مايك المنتدي

من طرف **dr:sniper** السبت سبتمبر 18, 2010 9:34 am

تذكير بمساهمة فاتح الموضوع :

لكــــــل عضو .. صوت .. لابد أن يـُـــــــــسمع ..

ونحــــن كأخوة .. هنا .. في :+:منتدى نكست فيت:+:

من واجبنا .. أن نستمع لبعضنا ..!

+ ومن هذا المنطلـــق +

برزت فكـرة " مايـــك المنتدي"..

لذا .. سيحــق .. في كل يـــــــومين ... لعضو واحـــــد فقط

أن يتملك المايك .. ويفصح من خلاله .. عما يريد قوله ..!

قواعـــــــد المايك ..

1) للعضـــــــو + صاحب المايك + :

لك أن تقول ما يحلو لك .. ( قصة ++ تعرف بذاتك لنا ++ او اي شي يتناسب

وطروحات منتدانا المحترم** ) ..

ولكن الأهم أن تبدي رأيك اولاً في المنتدي

تالياً في أعضاء المنتدي بذكر إسم الأعضاء الذين تعرفهم ومواصفاتهم
ولك أن تجمعهم كلـــــــهم ..

فشعارنا هنا .. ((مــن قــدك المايك بيدك ))

2) للأعضــــــاء

عـــــدم مقاطعة العضــــــو بالردود " يعني .. ممنوع أي أحــد يرد ..
على الموضوع .. قبل مايقول

العضو اللي معه المايك .. (( انتهيت ))

ومن بعدة الكل يقول رايه

وذلك لإعطاء حرية أكبر .. للعضو .. في قول مايريد وبدون بلبلة .. أو " دوشه " ..

لأنه مدة استلامه للمايك يومين فقط ...كما ذكرت سابقا ....

مـــــــلاحظــــة:

على العضو بعد إن ينتهي من المايك أن يسلمه لعضو آخر

وإن يرسل رسالة خاصه له ليبلغه بذلك .. وهكذا
سنبدأ بالعضو أو المشرف

إستلم مايكـ المنتدي ولا تنسى إختيار العضو الذي سيليك ولكن بعد يومين
وانا بالنسبة لي ابدأ

بــــ امورة

من طرف **dr:sniper** الإثنين سبتمبر 27, 2010 2:46 pm

اذكري نماذج

اولا انا بقول فشات تنجح زي الرجل

مش كلهم فشلة يعني

وبعدين هي بتتحمل المسؤلية بعد موت جوزها برضه مش كله

وبرضه فيه رجاله بتتحمل برده

انا بتكلم ف حاجه تانية يعني دلوقتي المراة دخلت مجال جديد زي القضاء مثلا المفروض بقي تثبت نفسها مش يكتفوا بالتمثيل المشرف

وكمان ليها الحق ف الوزارة اكيد لو فيه حد ينفع كانو اختاروا منهم

لكن زي ما قلت فاشلييييييييييييين

من طرف **emy** الإثنين سبتمبر 27, 2010 4:44 pm

ربنا يسامحك
بس خد بالك من كلامك
انك خليت كلامك شامل على كل الستات
يعنى كل الستات دخلت مجال الفضاء والوزارات وماشابه
اولا مش كل النساء بتحاول تتقمص دور مش دورها
يعنى لما النوع ده يفشل يبقى يستاهل
بس دول قله قليله جداااااااا
مش ينفع نحطهم مقياس او الاستندر اللى هنقيس عليه
وبعدين مين قالك انهم فشلو دول حتى نجحوا فى اللى ملهمش فيه
انت مشفتش وزيره القوى العامله
ولا رئيسه جامعه الاسكندريه اللى هيا الجامعه اللى ليها ترتيب على مستوى العالم
صحيح هما قله
بس شوف
فى رئيس جامعه فى مصر راجل حقق اللى رئيسه الجامعه عملته
تؤ تؤ تؤ تؤ
مفيش فايده
بعدين الاسلام احل للمراه التعليم والعمل بضوابط
ومقالش عليها انها فاشله
متجيش انت وتقول انها فاشله
وبعدين بص كده فى معظم بيوتنا
البنت بتبقى كليه عاليه
طب
صيدله
وما شابه
والواد احيانا يمكن يكون ناجح او الله اعلم
مش كل البنات كده برضو عشان الحياديه
بس انا شفت كده مع معظم الناس

