مايك المنتدي

من طرف **dr:sniper** السبت سبتمبر 18, 2010 9:34 am

تذكير بمساهمة فاتح الموضوع :

لكــــــل عضو .. صوت .. لابد أن يـُـــــــــسمع ..

ونحــــن كأخوة .. هنا .. في :+:منتدى نكست فيت:+:

من واجبنا .. أن نستمع لبعضنا ..!

+ ومن هذا المنطلـــق +

برزت فكـرة " مايـــك المنتدي"..

لذا .. سيحــق .. في كل يـــــــومين ... لعضو واحـــــد فقط

أن يتملك المايك .. ويفصح من خلاله .. عما يريد قوله ..!

قواعـــــــد المايك ..

1) للعضـــــــو + صاحب المايك + :

لك أن تقول ما يحلو لك .. ( قصة ++ تعرف بذاتك لنا ++ او اي شي يتناسب

وطروحات منتدانا المحترم** ) ..

ولكن الأهم أن تبدي رأيك اولاً في المنتدي

تالياً في أعضاء المنتدي بذكر إسم الأعضاء الذين تعرفهم ومواصفاتهم
ولك أن تجمعهم كلـــــــهم ..

فشعارنا هنا .. ((مــن قــدك المايك بيدك ))

2) للأعضــــــاء

عـــــدم مقاطعة العضــــــو بالردود " يعني .. ممنوع أي أحــد يرد ..
على الموضوع .. قبل مايقول

العضو اللي معه المايك .. (( انتهيت ))

ومن بعدة الكل يقول رايه

وذلك لإعطاء حرية أكبر .. للعضو .. في قول مايريد وبدون بلبلة .. أو " دوشه " ..

لأنه مدة استلامه للمايك يومين فقط ...كما ذكرت سابقا ....

مـــــــلاحظــــة:

على العضو بعد إن ينتهي من المايك أن يسلمه لعضو آخر

وإن يرسل رسالة خاصه له ليبلغه بذلك .. وهكذا
سنبدأ بالعضو أو المشرف

إستلم مايكـ المنتدي ولا تنسى إختيار العضو الذي سيليك ولكن بعد يومين
وانا بالنسبة لي ابدأ

بــــ امورة

من طرف **AMA** الأربعاء نوفمبر 24, 2010 7:49 pm

نكمل الاسئله بقا
بسم الله
كلمـــة تمنيـــــت ان تسـتطيـــع سحـبهــــا؟!؟
آخـر شخـــص تتـــذكــــره قبـــل أن تنـــــام؟!؟
جــريمــة تتمنـــي لـــو تستطيـــع ارتكابهــــا؟!؟
دمـعـــه انـذرفــــت رغـمــاً عنـــك؟!؟
شــئ او شخــص غيــّر مجــري حياتـــك؟!؟
حلم لا تستطيـــع تحقيقه؟!؟
-كلمة تود سماعها كل يوم؟!؟
القمر-الشمس-النجوم...........ايهم تفضل والسبب؟!

من طرف **tota** الخميس نوفمبر 25, 2010 8:56 am

انا؟؟؟؟؟؟؟؟؟؟؟؟؟

دة انا غلبان هههههههههههههههههه

اية يا اما الاسئلة العجيبة دى هحاول اجاوب وامرى الى الله

هههههههههههههههههههههههه

كلمـــة تمنيـــــت ان تسـتطيـــع سحـبهــــا؟!؟

ولا اى كلمة انا اى كلمة بقولها ببقى ادها ولو حتى هتودينى ف داهية وعمرى ما بندم على اى حاجة عملتها او اتراجع عن اى حاجة قولتها

آخـر شخـــص تتـــذكــــره قبـــل أن تنـــــام؟!؟

مش حد معين زى ما قولت قبل كدة بس يعنى بفكر ف الدنيا بشكل عام وزى ما قولت لو اى موقف حصل بينى وبين حد بعيد تفاصيلة مليون مرة لحد ما انام

جــريمــة تتمنـــي لـــو تستطيـــع ارتكابهــــا؟!؟

افجر دفعتنا وهيبقى ليا الاجر والثواب عند الله ههههههههههههههههه

دمـعـــه انـذرفــــت رغـمــاً عنـــك؟!؟

لا ان كان ع الدموع كتييييييييييييييييييير دة انا لو اتفرجت على فليم بعيط ف مشاهد كتير

