مش صريح وتكتشف انك كنت مخدوع فية؟

اكيد طبعا هحس كانة قتلنى كدة اصل بدل انا فتحتلة قلبى يبقى اكيد دة حد انا بحبة قوى بس اكيد بعد كدة هعرف اتغلب على الجرح دة وبصراحة لو دة حصل معايا ممكن يخلينى مش اثق فى حد تانى خالص
عمر الموقف دة حصل معاك ولو اة كان رد فعلك اية

ااااااااااااااااااه حصل

بس عمرى ما اعرف اوصفلك احساسى اية دلوقت


لكن اللى اعرفة انى عمرى ما هثق فى حد تانى


اللى بعدى لو حصلك كدة احساسك هيكون اية

لو حصل الموقف ده أكيد هتصدم بس ده مش معناه اني مش هثق في حد تاني لأن زي ما فيه ناس مش كويسين في ناس كويسين برضه . مش معني اني قابلت حد مش كويس يبقي كل الناس كده



ممكن تحب أكتر من مره ولا الحب بيلمسنا مرة واحدة بس طول حياتنا ؟؟؟

انا من راى ان ممكن نحب تانى خصوصا لو كان انسان بيحبك بجد


ويحب دايما يشوفك مبسوط وعمره مبيجرحك


سؤالى بقى ..........هتعمل اية لو حبكك التانى جرحك اكبر من جرحك الاولانى؟

هيه ايه حكايه الجرح معاكو اليومين دول
انا الصراحه حبي الاول ماجرحنيش انا اكتشفت اننا مش هينفع نكون لبعض بصراحه مقدرتش اقبله زي ماهو
فطبعا عرفت ان دا اصلا مش حب ولاحاجه لاني نسيته بسرعه
لكن لو انجرحت مرتين طبعا هتأسر جدا واتعب بس لفتره يعني
مش هفضل مجروحه علي طول
سوري اني طولت عليكو
سؤالي باه
تعمل ايه لواكتشفت ان شخصيتك الحقيقيه معروفه ع المنتدي

فيها ايه يعنى
ايه المشكله


ممكن اللى بعدى يسال

مفيش طبعا مشكله ولا حاجه بس السؤال جه غلط انا كنت متوقعه ان واحده صحبتي اللي هترد عليا بس عادي ياقمر
نو بروبلم احنا اخوات
السؤال
نفسك ف عربيه لونها ايه؟

على فكره السؤال دا صعب جدا

هسيب اللى بعدى يجاوب عليه

ولا اقولك هفكر
.
.
.
.
لونها ابيض


وسؤالى
لو عرفت ان اللى بتحبك هتسيبك عشان انت مأجل الارتباط بيها شويه بس انت صادق ,احساسك ايه وقتها ؟

احساس صعب جدا

لانك بتبقي بين موقفين الاول انها بتبدا تشك او بتخاف علي نفسها
الثاني ان لسه بدري علي الموضوع ده

والحل بقي انك تستخير ربنا وتفكر صح وربنا يوفق


سؤالي لو اللي بتحبه فهمك غلط وبعد عنك بدون ما يسمع وجهة نظرك تعمل ايه؟

يبقى مابيحبنيش
لو بيحبنى هيفهمنى صح
وان حصل سوء تفاهم
يبقى هيدينى فرصه انه يفهممنى او هيفترض حسن النيه
يعنى لازم يعاتب ويبقى فى حوار
لو عمل كده بقى يبقى فرصته معايا راحت خلاص ينسى بقى
هيبقى صعب بس هيا دى الحياه

سورى طولت
السؤال
لو الموقف ده حصل مع صديق هيبقى ايه رد فعلك
هتروح انت تعاتبه ولا تسيبه يروح مايروح وخلاص

دي علي حسب الموقف يعني

لو انا الي غلطت لازم انا اللي اروحله


لو هو اللي غلط وكان صاحبي قوي

هستني يروق شوية ونتفاهم

لكن لو....... يبقي يروح ونبقي خلصنا منه

تمام سنيبر عندك حق
فين السؤال بقى


خلاص هسال سؤال كمان
لو حصل ان حد صديقك اوى اوى
او كان صديقك يعنى
غلط وزعلك
بس معتزرش
وبعدين رجع يكلمك تانى وكان مفيش حاجه حصلت
ايه رد فعلك؟
؟؟؟؟؟؟؟؟؟؟؟؟؟؟؟؟؟؟؟

انا عن نفسى مش هعرف اتعامل معاة زى الاول مش هكون على طبيعتى وهى اكيد هتلاحظ دة
الى بعدى ممكن يكون رد فعلة اية

هستنى اللى بعدى كمان يقولنا هيعمل ايه

عادي جدا هتكلم معاه علي طبيعتي ولا كأن حاجة حصلت لأني مش هينفع احرجه و ما اتكلمش معاه و أثناء ما انا بتكلم معاه هساله بقي و افتح الموضوع و اشوف ايه الي عنده



