شويه رومانسيه

خلينا نتعلم شوية رومانسيات و سيبكم من الكلام الفاضي بتاع التلفزيون لأنه حب تيك اواي
قبل ما نبدأ قصص الحب
اللي استمرت حتي في أخر لحظات حياته قبل موته صلي الله عليه و سلم

حبة ابتدي بمقولة لسيدنا عمر بن الخطاب
وقال عمر بن الخطاب رضي الله عنه : ليعجبني الرجل أن يكون في أهل بيته كالصبي ، فإذا ابتغي منه وُجد رجلا

مش عارفة ابدأ منين و لا منين
خلينا نتخيل اننا روحنا زيارة لبيت الرسول صلي الله عليه و سلم
عشان نشوف يا تري بيعمل ايه؟؟

كان في مهنة اهله
و كان بخف نعله و يرقع ثوبه و يحلب الشاة
تخيل؟؟
الرسول بيعمل كدة
مقلش انا مش فاضي
رغم انه لو كان قالها كان حقه
يعني لو طبقنا دة علينا دلوقتي
مفيش مشاكل تقوم تعمل كوباية شاي
مراتك تعبانة
ساعدها
و شوف هي حتحطك غي عنيها ازاي بعد كدة؟؟

كان الرسول بيدلع السيدة عائشة
يقولها يا "عائش"
كان اسامي الدلع في الوقت دة كدة
كانت لما تحس بوجع في رأسها و تقول" وارأساه"
تخيل كان يرد عليها يقولها ايه
انا بتخيل ممكن راجل لو سمع كدة يقول لمراته"بلاش دلع فاضي و قومي حضرنا لقمة ناكلها"
لكن الرسول كان قمة الرومانسية
احسن مليون مرة من روميو و جولييت
لما كان يشوفها كدة
كان يقلها" بل انا وا رأساه"

تخيل بيـتألم لألمها

تخيل الرسول, القائد العظيم و المعلم قاعد وسط الصحابة و بعيدن سأله احد الصحابة
مين احب الناس ليك؟؟
قالهم"عائشة"
متكسفش انه يقولهم اني بحب مراتي
و متكسفش انه ينطق اسمها
مقالهمش "المدام" و لا "الجماعة"
قالهم "بكل بساطة "عائشة"

لما كان بيطلع اي رحلة و ياخد معاه زوجاته
لما كانت تحب تركب الجمل
كان الرسول صلي الله عليه و سلم
ينزل و يتني ركبته
اكنها سلم
عشان زوجته تطلع عليها و تركب الجمل
صلي الله عليه و سلم
يعني بلغة زماننا دلوقتي
بفتح لزوجته باب العربية
و لم يكن يخجل



كان بيقل للسيدة عائشة و كانت احب الناس لقلبه كلام حب
لم يكن يخجل او يشعر ان دة ضعف
و دة الرسول
و كان يستمع لاحديثها برغم طولها و لم يكن يمل
او يقول انا مشغول او تعبان
زي دلوقتي
صلي الله عليه و سلم

تخيل الرسول صلي الله عليه و سلم فضل وفي للسيدة خديجة لحد ما مات
مين دلوقتي عنده الوفاء دة لزوجته او حبيبته
رغم ان الرسول تزوج بعدها
لكنه ابدا لم ينسها
و بقيت في قلبه
يبكيها
سنين بعد وفاتها لحد ما مات
لدرجة انه اي حد كان يأتي من اقاربها او معارفها كان يكرمه اكراما شديدا حبا و وفاءا لها



تخيل لما كانت السيدة عائشة تبقي حائض
و في الوقت دة نفسية المرأة بتبقي هشة جدا و محتاجة حنان و رعاية شديدة من زوجها و حبيبها
كانت لما تشرب ماء
كان الرسول ياخد الاناء اللي شربت منه و يدور علي موضوع شفتيها
و يشرب منه
والله اخر رومانسية


و الرسول كان بيحاول يعلم الرومانسية دي للمسلمين عشان يطبقوها مع زوجاتهم
فيقول الرسول (صلى الله عليه وسلم) : (حتى اللقمة تضعها في فم زوجتك، فلك بها أجر

يعني تعملها بحنية و رومانسية تاخد عليها اجر
بدل ما تعايرها بيها و انك بتنفق عليها رغم ان دة فرض عليك

كان صبور جدا مع زوجاته
عن أنس رضي الله عنه قال : "ما رأيت أحداً كان أرحم بالعيال من رسول الله (صلى الله عليه وسلم) "."فو الله إن أزواج النبي (صلى الله عليه وسلم) ليراجعنه وإن إحداهن لتهجره اليوم حتى الليل
تخيل
كان بيتحمل
مكنش بيقولهم"ناقصات عقل و دينط
و للأسف دة حديث ناس كتير فاهمينه غلط
و لا كان بيضربهم
كان بيصبر و بيعدي


كان بيجري
و يسابق السيدة عائشة في فسحة عندهم ظهر البيت
لم يكن يخجل من دة ابدا

مرة الرسول صلي الله عليه و سلم
كان عند السيدة عائشة
و جاله بالليل احد الصحابة ان ف حاجة ضروري و لازم الرسول يشفها
فالرسول صلي الله عليه و سلم طلع
و اتأخر
فالسيدة عائشة غارت لانها افتكرت انه ممكن يكون راح عند احد زوجاته
السيدة عائشة زوجة الرسول
يعني ام من امهات الموؤمين و واخدين منها جزء كبير من الاحاديث و فقه ديننا
بس غارت انها امرأة
عملت ايه؟؟
لبست و طلعت وراه
المهم و هي ماشية شافته جاي
خافت انه يشوفها
فاسرعت و رجعت بسرعة البيت و غيرت ملابسها
المهم ان الرسول لقاها بتنهج ففهم الموضوع
تفتكر لو دلوقتي حد مراته عملت كدة؟؟
رقبته مرة او غتشت موبايله بداع الغيرة
حيتصرف ازاي؟؟
عارف الرسول عمل ايه
عاتبها عشان يوضحلها خطأها و بس كدة
بس كدة