شــئ او شخــص غيــّر مجــري حياتـــك؟!؟

دخولى بيطرى خلانى مش عارفة انا هعمل اية بعد ما كنت مرتبة دنيتى ف دماغى وانا ف ثانوى وطبعا بيطرى لخبطلى كل الموازين ههههههههههههههه

حلم لا تستطيـــع تحقيقه؟!؟

طبعا انى مدخلش بيطرى لو ف ايدى كنت دخلت تربية انجليش او اقتصاد منزلى ههههههههه اة والله دى حقيقة

-كلمة تود سماعها كل يوم؟!؟

يقولولى انتى نجحتى واخيرا هتتخرجى من بيطرى والله انا جاية غلطة انا كل اصحابى اداب وتربية وتجارة والحياة دى ولحد دلوقتى ف ناس اصحابى ف كليات تانية ف السادات بيفتكرونى سياحة هههههههههههههه

بس نفسى ما اسمعش كلمة ذاكرى والله تعبت من الكلمة دى بتتقالى بمعدل 50 مرة ف الدقيقة هههههههههه

كل لما حد يشوفنى يقولى ذاكرى دة وصلت ان بتوع سياحة بيقولوى ذاكرى حرررررررررررررررررررررام ارحمونى بقى

القمر-الشمس-النجوم...........ايهم تفضل والسبب؟!

الشمس انا بحب الشمس جدا وعلى فكرة انا لو ف يوم الشمس مش طلعت بيكون عندى اكتئاب وبحس ان مودى مش متظبط خالص

فنيييييييييييييييييييييش

تــــــــــــــــــــــــــــوتــــــــــــــــــــــــــــــــا

_________________

من طرف **emy** الخميس نوفمبر 25, 2010 6:14 pm

توتاااااا
برااااااافووووووووووو
اعلى واجمد تصقيفه

من طرف **AMA** الجمعة نوفمبر 26, 2010 8:08 pm

يلا يا توووووووتا ما تسيبي المايك لحد تاااااااااااني

ولا انتي استحليتيه خلاص كفايه عليكي كدا

من طرف **شرويت** الخميس ديسمبر 02, 2010 11:07 pm

جامدة ياتوتا واللة رفعتى راسنا كلنا
اجمل من كدة اجابات مافيش

جااامد والله ياتوتا
انتى نورتى المايك بس هو اشتكى بصراحه
يلا سلميه لحد عشان الناس دى تظبطه

