مصر لا تعرف السياسه

من طرف **amora** الخميس نوفمبر 04, 2010 8:02 am

سياسيون لا يمارسون السياسة. يفعلون كل شىء تقريبا إلا أداء الدور المفترض أن يقوموا به، وهو السعى إلى توافق على مخرج من الأزمة السياسية الراهنة. ينطبق ذلك على أهل الحكم كما على قادة المعارضة.

بعض أهل الحكم لا يشعرون بهذه الأزمة أصلاً، بينما يستهين بعضهم الآخر بها. وفى الحالتين، لا سياسة عندهم ولا من يمارسها. الحكومة جهاز إدارى أكثر منه سياسياً. والوزراء موظفون لم يمارس أى منهم السياسة فى حياته إلا على سبيل الاستثناء. والحزب الحاكم مازال امتدادا للتنظيم الواحد الذى كان يسمى سياسيا دون أن يكون له من هذا الاسم نصيب.

وقد فشلت محاولة تطويره فى السنوات الماضية، وتبين أن موروثه البيروقراطى أقوى من أن يمكن تغييره فى غياب إصلاح سياسى. وانتهى «الفكر الجديد»، الذى كان وراء تلك المحاولة إلى «السياسة» القديمة نفسها التى قامت عليها «هيئة التحرير» ثم «الاتحاد القومى» و«الاتحاد الاشتراكى العربى»، وصولا إلى الحزب الوطنى الديمقراطى بعد عامين أُطلق عليه فيهما حزب مصر العربى الاشتراكى.

أما أهل المعارضة، الذين يعارض بعضهم البعض أكثر من أى شىء آخر، فهم أبعد ما يكونون عن أى سياسة معارضة فى العصر الحديث. فإذا لم يقدم المعارضون بدائل محددة تثير انتباه فئات متزايدة فى المجتمع، لا يمكن أن يكون عملهم سياسيا.

وإذا لم يتمكنوا من تحقيق توافق على برنامج مشترك وقيادة موحدة، تكون المسافة بينهم وبين السياسة أبعد منها بين الفضاء الذى «يغرَّد» كثير منهم فى قنواته التليفزيونية وشبكته العنكبوتية والأرض التى لا جذور لهم فيها.

وعندما تكون السياسة بعيدة هذا البُعد، يمكن فهم لماذا ينغمس البعض فى محاولة اصطناع بطولات زائفة لا أثر لها فى المجتمع الذى فقد الثقة فى أهل الحكم والمعارضة على حد سواء، وانصرفت أغلبيته الساحقة عن أى عمل عام.

فالسياسى، بحكم التعريف، هو من يسعى إلى تحقيق هدف عام يتجاوز مجاله الخاص وحياته الشخصية ومصالحه، ويحاول إقناع الناس به لكسب ثقتهم. وليس فى إمكان كل سياسى، على سبيل الحصر، أن يكسب مثل هذه الثقة بطبيعة الحال. ولكن حين تكون هناك سياسة حقا فى أى مجتمع، لابد أن يفوز بعض من يمارسونها– كثروا أو قلوا– بثقة قطاعات أو فئات فى هذا المجتمع واقتناعها بأن هؤلاء الساسة قادرون على حل مشاكل الناس وتحسين وجه الحياة على الأرض.

فإذا انصرف المجتمع كله تقريبا عن المشاركة فى أى نشاط يوصف بأنه سياسى، بدءا من عضوية الأحزاب وحتى الانتخابات، فهذا مؤشر لا يمكن إغفاله على غياب السياسة من حيث هى العمل الذى يهدف إلى جعل الوطن أفضل وأجمل.

وهذه هى حال مصر اليوم. فالأغلبية الساحقة من المصريين منصرفون عن أى عمل مما يوصف بأنه سياسى.

