حب من طرف واحد

من طرف هدهد الأحد مارس 22, 2009 10:03 pm

تعمل ايه لو بتخب حد من طرف واحد

يعني هوه قريب منك
وتعرفه كويس وهوه كمان يعرفك

بس انت مش عارف تقوله انك بتحبه
وتفضل كده
تشوفه قلبك يدق
وتكلمه ما تعرفش تقول كلمه على بعضها
والمشكله انه مجروح
ومضايق من الحب
حتى لو جبتله سيرة الحب
يغير السيره
لانه اتجرح كتيير

هه
تعمل ايه

من طرف mena metwashlah الإثنين مارس 23, 2009 3:32 pm

بيتهيالي تفرق من ولد لبنت
انا بالنسبالي هحاول اوصله شعوري وممكن اقوله لو لزم الامر بالكلام مش الفعل بس علشان اشوف رد فعله
ومش لازم اتكلم في الحب علشان اعرفه اني بحبه ممكن اوصله ده باي طريقة تانية
احسسه اني واقف جنبه

من طرف **marmer** الإثنين مارس 23, 2009 8:29 pm

انا مع مينا في انها تختلف من بنت لولد

واعتقد انه صعب قوي مع البنت انها تعترف بحبها ده

هي ممكن تلمح بيه

لكن تعرف صعب قوي

بس اعتقد ان معظم البنات حيائها يمنعها من اي حاجة زي دي ولو حتي انها تلمح

من طرف هدهد الإثنين مارس 23, 2009 11:51 pm

يا جماعه انا بتكلم
ان واحده بتحب واحد صاحبها من زمان بس هو كان مرتبط
وانجرح جرح كبير قوي
وعشان كده ما عدش بيتكلم في الحب وانا حاسه ان قلبه لسه مع اللي بيحبها
مع انها استحاله ترجعله عشان هي اتجوزت
بس انا مش عارفه لو قولتله او عرفته وهو كان
لسه بيحبها
انا اصلا حبيته عشان شخصيته جمييييييييييييييييييله جدا
انسان فوق الوصف
كلامه اشعاره واغانيه
والاجمل اخلاصه للبنت اللي اتجوزت انه لحد دلوقتي لسه ما حبش حد ولا حتى اتكلم عن حب
مع اني اقرب الناس ليه
مش عارفه اعمل ايه

من طرف dr\kemoooo الأربعاء مارس 25, 2009 2:26 am

no comment
لا بصراحة موقف صعب اووووووووى
د\\كيموووووووووووووووووووووو

من طرف **merooo** الأربعاء مارس 25, 2009 6:40 pm

بجد انتي تكبري دماغك ولو جت منه يبقي خير

غير كدا متنسيش انك بنت وحاولي تتحكمي ف نفسك شويه

ولو فيها خير وربنا عاوز ده هيكون من نصيبك ولو فاتت سنين

ربنا معاكي ويوفقك

من طرف vet_nwara الأربعاء مارس 25, 2009 8:19 pm

لا طبعا مينفعش تعترف بحبها هي لازم اساسا تكون عارفة انها بتعمل حاجة غلط وتدعي ربنا يخرج الشخص دا من قلبها ومتبصلوش خالص وتحاول متتكلميش معاه ولما تلاقي نفسها بتسرح فيه تشيل دا من دماغها مش لان هو انسان مش كويس لا لان مينفعش بنت تدخل واحد غير جوزها قلبها ولانها متقدرش تروح تقوله انا بحبك يبقى ليه العذاب دا من الاول

استعيني بالله وربنا يوفقك لما يحب ويرضى

من طرف **باسووم** الخميس مارس 26, 2009 8:17 am

انا رأي من رأي مينا ياجماعه انك
تحاولي تلمحيله من بعيد لبعيد ودي حاجه بسيطه
وتحاولي تشيديه ليكي زي ماهو شدك ليه والراجل بيقع علاطول
يعني وممكن انتي تكوني طوق النجاه للي هوه فيه