لعبة الصراحة

تذكير بمساهمة فاتح الموضوع :

بسم الله الرحمن الرحيم
انا عجبتني لعبة جميله اوي.......................وهي لعبة الصراحة
يعني انا اسأل سؤال للي بعدي وهو يجاوب عليه....................وبعدان يسأل سؤال للبعده
يلا نلعبها بقي
انا هسأل سؤال للبعدي
انت في سنه كام

هتضايق شوية بس هتعدي يعني . الحاجات دي مش بالعافية طبعا . يعني لو هي مش متقبلاني مش هجبرها علي كده . القلب و ما يريد بقي


جو الدراسة أحسن ولا الأجازة ؟؟؟

كل فتره ليها جمالها
يعنى الدراسه حلوه فى حاجات كتيير
ومش حلوه فى حاجات كتييييييييييييييييييييييير برضو


وكذلك الاجازه ليها جمالها فى حاجات
وبرضو وحشه اوى فى حاجات تانيه

نفس السؤال
اصله عجبنى

هي الأجازة أكيد احسن بكتير يعني الواحد بيبقي مريح دماغه ينام براحته و يصحي براحته و كل يوم بره مع اصحابه و الحياه بتبقي زبادي في الخلاط بس علشان الأيام بتبقي كلها زي بعضها في الاجازة الواحد بيتخنق من كده و يبقي عايز الدراسة ترجع تاني علشان الروتين ده يتغير و يعمل حاجات جديدة و يشوف اصحابه و الناس الي بيحبهم أكيد



و انت صغير كانو بيدلعوك يقولولك ايه ؟؟ و ما حدش يقولي ماليش اسم دلع

لا طبعا اكيد ليا اسامى دلع كتير كمان بس مش هعرف اقول ولا واحد لان دة هيوضح انا اسمى اية
اكتر صفة بتحبها فى اقرب الناس ليك

الأدب و الأحترام



ليه مش عايز الناس تعرف اسمك الحقيقي ع المنتدي ؟؟؟

مش عارفة اجاوب بصراحة بس عادى كدة احسن يعنى انت كمان مش داخل باسمك الحقيقى
الى بعدى يعرف يرد على السؤال دة

ماما دايما تقولى يا كزبرة ومش فاهمة لحد دلوقت ايه وجه الحلاوة فالكزبرة عشان تقولى كدة ؟؟؟؟؟؟؟

حد يعرف؟؟؟؟؟؟؟



ايه اكتر حاجه عملتها قريب وندمت عليها؟؟؟؟

انى كونت بحترم شخص معين وهو طلع أى كلام
نفسك تعمل ايه اول ما تتخرج

نفسي اسافر اكمل دراسه واعيش ف امريكا
ههههههههههههههههههههههههههههههههه
السؤال مودك عامل ايه دلوقت يعني فرحان ولا

اة الحمد للة مبسوطة خالص علشان قاعدة بلعب مع بنت اختى بنسى نفسى وبنسى الدنيا وانا معاها
مين الشخص الى وانت معاة بتنسى همومك وبتنسى الدنيا كلها

ههههههههههههه
بنت اختي برده
اصلي بشوف فيها نفسي اما كنت قدها
نفس السؤال

اصحابى عموما وانتيمتى اكتر
الى بعدى يسال انا مش عندى سؤال

خلاص نمشيها نفس السؤال اللى فات؟

لا لما بتكون حاجه مضايقانى مش بنساها
بس ممكن اتناساها ودايما بتناساها
لما اكون مع اختى الكبيره او اصحابى
علشان دول اكتر ناس بضحك
معاهم ودمهم خفيفوبيحبونى واختى اكتر


بتحس انك بتحب مين اكتر اصحابك ولا اخواتك

مش بقول الحقيقه ايه انت بتحس انك بتلاقى نفسك مع مين اكتر اصحابك ولا اخواتك
؟؟؟؟؟؟؟؟؟؟؟؟

بحب مين اكتر فعندى اصحابى الانتيم زى اخواتى بالضبط اما بلاقى نفسى اكتر مع اصحابى طبعا لانى طول الوقت معاهم تفكيرنا قريب من بعضة فاهمين بعض قوى قوى قوى
نفس السؤال للى بعدى

اكيد الصاحب





سواء بقي كان الصاحب ده الاخ او الاب او الام





بس في النهاية بيكون الصاحب






بتحب الصراحة ولا لا؟

اكيد طبعا بحبها واكبر دليل انى بلعب معاكم دلوقتى
اية الكلمة الى نفسك تقولها لشخص معين

نفسى اققول لواحد



ياكذاب ياضلالى


بتحب تروح فين وانت مضايق

وتروح فين وانت فرحان ومبسوط وسعيد والحياه بمبى

و أنا مضايق بحب اقعد في البيت و ببقي مش عايز اشوف حد

أما لو فرحان و الحياه بمبي ببقي عايز اخرج مع اصحابي و نروح بقي في اي مكان المهم اني معاهم