من طرف **RONY** الأحد ديسمبر 05, 2010 12:53 pm

توتا بتقولكو سوري يا جماعه هي مش قادره تدخل عشان الرويتر بتاعها بايظ

وبتقولكم انها عاوزه تخلع من زمان من المايك

بس محتاره تديه لمين

وبتقولك يا امااااااا هي تنور المايك حتي لو بقيت فيه سنتين

هههههههههههههه

وهتدي الماااااااااااااااااااااااااااايك

ل عاشقه

ههههههههههههههههه

علشان هي خلعت قبل كده

يلا مش ليكي حجه يا عاشقه

تـــــــــــــــــــــوتـــــــــــــــــــــا

من طرف **AMA** الإثنين ديسمبر 06, 2010 6:31 pm

يلا عاااااااااااااااااااااااااااااااااااشقه ابدأئي بالتعريف عن نفسك

عشاااااااااااان نبدأ احنا نسأل بقا

من طرف **amora** الإثنين ديسمبر 06, 2010 6:51 pm

مش معقووووووووووووووووووووووووووول

حبيبة قلبي عاشقه

منوره الدنيا كلها يا ست الكل والله

يلا انتي فين

ابدئي واي حد يزعلك قوليلي

وانا معاكي علي الخط

من طرف **AMA** الثلاثاء ديسمبر 07, 2010 10:41 pm

فين عااااااااااااااااااااااااااااشقه يا جمااااااااااااااااعه

حد يدور عليها ويناديها ويقولها اننا هنا مسنتينها

من طرف **the whale** الجمعة ديسمبر 10, 2010 1:21 pm

الحووووووووووت نور المكاااااان

بس باين الحروب شغاله تمااااااام

ربنا يكون في عونك يا عاشقه

انا لسه يدوبك فايق من اخر مره كنت فيها في توبك الشعوزه ده

وانا جيت عشان اخد حقي

ههههههههههههههههههههههه

من طرف **tota** الأحد ديسمبر 12, 2010 9:09 am

انااااااا باااااااااااك يا شعب

بصو بقى عاشقة النت عندها بعافية شوية فهى مش هتقدر تاخد المايك

بس ف مشكلة بقى دلوقتى مين اللى هياخدة

حد يفكر معايا لان كل النا اللى هنا اخدوة قبل كدة طيب نعمل اية بقى دلوقتى

حد يفكر واللى يوصل لحد يبقى يقولى او انا مفوضة اى حد يدخل يدية لاى حد

عيشو

سلام

من طرف **the whale** الأحد ديسمبر 12, 2010 11:54 pm

انا هنا يا جماعه

وانا في المره بتاعتي مش انا اللي سلمته للي بعدي

المهم يعني ان توتا فوضت اي حد

وانا بعد اذنها واذن الكل

ناوي اسلم المايك ل

ل

ل

لولو

lolo

عشان هو مخدش المايك قبل كده

والواحد نفسه يظبطه شويه ويفك غموضه
يلا معايا
شجعوا لولو

يلا يا لولووووووووووووووووووووووووووووووو

من طرف **the whale** الأحد ديسمبر 12, 2010 11:56 pm

ادخل بقا اتكلم عن نفسك شويه

وحاول تسترخي واستلقى وعدك

ههههههههههههههههههههههههه

واجهزوا يا جماعه

ويلا يا اما عشان نظبط لولو

من طرف **lolo** الأربعاء ديسمبر 15, 2010 6:20 pm

هلا
شكرا زهدي على اعطائك الفرصه لي بس اعتقد ان انا صعب شويه عليك علشان تسألني اسأله محرجه خصوصا انا اخوك الكبير والعزيز عليك اوي ومش ههون عليك انشاء الله هكتب عن نفسي ومستني أسألتكم

من طرف **dr:sniper** الأربعاء ديسمبر 15, 2010 10:54 pm

منتظرين التعريف الاول

وبعد كده انتظر الترحيب الخاص بنا

واحلي قنبله فراغيه لدكتور لولو اللي منور المايك

من طرف **the whale** الأربعاء ديسمبر 15, 2010 11:30 pm

ايوه بقى يا لولو

بداناها تثبيت من الاول

انت طبعا حبيبي واخويه وووووووو

بس يا ريس انا هنا الحووووووووت

وميكلش معايا البوري
ههههههههههههههههههههه

ويلا بقى ارغي شويه عن نفسك

وعيشتك ف الكويييييييييت

هههههههههه

من طرف **lolo** الخميس ديسمبر 16, 2010 1:19 am

اشطه التريقه ياسنيبر

من طرف **lolo** الخميس ديسمبر 16, 2010 1:31 am

ابدأ بسم الله
انا لولو الفرقه الخامسه عندي 23 سنه من تلا محافظه المنوفيه عشت 18 سنه من عمري بالكويت درست هناك امركا سستم وجيت مصر دخلت طب بيطري عندي اخت وحده في بيطري وانا بحبها جدا وبحب ماما وبابا
اهاه اه مش عارف اقول اه تاني اه عرفت
بحب الخيل والكلاب اوي وبحب الصحراء
اكتر حجات بحب اكلها المأكلات البحريه والدجاج مش بحب اللحمه خالص
بحب الموسيقا الهاديه وبحب عربيتي جدا
بحب الحياه الهادئه الخاليه من المشاكل
هاااااا حد بقى عندو عروسه ليه
بحب السادات وبحب كليتي وبحب البيت بتاعي في العبور وبعشق بيت البلد
بحب صابي جدا محمد وأحمد وبسيوني وزهدي
طبعا امجد اخويا الصغير الي المفروض ان يبطل تريقه على الموضيع الي بكتبها