اما بقى بالنسبه للنماذج اللى عايزنى اذكرها فى الكلام اللى كنت قولته
انت ادرى منى
ابقى بص كده فى قريتك انت وهتشوف كتييييييييييييييييير اوى ستات لو شوفت قصه صبرهم وتحملهم
هتتحنى ليهم احتراما واجلالا
والله دى حقيقه
متجادلش فى حاجه انت مقتنع بيها

منتظره باقى الفاصل لو فى

يلا عشان اشوف انقل المايك لحد تانى

المايك عمر معايا كتير كده

بس ياريد تطلع كل الاسئله وبمنطقيه
فى النهايه
اذكرك انك متشملش الكثره بالقله

من طرف **dr:sniper** الإثنين سبتمبر 27, 2010 10:28 pm

اوووووك علي فكرة انا معاكي

بحترم عمل المراة لكن بضوابط

وانتي كمان معايا اللي نجحوا قلة

ربنا يخليلنا الستات احنا لينا غيرهم

المايك بقي انقلية لاي حد براحتك

بس تبلغية

من طرف **emy** الإثنين سبتمبر 27, 2010 10:40 pm

ماشى سنيبر

كويس تقدم للامام بتاع تلت خطوات كده

حلوين اوى

عايزه انهى بقى الحرب
قصدى الحفله اللى كنا فيها

واشكركطم لحسن استماعكم
دمتم فى رعايه الله
المهم احب اذكر بعض الناس اللى كلمتهم بس مش كتير وعجبونى اوى
وهم رحماك
وسم سم فيت

وناس كتير

يارب يكون الكلام عجبكم

ويشرفنا فى المايك

دكتر تربل
يلا ياجماعه حيوه واستقبلوه
وظبطوه كده فى اسئلتكطم
بس بعد مايخلص كلام

سلااااااااااااام

من طرف **dr:sniper** الإثنين سبتمبر 27, 2010 10:57 pm

اهلا بيك تربل منتظرينك يا جميل

من طرف **triple A** الثلاثاء سبتمبر 28, 2010 10:06 pm

بسم الله الرحمن الرحيم
اولا هنبدا بالمنتدي :-

المنتدي من رايي جميل جدا وكانت فكره جميله من سنيبر لما فكر في انشائه
وكفايه روح الاخوه اللي احنا بنعيشها مع بعض عالمنتدي هنا بغض النظر عن بعض التجاوزات من بعض الاشخاص

* اما كلامي عن نفسي بقه :-

الفقير الي الله احمد
طالب بالفرقه الخامسه
اكتر حاجه دايما بفكر فيها هو ارضاء ربنا
اكتر حاجه بحبها هي تلاوة القران الكريم ونفسي اكون قارئ قران
كمان بحب ادخل المطبخ واساعد ماما مع اني ولد وكمان بحب الطبيخ
وكمان بحب اشتغل في البيطري وكمان بعشق الشغل فيه

واكتر حاجه بتسعدني لما بعالج حاله واكون سبب ان ربنا يشفيها وقتها بحس بقيمتي وان انا فعلا صاحب رساله في الحياه

اكتر حاجه بكرهها لما حد يكون قريب مني او حتي صاحبي ويجرحني او يزعل مني

مش بحب كمان اسمع الاغاني ده مش معناه اني متعصب

مش بحب ازعل حد

بحب كمان الضحك والهزار وده اكتر حاجه بتميزني في العيله او بين صحابي واحب خفة الدم

***ندخل بقه عالاعضاء :-

عمنا سنيبر
انا بحبه من قبل المنتدي ده ميتعمل مع اني مش بقدر افهم اللي في دماغه

امورا وسامو وايمي ود/بيرو وفالكون وعماد حمدي ومحمود عامر وعاشقة الفردوس ورحماك ربي وروني دول كلهم في مكانة اخواتي وفعلا ناس قمه في الزوق

