اللى ما يعرفشى يعنى ايه الحب يخش

السلام عليكم ورحمة الله وبركاته

(( إن الإنسان قبـل الحب (( شيء )) وعنـد الحب (( كل شيء )) وبعـد الحب (( لا شيء ))

الحب : فرصة ليصبح الإنسان أفضل وأجمـل وأرقـى ...
الحب ليس عاطفــة ووجدانــا فقط إنما هو طاقة ـ وإنتــاج.....
الحب : هو أعظم مدرسة يتعلم كل عاشق فيها لغة لا تشبهها لغة أخرى ....
الحب : مثل أي لعبة يمارسها اثنـان … في نهايتهما : أحدهما يربح … والآخر يخسر ...

الحب : تجربة وجودية عميقة تنتزع الإنسان من وحدته القاسية الباردة لكي تقدم له حرارة الحياة المشتركة الدافئة ...
الحب : فضيلة الفضائل … به نعلو بأنفسنا عن العبث والتهريج والابتذال العاطفي … ونحمي عقولنا من الضياع والتبعثر الفكري ......


الحب : تجربة إنسانية معقدة … وهو أخطر وأهم حدث يمر في حياة الإنسان
لأنه يمس صميم شخصيته وجوهره ووجوده … فيجعله يشعر وكأنه ولد من جديد0

الحب هو الذي ينقل الإنسان إلى تلك الواحات الضائعة من الطهارة والنظارة والشعر والموسيقى
لكي يستمتع بعذوبة تلك الذكريات الجميلة التائهة في بيداء الروتين اليومي الفضيع
وكأنما هي جنات من الجمال والبراءة والصفاء في وسط صحراء الكذب والتصنع والكبرياء00


الحب : كالبحر حين تكون على شاطئه يقذفك بأمواجه بكرم فائق يستدرجك بلونه وصفائه وروعته
ولكن حين تلقي بنفسك بين أحضانه لتبحث عن درره يغدر بك ويقذفك في أعماقه ، ثم يقذف بك وأنت فاقد لإحساسك 0

الحب : يبدأ بالسماع والنظر
فيـتــولــد عنــــه الاستحســـــان
ثـم يقــــــــــوى فيصيــــر مــــــودة
ثـم تقــــــــــوى المـــودة فتصيـر محبــة
ثـم تقــــــــــوى المحبـــة فتـوجـب الهــــــوى
فـإذا قـــــــــوي الهــــــــــــوى صــــــــار عشقــا
ثـم يـــــــــزداد العشـــــــــــق فيصيـــــر تتييـمـــــــا
ثـم يـزداد التتييم فيصير ولهآ وهو قمة ما يبلغه المحب0

الحب خدعه

ليه بس كدا ليه التشاؤم دا بس

الحب دا الحقيقه الوحيده

لو ما فيش حب يبقى ما فيش حياه

اه ممكن نتخدع بس العيب مش فى الحب العيب فى الناس اللى بنحبهم ودا مش ذنب الحب

احنا اللى بنختار الاشخاص الغلط يعنى العيب فينا احنا

احنا اللى بنخدع نفسنا مش الحب اللى بيخدعنا

بس لازم نحب تانى والحياه ما بتقفشى عند شخص ونبدا حياتنا من جديد عشان يبقى لحياتنا طعم

احساس حلو انك تبقى مش عايش عشان نفسك بس يبقى فى ف حياتك شخص بتحبه اكتر من نفسك

صدقنى احنا اللى بنعمل فى نفسنا كدا

كلامك جميل جدا يابيرو

بس هو فعلا الكلام ده حقيقى
كل ماحد يجى يتكلم عن الحب تحى انه بيقول اشعار وسرح فى عالم الخيال ونسى نفسه وغرق فى دنيا تانيه خالص

انا مش هقول ان مافيش حاجه اسمها حب ولا هقول انه خدعه زى سنيبر مابيقول
يمكن يكون موجود فعلا ويمكن بيحسوا كده فعلا الله اعلم

فانا مش هظلم حد لانى ماجربتش وماحستش حاجه من الحاجات دى
يمكن يمكن لما يحصل تطلع حقيقه

تقــــــــــــبلى مــــــــــــــرورى

بس انتى نورتى المنتدى برجوعك

ميرسى يا قمر على مرورك والمنتدى منور بيكوا


بس الحب مش بس بين ولد وبنت انا بتكلم على الحب بصفه عامه

يعنى الحب بين الاخوات بين الصحاب بين الزوجين ............