انا منتظر أسألتكم

من طرف **dr:sniper** الخميس ديسمبر 16, 2010 6:29 am

مش تريقة يا لولو والله

انت عارف بحبك يا ريس قد ايه

قولنا بقي يا ريس

امانيك في الحياة

خططت لمستقبلك ولا لسه

ناوي تشتغل ايه؟ ولا هتكمل دراسه؟ ولا هتسافر بره؟

نيجي بقي للحب؟
حبيت كام مرة؟ ومين هي سعيدة الحظ؟ وناوي تتجوز ولا؟؟؟؟؟؟؟

فاصل ونواصل

من طرف **tota** الخميس ديسمبر 16, 2010 6:29 pm

دكتور وليد منور المايك بجد

وعاوزة اقول يا جماعة بجد كلمة صراحة انى بحترم دكتور وليد جدا ومن اكتر الشخصيات اللى يعتمد عليها ف دفعتنا بجد

يلا انا هسيب الفرصة للحوت وسنيبر واما وسامو يقومو معاك بالواجب

وانا هقوم بدور المتفرج

منور يا دكتور

من طرف **dr:sniper** الخميس ديسمبر 16, 2010 7:03 pm

لا ولا وكلا لازم يا توتا تشاركي معانا

وبعدين وليد مش هيجاوب الا لما تحطي الاسئلة وكمان هو طالب انها تكون صعبه

نورت يادوك لولو المايك

استلقى وعدك بقى او اعمل زى واخلع

لا بجد انا اسفه ياجماعه غصب عنى

من طرف **dr:sniper** الجمعة ديسمبر 17, 2010 5:21 am

لا ولا يهمك يا عاشقة

الجاي اكتر ما تقلقيش

مسيرك هتتدبسي هتروحي فين يعني

هروح الامتحانومش هدخل تانى

من طرف **dr:sniper** الجمعة ديسمبر 17, 2010 2:21 pm

مش هتدخلي ليه مش ناوية تاخدي اجازة زينا

ولا فيه حد زعلك هنا

حد يزعلنى!!!

لا ماتخفش محدش يقدر يزعلنى لانهم كلهم اخواتى بس اطلع انت منها

ومين قلك انى بعد الامتحانات هكون لسه موجوده
انا ياما هتكل قبل الامتحان ياما هيجيلى سكته قلبيه فى الامتحان اوا نتحر بعد الامتحان

بس ده بعد مانعمل احلى واجب مع الدوك الكبير اللى منور المايك

اولا ازى حضرتك عامل ايه
ايه احساسك والمايك معاك
ايه رايك فى الاسئله بسيطه صح

ايه اللى بيفرج لولو وايه اللى يزعله؟

ماهو هدفك الاسمى فى الحياه؟

ماهو رايك فى المنتدى بصراحه ورايك فى الاعضاء (ايجابيات وسلبيات)؟
ما الذى يبكيك؟

ماهو الحلم الخيالى اللى بتحلم بيه؟

اول شئ تريد فعله بعد التخرج؟

ماذا يمثل لك المستقبل؟

وبس
كفايه عليك كده
لما نختبرك الاول

present

من طرف **lolo** السبت ديسمبر 18, 2010 1:26 pm

ينهار ابيض هو في اه وانا وقعت قي ايد رجال المخبرات
اولا بشكر توتا على الكلام الحلو ده ومستني اسألتك
واشكر سنيبر حبيب قلبيش
وبشكر عاشقه الفردوس
ش

من طرف **lolo** السبت ديسمبر 18, 2010 1:36 pm

ايه احساسك والمايك معاك الاجابه خوف من الاسئله المحرجه من ان الجأ للكذب علشان مجوبش بس انشاء الله هكون صادق
ايه رايك فى الاسئله بسيطه صح

ايه اللى بيفرج لولو وايه اللى يزعله؟
الي بيفرحني ان اشوف ماما وبابا واختي والي زعلني بعدهم عني

ماهو هدفك الاسمى فى الحياه؟
ارضاء الله واهلي اعمل مشاريع تحقق للمسلمين الاكتفاء الذاتي

ماهو رايك فى المنتدى بصراحه ورايك فى الاعضاء (ايجابيات وسلبيات)؟ اجبيات المنتدى اول مكان يجمع افراد الكليه سلبياته انه مبيعرضش موضيع تهم الطب البيطري كتير

ما الذى يبكيك؟
حجات كتير زي لو شوفت واحد غلبان في الشارع او لو فطرت لوحدي في رمضان لو افتكرت الايام الحلوه مع اول بنت حبتها