وعلي فكره كلهم اعرفهم واعرف اسمائهم الحقيقيه ماعدا ايمي وكلهم ناس قمه في الزوق

من طرف **dr:sniper** الثلاثاء سبتمبر 28, 2010 10:58 pm

triple A كتب:
عمنا سنيبر
انا بحبه من قبل المنتدي ده ميتعمل مع اني مش بقدر افهم اللي في دماغه

ماشي يا عمنا ربنا يخليك وانت عارف انا بحبك قد ايه حتة تفهم دماغي دي لسه بدري عليها لما تكبر شوية هههههه

كمل قي يا زعيم

هوياتك

كتر حاجه بتحبها

رايك برده ف المراة

حبيت قبل كده ولا لا

غاية طموحاتك ايه؟

من طرف **amora** الثلاثاء سبتمبر 28, 2010 11:37 pm

ههههههههههههههههههههههههههه
عارفنا ازاي بقي يا دكتور تربل ؟
ههههههههههههههههههههههههههه
هو دا سوالي

من طرف **emy** الأربعاء سبتمبر 29, 2010 3:37 pm

منور تربل
المايك فرحان بوجودك
ملرسى جداااااااااا

منتظرين الاجابات

وباقى الكلام
تقريبا مقولتش حاجه

من طرف **VET NONA** السبت أكتوبر 02, 2010 12:02 am

موضوع جميل جدا

منتظرين د تربل

من طرف **the whale** الأربعاء أكتوبر 06, 2010 10:43 am

السلام عليكم

والله موضوع جميل جدا يا امجد

بس انت يا معفن ازاي متقوليش على الموضوع ده

انا really زعلان منك جدا

وهوريك لما اشوفك في الكليه

من طرف **emy** الأربعاء أكتوبر 06, 2010 11:06 am

هههههههههههههههههههههههههههههه

تربل شكله سافر ولا ايه
منتظرين الاجابات

من طرف **dr:sniper** الأربعاء أكتوبر 06, 2010 12:58 pm

لا طبعا ما اقدرش علي زعلك

وبنعتذر للتربل عنده مشكلة في النت

وننقال المايك

للحوت يالا يا برنس ورينا هتقول ايه

من طرف **the whale** الأربعاء أكتوبر 06, 2010 5:21 pm

ههههههههههههههههههههههههه

من طرف **the whale** الأربعاء أكتوبر 06, 2010 5:24 pm

على فكره النت عندي معفن جدا جدا

بس يا امجد انا زعلان منك

ومش هرد دلوقتي

مش المايك معايا

استنى بقا؟...............

ههههههههههههه

من طرف **dr:sniper** الأربعاء أكتوبر 06, 2010 5:39 pm

هستنااااااااااااااااك

اما نشوف اخرتها معاك

بس متفكرش نفسك مطرب يعني ولا حاجة

انجز يعني

من طرف **the whale** الأربعاء أكتوبر 06, 2010 6:23 pm

على فكره انا براحتي

ولا عندك اعتراااااااااااااااااااااض

لو فيه عرفني

من طرف **the whale** الأربعاء أكتوبر 06, 2010 6:32 pm

السلام عليكم

اولا ... زي ما مطلوب رأيي في المنتدى

واظن ان الكل متفقين على ان المنتدى ده من اروع المنتديات الموجوده

واللي واحد دخل عليها

ويعتبر الاروع بالنسبه ليه مع منتدى بحر التوبه

ومعظم الوقت اللي بكون فيه على النت بقضيه هنا

فالخلاصه ان المنتدى ده is the best

من طرف **the whale** الأربعاء أكتوبر 06, 2010 6:45 pm

ثانيا............

اعرفكم عن نفسي

ولا اقولكم انا مش محتاج تعريف

انا الحووووووووووووووووووووووووووووووووووت

يعني تمشي في اي مكان في المنوفيه او في طب بيطري تسأل الحوت مين هيقولولك انه الحوووووووووووووووت

هههههههههههههههههههههههههههههههههههههههههههههههههههه

المهم برده اننا نكون احسن وطالما اني رضيت اشترك في الموضوع ده فيجب ان التزم بشروطه

ماشي
وبرده نقول عشان الناس اللي من بره مصر او من كوكب المريخ اللي ميرفنييييييييييييييس