الي بعدي مش من السهل تحديد شخصيته ؟؟؟

ايوة بس مش عارفة لية كل اصحابى بيقولى لى انى ليا كذا شخصية بيقولوا انى ساعات بكون جد قوى وساعات ببقى عيلة قوى على الرغم انى شايفة انى عادية ومش بتميز بالغموض ولا حاجة
عمرك قابلت حد مش قدر يفهمك وكنت بتتعامل معاة ازاى

اه فعلا قابلت حد مش عارف افهم شخصيته و مش عارف بقي اذا كان هو فاهمني ولا لأ بس ده علشان يمكن ما اتكلمتش معاه كتير او يمكن علشان بحبه



الي بعدي يقدم نفسه و يقول هو بيحب أيه
( ما تستغربوش يا جماعة اصل في دكتور دخلنا و طلب من كل واحد فينا انه يقدم نفسه و يقول هو بيحب أيه و طبعا كان في أجابات تموت من الضحك بس كويس اني ما كنتش هناك اليوم ده )

اة واللة كان يوم لذيذ وسمعنا فى كلام يهلك من الضحك على الى جابوا بس انا عن نفسى مش جاوبت
بس هنا هجاوب انا طالبة فى الفرقة التانية اكتر اكلة انا بحبها هى البيتزا واكتر لون انا بحبة هو الروز بس
الى بعدى يعرف نفسة هو كمان

انا ف سنة 5 وبحب مكرونة بالباشميل وبحب اللون الموف ها واللي بعدي

دا دكتور مين العسل دا
انا لو كنت هناك مش كنت هعرف اقول حاجه
انا باه اسمي لولا الاكله اللي بحبها هيه الباميا
واللون المفضل حاليا الاسود والهوايه هيه الغنا
بيقولو اني صوتي حلو بس سواء كان كدا ولا لا
انا بحب اعبر عن اللي جوايا بالغنا كل الناس
اللي بتشوفني لاول مره بيقولو عليا مغروره مش عارفه ليه
بس لما بيعرفوني كويس بيغيرو رأيهم اكتر حاجه تضايقني
اللت والعجن والكلام اللي مالهوش لازمه
واكتر حاجه تفرحني اني افهم حد قدامي صعب فهمه
احلي صفه فيا اني بسمع اللي قدامي للاخر واوحش صفه
اني بتعصب بسرعه ليه ماعرفش
بتمني اسعد امي واتمني ان بابايا يكون مات وهوه راضي عني
ماعلش طولت عليكو سوري جدا

السؤال
مين اكتر شخص مرتاح له علي المنتدي حتي لو مش تعرفه شخصيا

بصراحه كنت ارتاحت لناس وبعدين غيرت رايى فيهم


بس اكتر شخصيه بتعجبنى وبحس انه هادى ومحترم وحساس

اما
كلامى مش كتير معاه بس هو محترم جداااااا وبرتاحله زى اخويا وبحس انى بتمناله ربنا يوفقه وينوله اللى فى باله
لله فى لله كده
ربنا يوفقه يارب ويوفق الجميع
زفى ناس تانيه برضو هما الريدى اخواتى

نفس السؤال للى بعدى

عاشقة الفردوس مفيش كلام وخصوصا اني اتعرفت عليها شخصيا ها واللي بعدي

اخدتيها منى انجلينا انا كمان برتاح لعاشقة الفردوس وكمان انتيمتى شهرزاد
الى بعدى اية نظامة

الله يخليكم ده بس من ذوءكم والله د انتو اللى عسل

انا اعرف بنات كتير هنا وكلهم اخواتى وبحبهم كلهم
زى انجلينا وامورا ومرمر وايمى وملاك وشرويت ورودينا كلهم اخواتى بجد

ومن الشباب فى ناس كتير اسلوبهم كويس زى اما وتربل

وربنا يكرم الجميع

سؤالى
ايه اكتر حاجه ممكن تضايقك من اعز الناس اليك؟

انها متكونشى امينة عليا وعلى اسرارى وانها تفهمنى غلط بس بصراحة هى مش كدة خالص بالعكس هى تعرف عنى كل حاجة وامينة عليها جدا ودايما بتقف جنبى اما بكون مضايقة ودة اغلب الوقت يعنى . هى بجد بعتبرها زى اختى مع ان مش عندى اخوات بنات؟لو محتار بين امرين امر يطمنك وامر يريحك تختار اية؟(معلش ممكن يكون السؤال مش مفهوم اوى بس حاول تجاوب)

فعلا مش مفهوم

بس اكيد الحاجة اللي تريحني




نفس السؤال للي بعدي؟

السؤال فعلا مش مفهمو بس انا عن نفسى اختار الى يطمنى لان اهم حاجة انى اكون مطمنة وحاسة بالامان علشان انا ممكن اكون مرتاحة بس مش حاسة بالامان قوى
نشوف الى بعدى هيختار اية

أنا هختار الأمر الي يريحني



الي بعدي بيصلي بأنتظام ؟؟

اة الحمدللة
هل فى مرة حد بصلك بصة ضايقتك قوى ولية وانت اتصرفت ازاى

لا ماحصلتش معايا
نشوف الى بعدى حصلت معاة ولا لا

اه قريب و الله حصلت انا كنت بتفرج علي ماتش الاهلي الاخير ده في كافيتيريا انا و اصحابي و كان في واحد قاعد بيشجع جنبنا بس كان يموت من الضحك كل كورة تضيع للأهلي يقوم يخبط في الأرض و يقول كلام غريب كده . أنا طبعا كنت عمال أضحك و مش قادر امسك نفسي من الضحك عليه و هو عمال يبصلي كل اما اضحك