ماهو الحلم الخيالى اللى بتحلم بيه؟
ارتبط بفتاه تكون قمه الرومسيه ومش بتحب النكد

اول شئ تريد فعله بعد التخرج؟
اقعد على القوه اصل بحبها

ماذا يمثل لك المستقبل؟
وردي جدا انا اكثر انسان متفائل

من طرف **lolo** السبت ديسمبر 18, 2010 1:47 pm

خططت لمستقبلك ولا لسه
اكيد خططت

ناوي تشتغل ايه؟ ولا هتكمل دراسه؟ ولا هتسافر بره؟
بص انا لوجتلي فرصه كويسه في الكويت خلاص هسمع كلام بابا وراح هنك مده مش كبيره معجبتنيش الفرصه هرجع مصر واببدأ مشاريعي الخاصه وكد كده انشاء الله هكمل دراسه

نيجي بقي للحب؟
حبيت كام مرة؟ ومين هي سعيدة الحظ؟ وناوي تتجوز ولا؟؟؟؟؟؟؟
اووووووو
جينه للكلام الي مبيأكلش عش
حبيت كام مره لا والله ماشي يامجد انت بتصتاد في الميه العكره
هقلق يخويا
3 مرات وحده ماتت اجمل حب في حياتي والمصيبه انها ماتت امام عيني وده سبب مشاكل كتير ليه وعلى فكره ده كانت فتتاه احلمي بجد
رقم اتنان تجربه فشله مش هتكلم عنها ندمان ان عرفتها اساسا بس انا بقف برده جمب اي حد فمزلت بقف جمبها

3 نو كمنت سر حياتي

من طرف **the whale** السبت ديسمبر 18, 2010 2:25 pm

نورت يا لولو

الله الله الله

الحكايه باين عليها شعللت

ايوه كدا خلوا الناس تشاهد وتستمتع

هههههههههههه

انا لسه هصطادك يا لولو

من طرف **lolo** الأحد ديسمبر 19, 2010 9:41 pm

اه جه الي بخاف منه بلاش فضايح انا بحمد ربنا ان سامو و ama
مش موجودين جتلي انت

من طرف **dr:sniper** الأربعاء ديسمبر 22, 2010 11:13 am

amaخلع وكمان سامو

هكمل انا يا لولو

- ماهو هدفك في هذي الحياة ؟

-صفه فيك بتحبها؟

-صفه فيك تكرهها ؟

-اكثر شئ يعصبك؟

-اكثر شئ يخوفك؟

-تجربه مريت بها نفسك تكررها؟

-مـــــن يطـــــربك ؟

-باقة ورد لمن تهديها ؟

-باقة شوك لمن تهديها ؟

-أعظم شيء فقدته ؟

-وأعظم جرح دفنته ؟

-اسوأ خبر سمعته ؟

-دعوه صادقه من اعماق قلبك لمن تهديها ؟

كلمـــة تمنيـــــت ان تسـتطيـــع سحـبهــــا؟!؟
آخـر شخـــص تتـــذكــــره قبـــل أن تنـــــام؟!؟
جــريمــة تتمنـــي لـــو تستطيـــع ارتكابهــــا؟!؟
دمـعـــه انـذرفــــت رغـمــاً عنـــك؟!؟
شــئ او شخــص غيــّر مجــري حياتـــك؟!؟
حلم لا تستطيـــع تحقيقه؟!؟
-كلمة تود سماعها كل يوم؟!؟
القمر-الشمس-النجوم...........ايهم تفضل والسبب؟!

من طرف **lolo** الخميس ديسمبر 23, 2010 1:15 pm

ماهو هدفك في هذي الحياة ؟
ارضاء الله ووالدي

-صفه فيك بتحبها؟
طيبت قلبي وحكمتي

-صفه فيك تكرهها ؟
سؤال صعب اصل في حجات كتير بص مش زات اهميه اهمها التسرع

-اكثر شئ يعصبك؟
لم اطلب حاجه من حد وميعملهاش لان اي حد بيطلب حاجه مني بعملها

-اكثر شئ يخوفك؟
مبخفش خالص

-تجربه مريت بها نفسك تكررها؟
اركب العربيه جمب اول بنت حبتها وهي بتسوق على سرعه 260