ههههههههههههههههههههههههههه

اخوكم في الله ,, احمد زهدي السعدني

الفرقه الخامسه

من منوف

كليه طب بيطري السادات

وده فخر ليه زي مهو فخر لكل واحد انه يكون بيطري
وكمااااااااااااااااااان بيطري السادات

بس مش عارف اقول ايه تاني

ايوه بالنسبه للاعضاء

ففعلا موجود هنا معانا اصحاب جمال جدا وفعلا اصحاب بجد مش مصالح ( يا رب مكنش مخدوع بحد)

وعشان منساش حد فانا من رايي ان الناس هنا كويسين جدا
من كل الدفعااااااااااااااااااااااات

واحنا برده اخواتكم الكبار في الكليه لو احتجتم اي حاجه من اي حد او دكتور او الوكيل او العميد حتى

هكون سعيد بكده وفي خدمتكم
وصدقوني هنعرف نجيبلكم اللي انتوا عاوزينه

المهم نرجع لمرجوعنا

لو احتجتم حاجه اطلبوها من الحوووووووووووووووووووووووووووووووووووووووووووووت

اشهر شخصيه في طب بيطري

وانا جاهز عشان اقبل الانتقاداااااااااااااااااااااااااااااااات

من طرف **emy** الأربعاء أكتوبر 06, 2010 7:30 pm

غريبه عمرى عمرى ما سمعت عنك ابل كده
مع انى من المنوفيه مش من المريخ

معلش العتب ع النظر

بجد منور المايك

ندخل بقى ع شويه اسئله

كمان شويه

من طرف **dr:sniper** الأربعاء أكتوبر 06, 2010 8:48 pm

يالا يا ايمي بسرعه عايز اسال شوية

خلاص سنيبر اسال انت
وهيا لما ترجع تبقى تسال

من طرف **emy** الأربعاء أكتوبر 06, 2010 10:51 pm

خلاص سنيبر متزعلش

نسال شويه بقى

whale
هسالك شويه اسئله بس الاول كده تقولنا رايك فى الاعضاء او على الاقل شويه منهم
وشويه اسئله بقى عن الاعضاء بس ده طبعا بعد ماتقول رايك فيهم تبقى ترد

يعنى مين اكتر عضو انت تعرفه من المنتدى واصدقاء وبتحبه حب فى الله مش لاسباب تانيه

اكتر مره حسيت فيها بالسعاده يعنى الدنيا مش سيعاك من الفرحه؟؟

اكتر مره حسيت فيها بالحزن لدرجه انك حسيت انك تعبان او مريض؟؟؟؟؟؟؟؟؟؟

تقول لمين انك اسف؟؟؟؟؟؟؟؟؟؟؟

مين اكتر حد جرحك
ومين اللى انت جرحته ومش ندمان على كده؟؟؟؟؟

اذا كانت الدنيا ثلاث
حب
مال
كرامه
ولديك اختيار واحد
ماذا تختار ولماذا؟؟؟؟؟؟؟؟؟؟؟؟

رد فعلك لما حد يشخت فيك او يهينك
فى حاله انه اكبر منك
وفى حاله انه فى سنك وانتو اصدقاء؟؟؟؟؟؟؟؟

تختار مين من اصدقائك
تعيشو مع بعض علطول
يعنى مش تفترقو
تشتغلو سوا وتسكنو حنب بعض وكده
؟؟؟؟؟؟؟؟؟؟؟؟؟؟؟؟؟؟

