مبارك لازم يمشي

من طرف **dr:sniper** الثلاثاء فبراير 08, 2011 12:06 pm

واحد قريبي مفروض متعلم ومتنور ومتخرج م الجامعة لقيته كاتب الكلام ده على فيسبوكه

عايز ايه يا حبيبى
**حسنى يمشى...
*ليه كده يا حبيبى???...
**هو كده لازم يمشى
*طب ما تستنى للانتخابات اللى جايه ؟؟
............**لأ يمشى دلوقتى
*طب ما البلد هتبوظ
**مش مهم يمشى بردو
*طب نتفاهم??
**لأ بعد لما يمشى
*إنت غبى يابنى؟؟؟
**اه بس يمشى
*طب يروح فين؟؟
**معرفش بس يمشى
*طيب ينفع ييجى تانى بعد كده؟؟؟
**اه بس يمشى
----------------------------------------------------

كلام عبيط في الحقيقة
مبارك لازم يمشي لأنه حرامي
مبارك لازم يمشي لأنه فاسد
مبارك لازم يمشي لأنه مجرم قتل في أسبوع واحد 300 شاب من خيرة شباب مصر
مبارك لازم يمشي لأنه المسئول الأول عن تخريب التعليم المصري على مدى 30 سنة
مبارك لازم يمشي لأنه مسئول عن تدمير المؤسسة الصحية في مصر على مدى 30 سنة
مبارك لازم يمشي عشان بقى فيه عندنا في مصر ظاهرة اسمها شهداء الخبز اللي ماتوا وهم بيتصارعوا حرفيا على الحصول على رغيف خبز
مبارك لازم يمشي لأنه متسبب في سرطنة أجساد المصريين بالسماح بالقمح المسرطن
مبارك لازم يمشي لأنه مسئول عن إن 60 % من المصريين عندهم التهاب كبدي فيروسي سي وأعلى نسبة إصابة بسرطان الكبد في العالم
مبارك لازم يمشي لأنه بسبب سياساته الغبية مع الدول الإفريقية مصر هتخسر جزء كبير من حصتها في ماء النيل والمصريين هيموتوا من العطش
مبارك لازم يمشي عشان هو مش رئيس شرعي ولا منتخب لأن ببساطة كل المصريين يعرفون أن كل الانتخابات مزورة
مبارك لازم يمشي عشان
الشباب بيتخرجوا من الجامعة بقر ما يفهموش حاجة خالص في مجال تخصصهم
وأحيانا لا يعرفون يكتبون ستاتس واحد على الفيسبوك دون أخطاء إملائية
مبارك لازم يمشي لأنه في عصره ارتكبت أسوأ انتهاكات لحقوق الإنسان المصري
مبارك لازم يمشي لأن التعذيب في الأقسام والسجون سلوك منهجي منظم
مبارك لازم يمشي لأن
نظامه ينتهك حرية الدين والاعتقاد والأقليات الدينية من أقباط وبهائيين
وغيرهم تعرضوا في عصره لأسوأ أشكال التمييز العنصري بل والمذابح العنصرية
ولأول مرة تعرف مصر فكرة القتل على الهوية
مبارك لازم يمشي لأن ما ينفعش أصلا رئيس دولة في أي حتة محترمة في الدنيا أكتر من دورتين فما بالك بست دورات!!!

في الحقيقة إنت صح... مبارك ما ينفعش يمشي

مبارك لازم يتحاكم
أي كلام عن خروج لمبارك من وظيفته أو من مصر دون محاكمة هو خيانة وطنية
سيبك من فساده وأن ثروته المعلنة تتجاوز 70 مليار دولار أكتر من جيتس وبافت أغنى اتنين في العالم
لكن بعد جرائم القتل التي ارتكبها السفاح مبارك في الأسبوع الماضي يجب أن يحاكم محاكمة دولية بتهمة ارتكاب جرائم ضد الإنسانية
فوقوا بقى عيب كدة

من طرف angelina joly الثلاثاء فبراير 08, 2011 2:25 pm

مش عارفة اقولك ايه
بس بجد انا معاك فى كل كلمة
واللى بيقول ان من غيره البلد هتبوظ
ما البلد باظت فعلا وهو معانا هتبوظ ايه اكتر من كده

من طرف **dr:sniper** الخميس فبراير 10, 2011 8:06 am

البلد مش هتبوظ

بدليل ان الامن لما اختقفي

الشرطة لما تسحبت

الشعب ما اتسرقش

وكل واحد فينا عرف يحمي ممتلكاته كويس

ولولا الامن والشرطة اللي كانو بيخربوا ف البلد مكنش فيه حاجه حصلت

واظن كتير مننا شايفين التغير والفساد اللي بيقل

وكل واحد حس ان فيه امل

وحاسس ان فيه مستقبل
كفاية ن الشعب حس ان ليه راي بيتسمع

فعلا مبارك لازم يرحل

مبارك لازم يمشي

مبارك لازم يمشي

رد: مبارك لازم يمشي

رد: مبارك لازم يمشي