**يوميات شاب ملتزم **

من طرف vet_nwara الثلاثاء يونيو 16, 2009 11:10 am

السلام عليكم ورحمه الله وبركاته

موضوع رااااااااااااائع جدا قرأته في أحد المنتديات الموضوع جذبنى جدا فقررت نقله لكم لتعم الفائده

لن اطيل المقدمه....... سأدخل فى الموضوع مباشرة

ابتلينا فى عصرنا هذا بالمسلسلات
ألست تجد معى ان نادرا مانجد بيت لايتابع افراده احد المسلسلات بصفه مستمره؟

فكره الموضوع هى ان يكون لنا مسلسل خاص بنا لكنه مكلل بآيات القران الكريم ، ومزين بأحاديث رسول الله صلى الله عليه وسلم ، وحلى بأبيات شعر وكلام للسلف وفوائد من هنا وهناك

فريق عمل هذا المسلسل ( ال cast) ماتيسر لنا من فوائد من الكتب والمحاضرات
سيكون المسلسل فى عده حلقات

::ملخص المسلسل::

قصة حياة شاب ملتزم انا اراه قدوة فهو مثالى الى ابعد ما نتخيل لكنه فى ذات الامر واقعى جدا سيمر بما نمر عليه جميعا من فتن ومشاكل وسنرى كيف سيعالجها قى ضوء الكتاب والسنة.

القصة ليست خيالية بل هى واقعية جدا قد تجد او تجدى تشابها كبيرا بينها وبينك فى كثير من أجزائها

المقدمه ( التتر)

الحمد لله الذى ربانى وأزال عن قلبى العمى وهدانى
وأغاثنى كرما وثبت حجتى وأنا رهين الذنب والنقصانى
ثم الصلاة مع السلام لأحمد خير البرايا من بنى الانسان
والال والصحب الكرام ومن سعى لسبيله من تابعى الاحسان

إن شاء الله النهارده هنزل الحلقه الاولى وهنتظر ردودكم وآرائكم أكيد لو عجبتكم الفكره هكمل الحلقات إن شاء الله

من طرف vet_nwara الثلاثاء يونيو 16, 2009 11:12 am

( على بوابة الالتزام)

فى احدى شوارع القاهرة تقف عمارة شامخة آيلة الى السقوط كما هو الحال مع كثير من عمارات مصرنا المحروسة
وفى احدى طوابق هذه العمارة تقطن أسرة مصرية بسيطه تتكون من خمسة افراد

أب : موظف عادى فى احدى الشركات
أم : ربة منزل
أخت : عائشة
وأخ: بطلنا الهمام ( عبد الرحمن)
واخت صغرى: فاطمة

الساعة الثامنة صباحا

ام عبد الرحمن: قوم ياابنى تعبتنى معاك اول يوم فى الكلية ومش هتروح

عبد الرحمن: حاضر ياماما قايم اهه ربع ساعه بس
ام عبد الرحمن: خلاص براحتك انا زهقت منك تروح ماتروحش انت حر

بعد نصف ساعة

عبد الرحمن: صباح الخير ياست الكل
ام عبد الرحمن : اهو هو ده الى واخدينه منك روحى الكلية بقى مش من اولها كده
عبد الرحمن: حاضر اعتبرينى روحت خلاص

بعد ساعة من اللكاعه نزل من البيت

أنتظر الاتوبيس طويلا وفى النهاية أتى الاتوبيس لكن بعد ان قضى وقتا ممتعا من الافأفة( اف اف)

ركب الاتوبيس وماأكثر الزحام وبعد مدة انتهت معركة الاتوبيس بالفوز المبين ووصل للكلية
حينما رأى سور الجامعة عادت به الذاكرة الى الوارء شهورا ياااااااااااااااااااااه خلصنا خلاص من الثانوية العامة وتعبها اخيرا دخلنا الكلية[img:0974]http://www.way2allah.com/forums/images/smilies/36_19_2[1].gif[/img:0974]

خطى اولى خطواته داخل الجامعة وعلى البوابة....

الحارس: اين الكارنيه؟
عبد الرحمن: انا لسه سنة اولى
الحارس: طيب وياريت تبقى تعمله ماتنمش عليه
دخل عبد الرحمن وهو يقول هو ماله الحارس فى حد مزعله؟[img:0974]http://www.way2allah.com/forums/images/smilies/36_1_28[1].gif[/img:0974]
ظل يبحث طويلا عن جدول المحاضرات ليدونه فوجده اخيرا ودونه
هو لايعرف اى احد فى الكلية فالشلة الكريمه بتاعته غالبهم لم ينجحوا والجزء الاخر التحقوا بمعاهد خاصة
وصل الى المدرج وجلس

الساعة الان 11: 30 دقيقة

بدأ الدكتور فى الترحيب بهم وخلاف ذلك مما يتحدث فيه الدكاتره اول يوم
واذن الظهر
لم يهتز لاخينا عبد الرحمن طرف(فهو بعد لم يلتزم)
حدثه احد الاخوة بجواره يبدو عليه الالتزام
الن تصلى يااخى؟
طيب والمحاضرة؟
هنستأذن ونرجع على طول
امممممممم اصلى مش متوضئ
تعال ننزل ونتوضئ من مسجد الكلية
معلش اتفضل انت عشان ماضيعش المحاضرة[img:0974]http://www.way2allah.com/forums/images/smilies/36_13_3[1].gif[/img:0974]
براحتك بس عايز اقلك حاجه النجاح يبدأ من المسجد ربنا يهديك

هو فيه ايه؟ ليه كل ده؟ ماعلينا
انتهت المحاضرة وعاد عبد الرحمن للبيت

الام : اهلا ياعبد الرحمن اخبار الكلية ايه؟
عبد الرحمن : كويسه
الام: مالك فى حاجه ؟
عبد الرحمن : لا عادى هاتيلى اكل
اتغدى صاحبنا ودخل لينام تقلب على السرير بعض الوقت لانه يشعر انه مخنوق ولايعرف لماذا هذا الشعور الح على نفسه بالنوم لعله يستيقظ وقد ذهب عنه الذى يجده فى صدره

استيقظ بعد ساعات ولم يذهب مابه

قوم احسن اتفرج على التلفزيون
قضى الليل كله امام التلفاز وقبل الفجر بساعة
نام............... ولتشتكى يافجر من عبد الرحمن
فى الصباح حان وقت الكلية وحانت ايضا معركة الاستيقاظ بعد نهاية العراك استيقظ وهو متأفف ولا يطيق ان يحدثه احد
ذهب للكلية ودخل المدرج ولم يلتفت حوله لانه بعد لم يستيقظ من النوم

نبهه اخ بجواره بقوله : السلام عليكم يااخى انا محمد وانت؟
انا عبد الرحمن
محمد: ماشاء الله اسمك جميل جدا ماتتصورش انا بحب اسم عبد الرحمن اد ايه معناه حلو اوى من الرحمة واحنا محتاجين للرحمة جدا فى الدنيا والاخرة
عبد الرحمن: قد بدى عليه علامات التعجب ولا جواب[img:0974]http://www.way2allah.com/forums/images/smilies/36_19_2[1].gif[/img:0974]
محمد : انت مضايق عشان انا بكلمك ولاحاجه
عبد الرحمن : لا انا مضايق لوحدى
محمد: طيب ممكن نبقى اصحاب وتفضفضلى ؟
عبد الرحمن: ممكن نبقى اصحاب
محمد : طيب ممكن تأخد منى الشريط ده عربون صداقة
عبد الرحمن: تخذه منه ولم ينظر حتى فى اسم الشريط" شكرا"
حان وقت صلاة الظهر
محمد: يالا يابطل ننزل نصلى اكيد لما تصلى هتبقى تمام
عبد الرحمن: هبقى تمام ازاى يعنى؟[img:0974]http://www.way2allah.com/forums/images/smilies/36_19_2[1].gif[/img:0974]
محمد : ايوه مش ربنا قال ( الابذكر الله تطمئن القلوب ) والصلاة من الذكر يبقى قلبك هينشرح لما تصلى مش انت بتصدق ربنا
عبد الرحمن: ايوه ونعم بالله يالا
ونزلا الى المسجد وعند دخولهم للمسجد وقعت عينه على شئ غرييييييييييييييييييييب جدا هز قلبه قبل ان يهز جوارحه[img:0974]http://www.way2allah.com/forums/images/smilies/36_19_2[1].gif[/img:0974]

