شغل بنات, انا والبطيخ وهواك

من طرف ???? السبت أبريل 11, 2009 12:42 am

المذيع: ((أحببتك حباً لم يحببه حبوب لأحداً من الحبايب بكل الحب هنتكلم عن الحب ))

مستمعينا بنرحب بيكوا فى حلقتنا النهاردة ونقول ألووووووو

المتصلة : ألو (بصوت رقة مصطنع طبعا لأنها خايفة أبوها يصحى)

المذيع : نتعرف بيكى

المتصلة : أنا عنايات

المذيع : أزيك يا عنايات بنرحب بيكى وعايزين نعرف أيه مشكلتك

عنايات : أنا مشكلتى أنى مش عارفة ألاقى الحب الحقيقى, ارتبطت بــ 7 شباب وأنا فى سنة أولى, لكن فى كل مرة مكنتش بلاقى الفارس اللى حيخطفنى على الحصان الأخضر

المذيع : قصدك الحصان الأبيض

عنايات : لا انا بحب الأخضر أكتر, المهم اتخطيت المحنة دى وقلت أبدأ حياتى من جديد لما كنت بعيد سنه أولى, بس برضه ملقيتش الأنسان الكويس فى الــ 5 شباب اللى ارتبطت بيهم

المذيع : طب وعملتى أيه بعد كده يا عنايات

عنايات : قلت أستقر واتجوز يمكن ألاقى الحب الحقيقى مع اللى حتجوزه

المذيع : طب ده كلام كويس قوى, أهو تلاقى على الأقل حد يلمك

عنايات : ماهو المشكلة برضه أنى مالقيتش الأستقرار فى الــ 4 مرات اللى اتجوزت فيهم

المذيع : مممممممممم

عنايات : تفتكر يا أستاذ حرحش المشكلة فى أيه, أنا حاسة أنه العيب مش فيا, بس مش عارفة العيب فى مين

المذيع : عنايات (بيقولها طبعا بصوته الساحر الشاجى الباكى الحساس) انتى مشكلتك أنك محتاجة الحنــــــــــــــــان, لأنك وانتى صغيرة مامتك ماكنتش بترضى تجيبلك كتاكيتو الشمعدان, وده خلى عندك عدم ثقة فى الرجالة, وعلاجك أنك تواجهى أمك بمشكلة الشمعدان, وقتها بس حتحسى بالأمان والحنـــــــــــان

عنايات : انا مش عارفة أشكرك أزاى يا أستاذ حرحش على تفسيرك للموضوع, ده فعلا اللى أنا حاساه, وده حيحللى مشكلتى أكيد مع الــ 2 اللى ماشية معاهم دلوقتى

المذيع : بنشكرك يا عنايات ونسمع دلوقتى أغنية رومانسية بعنوان ((العنب))

وسمعنى احلى صوت بقى لبرنامج ...انا والبطيخ وهواك

من طرف **Dr. Ju MaNjI** السبت أبريل 11, 2009 11:18 pm

ههههههههههههههههههههههههههههه

جاااااااااااااااااااااامد يبنى والله

وموضوعاتك
حلوه بجد

تسم ايدك يا مودى

ودايما فى تقدم

من طرف ???? السبت أبريل 11, 2009 11:55 pm

فعلا بجد ميرسى على التشجيع

والمنتدى ده منور بوجودك

من طرف **marmer** الثلاثاء أبريل 14, 2009 8:15 pm

ههههههههههههه

تسلم

كان الله في عون الشباب بجد

انما هي ............ ربنا يشفيها

من طرف **merooo** الخميس أبريل 16, 2009 8:22 pm

ههههههههههههههههههههههههه

حلو اوي

بس انا بجد بحب اسمع اسامه منير بالرغم من انه كتييييييييييير بيكون تافه

بس البنات بتصعب عليا

من طرف RIKA الجمعة يونيو 12, 2009 12:49 pm

انا فعلا مبحبش الاستاذ حرحش
والبنات اللى بتتصل باحسها بتدلع شويتين 3 4ان لم يكن 5 وربما يكون 6

انا ارفض التريقه علي البرنامج
انا حاسه فيه ان علي الاقل في ناس بتفضفض باللي موش بتقدر تفضفض بيه لحداو موش لاقيه حد تفضفض معاه

مع اني موش متابعه البرنامج بس شايفه انه لي الاقل بيشيل هموم ناس كتير

من طرف no comment الإثنين يونيو 22, 2009 11:07 pm

حلو اوي يامودي ..
انا رئيي ان استاذ حرحش دا مبيحلش ولا بيربط .. بس هي الفكرة فعلا ان فيه ناس كتير في الدنيا دي مبتلاقيش حد تشكيلوا... مع العلم ان 90% من إلي بيتكلموا بيدلعوا وبيستهبلوا ..

من طرف **RaNdY OrTeN** الثلاثاء يونيو 23, 2009 1:31 pm

هههههههههههههههههههه

حرحش (اسامة منير ) بيستعبطهم يا عيني وهما زي الغلابة بيسدقو
والله يابني جامدة

من طرف sandra الأربعاء يونيو 24, 2009 4:06 pm

ههههههههههههههههههههههههههههههههههههههههههههههه
رائعه جدا بس ممكن سؤال ىعني ايه كتاكيتوا الشمعدان هل دا لبان جديد!
انا فعلا بحس انه مش مثمر وبيعطي اراء حياديه انا سمعته مره واحده بعد ما والدي لفت نظري ليه
ملحوظه انا حسيت ان كل البنات اللي اتصلت لها نفس رنة الصوت
هل دي مصادفه!
مع تمنياتي بالتوفيق