ملكة الاححساس علي كرسي الاعتراف

Dr. Jo MaNjY كتب:

يالا انا جايب حاجات بسيطه المره دى



ولسا التقيل جاى ورا
نظرتك للحياه ازاى ؟؟
lممكن تكون مختلفه شويه عن بعض الناس بس الاساس اني بصلها اننا راحلين عنها
يعني بحاول استغل كل وقتي واعمل حاجه مفيده تفيدني في اخرتي يعني الحياه بالنسبالي وسيله مش اكتر
وطريق بنختاره علشان نوصل للجنه صح فبحاول بكل الطرق اعيش الحياه بحيث ربنا يكون راضي عني وبجاهد نفسي علشان الغلط ميكونش كتير في حياتي

حالك مع الناس ايه ؟؟
الحمد لله انا كويسه مع الناس ومحبتهم دي اغلي حاجه في حياتي
وبعرف اتعامل مع كل الناس الحلو والوحش يعني الحمد لله الكل بيسترحلي
باخد علي الناس بسرعه بس بضايق لو حد فهمني غلط وميكونش اقصدي
و
أكتر حاجه بتشكى منها هى ايه ؟؟
ظلم الناس
وكمان المعامله بين الناس بقت وحشه
كل واحد بقي يفكر في نفسه وبس ومحدش بقي بيفكر في غيره

أكتر حاجه بتحبى تعمليها عشان ترتاحى فيها ايه ؟؟
بصراحه مش فهمك قصدك ايه ممكن توضح السؤال اكتر

أقرب حد ليكى مين؟؟
ربنا
أبعد حد منك مين ؟؟
اللي بيبعدوا عني
تقولى ايه لحد جرحك؟؟
ضيعت وقتي معاك
وتقولى ايه لحد فرحك ؟؟
شكرا ليك وعمري ماهنسي معروفك ده
بعد تجربتك فى الكليه الفتره اللى قضتيها
ايه اللى عجبك وايه اللى معجبكيش ؟؟
اللي عجبني الدكاتره وقربهم لينا يعني مفيش مشكله لو حد طلب مساعدتهم
طبعا الامكانيات ضعيفه
فيه مواد كتير بنتظلم فيها
عدم تقدير في بعض الاحيان للطلبه
مافيش اي نشاط ممكن الواحد يطلع طاقته فيها
خمول تام وبصراحه حسيت اني كنت في مدرسه مش جامعه
وما بعد الكليه نفسك تعملى ايه (طموحاتك ) ؟؟
نفسي افيد الناس بالعلم اللي اتعلمته واقدر اقدم رساله للاسلام والمسلمين
واغير فكره الناس عن الدكتور البيطري ويبقي دكتور زيه زي الدكتور البشري الكل يقدره ويحترمهيالا كدا كويس هحضر شويه غيرهم وارجعلك

على الله مكنش تقلت

LiTo كتب:

ايه ياملكة المنتدى انا جيت

ايه اخبارك مع الطبخ بتعرفي تطبخي؟
انا الحمد لله بعرف اعمل اكلات حلوه كتير
محشي ومكرونه وطبيخ بكل انواعه يعني الحمد لله
الطبيخ اي حد ما معايا كويس

ايه اجمل يوم ليكي في كليتنا؟
في ايام كتير كانت حلوه
منها يوم نتيجه سنه خامسه الترم الاول جبت نتيجه حلوه اوي مكنتش متوقعها انا واصحابي وكنا مبسوطين اوي وحضنا بعض جامده وكان يوم
يوم حفله التخرج وايام تانيه كتير

بتشجعي الاهلي ولا الزمالك؟
الزمالك
لو جالك فرصة عمل برة ممكن تسافري ولا؟
لا علشان السفر صعب للبنات شويه

واحشاكي ايام الكلية ولا؟
جدااااااااااااااااااا
وحشنا المدرج
واصحابي كلهم
والدكاتره بجد مش هتحسوا بكده غير لما تخلصوا
لان المسئوليه بقيت اصعب بعد التخرج

بس كد يا ملكة المنتدى ويارب اكووون خفيف الظل عليكي