يا ترى إحنا لسه بنحب مصر ؟؟!

من طرف **dr:sniper** الجمعة أغسطس 27, 2010 2:45 pm

السلام عليكم ورحمه الله وبركاته

يا ترى إحنا لسة بنحب مصر ؟؟؟؟؟

قبل ما تندفع وتقول طبعا دى مصر هى امى ونيلها

هو دمى وتكلمنى عن شهامة ولاد البلد واخلاق بنت البلد وبنات وسط البلد .

خلينا نتكلم بواقعية شوية

يا ترى يا جماعة مصر بتمثل لكل شاب فينا ايه ؟؟

ياترى ذكرياتك الحلوة فيها اكتر ولا الوحشة ؟؟؟؟

بس برغم كدة حد فينا حاسس انه بيكره مصر ؟؟؟؟؟

بردو لأ

طيب مصر دى ايه حكايتها

انا حاسس الإحساس ده

وعارف انكو كلكوا حاسين نفس الإحساس كل ما احاول اكرهها

ميهونش عليا اقولها ..كل ما افكر انى اهاجر قلبى مايطاوعنيش انى اتخيل حتى

كل ما اتخنانق مع سواق ميكروباص أو مدرس فى مدرستى او دكتور فى جامعتى او فى شغلى

اقابل راجل أو شاب طيب مبتسم قاعد جمبى فلا املك إلا الإبتسام

كل ما اتقزز من افعال الشرطة ومن التعامل معاهم

قع فى ظابط ابن ناس اوى ومحترم والاقيه بيعامل الناس كويس

كل ما افتكر مشاكل سواقين التاكسى اركب مع سواق تانى راجل بركة يدعيلى ويطبطب عليا

كل ما اتخنق من البنات الكاسيات العاريات اقابل اخت محترمة كويسة اوى

اقول الحمد لله الدنيا بردو بخير

يا ترى جيلنا ده بيحب مصر ولا لأ ؟

وحد يرد عليا يفهمنى

لازم ياجماعه نشوف مصر من زاويه تانيه....

لازم نعرف مشاكلنا ونتفاعل معها...

نتفاعل معها مش بالتخريب

وحرق العربيات وتكسير المحلات...كل بلد فيها مشاكل ولازم نعرف كده..

لازم نعرف ان بجوارنا اعداء لنا...يفرحهم ما نحن فيه...

فدعونا لا نشمت فينا اعدئنا...دعونا نتحد لاصلاح البلد مش نخربها

انزل بالنهاية

كم عشت يا وطنى مغروم بيك بكل الامك وبكل ما فيك

وكم سألنى حقود عليك ليه تحبة مع انه ناسيك

اقول له انا وطنى عمره ما ينسانى

وانا ابدا ما انسى احلامى

اعلى وطنى بايدى وبايد اخوانى

اعيش يا وطنى احميك

من طرف **emy** الجمعة سبتمبر 03, 2010 1:51 am

اكيد مصر مش السبب فى كل ده
اكيد كلنا مسؤلين بس هى دى بلدنا بيتنا يعنى هى الوحيده اللى هتقبلنا فيها من غير ماتعايرنا
على الاقل محدش هينظرلك انك مش فى بلدك وانك رايح بلده عشان تستغله او ان هو صاحب فضل عليك
مفهوم؟

يا ترى إحنا لسه بنحب مصر ؟؟!

يا ترى إحنا لسه بنحب مصر ؟؟!

رد: يا ترى إحنا لسه بنحب مصر ؟؟!