وهنا انتهت الحلقه الاولى

نلقاكم فى الحلقة القادمه

إن شاء الله

من طرف **sweet angel** الثلاثاء يونيو 16, 2009 12:10 pm

القصة شكلها حلو كالعادة زى باقى موضوعاتك
فى انتظار الحلقة الثانية

من طرف **merooo** الثلاثاء يونيو 16, 2009 1:14 pm

الواضح انها قصه جميله وحلو التشويق ده

كملي بسرعه يا نوارا والا مش هنسيبوكي

من طرف sandrilla الثلاثاء يونيو 16, 2009 2:07 pm

جمييييييييييييلة موووووووووووت يانواره تسلم ايديكي ياقمر
يلا كملي واحنا معاكي

من طرف **marmer** الثلاثاء يونيو 16, 2009 4:40 pm

وبعدين ..................؟؟؟؟؟؟؟؟؟؟؟؟؟؟؟

القصة شكلها حلوة

ياللا كملي بسرعة

في انتظارك

**يوميات شاب ملتزم ** 30407221

من طرف vet_nwara الثلاثاء يونيو 16, 2009 5:07 pm

إيه التشجيع الحلو دا يا بنانيت يا قمرات

إن شاء الله أكمل بس لازم تشووووووووويق

من طرف **dr:sniper** الثلاثاء يونيو 16, 2009 8:33 pm

بجد القصه جميله جدا

ممكن تكملى على طول

على فكرة فيه مسلسلات بتذيع حلقتين فاليوم

وممكن تلاته

شدى حيلك معانا

عايزين من بكرة حلقتين ف اليوم

قصهجميله فعلا ياللا عايزين البقي يا قمر

من طرف **dr:sniper** الثلاثاء يونيو 16, 2009 11:25 pm

لسه الجزء التانى ما نزلش

احتجاااااااااج رسمى

ايه يا دكتورة

فين الجزء الثانى

لا موش هقبل اعتذاااار

لا لا لا

الحل الوحيد تنزلى حلقتين ورا بعض

منتظرين

من طرف red rose الأربعاء يونيو 17, 2009 10:05 am

( الخطوة الاولى)

خطى أول خطوة له فى المسجد ... بخطوات ثقيلة فهي أول خطوة له بعد طول غياب عن المسجد... دخل بصمت وسكون عجيبين

لكن

قطع هذا الصمت والسكون أن وقعت عينه على مشهد لم يره من قبل...

رأى شاب مضيئ الوجه يقرأ فى مصحف ويبدو عليه الخشوع والتأثر جدا حتى انه قد انحدرت من عينيه على خديه دمعتان تصف ماحل به من تأثر ...كان أمرا غريبا لم يره من قبل وما زاده اندهاشا هو أن الشاب رفع عينيه من المصحف ونظر إليه ومع ماهو فيه من تأثر إلا انه تبسم له ابتسامة جميلة زادت من وجهه نورا على نورتعجب عبد الرحمن هل هو يعرفني؟

لا أنا لم أره من قبل إذا فلماذا يبتسم لي وهو على هذه الحالة؟

كانت هذه الابتسامة بمثابة ترحيب به فى المسجد... لقد شعر عبد الرحمن بهذا وتأكد منه حينما وقف فى الصف للصلاة فتعمد الأخ صاحب الوجه المضيء أن يقف بجواره ولم يكلمه وكبروا للصلاة ......

كبر عبد الرحمن للصلاة يااااااااااااااااااه انه لم يصل من زمان فات مع انه لم يخشع فى الصلاة كما ينبغي إلا انه لما انتهى من الصلاة شعر بشعور غريب فى قلبه لم يعرف وصف هذا الشعور اهو ارتياح او ماذا..........

لما انتهت الصلاة سلم عليه الاخ وقال له : السلام عليك انت جديد فى الكلية؟

عبد الرحمن : ايوه

الاخ: مرحبا بك معنا نرجو ان نراك دائما فى المسجد لاتحرمنا منك ياحبيبى فى الله

عبد الرحمن: حاضرمن هذا ؟ مااحلى كلماته ... ومااجمل مايقول ... ايعقل ان يكون هناك انسان فى هذه الدنيا بهذا الخلق الكريم... ياالله مااجمل هذا المسجد ومن فيه

محمد: ايه ياعبد الرحمن مالك؟

عبد الرحمن: لاابدا هو مين ده ؟

محمد: ده الشيخ عبد الله أخ نحسبه على خير جدا فى سنة ثالثة ، خير انت بتسأل عنه ليه؟

عبد الرحمن : لاابدا بس اصله كلامه حلو اوى.

محمد: ايوه .. هو ماشاء الله عليه مشهور بحسن خلقه.

عبد الرحمن: هو ينفع يعنى ان انا اروح اكلمه واقوله انى عايز اتعرف عليه؟

محمد : ايوه اكيد

عبد الرحمن: ولابلاش مش لازم النهارده

محمد: ليه؟

عبد الرحمن: مش عارف مش مهم بكره

.لقد استحي عبد الرحمن ان يذهب ليحادث عبد الله فقد شعر فى نفسه انه لايصلح ان يحادث هذا الشاب الصالح وهو يحمل فى قلبه ما يعلمه من معاصى وذنوب.

خرج من المسجد ليعود الى المحاضرة ...

ثم حان وقت عودته للبيت فخرج ليركب المواصلات لم يشعر هذا اليوم بزحمة السير فقد كان باله شارد فلم يستفق الا وهو يضع المفتاح فى باب المنزل ويدخل....

من طرف vet_nwara الأربعاء يونيو 17, 2009 10:11 am

عذرا على الخطأ إلي حصل نسيت أسجل خروج بعد روز المهم أدي بقية الحلقة التانية عشان محدش يزعل وعلى آخر المهار نبقى نشوف هنزل الحلقة التالتة ولا لا

عائشة اخته: اهلا اهلا استاذ عبد الرحمن عاش من شافك بتنام والناس صاحيين وتصحى والناس نيميين

عبد الرحمن: اهلا ياعائشه

عائشة: خير فى ايه ايه الهدوء ده ؟ حد مزعلك؟

عبد الرحمن : لا مافيش

عائشه : طيب تتغدى

عبد الرحمن: لا هدخل اريح شويه لانى تعبان

عائشه : طيب استنى اتغدى ونام

عبد الرحمن: لا مش قادر اصل انا تعبان

عائشة : طيب روح نام

دخل عبد الرحمن لغرفته وبدل ملابسه واستلقى على السرير وماان قاربت عينه على النعاس الا وايقظها صوت كأنه اول مرة يسمعه

الله اكبر .. الله أكبر .. الله أكبر ... الله أكبر ... اشهد الا اله الا الله ... اشهد الا اله الا الله... اشهد ان محمدا رسول الله... اشهد ان محمدا رسول الله... حى على الصلاة.. حى على الصلاة....الصلاة انها صلاة العصر

هل ستدفع شيطانك ياعبد الرحمن وتقوم لتؤدى صلاة العصر ؟

ام ان الايمان فى قلبك لم يزل اضعف من محاربة الشيطان ؟

لكن عينه غلبته للنعاس فنام ....

وحدث شئ غريب اثناء نومه ياترى ماهو.....؟؟

وهنا انتهت الحلقه الثانيه

يارب تكون عجبتكم

ألقاكم فى الحلقة القادمة ان شاء الله

من طرف **sweet angel** الأربعاء يونيو 17, 2009 4:00 pm

مينفعش كده
نزلى الحلقة التالتة علطوووووووول

من طرف **amora** الأربعاء يونيو 17, 2009 4:39 pm

نوارا اوعي تكوني هتنزلي كل يوم حلقه لا
الكلام دا ماينفعشي
حلقلت في اليوم
عاوزين 3 او اربع حلقات في اليوم

من طرف **marmer** الأربعاء يونيو 17, 2009 8:40 pm

انا مع امورا كملي ياللا بسرعة

حلقات مؤثره وجميله
في انتظار الحلقه القادمه

من طرف dr fatafeet الخميس يونيو 18, 2009 10:24 am

روعه
ايه الجمال ده
يلا كملي
منتظرين

من طرف vet_nwara الخميس يونيو 18, 2009 11:03 am

شكرا يا شباب على مروركم الحلو ويارب كلنا نستفيد من قصة عبد الرحمن لأنها قصتنا كلنا

الحلقة الثالثة

(نور الهداية)

نام عبد الرحمن ولم يصلى فلم يكن الإيمان فى قلبه كافيا ليوقظه من تعبه للصلاة ... لكنه وأثناء نومه[img:100b]http://www.way2allah.com/forums/images/smilies/36_1_50[1].gif[/img:100b] حدث له شيء غريب ... لقد رأى نفسه فى صحراء والشمس محرقة وهو يتصبب عرقا وقد ذهب به العطش[img:100b]http://www.way2allah.com/forums/images/smilies/36_1_31[1].gif[/img:100b] كل

مذهب ولايجد ماءا وهو فى هذه الحالة إذا به يرى ذئبا من بعيد يجرى عليه فظل

عبد الرحمن يجرى ....ويجرى حتى رأى أناسا من بعيد فجرى تجاههم يحتمي

بهم ، لكنه كان كلما اقترب منهم رآهم يبعدون عنه والذئب من خلفه فماذا

سيصنع ؟ لم يستطع عبد الرحمن ان يعرف مالذى سيصنعه لانه استيقظ من

نومه فزعا فقد كان مظهر الذئب مرعبا حقا نهض عبد الرحمن من على سريره

ونظر فى الساعة انها الثالثة والنصف عجيبه لقد نمت الساعة الثالثة والربع هل

حلمت هذا الحلم فى ربع ساعة ؟؟؟؟توجه الى الخلاء ليغسل وجهه وحينما وقف

امام الصنبور وفتحها ورأى الماء يندفع بشدة تذكر حاله فى الحلم وكيف انه كان

يتعطش لنقطة ماء ...غسل وجهه وجففه ولم يأت بباله مطلقا ان يصلى العصر

فليست هذه عادته .....نادى على امه ياماما عايز اتغدى

الام: انت صحيت ياعبد الرحمن ده عائشة قالتلى انك لسه داخل تنام .