شكل المكان اللى تحب تعيش فيه متخيله ازاى؟؟؟؟؟؟؟؟

مواصفات البنت اللى نفسك ترتبط بيها؟؟؟؟؟؟؟؟؟؟
ولقيتها ولا لسه ؟؟؟؟؟؟

سورى طولت عليك
يارب الاسئله متكنش ضايقتك

كان فى اسئله كتير بس دول كفايه اوى

with
my best wishes

وربنا يوفقك

تحياتى

من طرف **the whale** الأربعاء أكتوبر 06, 2010 11:50 pm

السلام عليكم

باين الكل عاوز يسأل

بس ايمي مظبطاني

ايه يا ايمي ده كله
اسئله في الصميم

انتي متأكده انك معانا في بيطري ولا في الحقوق

انتي كنتي لازم تبقي مستشاره قانونيه
ههههههههههههههه

من طرف **the whale** الأربعاء أكتوبر 06, 2010 11:56 pm

بصي يا ستي

بالنسبه للأعضاء انا يمكن اعرف كل الولاد معرفه جامده جدا وبالذات اللي قريبين

يعني 3 و 4و5

يعني مثلا امجد انتيمي

وama و ساموووووو ولولو دول بقى المشكله روح الروح وحبايب السنين

triple برده هههههههههههههه والله راجل وحبيبي

انا كده ع فكره هنسى ناس كل الولاد يعتبروا

زيدان والشجااااااع والعفريت وزيزو برده بحبهم والله

اما بالنسبه بقا للجنس الاخر ( الجنس اللطيف) زي ما بيقولوا ..ههههههههههه

فمعرفه بسيطه ببعض اللي في دفعتي
يعني مجرد زماله

وبقيت البنات اللي هنا معرفه صحوبيه المنتدي وهما اخواتنا

من طرف **emy** الخميس أكتوبر 07, 2010 12:07 am

ماشى هنعديها فين بقى باقى الاسئله
والمهم انا مش حقوق ولا حاجه ولاحتى بيطرى
اكيد سمعت ابل كده ان انا فى صيدله

يلا بقى باقى الاجابات

من طرف **the whale** الخميس أكتوبر 07, 2010 12:14 am

بالنسبه بقا للاسئله

الاول ده بتاع افضل عضو هنا بحبه ف الله

فهما اكتر من واحد يعني مش هفضل حد عن بعض (صعب جدا)
بس هما انا قلت اساميهم لما اتكلمت عن الاعضاء..............

اكتر مره حسيت فيها بالسعاده لما حبيت بنت مؤدبه جدا ومش عارف اقول ايه
من الاخر لما كلمت البنت اللي تعتبر حب حياتي بالصدفه الجميله
(على فكره يا ايمي اسالتك رهيبه جدا وفي الصميم)

بالنسبه للحزن فده كتير

يعني لما توفي ابن خالتي الله يرحمه وهو صغير وعنده بنت ف الابتدائي
(انا لله وانا ايه راجعون)
وبرده لما انصدمت ف البنت اللي كنت بحبها وطلعت اني كنت فاهم الموضوع غلط

وبرده لما اصحابي كانوا مع بقيت الناس وظلموني في موقف هما ميعرفوش عنه حاجه
ولما دخلت الكليه في سنه اولى لاني كان نفسي ادخل فنيه عسكريه

من طرف **the whale** الخميس أكتوبر 07, 2010 12:16 am

اها ايمي مش معانا في بيطري

اول مره اسمع عن كده

وانا اقول الدماغ الرهيبه المتكلفه دي منيييييييييييييييييييييييين........

من طرف **the whale** الخميس أكتوبر 07, 2010 12:23 am

اقول لمين اني اسف

ممكن لبابا وماما لاني حاسس اني خذلتهم في حاجات كتيره رغم انهم مش مبينين كده

اما بقا بالنسبه للي جرحني
فهي البنت اللي كنت بحبها ومكنتش فاهمها صح
او بسبب حبي ليها عقلي مكنش بيفكر كويس في بعد كده

اما بقا للي انا جرحته ومش ندمان ع كده

فبجد مش عارف وانا الحمد لله مبجرحش حد وتوصل لدرجه اني حتى مندمش عليه...

اختار الحب

بس حب الله عزوجل وحب رسولنا الكريم صلى الله عليه وسلم قبل نفسي واهلي
لاني بالحب ده ربنا هيكرمني ف رزقي
وهاكون في اعلى قمم الكرامه
ان شاء الله ربنا يهدينا الى صراطه المستقيم

من طرف **emy** الخميس أكتوبر 07, 2010 12:32 am

ياسلااااااااااااااااااااااااام
ايه الاجابات دى
تعتبر من اكتر الناس الصريحه
وبتقول ان دماغى انا اللى متكلفه؟

مع ان فى شويه تحفظات بس حلو اوى كده

بس لسه فى اسئله تانيه انت مجاوبتش عليها
منتظرين كل شويه كده افكرك بالواجب بتاعك
؟؟؟؟؟؟؟؟؟؟؟؟؟؟؟

