هل يجوز للمراه ان تكتب ههههههههههههههههه ف المنتديات ؟؟؟؟؟ارجو من الفتيات المشاركه .....وايضا من الشباب

من طرف dr fatafeet الإثنين مارس 09, 2009 6:47 pm

هل يجوز أن تكتب المرأة ههههههه؟!

لو لم أقرأ هذه الفتوى بأم عيني، وأبيها بعد، في موقع معتمد وممهور باسم المفتي لما صدقت من نقلها لي ولاعتبرته مبالغاً، وربما متجنياً، ولقلت له: صحيح أن السخرية تقوم على المبالغة، لكن ليس في موضوع الفتوى والإفتاء!
لكني قرأتها بعيني الثنتين، وأعدت قراءتها مراراً حتى لا أظلم أحداً. فإليكم السؤال، والجواب كما ورد في الموقع المخصص لتلقي الاستفتاءات والإجابة عليها، وهو ما يعني أن من يفتي هنا ينوب عن الله في كلامه، ويوقع تحت فتواه عن رب العالمين:
**ما حكم مشاركة المرأة في المنتديات؟ وردها على الرجال ومناقشتها مواضيع معهم؟ وهل المزح مع الرجال في المنتديات يعتبر حراما؟ وما حكم استخدام الأيقونات التعبيرية مثل الابتسامات؟ وهل استخدام الرسائل الخاصة بين المرأة والرجل للاستفسار عن أمر أو طلب مساعدة يجوز؟ وهل يجوز للمرأة أن تكتب كلمة هههههه؟ جزاكم الله خيرا أرجو إجابتي على أسئلتي بدقة حتى أطمئن.
الجواب: الحمد لله، أولا:
يجوز للمرأة أن تشارك في المنتديات العامة، إذا تقيدت بالضوابط التالية:
1- أن تكون مشاركتها على قدر الحاجة، فتطرح سؤالها أو موضوعها، وتنصرف، ولا تعلّق إلا على ما لابد منه، لأن الأصل هو صيانتها عن الكلام مع الرجال، والاختلاط بهم.
2- ألا يكون في كلامها ما يثير الفتنة، كالمزاح ولين الكلام، والضحك كأن تكتب: (هههههه) كما في السؤال، أو تستخدم الأيقونات المعبرة عن الابتسامات، لأن ذلك يؤدي إلى طمع من في قلبه مرض، كما قال سبحانه: \"يَا نِسَاءَ النَّبِيِّ لَسْتُنَّ كَأَحَدٍ مِنَ النِّسَاءِ إِنِ اتَّقَيْتُنَّ فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلًا مَعْرُوفًا\" الأحزاب/32.
3- تجنب إعطاء البريد، أو المراسلة الخاصة مع أحد من الرجال، ولو كان ذلك لطلب مساعدة، لما تؤدي إليه هذه المراسلة من تعلق القلب وحدوث الفتنة غالبا. وراجعي السؤال رقم (34841) ورقم (82460).
4- والأولى والأفضل ألا تشارك المرأة إلا في المنتديات النسائية، فهذا أسلم لها، وقد كثرت هذه المنتديات، وفيها خير وغنى. وإن احتاجت للمشاركة في منتديات عامة فالأولى أن تختار اسما لا يدل على أنها أنثى. والله أعلم\".
انتهى السؤال والجواب: ومما سبق نرى أن فضيلة الشيخ لم يجز للمرأة أن تكتب هههههههه ولا أن تستخدم الأيقونات التعبيرية، مثل الابتسامة ونحوها، ولا أجاز لها أن تعطي بريدها الإلكتروني لأحد من الرجال، بل ولم يجز لها أكثر من أن تضع سؤالها وحاجتها، ولا تزيد على ذلك!
إن هذه النظرة التي لا تستند على أدلة شرعية بقدر ما تستند على محاولة سد الذرائع، وافتراض أن المرأة، وحدها مكمن للفتنة، وبالتالي يجب أن تُبعد عن المشاركة في المنتديات، وربما يصبح من الأفضل ألا تتعاطى مع الكمبيوتر والإنترنت رفعة لدرجتها.
عجبي الذي لا ينقضي!