-مـــــن يطـــــربك ؟
مش بهتم ممكن احب السنفونيات بتاعت عمر خيرت

-باقة ورد لمن تهديها ؟
لكل من علمني حرفا

-باقة شوك لمن تهديها ؟
كل الناس بتغلط مش ههدي باقط الشوك لحد بس اهديها لأعداء الأسلام

-أعظم شيء فقدته ؟
اول بنت حبتها فقدتها بوفتها وبرده جدي أحمد

-وأعظم جرح دفنته ؟
لو هدفن جراحي الارض كلها مش هتكفي لدفن جراحي

-اسوأ خبر سمعته ؟
ديما بتوقع الخبر السيء قبل حدوثه وبكون مستعد قبلها

من طرف **dr:sniper** الجمعة يناير 28, 2011 9:13 am

وعودة سريعة للمايك بعد طوول توقف

بنشكر نجومنا اللي شرفونا في المايك

وينتقل المايك سريعا الي احد الاعضاء النشيطين جدا في المنتدي ويهمنا نتعرف عليه

وبنهديه المايك يا ريت يتفضل ويقدم نفسه

s m a

من طرف **SA_SMA_SO** الأربعاء فبراير 02, 2011 9:56 pm

e7em e7em

na7noooo hoona

من طرف **SA_SMA_SO** الأربعاء فبراير 02, 2011 10:04 pm

ok ya sniper
23arafko b nafsy w sorry l2ny baktb franko bs el keyboard bayza

name: saso

age: 19

sana talta

7alty: m4 mabsota f el kollya 5als

eh tany????

mstanya 2s2ltko bs b era7a 3alaya plz

من طرف **dr:sniper** الخميس فبراير 03, 2011 1:21 am

بس كده لا احنا عايزين نعرف اكتر من كده بكتير

والاسئلة هتنزل زي المطر متقلقيش

متنسيش توضحي

هوياتك
امنياتك للمستقبل

الدراسه من الواضح انك مش بتحبيها
نفسك تتخرجي وتشتغلي ايه؟

ليكي ف السياسة؟

موقفك من الاخوان؟

موقفك من رموز الحزب الوطني؟

لو المنافسة بين البرادعي والاخوان والحزب الحاكم في االرئاسة هتدي صوتك لمين؟

فاصل ونواصل

من طرف **RaNdY OrTeN** الخميس فبراير 03, 2011 3:14 am

هاي sma بجد ربنا يعونك في الزنقه بتاعه المايك دي

وعلشان خاطر الزنقه حبيت نخفف عليكي وهو سؤال واحد
اية رايك في اللي بيحصل في بلدنا الي هيا املنا وحبنا كله واية رايك في الي بيسمو نفسهم اخوان مسلمين دول هل انتي تفتكرني مبداهم سياسي ولا ديني ؟
اية رايك خفيف صح؟

من طرف **AMA** الخميس فبراير 03, 2011 8:57 am

منوره المنتدى يا SMA

انشاء الله الاسئله حتنزل عليكي زي المطر

يلا خدي اول شويه

1- ايه رايك في كليتنا ؟

2- ايه رأيك في سنه 3 الي حضرتك فيها (اكيد اسهل سنه صح ؟)

3- ايه اكتر موقف محرج عدى عليكي في الكليه واكتر موقف بسطك بردو؟

4- انتي ايه موقفك من الي بيحصل في مصر الايام دي مؤيده ولا معارضه مع مين ضد مين ؟

اظن كفايه كدا دلوقتي

من طرف **RONY** الخميس فبراير 03, 2011 11:32 am

هاااااي SMA

بصي بقي انا مش هسالك ناوو

ربنا معاك بس مش تقلقي

اسئلتي جايه

من طرف **SA_SMA_SO** الخميس فبراير 03, 2011 3:55 pm

waw eh kol el 2s2la de

ok here we gooooooo

هوياتك

انا كنت بحب حاجات كتير جدا وكنت بمارسها لحد ثانوى زى تنس طاوله وعزف ولقاءات وخطابه ورسم وكده يعنى من الاخرمكنتش بسيب مسابقه الا لما اشترك فيها بس حاليا الحاجه الوحيده اللى استمريت عليها هى الرسم لانها اعتقد الوحيده المتاحه عندنا ف الكليه