عبد الرحمن : اه ماانا نمت شويه وصحيت .

الام: طيب ياابنى هروح اصلى واجى احطلك الاكل .

تصلى ..... نعم الصلاة صلاة العصر .... لقد اتى على خاطر عبد الرحمن فى هذه

اللحظة وجه عبد الله وهو يبتسم له لماذا يتذكر هذه البسمة الان؟؟؟؟كانت هذه

البسمة فى هذا الوقت بالنسبة لعبد الرحمن دافعا للصلاة لكن سرعان ماانشغل

بأن دق الهاتف

عبد الرحمن: الو

صديقه: اهلا ازيك ياعبد الرحمن.

عبد الرحمن: ازيك يامحمود عامل ايه

محمود: كويس ، احنا خارجين النهارده والشله كلها تيجى معانا

عبد الرحمن: لا ماليش مزاج[img:100b]http://www.way2allah.com/forums/images/smilies/36_1_38[1].gif[/img:100b]

محمود: ليه كده ؟[img:100b]http://www.way2allah.com/forums/images/smilies/36_19_2[1].gif[/img:100b]

عبد الرحمن: لا عادى مره تانيه

محمود : طيب سلام

عبد الرحمن: سلام[img:100b]http://www.way2allah.com/forums/images/smilies/36_1_39[1].gif[/img:100b]

اغلق عبد الرحمن الهاتف وانتظر امه لتعد له الغذاء يأكل ):، ..... بعد فترة

قصيرة اتت امه ووضعت له الطعام وأكل أكلة خفيفه تعجبت منها والدته لكنها

ظنته اكل بالجامعة شئ فلم تسأله ...فتح التلفاز وظل يقلب مابين قنواته ليجد

شيئا وبعد ساعة تقريبا من عدم الاستقرار على قناة معينة وفى اثناء هذا البحث

وقعت عيناه على نقل مباشر من الحرم المكى فتوقفت يده ليسمع الامام يقرأ قول

الله تعالى (أَمْ حَسِبَ الَّذِينَ يَعْمَلُونَ السَّيِّئَاتِ أَن يَسْبِقُونَا سَاء مَا يَحْكُمُونَ (4 مَن

كَانَ يَرْجُو لِقَاء اللَّهِ فَإِنَّ أَجَلَ اللَّهِ لَآتٍ وَهُوَ السَّمِيعُ الْعَلِيمُ (5) وَمَن جَاهَدَ فَإِنَّمَا

يُجَاهِدُ لِنَفْسِهِ إِنَّ اللَّهَ لَغَنِيٌّ عَنِ الْعَالَمِينَ (6)) العنكبوت

لقد وقعت هذه الايات على قلب عبد الرحمن موقعا شديدا وهزت غفلة سنين

وحركة وجدانه فتذكر صلاة العصر .... وبحركة غير اراديه هب نحو الخلاء

فتوضأ ثم إلى غرفته فبحث عن سجادة صلاة فلم يجد ، فنادى على امه

ماما اريد سجادة صلاة؟

الأم :سجادة صلاة؟

عبد الرحمن: ايوه بسرعة

اسرعت امه وجلبت له سجادة صلاة فقد كان باديا عله التأثر جدا ففرش سجادته

على ارض الغرفة وكبر للصلاة..........

من طرف **merooo** الخميس يونيو 18, 2009 5:29 pm

بجد واضح انها قصه روعه

كملي بسرعه يا نوارا

جزاكي الله خيرااااااااااااا

من طرف vet_nwara الخميس يونيو 18, 2009 6:29 pm

هتاخدي عقلي بالشويتين دول أنا عاوزة إلي اتفقنا عالية بسرعة وانا انزلك الحلقة

من طرف **dr:sniper** الخميس يونيو 18, 2009 6:46 pm

يالا يا دكتورة

شدى حيلك معانا

منتظرين

وياريت بجد

الحلقه تبقى طويله شويه

.

من طرف **RaNdY OrTeN** الخميس يونيو 18, 2009 7:31 pm

مشكورة على المجهود الديني الجامدة دة
وبصراحة مواضيعك كلها دينية هادفة
وبجد قصة هايلة

من طرف **marmer** الخميس يونيو 18, 2009 11:50 pm

ياللا يا ميرو نفذ لها اللي ههي عيزاه بسرعة عايزين الحلقة

من طرف vet_nwara الجمعة يونيو 19, 2009 10:00 am

شكرا يا جماعة على التشجيع الحلو دا

انا بحط الموضوع الصبح واجي بالليل اشوف الردود لو لقيتها كتير بنزل الحلقة الجديدة لو شوية محدش لسة قراها انزل الجديدة ليه بقى ؟

شكرا لمروركم الكريم

من طرف vet_nwara الجمعة يونيو 19, 2009 10:02 am

( العقبات)

وقف عبد الرحمن ونصب قدميه لله فى الصلاة ، لقد كان فى قلبه

كلاما كثيرا وشكوى يريد أن يبثهما لله تعالى لكنه وجد لسانه

لايستطيع عن النطق بشئ وزاد من تلعثمه ان رن هاتفه

المحمول فأوجز الصلاة ورد على الهاتف.

عبد الرحمن: الو

مصطفى: ازيك ياعبده

عبد الرحمن: اهلا يامصطفى

مصطفى: اهلا ياباشا النهارده بقى فى خروجه والشله كلها

موجوده بنات وولاد هتيجى اكيد؟

عبد الرحمن: ماهو محمود قالى وقلتله لا

مصطفى : لا لا دى مختلفه عن بتاعت محمود خالص هتعجبك

اوى

فكر عبد الرحمن بعض الوقت واقنعه شيطانه ان يذهب معهم ،

فوافق على الذهاب معهم لقد صلى عبد الرحمن العصر فهاهو قد

تقدم خطوة لكنه سرعان ماتأخرها بسبب صحبة السوء قضى

عبد الرحمن فى الخارج مع اصدقاءه وقتا مزاجه الذنوب

والمعاصى فمن سماع غناء الى اختلاط محرم وهلم

جرا.......وعاد الى بيته متأخرا كان والده قد وصل من عمله

فأبدى عن غضبه لتأخر عبد الرحمن لكن عبد الرحمن لم يرد

عليه ودخل ليستلقى على السرير بعد طول سهر وفى

الصباح ..... لقد كان يوم الجمعه فأيقظته امه على موعد

صلاة الجمعه فوالده لايوافق ان يدع ابنه صلاة الجمعه مع انه

لايصلى بقية الصلوات.....استيقظ عبد الرحمن وتوضأ ونزل

للمسجد مع والده اتعرفون

عن ماذا كان يخطب الامام .....؟؟؟؟؟؟

يارب تكون الحلقه دى عجبتكم
ألقاكم فى الحلقه القامه ان شاء الله

من طرف vet_nwara الجمعة يونيو 19, 2009 10:04 am

والمره دى ياريت ان شاء الله نتناقش فى كل ماجاء فى الحلقات للاستفاده

مثل الخطوات الاولى للالتزام وكمان العقبات التى تحول دون الالتزام وأخطرها رفقاء السوء

أرجو التفاعل وتقبلو تحياتى

من طرف **princess of the moon** الجمعة يونيو 19, 2009 12:53 pm

بجد حلقات تحفه
والله الواحد خجلان من نفسه وموش عارف يعمل اي
سعات لو الواحد بيفكر انه يقعد في بيته وينعزل عن العالم ولا يكلم حد خالص
بس برجع واقول موش حل وموش منطق لان الانسان ما اتخلقش لوحده
ادعولي يا جماعه بالهدايه وادعوا لجميع المسلمين

وكمان انا بقترح ننزل الحلقات دي في مجله في الكليه
علي اسم الاسره
لعلها تكون طريق لهداية اي حد ان شالله واحد بس
هناخد عليها ثواب جامد زي مانتي يا نواره واللي سبقوكي بنشر القصه دي بياخدو ثواب

من طرف **marmer** الجمعة يونيو 19, 2009 5:23 pm

اللهم اعنا علي ذكرك وشكرك وحسن عبادتك

من طرف vet_nwara السبت يونيو 20, 2009 12:43 pm

ربنا يكرمك يا ربنسيس انتي ومرمر وفعلا فكرة حلوة

من طرف vet_nwara السبت يونيو 20, 2009 12:57 pm

الحلقة الخامسة

( خطبة البداية)

دخل عبد الرحمن المسجد وعلا الخطيب المنبر ياله من دور

عظيم يمثله هذا الخطيب فى توجيه المسلمين .....

