موضوع هام أرجو الرد عليه.....

empire of earth كتب:

السلام عليكم ورحمة الله وبركاته

انا عضوه جديده فى المنتدى وكنت عاوزه استفسر بس عن شوية حاجات كده ليها علاقه بقرارات عميد الكليه:

اولا: القرارات دى مش كفايه اوى ومش بتحقق كل الطلبات اللى احنا طلبناها...
بتتنفذ

empire of earth كتب:

ثانيا: انا عاوزه اعرف اذا كان اتحدد معاد يتنفذ فيه القرارات دى ولا هنقعد نستنى لحد ما الترم يخلص؟؟؟؟

empire of earth كتب:

ثالثا: ايه هى الخطوات اللى هتتعمل لو الطلبات دى متحققتش بأسرع وقت ممكن؟؟؟

empire of earth كتب:

رابعا: انا شايفه انهم اهتموا بموضوع النشاط وعمود السله ومرايات الحمامات وسابوا حاجات مهمه من طلباتنا مجبوش سيرتها خالص منها الاول أتوبيس الكليه المحترم ده اذا كان هيتغير ويجى مكانه اتوبيس ادمى ينفع ان البشر يركبوه عشان نروح بيه المزرعه ولا لا ولو ده محصلش وفضل الاتوبيس ده هنستسلم ولا هنمتنع عن اننا نروح المزرعه؟؟؟ والتانى حضور المحاضرات ميكنش بالغياب لان فعلا مش من اللائق ان دكتور يجبر الطلبه على حضور محاضراته بالعافيه خصوصا وان كلنا عارفين ان مش كل المحاضرات بنستفيد منها فى حاجه يعنى فيه محاضرات بتقعد 3 ساعات والطلبه فى الاخر مش بيحصلوا منها اى حاجه....

empire of earth كتب:

.

خامسا: فيه دكاتره دخلوا من اول الترم يقولوا انهم مش هيحذفوا حاجه من الكورس بتاعهم وهيدوه كامل مع العلم ان نزل قرار بتخفيض 20% من المناهج ياترى الدكاتره دى هينفذوا القرار ده ولا لا ولا احنا هنتحمل الفتره اللى اتأجلت فيها الدراسه دى وهتيجى على دماغنا؟؟؟

empire of earth كتب:

سادسا: وده الاهم ازاى نضمن تحقيق طلباتنا بالنسبه للدرجات وميرجعش كل دكتور يتصرف من دماغه فى توزيع الدرجات وجدول الامتحانات ازاى نضمن ان الجدول اللى هنطلبه هو اللى هيتنفذ ولا هيحصل زى الترم الاول انهم يقوللنا قولوا اللى انتوا عاوزينه وهاتوا جدول يتناسب معاكوا ومع بقيت الدفع وبالفعل عملنا كده وف الاخر اترمى فى الزباله واتحط الجدول اللى على مزاجهم برده ولما طلبنا تعديل فى بعض المواد عدلوا مواد تانيه خالص غير اللى طلبناها وعدلوها قبل الامتحانات بمفيش فى وقت مينفعش اننا نتكلم ولا نفتح بقنا فيه

انا عاوزه بس الشخص المسئول عن طلباتنا دى مشكورا يعرفنا وصل لايه بالظبط مع ادارة الكليه وياريت يعرفنا اول بأول عن كل حاجه بتتنفذ