من طرف dr fatafeet الإثنين مارس 09, 2009 6:51 pm

يا دكاتره دا موضوع منقول طبعا
لكنه ملفت للنظر جدااااااااااا
ولابد من النقاش فيه
فكلنا تقريبا بنكتب الكلمه دي
هههههههههههههههههههههه
وعادي واخدين الحكايه ببساطه
بس فيه حاجه
دلوقت محتاجين نناقش الموضوع مدام بقي فيه مجال للشك انه ممكن يكون حرام
محتاجين تفاعل
وعايزين فتوي جاده
الكل يشارك ونوصل للصح فين
طبعا الموضوع واضح انه خاص بفتايات المنتدي
ولكن ارجو ايضا من الشباب المشاركه والتواصل
حيث من الممكن ان تتعرض اخت اي حد للموقف ده
بجد انا محتاره ولازم نلاقي النتيجه
يلا يا دكاتره
نفيد ونستفيد

من طرف adnan السبت مارس 14, 2009 9:48 pm

الله اعلم بجد ماحدش يقدر يفتي في كده

من طرف vet_nwara الأربعاء مارس 25, 2009 7:50 pm

شكرا فتافيت للطرح الجرئ بس قبل ما أقول رأيي في كلملة إستفزتني غريبة جدا

ما يعني أن من يفتي هنا ينوب عن الله في كلامه، ويوقع تحت فتواه عن رب العالمين

إزاي يعني الجملة دي تقال على بشر انا مش عاوزة افتي انا كمان بس حتى الرسول عليه الصلاة والسلام كان يبلغ عن ربه عز وجل مش ينوب عنه استغفر الله بس اعتقد ان اللفظ دا غير لائق وياريت تشيليه

بالنسبة للموضوع فانا كتير فكرت في الموضوع دا ورايي ان فعلا البنت لازم تحط لها حدود في التعامل والرد يعني متخليش اي شاب في المنتدى ياخد عليها اوي ويقلبوها هزار بقى وازيك يا قمر ويا باشا ويا جميل كانها بتكلم واحدة صاحبتها لانها حتى لو كانت نيتها عادية متضمنش انه ممكن يتعلق بيها جدا من هزارها وكلامها وعشان كدا انا شايفة ان تبادل الاميلات دا شئ غلط طبعا وميصحش بين الاولاد والبنات واكيد هينتج ععنه تعلق وبعدين يعني البنات مخلصوش عشان نقعد نحكي ونفضفض مع شباب !

اما بالنسبة لكلمة هههههههههه والوجوه الرمزية فاكيد دا شئ مسموح بيه للبنات بين بعضهم لان الغرض من الفتوى عدم امالة قلب الشاب مثلا وانه يتخيلها بتضحك او كدا اما كتابتها على في الردود مثلا وغيره انا شايفة انه مادام تعليق على موقف معين بمعنى ان الكلام مش موجه لشخص بعينه مفمفيش مشكلة والله اعلم طبعا انا متهيالي ان الحاجة المهمة الي ممكن نطلع بيها من الفتوى دي ان تبادل الاميلات بين الشباب والبنات غير جائز ودا اكيد طبعا

وعذار للاطالة وشكرا مرة اخرى على الموضوع الشائك

تحياتي يا اجمل دكتورة

من طرف Golden vet الإثنين مارس 30, 2009 2:01 am

لا اعلم لكن هدور لكم على حل انشاء الله

من طرف رائد الرائد الإثنين أبريل 06, 2009 11:20 am

الاصل في الفتوى هو تجنب ما هو محرم شرعا وقياسا
والرسول (ص) قال استفتي قلبك
هل المشاركة في المنتدى والرسائل هي للتعلق والهزار ام للعلم
التواص بين الناس ليس حرام
النساء كانت تشارك في الحروب في زمن الرسول
فكيف الأن لا تشارك في العلم ونشر المعرفة وطلبها للعلم نحن من جعل الاختلاط محرم