الحب دا هو اساس كل شىء لو ما فيش حب فى حياتك يبقى هتعيش ليه


طيب يعنى مثلا المتجوزين كتير بس اللى متجوزين وبيحبوا بعض مش كتير دول متجوزين ودول متجوزين بس دول

عايشين فى سعاده ودول زى اللى بيقضى واجب وخلاص ولا حاسين بطعم الدنيا وعمرهم ما بيكملوا مع بعض عشان

ما فيش حب

احنا اللى ضيعنا معنى الحب بادينا لما بدانا نفهمه غلط ونستعمله غلط ومش فى وقته ومش فى مكانه ومش للشخص

المناسب

لكن لو استعملناه صح وفى مكانه وف وقته وللشخص اللى يستحق انا متاكده ان حياتنا هتتتغير

الحب : كالبحر حين تكون على شاطئه يقذفك بأمواجه بكرم فائق يستدرجك بلونه وصفائه وروعته

ولكن حين تلقي بنفسك بين أحضانه لتبحث عن درره يغدر بك ويقذفك في أعماقه ، ثم يقذف بك وأنت فاقد لإحساسك
تحفه

بصراحه كدا
حب الووولد للبنت عامل زي البطيخه
يا اما يتجوزها (تبقا حمرا ) بس برضه هطلع عينه في اي مشكله يقعو فيها ولو هيا اللي غلطانه تقوله حد قالك حبني واتجوزني مانتا اللي عاوز تتجوزني و ماحدش غصبك ولا ضربك على ايديك وساعتها من رايي علشان يزلها يروح يجوز عليها وده بقا امه بتبقا داعيه عليه
يا اما يتفشكل المشروع الفاشل ده (تبقا قرعا ) وساعتها اللي فيه نصيب بقا واللي مكتوب على الجبين لازم تشوفه العين
وعلى راي المثل ماحدش بيتجوز مرات حد

مافيش احسن من جواز الصالون بلا حب بلا كلام فارغ علشان ساعتها لاتقوله كلام زي الي فات ولا هو يقولها بس على ما اظن ده لو انا مكانه هقول ما حدش قالك وافقي علي

حب الولد للولد او البنت للبنت ده لازم يبقا موجود علشان تستمر الحياه

وانا برشح التعارف بس بين البنت و الولد علشان ؟؟؟؟؟؟؟
بس برضه فيه مشكله
كل البنات قبل الجواز او الارتباط تعمل نفسها بريئه وبتاعه ربنا وعماله تقولو مامتك هيا مامتي و باباك هو بابايا
ولما الغلبان يوقع في مصيده التسلل تقوله امك وباباك وانت في الشارع دانا وانا وانا ساعتها بقا تبقا عاوزة علقه صح

اولا ميرسى على مرورك يا ايمى انتى وماتركس


واللهى انا طول عمرى شايفه ان الجواز اللى بتقولوا عليه جواز صالونات دا هو دا اساسا الجواز الصح واللى بيستمر


يعنى اهلنا اتجوزوا بالطريقه دى واغلب الجوازات دى بتنجح لانها بتبتدى صح واللى بيبتدى صح بيكمل


لكن الحب قبل الجواز والكلام بتاع اليومين دول واللهى هو دا اساس الغلط وبدايه اى علاقه فاشله حتى لو نهايته جواز


بس لو من ورا الاهل او بدون موافقتهم او مبنى على اساس غلط لازم يفشل فى الاخر لان ربنا مش راضى عنه من


الاول ولازم نبقى عارفين ان الجوار دا علاقه مقدسه وحاجه عظيمه اوى اعظم من انها تبدا بمعصيه ربنا وما فيش احلى

من الحب بعد الجواز فى الحلال

ويارب يا دكتور البطيخه تبقا حمرا ههههههههههههههههههه

كلا مك قشطه يابيروا

والله يا بيرو
دي طلعت حمضانة
يعني مش محصله حتى قرعا

هههههههههههههههههههههه


يا عينى حمضانه



خلاص يا دكتور خيرها فى غيرها بس نقى بطيخه حلوه بقى هههههههه



وميرسى يا عاشقه الفردوس على مرورك وانتى اللى قشطه واللهى