اتعرفون عن ماذا كان يتحدث الخطيب انظروا لكلامه وستعرفون

عن ماذا يتحدث.....

v
v
v
v

وَنُفِخَ فِي الصُّورِ فَصَعِقَ مَنْ فِي السَّمَاوَاتِ وَمَنْ فِي الْأَرْضِ إِلَّا

مَنْ شَاءَ اللَّهُ ثُمَّ نُفِخَ فِيهِ أُخْرَى فَإِذَا هُمْ قِيَامٌ يَنْظُرُونَ

(الزمر:68)

فتخرج الأرواح لها دَوِي كدويّ النحل ما بين السماء والأرض ثم

يقول ربنا جل وعلا : وعزتي وجلالي ليرجعن كل روح إلي

جسده فتسري الأرواح إلي الأجساد ويخرج الناس من القبور

حفاة عراة غرلا

يَوْمَ يَخْرُجُونَ مِنَ الْأَجْدَاثِ سِرَاعاً كَأَنَّهُمْ إِلَى نُصُبٍ يُوفِضُونَ

(المعارج:43)

ويقف الناس في أرض الحشر وَخَشَعَتِ الْأَصْوَاتُ لِلرَّحْمَنِ فَلا

تَسْمَعُ إِلَّا هَمْساً

\(طـه: 108)

لا يتكلمون إلا من أذن له الرحمن وقال صوابا .. يقف الكل في

خشوع .. يقف الجميع في ذل وخضوع وتُدني الشمس يوم
ا
لقيامة من رؤوس العباد كما في صحيح مسلم من حديث المقداد

بن الأسود قال : قال رسول الله

(( تُدني الشمس يوم القيامة من الخلق ، حتى تكون منهم

كمقدار ميل – زاد الترمذى – أو اثنين قال سليم بن عامر : فو

الله ما أدري ما يعني بالميل : أمسافة الأرض ، أو الميل الذي

تُكحلُ به العين ؟ - قال فتصهرهم الشمس فيكونون في العَرَق

كقدر أعمالهم ، فمنهم من يكون إلي كعبيه ؟ ومنهم من يكون

إلي ركبتيه ، ومنهم من يكون إلي حقويه ، ومنهم من يُلجمهُ

العرق إلجاماً ، وأشار رسول الله e بيده إلي فيه )ويجمع الله

الأولين والآخرين في صعيد واحد فيسمعهم الداعي وينفذهم

البصر وتدنوا الشمس فيبلغ الناس من الغم والكرب مالا يطيقون

ولا يحتملون فيقول بعض الناس لبعض : ألا ترون ما أنتم فيه

؟ ألا ترون ما قد بلغكم ؟ ألا تنظرون إلي من يشفع لكم إلي ربكم

؟ فيقول بعض الناس لبعض : ائتوا آدم ، فيأتون آدم فيقولون

يا آدم أنت أبونا أبو البشر ، خلقك الله بيده ، ونفخ فيك من

روحه وأمر الملائكة فسجدوا لك ، اشفع لنا عند ربك ، ألا تري

ما نحن فيه ، ألا تري ما بلغنا .فيقول آدم : إن ربي غضب

اليوم غضباً لم يغضب قبله مثله ولن يغضب بعده مثله ، وإنه

نهاني عن الشجرة فعصيته ، نفسي نفسي ، اذهبوا إلي غيري ،

اذهبوا إلي نوح .فيستقرئ الخلائق الأنبياء نبياً نبيا حتى يأتون

إلي سيد ولد آدم عليه الصلاة والسلام صاحب الشفاعة العظمي

والمقام المحمود فيأتون فيقولون : يا محمد أنت رسول الله

وخاتم الأنبياء ،وغفر لك ما تقدم من ذنبك وما تأخر ، اشفع لنا

إلي ألا تري إلي ما نحن فيه ؟ألا تري ما بلغنا ؟ فانطلق فآتي

تحت العرش فأقع ساجداً لربي ، ثم يفتح الله عليّ ويلهمني من

محامده وحسن الثناء عليه شيئاً لم يفتحه لأحد غيري من قبلي

ثم قال : يا محمد ، ارفع رأسك ؟ وسل تعطي واشفع تشفع .

فيشفع الشفاعة العامة لأهل الموقف فيضي الله بين الخلائق .

ثم يأمر الله أن يؤتي بجهنم كما ورد في الحديث الذي أخرجه

مسلم من حديث عبد الله بن مسعود رضي الله عنه قال : قال

رسول الله (( يؤتي بجهنم يوم القيامة لها سبعون ألف زمام

مع كل زمام سبعون ألف ملك يجرونها ))البخارى

يؤتي بجهنم لها سبعون ألف زمام مع كل زمام سبعون ألف ملك

يجرونها حيث أراد الله .. وحيث شاء الله .. وحيث قدر .

يؤتي بها تتغيظ ، يؤتي بها تتلظي . يؤتي بها تتقطع من الغيظ

علي العصاة والمشركين ، تأتي وهي تنطق بمنطق الأكول

الشره تقول لربنا جل وعلا هَلْ مِنْ مَزِيدٍ . قال تعالي :

يَوْمَ نَقُولُ لِجَهَنَّمَ هَلِ امْتَلأْتِ وَتَقُولُ هَلْ مِنْ مَزِيدٍ

(قّ:30)

أحبتي في الله : إن نار الآخرة حرها شديد ، وقعرها بعيد ،

ومقامعها حديد فنار الدنيا هذه جزء من سبعين جزءاً من نار

جهنم

ففي الحديث الذي أخرجه البخاري ومسلم من حديث أبي هريرة رضي الله عنه قال : قال رسول الله :

(( ناركم هذه التي توقدون جزء من سبعين جزءاً من نار جهنم

، قيل : يا رسول الله إن كانت لكافية ؟ قال : فإنها فضلت عليها

بتسعة وستين جزءاً كلُّهن مثلُ حرها ))مسلم

نارنا هذه التي تُحَطِّم ، والتي تدمِّر ، والتي لا يجرؤ أحد علي أن

يقترب منها وإن كانت ممثلة في شعلة صغيرة ، فما بالكم

بحريق هائل مدمر ، بحريق مروع ، هذا الحريق وهذه النار ،

بل كل نار الدنيا مجتمعة إنما هي جزءاً كلهن مثل حرها .الله

أكبر .. اللهم إنا نستجير بك من النار .أوقد عليها ألف عام

حتى احمرت ، وأوقد عليها ألف عام حتى ابيضت وألف عام

حتى اسودت فهي سوداء مظلمة

وكان ابن عمر يقول : أكثروا ذكر النار ، أكثروا ذكر النار ، فإن

قعرها بعيد وأن حرها شديد وإن مقامعها حديد

من طرف vet_nwara السبت يونيو 20, 2009 12:59 pm

واستمر الامام فى وصف النار وقلب عبد الرحمن مابين خفق

واضطراب حتى انهى الامام الخطبة الاولى

لقد كان لسكوت الامام لدقائق معنى اخر عند عبد الرحمن فكأنها

فرصة قد اعطيت له ليفكر فى الامر

ثم استفتح الامام الخطبة الثانية وبعد حمد الله والثناء عليه قال:

أحبتي في الله .فكما أن الجنة تشتاق لأهلها من المؤمنين

الصادقين فإن النار تشتاق بل تطلب المزيد من أهلها من

المجرمين والظالمين والكافرين . !!!ففي صحيح مسلم من

حديث أنس ، عن النبي قال :(( لا تزال جهنم يلقي فيها وتقول

هل من مزيد ؟ حتى يضع رب العزة قدمه فيها فينزوي بعضها

إلي بعض وتقول : قط قط وعزتك وكرمك ، ولا يزال في الجنة

فضل حتى ينشئ الله لها خلقاً فيسكنهم فضل الجنة ))(2)

اللهم أجرنا من النار .. اللهم أجرنا من النار وأدخلنا الجنة يا غفار .
عن أبي هريرة رضي الله عنه قال : قال رسول الله : (( ما