مرة تانية كان الرسول صلي الله عليه و سلم عازم الصحابة عنده في بيت السيدة عائشة
و احد وجاته بعتتله اكل في اناء مع الخادم للصحابة
السيدة عائشة غارت
راحت كاسرة الاناء
تخيل؟؟
و الضيوف قاعدين و الرسول قاعد كسرت الاناء
طبعا لو واحة عملت كدة دلوقتي
كش بعيد تروح علي بيت اهلها مضروبة و مطلقة
الرسول صلي الله عليه و سلم
بكل هدوء و تفهم و بساطة و تواضع
قام و لم الاكل و و ركب الاناء
و بص للصحابة و قالهم"غارت امكم"
و في نفس الوقت حب يوضح للسيدة عائشة غلطها
فطلب منها انه تدي اناء للخادم عوض عن اللي اتكسر
بكل حزم و هدوء

حتي في ايام مرضه وقت لما كان يحتضر
كان حابب يبقي عند السيدة عائشة
فاستـاذن زوجاته
الرسول؟؟
بيستأذن زوجاته؟؟
دة رجل؟؟
و مين رسول؟؟؟؟
و بيستأذن؟؟

عارفين لما مات صلي الله عليه وسلم مات ازاي؟؟
مات و هو بيصلي و هو بيسجد؟؟
لأ مات في حضن حبيبته السيدة عائشة
تخيل؟؟
مات و راسه علي صدرها
صلي الله عليه و سلم

و زي ما بدأت بمقولة لعمر بن الخطاب
حبة انهي بقصة طريفة له
عشان نشوف اد ايه الصحابة اخدوا الرسول قدوة في كل حاجة و فهموا تعاليم الدين صح


اختلف صحابي مع زوجته، واشتد الخلاف بينهما فلم يجد ملجأ إلا بيت الخليفة يطرق بابه ويشكو إليه حاله

توجه الصحابي لبيت عمر بن الخطاب، وطرق الباب، وإذا بالصوت يصله من الداخل، إنه صوت زوجة عمر الصاخب الغاضب.. "فالخليفة في خلاف مع زوجته"..
هكذا حدث الصحابي نفسه، فتحرك بعيدا عن الباب، ولكن صوت الطرقة كان قد وصل


إلى عمر، وكان لا بد أن يستجيب فلعل الطارق في حاجة، لا بد للخليفة أن يقضيها حتى ولو كان وقت راحته أو خلافه مع زوجته، فتح عمر الباب ليرى الصاحبي يولي مبتعدا.. يناديه عمر: يا هذا ماذا تريد؟ يعود الصحابي يقول: جئتك أشكو زوجتي

فوجدتك تعاني مما أعاني منه، فما أردت أن أشغلك بحالي فيكفيك حالك، يبتسم أمير المؤمنين ويقول: يا هذا إنهن زوجاتنا؛ إن كرهنا منهن سلوكا قبلنا غيره، إنهن يربين أولادنا، ويقمن على شأننا، إني سمعت الرسول الكريم يقول: "إن المرأة قد خلقت من ضلع أعوج، وإن أعوج ما في الضلع أعلاه؛ فإن أردت أن تستمتع به

ا فاستمتع بها على عوجها، وإنك إن ذهبت تقوِّمه كسرته، وإن كسر المرأة طلاقها، فاستوصوا بالنساء خيرا".

ياريت الرجاله تتعلم من سيرة النبي واصحابة

الله على دينا وعلى رسولنا
ربنا يكرمنا جميعا بازواج يقتدون بالرسول صلى الله علية وسلم

تسلم ايدك بس بجد دين الأسلام في حب في تسامح فية كل حاجة حلوة

مش بس جميل دا تحفه
ياله من شرف الانتماء للاسلام

الحمد لله على نعمه الاسلام

اللى الواحد انتمى ليه

وهو فعلا عظيم

ورسولنا عظيم

صلى الله عليه وسلم

قدوه وأى قدوه

كيف تتعلم من مدرسته عليه الصلاه والسلام

ياريت اى فرد يعى الكام ويطبق ولو ذره وهو فى قراره نفسه انها من اجل الله
وتنفيذا لما امر به وقدوه لنبينا

يبارك الله له فى ما فعل ويزيده من فضله

قل ان كنتم تحبون الله ورسوله فاتبعونى يحببكم

الله ع الموضوع
جميل بجد
والحمد لله ع نعمه الاسلام
لينا شرف الانتماء لهذا الدين العظيم
وصلي الله ع سيدنا محمد
عليه افضل اللصلاه والسلام
واكيد لسه فيه حد بيقتدي بالرسول صلي الله عليه وسلم
بس لازم التاني ف الاختيار
وربنا يكرمنا جميعا

شكرا لمروركم جمعيا
ربنا يهدى الجميع

ولوانها جت متاخر
بس الموضوع تسلم ايدك عليه
والحمد لله فعلا علي نعمة الاسلام وياريت تتابعوا سلسلة الرسول زوجا اللي وضعتهالكوا في
قسم نصرة رسول الله صلي الله عليه وسلم

يا ربى احنا لو اتكلمن عن الرسول صلى الله عليه وسلم هنتعب صدقونى

ده سيدنا محمد خير خلق الله كلهم صلو عليه وسلمو تسليما

وشكرا ليكى يا انجل على الموضوع الجميل ده

الهم صلي على كامل النور محمدٍ مشكوووورة جدا انجل على الموضوع الجميل دا