من طرف sandrilla الخميس أبريل 09, 2009 3:42 pm

انا طبعا هقول رأيي في الموضوع بدون فتوي
انا لا افتي بس بقول رأيي
يعني ياجماعة بالله عليكم سيبتوا كل حاجه ومسكتو في هههههههههههه اللي البنات بيكتبوها
والله مكنتش متخيلاها جامده اوي كده
يعني رأيي شخصي في كوراث في الدنيا ممكن نناقشها لكن اصلا وقوعنا في المحرمات اننا بنمسك في اصغر شئ ونظلم الدنيا حوالينا
ونيجي عند الكبائر مش هقول نعديها بس يكفي اننا نقول كل حاجه حرام حرام حرام ياجماعة الدين مش كده
ماانتي بتطلعي في الشارع وفي الكلية وبتضحكي وبتتكلمي لو كده انا رأيي كل واحده تقفل عليها باباها بقي
يعني لو في فتنه اكيد مش هتبقي من ههههههه اللي بتتكتب يعني في مليون وسيلة ووسيلة تانيه يعني الشباب مش هيمسكوا في دي
ده رأي شخصي ومش فتوي

من طرف dr fatafeet الإثنين أبريل 13, 2009 11:55 am

طبعا يا جماعه كل الاراء تحترم ومشكورين ع المشاركه
بس اللي توصلتله هو ان الكتابه لكلمه هههههههههه دا ممكن يعمل فتنه ويميل قلوب بعض الشباب اللي قلوبهم مريضه
وبلاش كمان تكون بين البنات لان ممكن منتدي البنات ده يدخله شباب
دا اول حاجه
الحاجه التانيه انه يا سندريلا اصلا مينفعش البنت المسلمه تمشي تضحك وتتكلم بصوت عالي ف الشارع
مش لازم نقفل الباب علينا ونقعد ف البيت
لا خالص لكن نعرف نطبق اللي ربنا طلبه مننا
ومعاكي انه بلاش نمسك ف الحاجات الصغيره ونهتم بحاجات تانيه كتيره مهمه عشان نقدر نعمل حاجه
ودا رايي من زمان
وقلته ف موضوع اصداقه بين الولد والبنت الخاص بمرمر
بس م لازم بردو نقول ع كل حاجه صغيره ونعديها عشان الاهمك والاكبر منها
لا نهتم باساس دينا كويس ةنبدا نبني عليه
ومشكورين مره تانيه

هل يجوز للمراه ان تكتب ههههههههههههههههه ف المنتديات ؟؟؟؟؟ارجو من الفتيات المشاركه .....وايضا من الشباب

هل يجوز للمراه ان تكتب ههههههههههههههههه ف المنتديات ؟؟؟؟؟ارجو من الفتيات المشاركه .....وايضا من الشباب

رد: هل يجوز للمراه ان تكتب ههههههههههههههههه ف المنتديات ؟؟؟؟؟ارجو من الفتيات المشاركه .....وايضا من الشباب

رد: هل يجوز للمراه ان تكتب ههههههههههههههههه ف المنتديات ؟؟؟؟؟ارجو من الفتيات المشاركه .....وايضا من الشباب

رد: هل يجوز للمراه ان تكتب ههههههههههههههههه ف المنتديات ؟؟؟؟؟ارجو من الفتيات المشاركه .....وايضا من الشباب

رد: هل يجوز للمراه ان تكتب ههههههههههههههههه ف المنتديات ؟؟؟؟؟ارجو من الفتيات المشاركه .....وايضا من الشباب

رد: هل يجوز للمراه ان تكتب ههههههههههههههههه ف المنتديات ؟؟؟؟؟ارجو من الفتيات المشاركه .....وايضا من الشباب

رد: هل يجوز للمراه ان تكتب ههههههههههههههههه ف المنتديات ؟؟؟؟؟ارجو من الفتيات المشاركه .....وايضا من الشباب

رد: هل يجوز للمراه ان تكتب ههههههههههههههههه ف المنتديات ؟؟؟؟؟ارجو من الفتيات المشاركه .....وايضا من الشباب