استجار عبد من النار سبع مرات إلا قالت النار : يارب إن

عبدك فلاناً استجار مني فأجره ، ولا سأل عبد الجنة سبع مرات

إلا قالت الجنة : يارب إن عبدك فلاناً سألني فأدخله الجنة ))البخارى

ثم انهى الامام الخطبة وصلى وعاد عبد الرحمن الى البيت وهو

فى حالة تأثر عجيبه فقد بكى اثناء الخطبة لاول مرة فى حياته

تأثرا بكلام احد وهو لايدرى اهذا تأثرا بالكلام او ضيق فى

داخله

فماذا صنع هل سيتوب اليوم؟ ام سيظل فى سهوه وتحول بينه

وبين التوبة عقبات؟؟؟؟؟؟

أنتهت الحلقه الخامسه
أتمنى تكون عجبتكم
وألقاكم فى الحلقه السادسه
أن شاء الله

من طرف vet_nwara السبت يونيو 20, 2009 1:03 pm

يمكن اتغيب عنكم كام يوم والله اعلم عشان كدا هنزل الحلقة الجاية كمان

من طرف vet_nwara السبت يونيو 20, 2009 1:15 pm

( الحلقة السادسة)

(العودة الى الله)

عاد عبد الرحمن الى البيت لقد كان قلبه يعتصره الالم واحس
برغبة شديده ان يحادث الله تبارك وتعالى وتذكر كلمة سمعها من

مدرس اللغة العربية فى الثانوية الذى كان يمتاز بتدينه وحرصه على نفع الطلبه كان
يقول بهم اذا احببت ان تحادث الله فعليك بالصلاة والقران فأغلق غرفته عليه وفرش
سجادة الصلاة وكبر للصلاة
لقد كان قلبه يحن الى ان يسجد بين يدى ربه وماان سجد الا انطلق قلبه قبل لسانه
قائلا......

يا رب يا رب جيت و جوايا كلام كتير... مش عارف أقول ايه يا ربى...مش عارف
أقول ايه يا ربى..اديتنى نعم كتيرة ... صحة ...بصر ...سمع.. مشى ..
حركةاديتنى الاب و الام والأخوه والأخوات... يا رب أقولها بحرقة و ألم يا رب أنا
مقصر و جيت اعترف بين ايديك جيت أبتهل ليك ... اتضرع ليك ... يارب هتقبلنى
؟؟

مين غيرك يرحم ذلى و فقرى؟ مين يرحم عجزى و ضعفى؟ الهى عصيتك كتير و أنت
كنت حليم ... بصيت للحرام و ماعاقبتنيش ... سمعت الحرام و ما عاقبتنيش ..

سبحانك عظيم يا ربى و حليم ... سبحانك عفوك كبيرو الله يا رب و الله يا رب :
أنا ندمان على كل معصية ارتكبتهاو الله يا رب انا تائب من كل كبيرة ارتكبتهاو الله يا رب انا عائد من بعد متهربت منك .. و اتغريت فى حلمك و عفوك ظنيت ان السعادة فى المعاصى فرحت أتقلب فيها يمين و شمالو فجأة قولت لنفسى :
مين اللى بيجرى الدم فى عروقى ؟؟
مين اللى بيتحكم فى حركتى؟؟
مين اللى بيتحكم فى عقلى ؟؟
مين القادر على ايقاف نبضات قلبى؟؟
مين القادر على شل أطرافى ؟؟
مين القادر على تعطيل نفسى ؟؟
إنه الله
[img:2bca]http://www.way2allah.com/forums/images/smilies/36_1_4[1].gif[/img:2bca]

ممكن يا عبد الرحمن تنام و ماتصحاش ممكن تاكل و متقدرش تبلع الاكل ممكن و ممكن و ممكن !!!! انا راجعلك يا رب عائد اليك ...اقبلنى ارجوك ..
انت الرحيم أنت الكريم .. أنت الحليم سبحانك لا أحصى ثنائا عليك أنت كما أثنيت على نفسك ..مين يغفر الذلات الا انت ...مين يمحو الخطايا الا انتأدعوك يا كريم أدعوك يا كريم أدعوك يا كريم : يا رباه أنت قولت { وإذا سألك
عبادى عنى فأنى قريب أجيب دعوه الداع إذا دعان }

يا رب انا واقف بين ايديك و قلبى خاضع ليك و عينى بتفيض ليكأنا العبد الذليل المنكسر و أنت القوى العزيز... يا رب هتشملنى بعفوك؟؟

يارب آوينى أنا وحيد فى صحراء مليش معين و لا قريب ..أنت حسبى أنت كفينى.الهى لو سبتنى اعدائى هيتسلطوا عليا ..لو هجرتنى هستولوا عليا .. لو طردتنى فيا بؤسى و شقائى .. يا قادر يا قاهر يا عليم بحالى يا مطلع عليَيارب يرضيك انكسارى بين يديك؟

يا رب : الشيطان بيشدنى للزنا .. و انا اقول لا لا ربى أحب ليا
يارب : الشيطان بيشدنى للغناء ... وأنا أقول : لا لا ربى أحب إليا ..

من طرف vet_nwara السبت يونيو 20, 2009 1:18 pm

[img:10fc]http://www.way2allah.com/forums/images/smilies/36_1_38[1].gif[/img:10fc]

يا رب هتتركنى بين يدى عدوك من غير سلاح؟يا رب أنت مبتخيبش رجاء حديا رب انت مبضيعش تائهيا ربى هتسلمنى للشيطان عشان انا عصيتك؟
لا يا ربى لا يا ربى أنت اكرم و أحلم و أعظم ...

عارف أنى أغضبتك كتير عشان ارضى نفسى و شهواتىعارف انى أغضبتك كتير عشان متاع ذاتى عارف انى غضبتك كتير عشان اعيش حياتى..لكن و الله و الله دلوقتى حياتى

من غير نور ... حياتى ملهاش طعم ...عصيتك كتير و صاحبت أنصار الشيطانوبعدت عن اهل الايمان .. اصحابى يزينولى المعاصى و الشيطان ينفخ فيا الاعجاب و اصبحت من جنده المخلصين..و فجاة فكرت فى حلمك عليا .. و شفقتك و عطفك بيا و كرمك و جودك
كنت بتقول : هو عبدى متأذوهوش يا ملائكتىو وأنا بين جند الشيطان .. الان قلبى يشتاق إليك يا رحمانيشتاق لقربك يا رحمان ..فرميت سلاح الاعداء و جريت بسرعة عائد ليك عائد لجند الايمان بجرى بسرعة فى الصحراء ديه و ببكى من الخوف خايف أموت قبل ما اوصل لك..

[img:10fc]http://www.way2allah.com/forums/images/smilies/36_1_4[1].gif[/img:10fc]
و الحمد ليك وصلت و ادينى بين ايديك يا مولاىو الله و الله يا ربى انت بتفرح بتوبتى ..و الله يا رب أنت بتفرح بعودتىمش انا عبدك ؟؟

يارب خد بإيدى إلى شاطىء الرحمات.. خد بإيدى إلى وادى الخيرات ..افرح بى هذه الليلة يا ربى..و الله يا ربى لو عندى كنوز الدينا كلها دهب و فضة كل ده ما يساويش فرحتك بيا.أنا محتاج لك قربنى ليك.. قربنى لبابك طال وقوفى .. طال قيامى .. طال نوحى .. طال دعائى ..طال رجائى ..خبطت على بابك و ايدى تعبت .. يارب يا كريم اغفر ليا دلوقتى يا رب اعفو عنى يا رب يا حليم استر عليا.اقبلنى يا أرحم الراحمين ..

ان كنت عصيتك فو الله ما قدرتكش قدرك.. ان كنت اغضبتك فو الله لأنى ما قدرتكش قدرك .. ان كنت استهنت بنظرك إليا فوالله ما قدرتكش قدرك....كانت بتمر عليا الأيه ديه { وما قدروا الله حق قدره والأرض جميعا قبضته يوم القيامه والسموات مطويات بيمينه سبحانه وتعالى عما يشركون } كانت بتمر عليا الأيه وأنا مش حاسس.كنت بتعجب من نفسى القاسيه اللى مبتتوبش ... كنت أناديها وأصرخ كنت أطلب منها تقترب من الله أكثر .... لكن الشيطان وضعف إيمانى كانوا أقوى ..

كان عبد الرحمن يبكى بحرارة .. [img:10fc]http://www.way2allah.com/forums/images/smilies/36_1_4[1].gif[/img:10fc]كانت كل دفقه دم فى قلبه تقول : لبيك يارب
لبيك وسعديك والخير كله بيديك ... ها أنا قد عدت بعد هروب طويل .. ها أنا

قد عدت بعد سفرا بعيد ....