وبحب القراءه جداااااا بس الظاهرمفيش معرض كتاب السنه دى بسبب اللى احنا فيه ده ربنا يعديها ع خير
وبحب تصاميم الازيااء جدا وبحب اشتغل ع لبسى حاجات بقى تبع الخياطه
كفايه كده احسن انا طلعت بحب حاجات كتير

امنياتك للمستقبل
اتمنى ان تكون حياتى الجايه افضل وكل يوم اتقرب من ربنا اكتر

الدراسه من الواضح انك مش بتحبيها
نفسك تتخرجي وتشتغلي ايه؟

انا مش بحب الدراسه ككل بس انا كنت اتمنى ان حاجات كتير تتغير ف الكليه دى تحببنا ف الدراسه اكتر بس انا بستفيد جدا من اللى احنا بندرسه بلا شك

ليكي ف السياسة؟
ليا ف السياسه بس مش متعمقه بالدرجه الكافيه

موقفك من الاخوان؟
انا مقدرش احكم على فئه تضم ناس كتير منهم اكيد ناس كزيسه وناس مش كويسه فاانا لو حكمت عليهم بالايجاب او السلب اكون كده بظلمهم انما الحزب الوطنى بقى الله يكرمهم زى ماخربوا البلد

لو المنافسة بين البرادعي والاخوان والحزب الحاكم في االرئاسة هتدي صوتك لمين؟
معتقدش انى هدى صوتى لحد فيهم انا كنت بحترم البرادعى جدااا بس بعد تصريحاته الاخيره حسيت انه بيستغل الموقف لمصلحته

يارب اكون جاوبت كويس يا سنيبر

من طرف **SA_SMA_SO** الخميس فبراير 03, 2011 4:03 pm

سؤالك يااحمد خفيف جداااااااا

المهم انا شايفه زى ناس كتير اننا خدنا خطوه كبيره اوى للاحسن وناس كتيره تعبت واستحملت البرد والنوم ف الشارع عشان تتحق المطالب دى مع ان معظمهم بيشوفوا انها مش كافيه بس اعتقد ان ده غلط لان دى قرارات صعبه جدااا اتخدت ف وقت قصير اوى صحيح انها اتخدتت بعد ضغط الشارع والاعلام ومننساس قوى خارجيه بس المهم انها اتخددت وخلاص وف فرصه ان حاجات كتير تتصلح وناس فاسده تتحاسب انما اللى عندهم حب السلطه وبيشكلوا تيارات واحزاب بس عشان يوصلوا لاهدفهم اللى هى ممكن تكون اهداف دول متستره وراهم عمرهم ماهيوصلوا لحاجه لاننا واعيين للى بيحصل وكفايه خراب بقى

من طرف **SA_SMA_SO** الخميس فبراير 03, 2011 4:14 pm

النور نورك يادكتور والاسئله واضح انها سهله

1- ايه رايك في كليتنا ؟

الكليه ف حد ذاتها كويسه ومفيده بس انا مش مبسوطه فيها خالص لانى لما جيت ادخل الكليه كان ف مخياتى حياه جامعيه بكل معنى الكلمه وف حاجات كتير ف كليتنا محتاجه للتغير يالا ربنا يعدينا منها ع خير

2- ايه رأيك في سنه 3 الي حضرتك فيها (اكيد اسهل سنه صح ؟
دى سنه حلوه خااالص بس يارب انجح صافى ههههههههه

3- ايه اكتر موقف محرج عدى عليكي في الكليه واكتر موقف بسطك بردو؟

المواقف المحرجه كتير بس اكترها ان الدكتور طردنا من المحاضره بدون اى وجه حق خلاص بقى ربنا امر بالستر
موقف بسطنى ممم مش عارفه بس اى لحظه حلوه عدت عليا

4- انتي ايه موقفك من الي بيحصل في مصر الايام دي مؤيده ولا معارضه مع مين ضد مين ؟
اظن انى رديت ع النقطه دى في اللى فات انا مع التغييير للاحسن وياجماعه احترموا رئيس دولتكوا مهما كان بلاش بعد العمر ده احفظوا ماء وجهه ...ارحموا عزيز قوم ذل

thankssss AMA

من طرف **SA_SMA_SO** الخميس فبراير 03, 2011 4:18 pm

waiting u rony

من طرف **SA_SMA_SO** الخميس فبراير 03, 2011 4:52 pm

1- ايه رايك في كليتنا ؟
اه دى الاسئله اللى هتودينا ف داهيه عامه انا مش عاجبانى الكليه حاسه ان فيها سلبيات كتير وحاجات كتير عايز تتغير