والاعتقاد السائد فى أوساط المصريين هو أن من يمارسون هذا العمل معنيون بمصالحهم على حساب المصلحة العامة، سواء كانت هذه المصالح مادية تتعلق بمكاسب مالية وعينية، أو معنوية فى صورة دور أو موقع أو مكانة.

ولم يبلغ انعدام ثقة الناس فى السياسة والسياسيين هذا المبلغ بين يوم وليلة، بل تراكمت العوامل المؤدية إليه يوما بعد يوم منذ مطلع سبعينيات القرن الماضى، أى منذ أن كنا نغنى مع الفنان الراحل عدلى فخرى «مصر تعرف فى السياسة». كانت الجامعة فى ذلك الوقت حديقة سياسية غنَّاء، مثلما كانت قلعة للعلم والمعرفة، قبل أن تُنزع منها السياسة، ويتدهور مستوى التعليم فيها.

كانت الأحلام وقتها كبيرة فى أن تلهم الجامعة المجتمع كله. كنا نظن، بناء على تجارب العقود السابقة، أن مصر تعرف فى السياسة. وكانت مصر، هذه، التى غنينا لها بصوت عدلى فخرى وألحانه هى:

مصر أصوات التلامذة فى الصيـــاح

مصر عابدين .. المظاهرات القديمــة

مصر ميت سلسيل وشــبـــــرا

مصر شهدا الجامعة .. الأزهــــــر

مصر حلوان .. دنشواى .. كمشيش وسينا

كانت هذه هى مصر وقتها لأسباب أهمها وجود بعض السياسيين، الذين قاد مثلهم نضال شعبها من مرحلة إلى أخرى. ولأن هذا نضال سياسى، فقد كانت مصر تعرف فى السياسة. فما الذى بقى من مصر هذه، ولماذا لا تعرف مصر الراهنة فى السياسة؟ سؤال قد يرقى لأن يكون هو مفتاح المستقبل

من طرف **dr:sniper** الخميس نوفمبر 04, 2010 9:44 am

انا راي ان مفيش سياسة ف مصر

وده يرجع للشعب مش للحكومة

الناس اساسا متعرفش يعني ايه سياسة

بتاخد معلوماتها من الافلام وبس

محدش بيقرا ف التاريخ

بجد والله الشعب المصري بيردد اي كلام يسمعه وخلاص

اي حد بقي وزير يبقي حرامي

اي عضو مجلس شعب داخل لمصلحة شخصية

اي رجل اعمال ناجح كان تاجر مخدرات امال جاب كل الفلوس دي منين

اي شاب اتخرج بيردد البطالة ومفيش فرص عمل ودي طبعا حجة علشان يقعد ع القهوة

امال الطلبة بتشتغل ازاي ف الاجازات ولا حضرتك مستني شغل حكومة

علشان تروح تمضي وتقبض اخر الشهر برضه الفكرة انه عايز يقبض من غير ما يشتغل

لازم احنا نتغير الاول

لاننا السبب ف كل حاجه والسبب اللي بنخلي غيرنا يظلمنا

لاننا مش عارفين حقوقنا

اقل حاجه انتخابات مجلس الشعب اللي جاية

كله بيردد انها هتتزور للحزب الوطني مثلا

طيب اية اللي بيخلي معارضة تنجح فيها

ومين اساسا بيديهم اافرصة لتزوير مش احنا

يعني لو الواحد مخرجش علشان يدلي بصوته بيديهم فرصة يزوروا صوته يبقي برضه هو السبب

لازم نعرف واجبتنا الاول وبعدين نطالب بحقوقنا

ونعمل اللي علينا ونبطل نفكر بس ف نفسنا ونعرف ان البلد دي ليها حق علينا

من طرف **dr:sniper** الخميس نوفمبر 04, 2010 9:47 am

من طرف **amora** الخميس نوفمبر 04, 2010 10:25 am

يا دكتور الناس بتخاف تطالب بحقها عشان عارفه الي هيحصل

ولو طالبوا ومش هيحصل حاجه ليهم. الحكومه بتعمل نفسها مش سامعه

انا معاك ان البلد ليها حق علينا بس احنا كمان لينا حق عليها

لينا حق الاسعار الي بقت نااااااااااااااار

لينا حق العلاج ع نفقة الدوله مش علاج الوزراء ع نفقه الدوله لا علاج الغلابه

لينا حق المرتبات انها تعلي عشان العيشه ( مرتبات بتعلي ـــــــــــ واسعار في العالي حرام يعني )

