المصري اليوم : رسالة الي فرعون

رسالة إلى فرعون
سكتنا وزدت فى طغيانك
فرعون بتولٍّــد فرعــون
الحق دى كلمة ف أحلامك
بتشوفها ف أفلام كرتـون
العدل ده باطل ف كلامــك
أو يمكن يطلع ف كوبون
الظلم ده عدلك ف نظامك
وبتمشى ف سكة ملـعـون
القتل سياسة أعوانــــــك
وبتســـــــرق بلد المليـون
وبتقتل فى شباب أجدادك
وبلــــــــــدنا بتسود اللون
الدنيا شايفها ف حذافيرك
وفراعنة تعذب فى سجون
طارق وسعيد دوول موازينك
وكتير على قلبك بيــــهون
بتمجد ف عظيم أعمالــــك
والشعب ده واقف مطحون
الأرض بتفضح أساليبـــك
وبتصرخ على حزن الكون
بتنام مرتاح كده ف سريرك
ودموعنا كترت فى عيــون
كرباج الحق أكيد جايلـــــك
وهيمحى باطل مطعــــــون
من دمى بتجمع أموالــــك
من خيرى قصورك بتكـون
من حزنى بتصنع بسماتك
من دمعى بتعزف سينفــون
من عمرى بتبنى جبروتك
من نبضى تجمَّع وتصـــون
ما كفايا الظلم ده هيجيـلك
فى طريق الله هو فى العون