- ايه رأيك في سنه 3 الي حضرتك فيها (اكيد اسهل سنه صح ؟
دى اسهل من السهوله بس يارب ننجح صااافى

- ايه اكتر موقف محرج عدى عليكي في الكليه واكتر موقف بسطك بردو؟

الاحراج ان الدكتور طردنا من المحاضره بدون اى سبب والمواقف الحلوه كتير مع زمايلى

4- انتي ايه موقفك من الي بيحصل في مصر الايام دي مؤيده ولا معارضه مع مين ضد مين
انا مع التغيير و الاصلاح وكفايه اوى كده كفايه خراب

من طرف **SA_SMA_SO** الخميس فبراير 03, 2011 4:56 pm

واضح ان الردود مش بتوصل

من طرف **SA_SMA_SO** السبت فبراير 05, 2011 6:58 pm

محدش عايز يسألنى تانى

طب الحمد لله

من طرف **~~egypt~~** السبت فبراير 05, 2011 9:29 pm

اتفضلى SA_SMA_SO

اسئله خفيفه وبسيطه

1.كلمه اعتذر تحب ان تقوليها لمن؟

2. ماذا ستكتبى لنا لتعبرى عن حياتك التي عشتها الى الان في كلمات قليلة ؟

3. اذا اردت ان تبكي الان , فعلى من تبكي؟

4.من هو توأم روحك؟

5- من ستختار ليمسح دموعك ؟

6- ماهو تقييمك لهذا المنتدى بصراحة ؟

7- من يسكن قلبك؟

8- هل تعتقدى ان حظك سيئ؟

9. ((مستحيل انساك)) لمن تقوليها ؟

10.متى اخر مره بكيت؟

11- هل انتى راضيه عن نفسك ؟

12- هل تؤيدى الزواج العاطفي ام الزواج التقليدي ؟ ولماذا ؟

13- اذا تم تعيينك ملكه لجميع البلاد العربية فما اول قرار ستتخذيه ؟

14- هل ملابس الشخص امامك تؤثر فيك لتأخذ عنه انطباع ؟؟

15.هل انتى من لديهم رغبة حب التملك واذا تملكتى الشيء اصابه الملل منه ؟

كفايه كده دلوقتى اما تجاوبى عليهم نبقى نسال تانى

من طرف **SA_SMA_SO** الأحد فبراير 06, 2011 8:26 pm

اتفضل كمان دى كلها اسئله ماشى انا اللى جبته لنفسى :

P Razz

1.كلمه اعتذر تحب ان تقوليها لمن؟
لاى حد زعل منى ف يوم من الايام او وعدته بحاجه و مقدرتش احققها

. ماذا ستكتبى لنا لتعبرى عن حياتك التي عشتها الى الان في كلمات قليلة ؟
ممكن اقول ان الايام الحلوه زمان كانت اكتر وكل لما الانسان بيكبر بتزيد مسؤلياته وتحدياته ف الزمن ده

. اذا اردت ان تبكي الان , فعلى من تبكي؟
انا مش هبكى ع حد لانى خسرته بس هبكى من حد لانه او بالاصح لانها زعلتنى جدااااا

من طرف **SA_SMA_SO** الأحد فبراير 06, 2011 8:37 pm

4.من هو توأم روحك؟
ماما

من ستختار ليمسح دموعك ؟
المفروض يكون شريك حياتى

6- ماهو تقييمك لهذا المنتدى بصراحة ؟
الحاجه الوحيده اللى بتحسسنى ان الكليه بتاعتنا دى متطوره وكفايه انه بيجمع بينا

7- من يسكن قلبك؟
حد بيكلمنى هنا!!!

8- هل تعتقدى ان حظك سيئ؟
معتقدش ساعات ساعات بس ف حياتى العامه بعيدا عن الدراسه كويس جدااا

9. ((مستحيل انساك0.
)) لمن تقوليها ؟
ف ناس كتير مستحيل انساها دول اتحفروا جوايا

10.متى اخر مره بكيت؟
من اسبوع