لينا حق نختار الي يحكمنا

لينا في خير البلد دي نفسي اعرف هو فين

فين حصه كل فرد من البترول
فين حصه كل فرد من السياحه بتاع البلد

واجب ع البلد انها تدفع مرتب لكل شخص عاطل
زي باقي البلاد التانيه

انا لما الاقي وزير متعالج ع نفقة الدوله في انه يعمل عمليات تخسيس وشفط دهون

وواحد تاني فقير مش عارف يعجيب علاج مرض تاني مزمن لا طبعا حرام

الناس لو شايفه انها واخده حقها صدقني يا دكتور محدش هيفكر ف نفسه

لكن بالحال الي احنا فيه لازم كل واحد يفكر في نفسه عشان يعرف ياخد حقه

حكايه الانتخابات دي بقي

روحت الانتخابات او ماروحتش الي عاوزينه ينجح هينجح

ودا معروف طبعا
يعني التزوير حاصل حاصل

من طرف **dr:sniper** الخميس نوفمبر 04, 2010 2:53 pm

انا معاكي يا دكتورة في معظمكلامك

ومش معاكي في اجزاء تانية

اولا احنا طوول الايبوع اللي فات كل يوم مع وزير شكل

واللي اكدوا عليه انهم برضه م الشعب وليهم حق العلاج

يعني مش معني انه وزير نرفع عنه العلاج

ليهم حقوقهم برضه وكمان الاولوية

بس مش معني كده اني اوافق ان وزير المالية يتعالج منالبرد ف امريكا

ويقضي هناك 3 شهور ببدلات علي حساب الدولة

احنا بس محتاجين شفافية مش اكتر واظن ان كلنا فاهمين

وعلي فكرة بعض الوزرا زي د احمد درويش مش بيتقاضي اي راتبمن الدوله

المهم حضرتك متفقه معايا ان لينا حقوق وعلينا واجبات

يبقي الاول نعمل اللي علينا ونطالب بحقوقنا بعدها

وحتة حصة الفرد في البترول والسياحه وووو

يا ريت كلنا نقرا الموازنه العامة للدوله

كل مواردنا كلها مش بتكفي اساسا المرتبات والخدمات

وبنستدين سنويا ومش بنسدد غير فوائد الديون والاصل ثابت

يعني احنا مديونين اساسا

نصيب الدين بالنسبه للفرد تقريبا 10000 جنية

يعني كل فرد فينا مديون ولو لينا نصيب بقي من الموراديبقي ندفع كمان ف الديون

المشكله في سوء التنظيم اللي ف البلد

وسوء الادارة

احنا محتاجين توعية عامة

ودي طبعا للمسؤلين قبل الشعب

ولازم كلنا نعرف حجم المسؤليه الي علينا

وممنساش ان السسب برضه احنا

يعني حقوقنا في الكلية اللي ضايعه السبب فيها دكاترة مش الوزرا

الانشطة اللي متعطلة دي برضه موظفين السبب فيها

لو كل واحد فينا راقب ربنا وضميرة اكيد الحال هينصلحوهنبقي احسن بكتير

ياريت كلنا نبدا ونغير في نفسنا الاول

من طرف **amora** الخميس نوفمبر 04, 2010 3:13 pm

معلشي يا دكتور انا مش مع حضرتك ف ان الوزير ليه الاولويه لا طبعا

الناس الغلابه هم الي ليهم

وبعدين ليه مديونين عشان مسروقين

ماشي احنا علينا حقوق بس صدقني طول ما الشعب حاسس ان
حقوقه متاكله عمره ما هيفكر ف الي عليه