فإذا لم تقلبنى يا مولاى فما حيلتى وما رجائى ؟؟ وأنت حيلتى ورجائى وإليك

أرفع ندائى .. أبعد هذا كله يا مولاى أكون أنا أشقى خلقك ؟؟ لا يارب لا يارب
لا أموت وأنت غير راضا عنى ... ثم أدخل إلى قبرى فيضمنى ضمه فتختلف
أضلاعى .... ويأتينى عملى القبيح فى صوره أنسانا قبيح ... ويفتح لى بابا
إلى النار .. وأعذب فى قبرى عذابا شديدا
لا يارب .. رحماك بى فأن جسدى لا يقوى على عذابك .. ثم بعد ذلك أبعث
من قبرى ... وأخشر مع المخلوقات عريانا لا شىء يستر جسدى ... ولا شىء
يخفى عيوبى .. اه اه من حسرتى حينئذا ... اه من حزنى وألمى ...
[img:10fc]http://www.way2allah.com/forums/images/smilies/36_1_4[1].gif[/img:10fc]

ثم أمشى على الصراط والنار من تحتى تزفر وتغلى ... وكلاليبها تخطف
الناس .. فيا ترى هل ستخطفنى هذه الكلاليب ؟؟ هل سأحترق بهذه النار التى
أوقد عليها ألف عام حتى أبيضت وألف عام حتى أحمرت وألأف عام حتى أسودت
فهى سوداء مظلمه ؟ ... لا يارب

ثم أين يكون مئالى ؟؟ مع من ؟ مع فرعون وهامان ... مع الذين كذبوا الرسل ...
مع الذين حاربوا محمد صلى الله عليه وسلم ... أسقى صديدا وزقوما ....
وتقيدنى الأغلال والنيران ... يــــــــا حسرتى يـــــا أسفى[img:10fc]http://www.way2allah.com/forums/images/smilies/36_1_4[1].gif[/img:10fc]

كان عبد الرحمن يتأوه بشده .. و يقول : يارب يا من أمرتنا بالمسارعه إلى
جناتك ...هـــــــــــا أنا الأن أسارع إليك ... وفى قلبى لك حبا وذل ... صحيح أننى فعلت الفواحش .. صحيحا أننى ظلمت نفسى لكن كرمك وعفوك أكبر ...{ وسارعوا إلى مغفره من ربكم وجنه عرضها السماوات والأرض أعدت للمتقين }
مولاى مولاى بحق عبوديتى لك بحق فقرى إليك .. بحق أنى عبد المسلم أسألك هذه الليله : أن تتولانى .. أسألك هذه الليله أن لا تطردنى .... أسألك هذه الليله أن لا تبعدنى ؟

أسألك أن تكون معى ... كم هى أفضالك ؟ كم هى أنعامك ؟ كم هى خيراتك ؟
والله يارب لو بقيت العمر كله واقفا على قدمى فلا أدرى أيكفى هذا لترضى عنى ؟
يا رحمان أدخلنى حديقه الرضا ... يا رحمان أرحمنى من بحر الدموع الذى اغرق
فيه الأن ... كبلتنى الشهوات والذلات .. ففك قيدى يارب .... أنزعنى من الرق
الذى أنا فيه ...
[img:10fc]http://www.way2allah.com/forums/images/smilies/36_1_4[1].gif[/img:10fc]

يارب لقد أدركت أن رقى إليك وعبوديتى إليك ... هى قمه العز والرفعه ...
لقد أدركت يارب أن مفاتح الخير بيديك ... لقد أدركت يارب أن خزائن الرحمه
عندك وليست عند أحدا سواك ... سبحانك ما أعظمك سبحانك ما أحلمك سبحانك
ما أجلك وأقدرك ...

[img:10fc]http://www.way2allah.com/forums/images/smilies/36_1_39[1].gif[/img:10fc]

من طرف **dr:sniper** السبت يونيو 20, 2009 3:26 pm

جزاااااااااااكى الله خير

وممكن نتوقف فى الفترة دى ونناقش اللى جه فى الحلقات

ويا رب نسألك الهدايه لنا ولأمه محمد اجمعين

من طرف **marmer** السبت يونيو 20, 2009 6:44 pm

جزاكِ الله كل خير

اللهم اعنا علي ذكرك وشكرك وحسن عبادتك

ياااااااااااااااااااااااااااااااااااااااااااااارب

من طرف vet_nwara السبت يونيو 20, 2009 9:01 pm

أنا رأيي من رأي دكتور سنايبر

في حاجات كتير محتاجة ننتناقش فيها

في الاول مثلا قبل ما يلتزم كان عايش حياته من غير هدف ومقضيها نوم طيب احنا بنعمل كدا دلوقتي ؟؟؟؟؟؟؟؟؟

وازاي ممكن نستفاد من الاجازة؟؟؟؟؟؟؟؟؟

الخطوة الاولى للإلتزام ؟؟؟؟؟؟؟؟ ازاي كلنا ممكن نخطو الخطوة دي؟؟؟؟؟

لاحظو من اسباب هدايته شاب صالح معاه ؟ طريق الدعوة ازاي ممكن كل واحد فينا يكون داعية بأخلاقه وابتسامته وازاي ممكن ناخد بإيد بعض؟؟؟؟

المعوقات الي ممكن تقابلنا في الالتزام محدش يتخيل ان الطريق مفروش بالورود؟؟؟؟؟؟؟؟؟

أصدقاء السوء وتأثيرهم ؟؟؟؟

الخطب والمواعظ وأثرها ؟

يلا عاوزين مناقشة بناءه وربنا يعينا كلنا

من طرف **dr:sniper** الأحد يونيو 21, 2009 11:08 am

ممكن نبدا باصدقاااء السوء

مين هو صديق السوء

ازاى تبعد عنه
هيضرك ازاااااى

دعوه للحوار

من طرف **dr:sniper** الأحد يونيو 21, 2009 11:37 am

السلام عليكم روحمه الله وبركاته

دعا الإسلام إلى اتخاذ الأصدقاء من الصالحين، وحذر
من صداقة الأشرار الذين يزينون إلى أصدقائهم فعل الشر، فيقعون في المعاصي
والآثام، وتكون عاقبتهم النار يوم القيامة، فيندمون حيث لا ينفع الندم

قال تعالى : ( ويوم يعض الظّالم على يديه يقول يا ليتني
اتّخذت مع الرّسول سبيلاً * يا ويلتا ليتني لم اتّخذ فلاناً خليلاً * لقد
أضلّني عن الذكر بعد إذ جاءني وكان الشّيطان للانسان خذولاً )

ما يستفاد من الآيات:

يستفاد من الآيات الكريمة أمور منها:

1-المسلم يبتعد عن قرناء السوء.

2- بيان خطر الشيطان على الإنسان.

لان صديق السوء كالشيطاااااان

عن أبي موسى الأشعري رضي الله عنه أن النبي صلى الله عليه وسلم قال: “إنما
مثل الجليس الصالح وجليس السوء كحامل المسك ونافخ الكير، فحامل المسك إما
أن يحذيك وإما ان تبتاع منه وإما أن تجد منه ريحاً طيبة ونافخ الكير إما
أن يحرق ثيابك وإما أن تجد منه ريحاً منتنة” صدق رسول الله صلى الله عليه
وسلم”. (رواه البخاري ومسلم)

ما أروعه من معنى، وما أجمله من تصوير، تتجلى فيه البلاغة النبوية وروعة
البيان وإن من البيان لسحرا. صورة حية صادقة للجليس، فالجليس الصالح هو
الذي ترتاح إليه النفس ويطمئن به الفؤاد وتنتعش الروح طربا لحديثه وتنعم
بمجالسته وتسعد بصحبته، إنه عدة في الرخاء وزينة في الشدة وبلسم الفؤاد
وراحة النفس. صحبة الصالحين بلسم قلبي: انها للنفوس أعظم راقي.

وقد شبهه الرسول صلى الله عليه وسلم ببائع الطيب الذي ينفحك بعطره ويغمرك
بنشره فإما ان يهديك وإما أن تجد عنده ريحا طيبة فأنت معه في ربح دائم
ونشوة غامرة، أما جليس السوء فليس هناك أبلغ من تشبيهه بالحداد الذي ينفخ
بكيره فأنت معه في خسارة دائمة فإن لم يحرقك بناره أحرقك بشرارة فصحبته
همٌ دائمٌ وحزنٌ لازم، والرسول صلى الله عليه وسلم: عندما يقول مثل الجليس
يقصد بالجليس الصالح هنا الصديق الفاضل المتحلي بالأخلاق الكريمة وكذلك
جليس السوء الصاحب السيئ وحامل المسك هو بائع العطور وهو يقابل الحداد
نافخ الكير واستخدام الرسول صلى الله عليه وسلم للفعل المضارع الذي يدل
على الحال والاستقبال في قوله تبتاع منه أي تشتري منه وهو فعل مضارع من
باب الافتعال للمبالغة في طلب البيع.

