البنات فى مصر بيسمعوا ايه

25 جملة 90% من شباب مصر بيقولها للبنات


1-حبيبتى انتى عارفه انا مش بحب حركات الشباب الطايش انا اصلا مبكلمش بنات
(غير سالى ونسمة ومها وعلى ودعاء وليلى وواحدة تانية هو مش فاكر اسمها )

2-يااااه ياحبيبتى انا حاسس انى اعرفك من زمان
(وهو كان فاكرها بنت تانية كان يعرفها قبل كدة )

3- حاسس ان فيكى حاجه غريبه غير كل البنات
(بتمشى على ايديها ورجليها مثلا )

4-انا حاسس ان فى شبه كبير بين افكارى و افكارك احنا اكيد مخلوقين لبعض
(ده على اساس انه بيعرف يفكر اساسا )

5- حبيبتى انتى اول حب فى حياتى وانا حاسس انى اتولدت يوم ماقبلتك
(يقصد الو حب بعد الـ 20 وان ولدته جابته بعد فترة حمل 20 سنة )

6-يااه يا حبيبتى انتى تؤمرى وانا انفذ اللى انتى عايزاه اجبهولك
(يقصد انتى تاشرى وانا اكل )

7-حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييييير
(يقصد مشوفش وشك بيه تانى )

8-هكلم باباكى اول ماكًون نفسى
(موووووووووووت يا حمااااااااااار)

9-عايز اشوفك كل يوم كل ساعه كل ثانيه
(دى بقى كلهم بيقولها مش 90% بس )

10 حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان (دى برضو كلهم بيقولها )

11-انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى
(يعنى يا دوب اللى يعرفو اخواته و اصحابه و جرانه وقاريبه وصحاب صحابه..... )

12-معلش ياحبيبتى مش هقدر اعدى عليكى بالعربيه النهارده علشان هيا فى التوكيل
(يقصد معرفش يسلك العربية من ابوه )

13- ياحبيبتى انتى بتتكلمى فى أيه انا كل عطورى من فرنسا
( يقصد من فرنسا البلد الازازة بـ 2.5 )

14-ياه لما بشوف رقمك على الموبيل قلبى بيتنفض
(طبعا من الخضة لتكونى فقستينى )

15-فلان قالى اديله رقمك بس انا قلتله على جثتى اديك رقمها
(اصل فلان مش من الشلة - انما الشلة ميقدرش يحوش عنهم حاجة )

16-حبيبتى عايز صورتك عشان قبل مانام اشاهد فى جمالك واحطها تحت المخده
(يقصد عشان يهددها بيها بعد كدة )

17-اسف يا حبيبتى امبارح مقدرتش اكلمك كنت مشغوووول فى المذاكره
(يقصد الكريديت خلص )

18-اسف يا حبيبتى انى مقدرتش اجى فى المعاد امبارح كان عندى ظروف صعبه
(يقصد يعنى كان مع حتة تانية )

19-عارفه يا حبيبتى انا طول الليل منمتش قاعد بفكر فيكى
(بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه )

20-عارفه يا حبيبتى انا اصلا مش بفتح الماسنجر الا لما بتكونى موجوده اصلاالنت من غيرك ما يسواش
(يقصد مش بيفتح البلوك عنها الا اما تكون هيا بس الى اون لين عنده )


21- حبيبتى انا ماستهلكيش
(يعنى احلقى لنفسك- بس بالذوق )

22- انا بعمل كده علشانك انتى
(هى دى التضحية )

23- انا هاسيبك علشان مش عاوز اى حد يتكلم عليكى نص كلمه
( يقصد يعنى مش عاوز وجع دماغ )

24- انا هاهاجر ومش عارف هارجع امتى
(يعنى شوفى حالك بقى )


25- حبيبتى انا اكتشفت ان مافيش مابينا حاجه متشابهه
(اكتشف كدة بعد سنتين بس )
وفي الاخر تطلع....................

جامده يا نادال

هههههههههههههههههههههههههههههههههه


لا بجد جمياة وعجبى ياشياب

ههههههههههه
تحفه نادال
معنى كده مافيش ولا واحده تصدق اى واحد فى اى حاجه
يعنى تسمع وترمى فى البحر
يعنى تنفض
ومتعلقش على اى حاجه من الاخر

والله ميرو كلهم كدة واوحش كمان

عندك حق عاشقه اسمعى ونفضى دى كلها جمل محفوظه

بس بجد نادال الموضوع تحفه تسلم ايدك مستنين مواضيع جميله كمان زى دة

موضوع جميل بس فعلا لو الكل كده تبقى الدنيا خربت