بمناسبه عيد الام (حوار مع كل ام)

من طرف **ملكه الاحساس** السبت مارس 14, 2009 5:06 pm

أخواني وأخواتي
جميل بأن يكون للأم في منتدانا العزيز مكانة .. وأن نأخذ بآراء أمهاتنا الحبيبات في الإجابة على بعض الأسئلة.. لذا حباً وتقديرا .. أحببت أن يكون للأم مكانة بين قلوب

أعضاء منتدي طب بيطري السادات
فحياك الله أيتها الأم الحبيبة في هذا اللقاء الذي سينار بقدومك له ويفخر بوجود ردودك بين صفحاته

وهدفي من هذا الموضوع

لنتغلغل إلى بيت كل وأحد منـا

ونجــري لقاء مع أمهاتنا فأمكم هي أمي ..,أمي هي أمكم .

بالنسبة لفكرة الموضوع...

أقوم باختيار احد الأعضاء .. واطرح عليه أسئلة

ويقوم هو بدوره بطرح الأسئلة على والدته حفظها الله.. وأبقاها ..
وعند اكتمال الإجابة يقوم هو بدوره بوضع إجابات
والدته حفظها الله هنا... ثم يقوم نفس العضو باختيار احد الأعضاء ويوجه له نفس الأسئلة وان أحب الإضافة على الأسئلة .. فله ذلك..

ملاحظة: أتمنى وضع نفس إجابات أمهاتكم بالضبط من غير زياده ولانقصان

لنعيش معهم بصدق..<<<<حتى لو كانت الاجابه عفويه دعوا أمهاتنا يعيشون بيننا..

انتظر بلهفة إجابات أمهاتكم..

الأسئلة..هي

السؤال الأول :

ماهي نظرتك للنت ؟ وهل فعلا النت سرق أبنائكِ من الجلوس معكِ ؟

السؤال الثاني :

يا ترى ما هو الحلم و الأمنية التي تتمنينها لابنتك الذي يقرأ عليك هذه الأسئلة ؟

السؤال الثالث :

هل أبنتك هذه مرتبة أم فوضوية ؟ وما هو السبب ؟

السؤال الرابع :

هل تدليع الفتاة يدمر؟ وكيف تجمع بين حبك وحنانك له وبين تدليعه الذي ربما يخربه؟

السؤال الخامس :

لو طلب منكِ أن تغيري شيء في هذا العالم , ما هو أول شيء تفكرين تغيرينه ؟ ولماذا ؟

السؤال السادس :

نصيحة تنصحيننا بها أثابك الله ؟

مع أخلص واصدق الدعوات لكم جميعا

من طرف **ملكه الاحساس** الأحد مارس 15, 2009 10:52 am

وانا بوجه الاسئله اولا لوالده فتافيت

يلا يافتافيت مستنين الاجوبه من والدتك

من طرف falcon الأحد مارس 15, 2009 11:30 pm

كل سنه وامهاتنا كلنا بخير
وشدو حيلكو وورونا الردود

من طرف **RaNdY OrTeN** الخميس مارس 19, 2009 4:15 pm

كل سنة وجميع امهات المسلمين بخير ويارب نسئلك الصحة والعافية لأمهاتنا

من طرف **ملكه الاحساس** الجمعة مارس 20, 2009 8:19 pm

خلاص يا جماعه احنا هنخلي الاسئله عامه للكل
والكل يسال مامته
ومستنين اجابه والده كل عضو علي الاسئله

من طرف **dr:sniper** الجمعة مارس 20, 2009 8:38 pm

منتظرين الاجابات

وطبعا الملكة اولا

من طرف falcon السبت مارس 21, 2009 10:24 pm

كل سنه وامهاتنا كلنا بخير

من طرف dr fatafeet الأحد مارس 22, 2009 9:43 am

معلش ياجماعه اتاخرت عيكم
اولا
ماماقالت ان النت دا مصيبه من مصايب الزمن ده
وطبعا قالت انه واخدني منها خالص ومش انا لوحدي اخواتي كمان
دي كلمتها دلوقتي عن لنت ربنا يخده ونستريح منه
وقالت ياريت تستخدموه صح وانتم تنفعوا

ثانيا

هي قالت نفسي ربنا يكون راضي عنك ويرضي عنك عالطول اشوفك دكتوره قد الدنيا بس قبل ده اشوفك متجوزه كده واشيل عيالك
دا اهم حاجه

ثالثا
ياجماعه والله انا بقولها ماما بلاش غلط الكلام هيتكتب
انا مرتبه صح
قالت انت مرتبه
دا بينك وبينه فرق السما والارض
قومي علقي هدومك ياحلوه قومي
انا قلت اللي قالته بالظبط
بس هي بصراحه مبالغه شويتين بجد
انا مش ببقي فاضيه بس ارتب قوي مع اني بحبه جدا
بس دا ع فكره ف الاوضه الهدوم بس كده يعني

رابعا
قالت تدليع الفتاه دا كارثه ولازم تشدي عليها وهي صغيره يعني نحط الاساس الصح والشده مش ضرب بقي والكلام ده
شده بحكمه وبعد كده بقي لازم بنتك تبقي صحبتك وتقربي منها بكل قوتك
وا لا ممكن تضيع منك وتتكلمي معاها ف كل اللي عايزه تتكلم فيه والا كده كده هتتكلم بس متعرفيش ساعتها هتتكلم ازاي ولا هتسمع ايه ولا مع مين

بصي ياجماعه انا دلوقت فعلا قريبه من ماما جدااااااااااااااااااااا
ودي اكتر حاجه تريح ف الدنيا
يمكن مكنتش كده زمان ودا خلاني اغلط كتييييير قوي
بس دلوقت الحمد لله مفيش حاجه بعملها والا لما تكون عارفاها
وهي الحياه كده لازم نتعلم من غلطنا ولولا الغلط ده مكنش حد اتعلم حاجه خاااااالص

سادسا
ماما ياجماعه بتقول لكل بنات المنتدي خدوا بالكم من نفسكم قوي ف الزمن اللي مايعلم بيه الا ربنا ده
وكل الشباب ربنا يحميكم من اصدقاء السوء احسن بيودوا ف داهيه
وبتقول ياريت نقرب كلنا من ربنا ونسبنا من الكلام الفارغ بقي عشان مستقبلنا
ونركز ف المذاكره ونخف من النت شويه

ع فكره ياجماعه ماما عارفاكم كلكم واحد واحد بتقعد معايا ساعات ومعرفاها كل واحد
وبتبعت ليكم السلام وبتدعلكم كلكم
ربنا يوفقنا ويهدينا

وانا بقي احب اقولها كل سنه وانت طيبه يا ماما
وربنا يخليكي
وبقول لكل ام لاخواتي ف المتدي هنا كل سنه وكلهم طيبين
وكل ام ف الدنيا
ويارب ما يحرم حد من الكلمه دي انها تتقاله
بجد جميله قوي
بتمناها من كل قلبي
يارب
ما تحرم حد من انه يسمعها
وياريت يا جماعه كل واحد يكون سال ع اي حد يعرفه معندوش ازلاد اكيد بتدخل عليه فرحه تساوي عمر كامل

من طرف **ملكه الاحساس** الإثنين مارس 23, 2009 8:57 pm

بجد شكرا ليك يا فتافيت
وبجد الحوار مع مامتك كان رائع
وصليها سلاماتنا
وبجد اتكلمت بتلقائيه وصراحه متنهيه
اشكريها جامد وربنا يخليهالكوكل سنه وكل ام طيبه وبخير