(( كده وعادي )) قصيده جديده

كده وعادي
وقدامك وقدامي
وانا شايفك وشايفاني
ما نا عارف
ورغم اني كمان شايف
خطيبك بس هعمل ايه دانا سيدك
كده وعادي وقدامي يبوس ايدك
في يوم العيدختمتي الحلم باديكي
زرعتي في قلبي اهاتي قتلتي عنيا بعنيكي
محلا خطيبك ياعروسه بيحلالي عشان جنبك
كده وعادي وقدامي ولافف ايده على جنبك
ولازم برضه افرحلك
مادام فرحانه ياعمري هسقفلك
واغنيلك على عيني
مادام عادي يا نور عيني

محلا الغنا وقت الدموع
محلا الجراح وسط الضلوع
محلا النظر لعنيكي من بين الجموع
محلا القصايد في الشدايد
وزفوكي ومش ليا وانا ولا داري ولا بيا
يا احلى الناس
يموت الماضي باديا
هعيش وهموت
مفيش غيرك انتي في عنيا

....................
....اعذريني يوم زفافك ماقدرتش افرح زيهم