قوافل البيطريين

قوافل البيطريين

[size=24] [center]
كل يوم الصبح بالأتوبيس ماشيين
من بلد لقريه جوا بلادنا متجولين
ولما بنوصل علي مكان حلو أو ظليلة مدورين
ما الشمس غير الظل كلنا عارفين
ما إحنا طول اليوم بالساعات واقفين
وعلشان الناس تعرف أننا موجدين
يبقي لازم بالميكروفونات نكون مبلغين
ما أحنا في جميع المجالات متخصصين
بتوع الصحة بالماتور علي طول شغالين
ما همه جذب السياحة لينا في قوافلنا واللي بيهم متباركين
بتوع الدواجن علي احلي مكان مدورين أو عند دوار العمدة قاعدين
بتوع الولادة بالجس يعرفوا إيه عمر الجنين وبالسونار يكونوا كاشفين
أما بتوع ا لباطنه والمعدية أو ذي ما بيقولوا طب الحيوان همه دول اللي بجد تعبانين
وعلي الحالات مش ملاحقين
أما في الجراحة مع د\ أمل كلنا مستمتعين وحوليه كلنا متلمين
ما هوه دكتور شاطر كلنا عارفين وعن مهارته كلنا شاهدين
بجد فخر لينا يا دكاترة يا بيطريين
أما عن الفلاحين في قري مصر مختلفين
بس هيه حاجه واحده همه فيها مشتركين
وهيه عن ايفوماك والرش سائلين
بجد شكر ليكم يا دكاترة يا بيطريين
بكل الحب بنقول لكل دكاترتنا متشكرين
ومن قلبنا بنهديكم باقة فل وورد وياسمين
بجد تعبتوا معانا وعن أي سؤال مش متأخرين
يعني بجد كنت معانا مش مقصرين
وعن أي حاجه حصلت منا عنها معتذرين
ويارب تكونوا مننا مش زعلانين
وكل سنه وانتم طيبين

[/center]
[/size]
الشعر ده قولته في حفله القوافل قدام العميد وكل الدكاتره والمعيدين والحمد لله عجبتهم
يارب انت كمان تعجبكم