]

كما اشتمل هذا الحديث على الحث على
اختيار الأصحاب الصالحين، والتحذير من ضدهم. ومثَّل النبي صلى الله عليه
وسلّم بهذين المثالين، مبيناً أن الجليس الصالح: جميع أحوالك معه وأنت في
مغنم وخير، كحامل المسك الذي تنتفع بما معه من المسك: إما بهبة، أو بعوض.
وأقل ذلك: مدة جلوسك معه، وأنت قرير النفس برائحة المسك.
فالخير الذي يصيبه العبد من جليسه الصالح أبلغ وأفضل من المسك الأذفر،
فإنه إما أن يعلمك ما ينفعك في دينك ودنياك، أو يهدي لك نصيحة، أو يحذرك
من الإقامة على ما يضرك. فيحثك على طاعة الله، وبر الوالدين، وصلة
الأرحام، ويبصرك بعيوب نفسك، ويدعوك إلى مكارم الأخلاق ومحاسنها، بقوله
وفعله وحاله. فإن الإنسان مجبول على الاقتداء بصاحبه وجليسه، والطباع
والأرواح جنود مجندة، يقود بعضها بعضاً إلى الخير، أو إلى ضده. وأقل ما
تستفيده من الجليس الصالح – وهي فائدة لا يستهان بها – أن تكف بسببه عن
السيئات والمعاصي، رعاية للصحبة، ومنافسة في الخير، وترفعاً عن الشر، وأن
يحفظك في حضرتك ومغيبك، وأن تنفعك محبته ودعاؤه في حال حياتك وبعد مماتك،
وأن يدافع عنك بسبب اتصاله بك، ومحبته لك. وتلك أمور لا تباشر أنت
مدافعتها، كما أنه قد يصلك بأشخاص وأعمال ينفعك اتصالك بهم. وفوائد
الأصحاب الصالحين لا تعد ولا تحصى. وحسب المرء أن يعتبر بقرينه، وأن يكون
على دين خليله. وأما مصاحبة الأشرار: فإنها بضد جميع ما ذكرنا. وهم مضرة
من جميع الوجوه على من صاحبهم، وشر على من خالطهم. فكم هلك بسببهم أقوام.
وكم قادوا أصحابهم إلى المهالك من حيث يشعرون ومن حيث لا يشعرون. ولهذا
كان من أعظم نعم الله على العبد المؤمن، أن يوفقه لصحبة الأخيار. ومن
عقوبته لعبده، أن يبتليه بصحبة الأشرار.
صحبة الأخيار توصل العبد إلى أعلى عليين، وصحبة الأشرار توصله إلى أسفل سافلين.
صحبة الأخيار توجب له العلوم النافعة، والأخلاق الفاضلة والأعمال الصالحة،
وصحبة الأشرار: تحرمه ذلك أجمع

فـلا تصحب اخا السوء واياك واياه
فكم من جاهل اردى حكيما حين اخأه
يقاس المرء بالمرء اذا ما المرء ماشاه
وفي الناس من الناس مقايس واشباه
وفي العين غنى للمرء ان تنطق افواه
وفي القلب على القلب دليل حين يلقاه

من طرف **dr:sniper** الأحد يونيو 21, 2009 11:38 am

كيفية معرفه صديق السوء!!؟

بسم الله الرحمن الرحيم
اصدقاء السوء يوجدون بكثرة...من السهل جداً بالتعرف على صديق السوء و من
الصعب جداً ان تحصل على صديق خير .. اريد ان اعقد مقارنه بين صاحب السوء و
صفاته و صاحب الخير من خلال خبراتي:
اولاً:اذا طلبت شيئاً من صاحب السوء يخلقلك مبررات و اعذار لأنها لم تعود
له بمصلحه و اذا نفذلك طلب يكون بغرض انه اذا طلب منك أيضاً سيكون اضعاف
طلباتك...اما صاحب الخير تحس انه غلبان لو طلبت منه حاجة ينفذهالك بغرض
إرضاءك و بقدر إستطاعته
ثانياً:صديق السوء دائماً محتاج اكثر من الفقير طلباته كثيرة و دايماً لما
بيحس ان معاك حاجه لازم ياخدها منك او تزول...صديق الخير لما يحتاج حاجه
يطلب بقدر محدود او يحاول ان يتخلص من مطلبه بنفسه
ثالثاً:و كلنا نعرف هذا...الصاحب السئ فى وقت الصعوبات و المحن ولا يعرفك
او يسمع عنك...صاحب الخير بيساعدك او ينصحك او على الأقل يقف جنبك
رابعاً:يميل صديق السوء للأعمال المنحرفه مثل شرب السجاير و تعاطي
المخدرات و إقامة علاقة صداقة مع البنات عشان يبقى حمش و صايع و صاحب مبدأ
و هوه انه بيعرف يعيش حياته ازاى...طبعاً صديق الخير تجد منه ان هدفه فى
الحياة انه كان ليه احلام و عايز يحققها و يبقى محترم قصاد الناس و نفسه
يحسن نفسه و يبقى احسن من الأول
خامساً:صديق السوء في ايام الأمتحانات سواء فى الثانوية او الكلية ما
بيحطش فى دماغه انه يذاكر و يحاول يضيع وقته بأنه يمشي من الناس اللى
بتذاكر كويس عشان يضيعهم معاه...صديق الخير عكس ذلك لأنه بينظر لنفسه فقط
انه يبقى الأحسن
سادساً:صديق السوء لما يلاقي معاك مصلحه له تبقى حبيبه الروح بالروح ..
يعني بيمشي معاك كمصلحة و اذا لم يجد معك مصلحة يهملك و لا يعطيك
إعتبار...اما صديق الخير بيمشي معاك و يكلمك كصديق و ليس بغرض مادي~~~
إذا وجدت الكلام ده كله مطابق على شخص يجب الإبتعاد عنه فوراً لأنه مثل
الفيرس المعدي و يجب التخلص منه...ولا فائدة من النصح لأنه فاسد
اذا وجدت احدي هذه الصفات فى شخص فإنه كامريض محتاج لعلاج و ما اكثر المرضى فى عصرنا هذا......

من طرف vet_nwara الأحد يونيو 21, 2009 7:17 pm

مجهود راااااااائع سنيبر بحيك عليه

وفعلا المفروض كل واحد يحاول يبعد عن صديق السوء وكل واحد فينا عارف من اصدقاء السوء الي اهم حاجة مصلحتهم وميعرفوهوش الى وقت المصلحة

نحاول نخلي علاقتنا بيهم سطحية جدا

ولازم ندور على الصحبة ةالصالحة الي بتدفع الواحد للارتقاء دوما وتحط قدامه معاير الصلاح وتنبه لو وقع في غلط حتى لو التنبيه دا ممكن يفسد علاقة الصداقة بينهم فهو يهمه مصلحتك قبل كل شئ

وكمان بياخدوا بايدك للنجاح في الدنيا والنجاه في الاخره

وربنا يرزقنا جميعا الصحبة الصالحة اللهم آمييييييييييييييييييييييييييييييييييييين

وانشودة دلني في موضوع هنا البديل مناسبة للموضوع دا

من طرف **merooo** الأحد يونيو 21, 2009 8:37 pm

بجد جزاكي الله خير نوارا ود سنيبر علي المعلومات الهايله دي

فعلا الاصدقاء عليهم عامل كبير جداااااااااااااااا

وبجد نوارا من الصديقات اللي دايما تدفعني لقدام

ويارب الصداقه دي تدوم علي طول

من طرف vet_nwara الإثنين يونيو 22, 2009 11:17 am

دا من ذوقك يا ميرو إنتي تستاهلي أصدقاء أحسن مني بكتير

من طرف vet_nwara الخميس يونيو 25, 2009 10:46 am

طيب يا جماعة ممكن نتكلم دلوقتي

عن أسلوب الدعوة

طبعا كل واحد فغينا ممكن يكون داعية باخلاقه وتصرفاته وغير كدا

ممكن مثلا شرايط زي ما حصل مع عبد الرحمن ممكن التحفيز على الصلاة في المسجد برده زي ما في قصتنا

يلا الي عنده طريقة كمان يجي يقولها

من طرف vet_nwara الثلاثاء يوليو 07, 2009 4:58 pm

لأن مفيش تفاعل
هنكمل بقيت الحلقات

تركنا اخونا عبد الرحمن بعدما عاد الى الله تعالى تركناه على باب التوبة بعدما عزم على الاقلاع والعودة

الحلقة السابعة

( القلب الجديد)