بس بصراحة لما كان بيبصلي ده ما ضايقنيش لأني انا الي غلطان طبعا
كل واحد يشجع زي ما هو عايز




أيه أكتر مكان نفسك تروحة ؟

بصراحة مش عارفه



اللى بعدى بقى عايز يروح فين

أي حتة بره مصر يا أنجل . مش محتاجة كلام دي



لو انت متضايق من حد بتروح تقوله انا مضايق منك ولا بتسيبه و المفروض هو يحس لوحده ؟؟؟

على حسب الشخص الى انا نتضايقة منة لو كان حد بحبة قوى هروح اقولة ساعتها لو كان حد مش يهمنى بكتفى بنظرة تخلية يكرهة اليوم الى ضايقنى فية بس على العموم اما بزعل بيبان عليا قوى
الى بعدى بيقول ولا بيعدى

انا بضايق الاول شويه صغيرين لو مافهمش بروح اقول وع العموم انا مبحبش ازعل من حد
ندمان من دخول الطب البيطري؟حاسس انك قصرت ولا النصيب؟

لا مش ندمانه
وحكايه التقصير دي باه اه قصرت شويه
نفس السؤال

لا الحمد لله هو انا زعلت في الاول شوية بس بعد شوية تقبلت الامر الواقع واتعملت معاه
بس انا كنت عارفة ان انا قصرت ويمكن ده اللي ساعدني علي تقبل الموضوع
اللي بعدي نفس السؤال

بصراحة انا مش ندمانة دة نصيبى واكيد رضيت على الاقل مش طلعت برة لقب دكتورة اما من ناحية قصرت فانا بالنسبة للى اصحابى حاكوهولى بالى كانوا بيعملوة فى المذاكرة يبقى انا بالنسبة لهم مش ذاكرت خالص والمفروض مش اكون معاهم فى مكان واحد خالص فالحمدللة
الى بعدى كان بيذاكر كتير فى الثانوية العامة

لا مش كنت بذاكر بطريقه جنونيه كده

بس كان فى المعقول
مذاكره مش كتير
بس كنت بحل امتحانات واسئله كتيييييييييييييييييييييييره جدااااااااااا

ايه هيا احلى مرحله مرت فيها فى حياتك
وليه اعتبرتها احلى مرحله

كل مرحلة ليها اللي بيميزها بس مرحلة الجامعه اهمهم لان الواحد فيها اتعلم كتير واستفاد خبرات اكتر

وقابل اصدقاء اكتر

نفس السؤال للي بعدي

اللعبه دى جميله قوى
واسمحولى العب معاكو
اكتر مرحله حبيتها هى الاعدادى
كنت شاطره قوى وبحب المذاكره وكل المدرسين بيحبونى ويهزرو معايا
اصل ماما كانت وكيله فى المدرسه
ههههههههههه

السؤال

لو قدامك قصه حب حقيقيه بس عارف ان نهايتها الفراق تبدأها ولا لأ

لا طبعا مش هبدأ . هصدم نفسي ليه طالما انا عارف ان الحكاية مش هتكمل . كمان انا مش بحب حكاية ان الواحد يتسلي و الكلام الفارغ الي بسمعه ده




الي بعدي مش عايز يحول من سكشنه ليه ؟؟؟ مع ان التغيير مطلوب برضه

انا مش عايزة احول لان سكشنى لذيذ بحبة بس مش عارفة لية التغير مطلوب مش فهماك يانو نيم هو انت المفروض تحول من سكشنك ولا اية

لا انا بهزر ع فكره . انا كمان مش عايز احول من سكشني بس حسيت ان الي بعدي عايز يحول . مش عارف ليه حسيت كده حاجة غريبة فعلا



مين الي جابلك هدية في عيد ميلادك الي فات ده ؟؟؟

اصحابى وزوج اختى ومحدش عبرنى من الناس الى معايا فى البيت ماما عملتلى حفلة صغيرة كدة
الى بعدى بقى مين جابلة

ما فيش غير اخويا الي افتكرني ربنا يكرمه

أما بقي بالنسبة لأصحابي فأحنا مش بنجيب لبعض هدايا أصل عيد ميلادنا كلنا في شهر واحد و الفرق ما بينا ايام كمان فمش معقول يعني اجيب هدية و بعد يومين ولا تلاتة يجي نفس صاحبي الي جبتله هدية من يومين يجيبلي هو كمان هدية . هي مراجيح بقي ولا ايه . احنا نقصر و ما نجبش لبعض حاجة و خلاص كفاية اننا كل يوم مع بعض اقولهم كل سنة و انتو طيبين و كان الله بالسر عليم



لو كنت تقدر تعرف الشخصية الحقيقية لواحد بس من الاعضاء ع المنتدي ده هيكون مين ؟؟؟؟؟