من طرف **the whale** الخميس أكتوبر 07, 2010 12:37 am

اما بقا بالنسبه لما حد يشخط فيه وهو اكبر مني
فانا بحاول جدا اني اتمالك نفسي وربنا يقدرني
واذا كان في عمري وكنا اصدقاء فبحاول اعديها واستحمل على قد كبير
وبدعي ربنا انه يجعلني من الغاظمين الغيظ
ويا بخت من بات مظلوووووووووووووووووووووووم

مين من اصدقائي اللي اختارهم جنبي فمش عارف اوي والله
سؤال محير جدا ويمكن ملهوش اجابه عندي

المكان اللي انا متخيله
بيت يكون مساحه كويسه وقدامه حته ارض ازرع فيها نباتات زينه
ويكون في منطقه حلوه
ويكون ساكن فيه معايا البنت اللي بحبها(او زوجه صالحه)

اما بقا مواصفات البنت
ملخصها انها تكون زوجه متدينه وجميله واسرتها تكون كويسه يعني نسبها كويس
والمال ده اخر حاجه ان شاء الله

اما بقا لقيتها ولا فمش عارف والله لسه اممممممممممممممم.......

واخيرا والحمد لله خلصت اسئله ايمي الصعبه جدا والمرهقه ذهنيا
والله يمكن تكون دي من اصعب الاسئله اللي عدت عليه

وان شاء الله اكون عند حسن ظنكم

وربنا يحبب فيه خلقه (ان شاء الله)

من طرف **the whale** الخميس أكتوبر 07, 2010 12:40 am

حرام عليكي والله يا ايمي

اسألتك دي مش معقوله

انتي دارسه علم نفس ولا ايه

وانتي بالله عليكي متسأليش تاني

انتي بهدلتي دماغي وتعبتيه لمده سنه قدام

ده انتي عديتي دكاتره الجامعه بامتحاناتهم

من طرف **emy** الخميس أكتوبر 07, 2010 12:47 am

ههههههههههههههههههههه
خلاص خلاص
مش هسال تانى

بس ياريت مش تتضايق من اسئلتى

انت كنت صريح الى حد كبير

وانا سعيده انى عملت حوار او اسئله معاك

ربنا يوفقك ويسعدك
ويرزقك الزوجه الصالحه
شوف بهدى نفسيتك اهه بصلح اللى عملته
لما نشوف بقى الباقين
ونشوف سنيبر

والله كان عندى اسئله كتيييييييييير
بس
كفايه كده انت تعبت

روح ناملك يومين بقى

من طرف **dr:sniper** الخميس أكتوبر 07, 2010 7:04 am

يا جامد انت يا جامد

ايه الحلاوة دي يا ولا

انت صراحة صعبت عليا نام يومين كده وانا هسال

اصل تموت مننا ولا حاجه

واطلع انا السبب

من طرف **the whale** الخميس أكتوبر 07, 2010 7:49 am

ههههههههههههههههههه

ماشي يا ست ايمي ربنا يخليكي لينا

بس اظن انك جبتي كل الاسئله التقيله اللي عندك

ولو عندك اي اسئله تانيه انا مستعد

وربنا يستر

وانتي والله منوره المنتدى معاناااااااااااااااااا

واحلى سلام طالع نازل لاحلى كليه في الجمهوريه

,,,,,,,,,,,,,((( الصيدليه ))),,,,,,,,,,,,,,,,,,,,,,,

من طرف **the whale** الخميس أكتوبر 07, 2010 7:51 am

وانت يا واد يا امجد

انا لسه على فكره زعلان منك

ويلا بقى ورينا اسئلتك الخفيفه

وبرده ابقى روح رد في لعبه الصراحه المعدله جدا جدا

من طرف **dr:sniper** الخميس أكتوبر 07, 2010 10:28 am

زعلان ليه بس؟

من طرف **triple A** الخميس أكتوبر 07, 2010 4:11 pm

بعتذر ياجماعه لعدم الرد

بس والله غصب عني

النت عندي فاصل

من طرف **dr:sniper** الخميس أكتوبر 07, 2010 11:41 pm

ولا يهمك يا زعيم

الجايات اكتر

من طرف **emy** الخميس أكتوبر 07, 2010 11:48 pm

والله مرسى ياحوت على الكلام ده
ومتشكره جدا لتحيه الكليه

ومش هسال تانى لانك تعبت اوى كده شوف انا حساسه ازى
وعلى فكره كان فى اسئله تقيله تانيه والله