انت راضي عن نفسك ؟؟؟

اة الحمدللة الى حد كبير راضى
لو فى واحدة زميلتك فى الكلية بتعتبرك زى اخوها وجت قالت لك مثلا البنت الى انت بتحبها مش بتحبك هيكون رد فعلك اية ولو دة حصل مع بنت هيكون رد فعلك اية بردة

و هي اصلا هتعرف منين البنت الي انا بحبها . هو لو انا حبيت حد هروح اقول للناس اني بحبه عادي كده . و ما اعتقدش اصلا ان الجرأة توصل ببنت انها تتكلم معايا في موضوع زي ده خصوصا انها مش طرف فيه اصلا . و لو احترت اوي في موضوع انها بتحبني ولا لأ ممكن اروح اسألها هي بدل ما ادخل طرف تاني في الموضوع و اريح دماغي احسن بس دي محتاجة جرأة شوية و مش اي حد يعملها بالسهل كده



بتحب حد من الدفعة بتاعتك أو معجب بيه حتي ؟؟؟

عندك حق يانو نيم بس على فكرة من السهل ان الى معاكى فى الدفعة يعرفوا انت بتحب مين من نظراتك من تعبيرات وجهك لما بتشوفها اى حاجة من الحاجات الى بتحصل دى يعنى
اما عن اجابة السؤال لا انا الحمدللة لابحب من الدفعة ولا من خارج الكلية مريحة دماغى وقلبى يعنى
بس دة مش يمنع انى معجبة بشخصيات معايا فى الدفعة نظرا لاحترامهم بس
الى بعدى اية نظامة بيحب من الكلية ولا لا

لا م الكلية ولا من بره الكلية لاني مش معترف بالبتاع ده


لكن فيه شوية اعجابات كده شخصيات محترمة مش اكتر


اللي بعدي بقي


انت بتايد الجواز في سن متاخر ولا بدري؟

لا طبعا
بدرى احسن
بس الموضوع بيبقى قسمه ونصيب

اللى بعدى
انت مزعل حد منك؟؟؟؟؟؟؟؟؟؟
صالحته؟؟؟؟؟؟؟؟

مزعل مين بس


وبعدين اللي يزعل يزعل

مش بشغل بالي

انا مش غلطان في حاجه

اللي بقي مش فاهمني ده عيبه مش عيبي انا؟


اللي بعدي ايه رايك فيس نظام التعليم في بلدنا؟

نظام فاشل فية ظلم كتير للطالب
ممكن ارد بقى على نو نيم وشيرويت انتم عندكم حق مافيش بنت عندها الجراة انها تعمل كدة وبردة يانو نيم لو بتحب حد معاك فى الكلية ممكن يتعرف وانا اما سالت السؤال دة فدة علشان انا محطوط فى موقف شبيهة وهو ان فى حد معايا فى الكلية انا بحترمها قوى حاسس انها بتحب شخص معين بس هو مش بيحبها وهى صعبانة عليا وكنت عايز اقولها بس قولت اما شوف لو دة حصل مع حد فيكم هتقبلوة ولا لا علشان احدد ان كنت هقول ولا لا
اسف انى طولت عليكم وشكرا على ردودكم نونيم وشرويت
سؤالى بقى كان نفسك تدخل كلية اية

بست فريندز

سواء كنت بتحبها او لا فدي زميلتك واختك

لازم تنصحها وتوضحلها خصوصا زي ما بتقول انه مش بيحبها

كان نفسي ادخل اسنان اسكندرية


بس يالا دخلنا بيطري

لا وكمان في السادات


اللي بعدي يقولنا راية في الكليوة بكل صراحة وكمان في ادارة الكلية

كليه زباله ونظام ازبل ودكاتره عاوزه الحرق بجد

اللى يشوفهم يقول ملايكه وهم اسوس خلق الله

والمشكله انه ولا واحد ينفع دكتور

وبيستعبطوا ومفكرين نفسهم دكاتره

الوحيد اللى حسيت انه دكتور بجد

د/ حسين بتاع الفيروسات ومش من هنا
من القاهره وراجل زى العسل

الخلاصه انها كليه مقرفه

سؤالى

مين اللى لو مهما حصل منه مش بتزعل منه ابدا ولو حتى حته صغيره خالص
ومحدش يقولى ابوه وامه ماشى هههههههههههههه ؟؟

هههههههههههههههههههه
ابى

خلاص متزعلش
بطبيعتى مفيش حد عندى اسمه مش بزعل منه لما يكون بيتكلم جد فى حاجه تضايقنى او تزعلنى
يعنى اللى يغلط لازم يتعاقب


نفس السؤال للى بعدى

لا هو واحد بس

ومش هقول عليه مش بعرف ازعل منه لانه طيب ولو يوم زعلني بيبقي فاهم غلط بس


نفس السؤال للي بعدي

بصراحه انا مش بزعل من حد وخصوصا
اصحابي لكن اكتر واحده مش بزعل منها
هيه انجيل علشان هيه انسانه حلوه جدا وطيبه جدا دا بالنسبه للي مش من البلد بتاعتي
انا عاوزه اقول حاجه لبيست فريندس
لو البنت دي بتكلمك وعارفاك وعارفه انك زي اخوها يباه قولها من غير تردد
اما لو مش كنتوا بتتكلموا فقولها برده علشان مش تعيش ف الوهم كتير وياريت تقولها بسرعه
معلش مش عرفت انام من غير ما اقول الكلمتين دول هههههههه
السؤال لو كنت معجب بواحده ولاحظت انها معجبه بيك احساسك هيتغير علشان هيه وضحتلك حبها ولا هتتشجع وتروح تقولها انك معجب بيها