أستمر عبد الرحمن فى البكاء ولم ينبه الا صوت المؤذن لصلاة

العصر لقد قرع صوت المؤذن قلب عبد الرحمن ولكن فى هذه

المرة لن ينام فقد بدد نور التوبة سحب الغفلة على قلبه

أسرع عبد الرحمن الى الخلاء توضئ هذه المرة شعر شعور

عجيب لقد كانت مياه الوضوء تنزل على جسده كأنه بلسم يضمد له

جراح كثيرة وكأن هذا الوضوء يطهر قلبه وليس فقط تطهير للجسد
ثم خرج عبد الرحمن من الخلاء فنادى عليه

ابوعبد الرحمن : رايح فين ياعبد الرحمن

عبد الرحمن: نازل اصلى

ابو عبد الرحمن: تصلى؟؟؟؟؟؟ غريبه ده من امتى

عبد الرحمن : ادعيلى يابابا

ابو عبد الرحمن: مالك ياابنى انت حد مزعلك او فى مشكلة ؟

عبد لرحمن: لا ابدا بس عايز انزل المسجد لاصلى

ابو عبد الرحمن: طيب براحتك انزل ربنا يسعد قلبك

يالله كم هى دعوة جميلة نزلت على قلب عبد الرحمن كما ينزل

القطر على ارض مجدبة

على باب المسجد وقف عبد الرحمن ، هذه المرة انت من جئت

ياعبد الرحمن لم يجبرك احد لتدخل المسجد الحمد لله

يارب اقبلنى يارب

ثم دخل المسجد .....

جلس ينتظر الصلاة ... وهو يقلب بنظره فى وجوه المصلين

يااااااااااااااااااااااه كل هؤلاء يعبدون الله اين كنت ياعبد الرحمن ؟

هؤلاء جميعا افضل منى .... هل ستستطيع ياعبد الرحمن ان تلحق

بهم ؟؟؟
ياااااااااااااااااااااااارب يااااااااااااااااااااارب

أقاموا الصلاة وصلى عبد الرحمن ثم عاد الى المنزل

قابلته امه بوجه بشوش وقالت له تعال ياعبد الرحمن لتأكل

جلس على الغذاء وأكل كانت اخته الصغرى والكبرى يحادثنه لكنه

لم يكن بقلبه او عقله معهم

شعر كل من فى البيت بتغير عبد الرحمن فهو لايجلس امام التلفاز

كعادته ولا يتحدث فى الهاتف بالساعات مع اصدقاءه

وصديقاته!!!!!!!! ماذا حدث ؟

وكلما سألوه قال لاشئ

انتهى اليوم على خير و جاء وقت النوم نام عبد الرحمن وأيقظته امه

فى الصباح للجامعه استيقظ وصلى الصبح بعد الشروق طبعا فهو

بعد لايدرى شئا ثم ذهب الى الجامعه

ياترى ماذا سيحدث؟؟؟؟؟؟؟؟؟؟؟؟؟؟؟؟

من طرف **dr:sniper** الثلاثاء يوليو 07, 2009 5:57 pm

ماذاااااااااا سيحدث؟؟؟؟؟؟؟؟؟

من طرف vet_nwara الخميس يوليو 09, 2009 9:26 am

بسم الله الرحمن الرحيم

السلام عليكم ورحمة الله وبركاته

ومع

(الحلقة الثامنة)

وبدأ الصراع

هل اشتقتم لتكملوا المسير مع اخينا عبد الرحمن ؟؟؟

خرج اخينا عبد الرحمن من بيته فى الصباح للذهاب الى الجامعة

انتظر الاتوبيس طويلا لكن هذه المرة لم يكن يشعر بطول

الفترة التى وقفها فى انتظار الاتوبيس اتعرفون لماذا؟؟؟؟؟

**يوميات شاب ملتزم ** 2314.imgcache

لقد كان بين يدى عبد الرحمن اعظم كنز ..... لقد كان بين

يديه اجمل كلام ...... مااعظمه من رفيق درب .... وحبيب قلب

لقد كان يحمل مصحفه انه لم ينس اول مرة دخل فيها الى مسجد

الجامعة ورأى ذلك الشاب المضيئ الوجة( عبد الله) انه يتذكره

وهو يمسك بالمصحف ليقرأ ومدى تأثره لكلام ربه ...... لقد

ظل هذا المشهد فى قلب ووجدان عبد الرحمن الى ان اتى الوقت

الذى سيطبقه فيه .........

**يوميات شاب ملتزم ** 2315.imgcache

واستفد معى من هذا الموقف انه ربما تدعو احدا بكلمة او بنظره

ولايؤثر فيه الكلام فى هذا الوقت الا انه ربما يؤثر ولو بعد

حين .......

اتى الاتوبيس فركب عبد الرحمن الزحام شديد ..... لقد ذكره

هذا الزحام بما رآه فى المسجد من مصلين وعباد وتكرر على

خاطره مرة اخرى .... اين انا ؟؟؟؟ يارب انا ارجو القرب فقربنى

ثم اعاد عبد الرحمن نظره فى مصحفه وظل يتلو ايات ربه جل

وعلا .... مع انه كان يتتعتع كثيرا فيما يقول لكن دفعة التوبة

وحرارتها كانت تجعله يواصل

اذا هبت رياحك فاغتنمها .... فعقبى كل خافقة سكون

دخل عبد الرحمن الجامعة ..... سبحان الله ماهذا ..... لقد

وقعت عين عبد الرحمن على فتاة متبرجة .... لماذا لم يكن

يرى هذا قبل الالتزام يالله لقد بدأ الشيطان الرجيم افعاله ....
سلم يارب سلم

غض عبد الرحمن بصره ومضى فى طريقه .... صعد الى
المدرج

دخل وجلس لم يكن بعد الدكتور قد جاء ظل مدة شارد الذهب الى
ان انتبه بيد تربط على كتفه

اعترف بتفكر فى ايه ؟؟

عبد الرحمن: اهلا يامحمد ازيك؟

محمد : الحمد لله ، مالك كده سرحان؟

عبد الرحمن: لا ابدا انا كويس الحمد لله.

محمد : ماشاء الله انا حاسس انك متغير النهارده

عبد الرحمن: صحيح؟ يارب يامحمد انا نفسى فعلا اتغير

محمد: اان شاء الله هتتغير وهتبقى احسن ماسمعتش ربك جل

وعلا وهو يقول
( قُلْ يَاعِبَادِي الَّذِينَ أَسْرَفُوا عَلَى أَنْفُسِهِمْ لا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ ) الزمر/

يعنى مهما عصيت طالما رجعت لربنا ماتقلقش هيقبلك ويغفرلك ذنبك.

عبد الرحمن: يارب

دخل الدكتور وانصتوا للمحاضرة وانتهت المحاضرة وحان وقت
صلاة الظهر

نزلا الى المسجد ودخلا لقد كان يبحث عبد الرحمن بين

الحاضرين بعينيه ياترى عن من كان يبحث؟

لقد كان يبحث عن عبد الله لكنه لم يجده ، سأل محمد اين عبد الله يامحمد ؟

**يوميات شاب ملتزم ** 2314.imgcache

محمد: مش عارف تعال نصلى ونبقى نسأل عنه .

بعد الصلاة سأل محمد الحاضرين عن عبد الله !!!!!!

وكانت المفاجأة لقد اجابوه انه قد حدث له حادث سير وهو الان فى المستشفى !!!!!
**يوميات شاب ملتزم ** 2314.imgcache

يالهول الفاجعة على قلب عبد الرحمن ، لقد فزع قلبه على هذا الفتى الربانى الذى كان من اسباب هدايته

فقال لمحمد: لابد ان نذهب لزيارته .

محمد : ان شاء الله لكن غدا ليس اليوم لان امى ستذهب اليوم الى الطبيب ولابد ان اكون معها .

عبد الرحمن : غدا ان شاء الله .

عاد عبد الرحمن الى البيت وهو حزين على ماحدث لعبد الله ، دخل فالقى السلام
ردت والدته عليه السلام وهى متعجبه ثم قالت : احضر لك الغداء

عبد الرحمن: ايوه ياماما ربنا يكرمك

الام: حاضر ياابنى

تغدى عبد الرحمن ودخل لغرفته امسك بمصحفه يقرأ ، دخل عليه ابوه ونظر اليه نظرت تعجب ثم خرج ودعا له بالهديه

**يوميات شاب ملتزم ** 2320.imgcache

من طرف fulla الخميس يوليو 09, 2009 4:23 pm

انا طبعا بشكرك على الموضوع الجميل دة وربنا يوفقك ويجازيكى خيرا عن كل واحد قرا الموضوع دة واتاثر بية وقد يكون غير مجرى حياته!!!!!!!!!!!!!! ربنا يجعلة في ميزان حسناتك مستنين الحلقة التاسعة