بس كفايه كده
اصلك صعبت عليا

من طرف **emy** الخميس أكتوبر 07, 2010 11:51 pm

وبالنسبه لتربل ف ولا يهمك
اكيد فى مواضيع تانيه ولقاءات تانيه

وكنت منور المايك ع فكره رغم المده القصيره اللى مسكته فيها

السلام عليكم
اولا ولايهمك تربل انت كنت فعلا منور المايك بس كان نفسى تطول اكتر شويه عشان نعرف تسال يلا ربنا بيحبك
لانه انقذك من الشريره ايمى

ثانيا :الحووووووووووووت طبعا معاه المايك
المايك بيرحب بيك وبيقول اهلاوسهلا

ياريت تكون قمت بالسلامه من التعويذه اللى عملتها ايمى

ممكن اسال انا بقى شويه اسئله سهله اوى

اولا هسالك اسئله انا محتجاها ومكسله ادور عليها ياريت تختصر ليا الطريق
ايه هو الاسم التجارى للبروستاجلاندين والانتى هستامين والهستامين بالمره والبروجسترون

انت فعلا حابب انك فى طب بيطرى؟ وحابب مدينه السادات كمكان للكليه؟

ايه امنيتك فى الحياه عامه؟وايه الامنيه اللى بتتمناها دلوقتى؟

ايه اكتر حاجه بتحب تعملها؟او تفرحك اوى

هل ممكن تعيش نفسك فى حلم او تحلم بحاجه وانت عارف انها مش هتحصل لانك اصلا ماينفعش تعمله؟
يعنى مجرد انك بتحسس نفسك انك عايشه؟ولو فى ممكن تقولنا ايه هو الحلم ده؟

مين نفسك تكلمه حالا؟وتقوله ايه؟

كلها طبعا اسئله سهله اوى
ممكن بقى اسال سؤال رخم شويه بس حضرتك ليك حريه الرد على السؤال

حضرتك قولت انك حبيت واحده وبعد كده انصدمت وطلعت فاهم غلط
السؤال بقى
ياترى انت كنت واجهتا وبعدكده اكتشفت وعرفت منها الحقيقه؟ ولا اللى عرفته كان كلام من بره؟
يعنى هى عارفه وفاهمه اللى انت عارفه وفهمته؟
ياريت تكون فهمتنى او مش يكون سؤال هو اللى غلط؟

ايه رايك فى نظام كليتنا كتعامل الطلبه مع بعضها (صبيان وبنات)

برايك الشخصى اول ماتشوف واحده واقفه مع واحد فى الكليه ايه اول انطباع بتاخده؟وازاى بتحكم على البنت خاصه
(وطبعا الاغراض بتختلف)

وايه راى الشباب عامه فى حاجه زى كده؟

كفايه بقى كده اصلى انا اللى تعبت
يلا ورينا ردودك الحلوه
وياريت ماكنش تقلت عليك

من طرف **dr:sniper** الجمعة أكتوبر 08, 2010 6:45 am

هههههههههههههههه

جاوب يا ابو حميد

الناس هنا بتحبك قوي

متنساش بقي

تزودلنا هوياتك

تطلعاتك للمستقبل

كمان رايك في المرأة بصفه عامة

دور المرأة في المجتمع

حقوق المرأة؟

انت مقتنع بحق المرأ ة في التعليم؟

طيب مقتنع بان الواحدة تتعلم وتبقي دكتورة مثلا ويجي جوزها يقدها في البيت؟ ده مش بيلغي شخصيتها؟

طيب انت اكيد هتعمل كده؟ ده بقي ليه ؟ علشان مش واثق فيها ولا علشان الفساد اللي ف البيئة او المجتمع؟