اما بقي بالنسبه للكليه بتعتنا دي برضوه سياسه

الكليه دي دوله صغيره
في رئيس ووزراء
والي تحت الوزراء

وفي الاخر احنا الشعب الغلبان يعني مظلومين من الكليه ومن الحكومه

احنا ربنا معانا

من طرف **dr:sniper** الخميس نوفمبر 04, 2010 3:31 pm

ههههههههههههههههه

تفتكري اول ما جابوا التطعيم بتاع الانفلونزا

رتبوا الشعب ازاي

الرئيس والوزرا

والجيش
و

كده يعني الوزرا من الشعب ومن حقهم يتعالجوا

احنا بس مكبرين المساله بس

اصل علاجهم يعني مش هيفرق كتير

دول بمعارفهم مش هيعدوا 100 شخص

بس الفكرة
بيتعالجوا بكام ومنين ولا حتي فين

دي المفروض يتحط عليها رقابه شوية

لما سالنا الوزير الاسبوع اللي فات

قال الوزير من حقه يتعالج والموضوع ده فعلا لما اتفتح اتوقف علاج ناس كتير بسبب اللخبطة اللي فاتت دي

من طرف **amora** الخميس نوفمبر 04, 2010 3:46 pm

ايوه هي دي بقي النقطه بيتعالجو منين وفين

لما الاقي وزير بتعالج بكام مليون ع شفط دهون يا لهوتي
والله حرام

هي دي مصر ام الدنيا

من طرف **lolo** الأربعاء نوفمبر 10, 2010 5:26 pm

نعم مصر لا تعرف السياسه
إذا اردت ان تكون سياسيا بارعا في مصر فعليك احدى اثنين ان تظلم الناس ولا تقوم بعملك او تجرح وتشتم في مصر والمصرين وتعارض من اجل ان يقولو انك معارض وانت لا تفقه عن المعارضه شيء

من طرف **dr:sniper** الأربعاء نوفمبر 10, 2010 10:57 pm

good luck

من طرف **vet_ro2a** الجمعة نوفمبر 12, 2010 9:09 pm

موضوع بجد حلو ايمى بس صدقينى مصر عمرها ماهتتغير الا لما التغيير يبقى من جوانا بمعنى اخر حتى نغير ما

بانفسنا.....

من طرف **dr:sniper** الجمعة نوفمبر 12, 2010 11:51 pm

بحيكي يا رؤقا وده اللي بحاول اوصله

لازم احنا نتغير الاول

من طرف **amora** الأحد نوفمبر 14, 2010 2:25 pm

لسلام عليكم ورحمة الله

انا طبعا مش قدرت ابعد عنكم

ورجعت تاني

المهم

الشعب مش هيقدر يغير نفسه الا
لما يحس ان حياته بدا يحصل فيها تغير للاحسن هي دي طبيعه اي انسان

وبحترم راي حضرتك طبعا يا دكتور لولو لو انت شايف كده

بس الحمد لله ان ناس كتير شايفه غير كده

شكرا ع مروركم يا دكاتره

مصر لا تعرف السياسه

مصر لا تعرف السياسه

رد: مصر لا تعرف السياسه

رد: مصر لا تعرف السياسه

رد: مصر لا تعرف السياسه

رد: مصر لا تعرف السياسه

رد: مصر لا تعرف السياسه

رد: مصر لا تعرف السياسه

رد: مصر لا تعرف السياسه

رد: مصر لا تعرف السياسه

رد: مصر لا تعرف السياسه

رد: مصر لا تعرف السياسه

رد: مصر لا تعرف السياسه

رد: مصر لا تعرف السياسه