قومي يامصر ارقعي بالصوت...ياللا بقا كفاية سكوت

قومى يا مصر ارقعى بالصوت وكفاية بقا يابلدي سكوت

عيونى السود اللى زى لون تراب الوطن تعبونى

من كتر بكايا علــــــى مصــــر عينيا عشقــونى

مش مدح فيهم ولا ذم لاكن هما اللى صحاونــى

صحوا جويا الامل وبرغم كل المحن هما اللى احيونى

وان كانت عيونى حمــرا من طول الســــــــــهر

او حتــــى بيضـــــا صافــيه زى نهر النـــيل

او زى لـــون تـــراب الوطــــن سمـــــرا

شابــه فاتيــــه سارحــــه على الجنبـــين

تلات الوان زى لون العلم

وشفت نسر مقلوب واقف بين صفيـــن

ولبست نظارة علشان اشوف انا فيــــن

طلع نظرى طشاش عايش مع التايهين

وعينى عليكى ياعيونى شايفه الصورة بالمقلوب

دا قلمى بطل كتابه وبقى يقرا المكتوب

ياترى هوا دا حالى لوحدى ولا حال البلد اسود من الخروب

خايف عليكى يا امى رغم كل التفائل اللى فى عيونى

تفائل ممزوج بخوف وفى الاصل فرعونى

شعور غريب انى عايش لكن كالمقتول

وحتى بنت الجيران منى خدت بالها

قالتلى تانى توهت امك وبكتنا على حالها

شاب صحيح طايش عن وطنه مش مسؤل

وحلفتلها برب العباد وكمان مقام الرسول

ان عيونى السود

هيجى يوم تشوف الصورة بالمعدول

ماتقومي بقا يابلدي ترقعي بالصوت
وكفايانا بقا يابلدي خوف وسكوت