طبعا ما تنساش تقولنا اراءك واتجهاتك السياسية؟ وكمان الدينية؟

وكمان اية هي قمة التحدي بالنسبة ليك؟

يظهر انك انت كمان بتحبه اوى

وشكلك مهتم بدور المراه خالص

المهم فين ردودك ياحووووووووت احنا منتظرين

من طرف **dr:sniper** الجمعة أكتوبر 08, 2010 7:15 pm

يه يا حووووووووووت

انت طلعت بره الميا ولا ايه؟

من طرف **marmer** الجمعة أكتوبر 08, 2010 8:02 pm

والله العظيم حرام عليكم

ده انتقام ..... مش أسئلة

ولا انتم علشان كان معاكم المايك وقولتم مش هيجيلكم تاني

ارحموا يا جدعان

ده أسئلة ايمي رحمة بقي

بالراحة شوية

ربنا معاك يا حوت

الصراحة انت مش محتاج حد يضيف أسئلة تاني

ده انت استلمت عدد من الاسئلة كافي للقاءات 10 سنين قدام

الله معكـ ..... وربنا ع الظالم و المفتري

من طرف **the whale** الجمعة أكتوبر 08, 2010 8:34 pm

السلام عليكم

ازيكوا يا جماعه منوريييييييييييييييييييييين

معلش ع التأخيرررررررررررررررررررررررررر

وربنا يستر بقا

من طرف **the whale** الجمعة أكتوبر 08, 2010 8:42 pm

ماشي يا دك. ايمي

وشكرا يا ستي على زوقك

نجي بقا للشغل الجامد والدك. عاشقه الفردوس

وربنا يبلغك يا ستي الفردوس

ونكون كلنا معاكي

من طرف **the whale** الجمعة أكتوبر 08, 2010 11:49 pm

السلام عليكم

بصي بقا يا عاشقه الفردوس
انا دماغي وقفت لسنتين زي ما شفتوا اللي ايمي عملته

فمش فاضيه تسترجع البرستا جلاندين واللي مش عارف ايه كده ميييييييييييين

فكك من ده كله

الحاجات دي سهله

ههههههههههههههه

نجي بقا للتقيل

بصي بقا بالنسبه للبيطري دي ففي الاول كنت زعلان جدا لاني كنت نفسي في الفنيه العسكريه
بس دلوقتي الحمد لله بحبها جدا ووالله بعتبرها احسن من البشري بكتيييييييييييييييييييييييييييييييير

وانا فعلا حابب مدينه السادات جد ا جدا جدا ر غم ان الدكاتره هنا صعبين جدا
ومفيش درجات زي الكليات البيطري التانيه
بس والله السادات جميله ونفسي اسكن فيها

من طرف **the whale** الجمعة أكتوبر 08, 2010 11:58 pm

امنيتي ف الحياه اني ارضي ربنا ويكون بابا وماما راضين عني

اما الامنيه اللي بتمناها دلوقتي اني الاقي الزوجه الصالحه ( ادعيلي بقا )

اكتر حاجه بتفرحني اني اقعد مع بابا وماما واخواتي ونقعد نهزر ونضحك كلنا وننسى الدنيا
واكتر حاجه بحب اعملها اني لو حد طلب مني حاجه نفسي البيهاله وربنا يقدرني

ممكن حكايه الحلم دي
يعني بحلم دلوقتي اني اخد حبيبتي ونروح انا وهي القمر ونقعد هناك لوحدنا
وطبعا ده حلم مستحيل
(مش حكايهالقمر بس حكايه حبيبتي) ..........زهههههههههههههههههه

ع فكره انتي ظبطتيني باسلتك دي

حرااااااااااااااااااااااااااااااااااام عليكم

من طرف **emy** السبت أكتوبر 09, 2010 12:25 am

ههههههههههههههههههههههههههههههه
القمر؟؟؟؟؟؟؟؟؟؟
ههههههههههههههههههههههه
ماشى والله انت دماغك عاليه اوىىىى

وبعدين مالها ايمى ان شاء الله هيا عملتلك حاجه امال بقى لو كانت دماغى فايقه ورايقه كنت عملت ايه

متتلكيكش وتاخدنى حجه
وجاوبلهم ع اسئلتهم

دانت شكلك هتتكيف هنا ان شاء الله
ومتتلكيكش تانى علشان مرجعش فى كلامى واكمل اسئلتى اللى هتحلف بيها طول عمرك

واياك ثم اياك انك تقول على المراه انها فاشله

ماشى