انتى سالتى لو معجبة يعنى اكيد بحترم الشخص دا وبحبه فاكيد هبقى فرحانة لو قالى او العكس
طب يبقى ليه بقى الشعور هيتغير لما يصارحنى او العكس
لو الشعور اتغير يبقى معنى كده انى مكنتش مقدرة الشخص ده او بمعنى اصح كنت بلعب لعبة وبضحك عليه او عليها
وقول لا دى غلطانة او غلطان عشان صارحنى
ها اللى بعدى رايه ايه ف السؤال ده

انا رايى ان دة يتوقف على طريقة تعبير البنت عن حبها يعنى مينفعشى مثلا تروح وتقولة انا بحبك حتى لو كان هو صرحلها بالحب دة .اما لو كانت طريقة تعبيرها ف حدود الادب والاحترام لمجرد بيان الاعجاب بس فدة مقبول وممكن هى كمان مش تكون عايزة تبين اعجابها بس مجرد ما تشوفة تتلخبط.فى الحلة دى معتقدش الولد يغير راية بالعكس هيكون فرحان.ممكن اللى بعدى يقول راية؟؟؟

انتو مش عايزين تعدو السؤال ليييييييييه

بصو انا محبذش ان البنت تصارح واحد ايا كان انها بتحبه او حتى معجبه بيه من الناحيه دى يعنى
الخطوه دى لازم تكون منه هو
اتنحرر واتكلم هو الراجل لكن تقل ووزنه زاد
هيا بنت
مينفعش خالص تبدا بالخطوه دى
لان دى حاجه فيها كرامتها ولازم تحافظ عليها لان لو هيا محافظتش عليها محدش هيحافظلها عليها
سورى على الاطاله

سؤال جديد بقى

للولاد تحبو ترتبطو بالبنت اللى فى مجالات الطب ولا المؤهلات النظريه افضل وايه وجهه نظركو فى كده

للبنات
تحبو ترتبطو برضو بواحد من مجالات الطب ولا عادى متفرقش واحد اعلى منى انا اعلى منه كله سيان

لا مش شرط خالص المهم تكون فهماني و فاهمها و طبعا بنحب بعض و يكون فيه توافق

بالنسبة لموضوع أن الولد هو الي لازم يصارح البنت بحبه فده موضوع صعب لأن البنت ممكن ما تقدرش المشاعر دي و تفتكر مثلا أني بلعب بيها و بصراحة ممكن يكون معاها حق في كده لأن الولد ده ممكن ما يكونش أتكلم معاها ألا مرتين أو تلاتة يبقي أزاي هيقولها بحبك من رابع مره و هتصدقه . المشكلة بقي هي أنه بيحبها فعلا و في نفس الوقت يهمه كرامته طبعا فلو أحرجته هيكون الوضع مش تمام و هيفضل يلوم نفسه أنه فكر يصرحلها عن حبه و مشاعره


السؤال بقي للبنات
لو ولد جه يقولك أنه بيحبك و أنتي ما فيش أي مشاعر منك تجاهه هيكون رد فعلك أيه ?

هحاول اوصله كده من غير ما اجرح مشاعره
يعنى باسلوب محترم على قد احترامه

نفس السؤال

بصراحة مافيش حد يتضايق انه يتحب بس طبعا لو عبر له الشخص ده عن مشاعره بادب واحترام
حتى لو مابتحبش الشخص ده مش لازم ابدا تجرح مشاعره كفايه انه بيحبك فلازم توصله ده
بطريقة مناسبة
اللى بعدى ايه رأيه ؟

انا لو فيه واحد محترم جه قالي انه معجب بيا
بيني وبينكو انا هفرح طبعا ولو كنت انا كمان معجبه بيه
هكون في قمه السعاده
بس طبعا مش هعرف ساعتها ارد عليه خالص
اما لو كنت مش معجبه بيه فطبعا هرد بس بلباقه
يعني ممكن اقوله اني مش بفكر ف المواضيع دي دلوقت او اي حاجه زي كدا
لان الموقف دا صعب جدا بس طبعا مش هحرجه لانه ماحولش يضايقني
السؤال بقي لو انت رحت قولت لبنت انك معجب بيها وفهمت منها انها مش معجبه بيك
هتعمل ايه ساعتها؟

هتضايق شوية بس هتعدي يعني . الحاجات دي مش بالعافية طبعا . يعني لو هي مش متقبلاني مش هجبرها علي كده . القلب و ما يريد بقي


جو الدراسة أحسن ولا الأجازة ؟؟؟