هنتغر يعنى هنتغير

الحمد لله والصلاة والسلام علي اشرف المرسلين سيدنا محمد صلي الله عليه وسلم

تفتكروا لغاية امتى هنفضل نقرأ المواضيع دي ونتأثر بيها شوية وبعد كده خلاص مش بيحصل اي شئ وبنرجع زي الأول واكتر

ليه لما حد يموت مثلا نتأثر قوي ونفتكر الموت ونبكى ونصلي ونقرب من ربنا يومين بالكتير ونرجع تانى

ليه لما بنت تسمع ان بنت اغتصبت تبدأ تغير من نفسها ولبسها وبعد كده تتحول تانى

ليه انتى لما تتعرضي لأي موقف تفتكري ربنا وتقربي منه

عارفين ايه المشكلة الحقيقة

اننا عارفين ان اللي بنعمله غلط وبرضه بنعمله
عارفين انه حرام وبرضه بنعمله

والحجة اننا بشر مش ملايكة ولازم نغلط

ده ربنا فضلنا احنا عن الملايكة وقال انى اعلم ما لا تعلمون

يالا كل شاب وكل فتاة بجد يبدأوا في اهم خطوة ايجابية لتغيير الواقع

الخطوة دي هتبقي نزولك القبر
قبل ما تنام فكر كتير في الموت واسمع شريط عن الموت وتخيل نفسك في القبر وتخيل نفسك بتتحاسب وشوف هتقول ايه واسمع انت بنفسم خيالك هيوصلك ايه هتنام وهتشوف ده قدامك فعلا وهتحس بيه هتقوم من النوم وانت مش مصدق ان ده كان حلم بس هتقول ده حلم وعدي خلاص وعادي هتنساه هتنزل من بيتك رايح شغلك او مكان دراستك وانت ماشي وعادي فجأة تيجى عربية تشيلك تقع علي الأرض والناس من حواليك بتبكى وانت شايفهم بعينك " فاكر لما جيت الدنيا كانوا الناس حواليك بيضحكوا وانت بتبكى دلوقتى بقي هما كمان بيبكوا " وانت عاجز مش قادر تتكلم او تنطق تحاول تقول اشلهادة وتلاقي نفسك مش قادر تقولها وتقول نصها ومش قادر تكملها فجأة تلاقي روحك انسحبت منك وفجأة الحلم اللي انت استهترت بيه تشوفه بجد حقيقى وتعيشه
كل اللي فات ده مكنش فيلم ولا حاجة دي حقيقة
ليه مش متوقع كل يوم وانت نازل انك تكون واح د من الناس الكتير اللي بتموت في حوادث الطرق او حتى موته عادية
ليه مش متوقع انك ممكن مترجعش البيت انهاردة وانك ممكن ترجع مش تلاقي اهلك في البيت ويكون خلاص كل شئ انتهي
ليه مش متخيل انك ممكن في لحظة وانت بتهزر وتضحك كده يجيلك الموت علي حين غرة
مفيش حد في عيلتك او صحابك مات قبل كده
تفتكر كان عارف قبلها انه هيموت او انت عرفت قبلها ان فلان هيموت يوم كذا

مش هقولك عملت ايه للموت ومستعد ازاي
بس هقولك لما تقابل ربك عارف هتقوله ايه

اانا مش ملاك والرسالة ليا قبلكم
لازم بجد نفكر كده مش بس انهاردة كل يوم وانا نازل الصبح اشوف الموت قدامى واتخيل انى مش راجع انهاردة البيت صدقونى ساعتها هنعمل كل شئ صح

زي ما الأمام بيقول صلي صلاة مودع
اعتبروا اليوم ده هو المودع وان عشت يوم بعده يبقي فضل من ربنا زود اجرك وحسناتك يمكن يكون هو النهاية

هتيجى بقي تقول منا كل يوم بقول انهاردة انهاردة وبعيش فكك يا عم وترجع تعمل اللي انت عايزه تأكده ساعتها ان الموت هيجى اليوم ده بس انت مش هتبقي متوقعود