ايادي عايزه القطع

من طرف **باسووم** الأحد فبراير 01, 2009 8:49 pm

بصوا يادكاتره انا جبتلكم صوره
بتوارينا حال مصر دلوقتي واحب كل واحد يعلق
علي الصوره حتي ولو تعليق بسيط عشان هو فعلا موضوع مهم
.................................................
ايادي عايزه القطع Masrdq1go5

من طرف sandrilla الأحد فبراير 01, 2009 9:36 pm

انا بقي مش اعتقد انا متأكده ان ده حال مصر
وفعلا ايادي عايزه تتقطع
بس تفتكرو مين اللي المفروض يقطعها ويدوس عليها كمان
مين اللي المفروض انه بفكر ازاي نتخلص من القيود دي
مش احنا
ياجماعة احنا مش امل مصر بس احنا امل الامة دي املها انها ترجع زي ماكانت خير امة
وللاسف ده حال وطنا العربي كله بس نعمل ايه دي بلدنا وده وطنا ولازم نذود عنهم
ولازم نفضل نحبهم ولازم مصر بأملنا واحلامنا ترجع زي ماماكانت عروسه في ليلة زفافها مش عجوزه علي فراش الموت
ومش هقدر اقول غير زي ماقال صلاح جاهين
علي اسم مصر التاريخ يقدر يقول ماشاء
انا مصر عندي احب واجمل الاشياء
بحبها وهي مالكه الارض شرق وغرب
بحبها وهي مرمية جريحة حرب
بحبها بعنف وبرقة وعلي استحياء
واكرهها والعن ابوها بعشق زي الداء

اظن بعد ماعمنا قال كلمته يبقي ولا نص كلمه Very Happy

من طرف **Dr. Ju MaNjI** الإثنين فبراير 02, 2009 6:16 am

دا بالظبط فى شبه من المثل الصعيدى اللى بيقول
أجاجافقع
الترجمه :أجى أقف أقع
بس هم بيخطفوها كدا
مفيش تقدم من الاخر
بس الايد دى بتوضحلنا اننا فينا الخير وبنحاول نتقدم بص الاصعب اننا بنتثبط بسرعه
يعنى كأنك يا أبو زيد ما غزيت
غزيت هنا ليست بمعنى (طعنت)

من طرف **merooo** الإثنين فبراير 02, 2009 10:46 pm

هيا معبره جدا بس ممكن نفضل كدا علي طول؟؟

ما اعتقدش
دوام الحال من المحال

من طرف vet_nwara الثلاثاء فبراير 03, 2009 12:04 am

هي فعلا معبرة بس يا ترى مين السبب و قلنا الحكومة فالرسول عليه الصلاة والسلام يقول ( كيفما تكونوا يولى عليكم ) يعني من الأخر كل واحد يبدأ بنفسه ويصلح منها عشان الحال يتعدل ودا رأييييييييييي

وشكرا للموضوع المميز

بصراحه بقي يا جماعه انا شايفه ان مصر من الاول مشلوله
مقطوعة الاطراف
مافيش تقدم اصلا بيحصل بل كل يوم بيعدي بيبقي اسؤا من اللي قبله
والمشكله ان مصر هي اللي بتاكل في نفسها من جعها وألمها
مصر بقت جثه
ما بتشوفوش شوارعها المليانه بالقمامه
والا المجاري الضاربه
والتعليم والاسكان والا الزراعه......................... الواحد موش عارف يقول ايه والا ايه والا ايه
انتوا عارفين لو فيه حاجه عدله كان هيبقي فيه امل
انما الامل الوحيد اللي في الشباب ضاع هو كمان
بعد ما شغلهم النت والتلفزيون والدش...............وكلام الحب اللي مالوش اي طعم ولا لزمه
معلش يا جماعه انا موش بحبطكوا بس الحقيقه بجد هيا كده
دا الواحد بطل يسمع اخبار عشان ما يجيلوش ضغط من اللي بيحصل بجد حرام...حرام

من طرف dr fatafeet الثلاثاء فبراير 03, 2009 12:55 pm

فعلا ياجماعه صوره معبره جدا وتوصف الواقع المرير اللي احنا بنعيشه بس احنا السبب فيها ولكل فعل رد فعل هنفضل كدا الحال هيفضل كده والحب مش كلام الحب افعال لازم تترجم علي ارض الواقع