*فاكر*

من طرف **samozean** الخميس أغسطس 19, 2010 6:28 pm

فاكر لسه الليالى
لسه منسيتش حاجه

وكل يوم يعدى
بيفكرنى بحاجه

مره بكلامها ليا
ومره بتعتب عليا

مره وانا فيها سارح
وعنيها فى عنيا

ومره تانيه جارح
وصعبانه عليا

فاكر كل الكلام
فاكر حتى السلام
لما بتسيب ايديا

فاكر اول دقيقه
واول كلمة بحبك

فاكر نظرة بريئه
بسهوله تشدك

وتقول الحقيقه
حتى لو غصب عنك

فاكر كل ذكرى
كانت بينها وبينى

بعيش بيها لبكره
وبتصبر سنينى

فاكر لو زعلنا
او مره اتخانقنا
ونحلف مش راجعين

وفى ثانيه تلاقينا
كل واحد فينا
بيتحجج بحجه
عشان يصالح التانى
وفى لحظه تلاقينا ناسيين

كنا فاهمين لكن عاملين
مش واخدين بالنا

لكن حاسين اننا عايشين
احلى ايام فى حياتنا

فاكر لما كنت ببكى
او من الدنيا اكون زهقان
بجرى عليها واقعد احكى
بنسى ع طول الاحزان

فاكر حتى وانا فرحان
لازم تفرح هى كمان
ماهى اول فرحه بجد

ومليش فى الدنيا
بعدها حد

فاكر اننا كنا اتنين
عايشين والله كاننا واحد

تبعد يوم وكانه سنين
وافضل طول اليوم متاخد

فاكر لما كانت بتقول
بتوحشنى وانا وياك

اقولها لا مش معقول
تقولى دنا عايشه بهواك

فاكر مره حد عاكسها
وطبعا كان لازم اتخانق

والله فعلا فاكر يومها
قالت انا يمكن بضايق

بس بجد كفايه احساسى
ان انا وياك حاسه اطمئنان

وياريتنى عرفتك قبل حياتى
عشان اجى الدنيا فى امان

فاكر مره حبيبتى قالتلى
عاوزاك توعدنى بوعد

قلتلها حبى ليكى
ملهوش والله حد

ردت قالت بسرعه
انت مش فاهمنى

انا قصدى حاجه تانيه
عاوزاك بس تسامحنى

سامح قلبى الى حبك
حتى لو كنت جارحه
وحاول متفتكرش
ليا الا فرحه

انا قلت لنفسى جايز
علشان مضايقه منى
بتحاول بالكلام
انها تضايقنى

وفضلت شويه ساكت
وهى برده ساكته
وفجاه لقيتها قالت
بس بنبره خافته
والله بحبك موت
ومن غيرك هموت

قلتلها حبيبتى اهدى
مش فاهم ايه الحكايه

قالتلى حكايه خلصت
وهى دى النهايه

فاكر ساعتها لما
قالتلى محبتكش

نزلت من عينها دمعه
قالتلى متصدقش

دنت روحى وكيانى
لكن مش عشانى
يلا متبقاش انانى
واتمنالى السعاده

ممسكتش يومها نفسى
قلتلها ليه بتقسى؟
دنا عايش عشانك

لا مره فى يوم جرحتك
بالعكس دنا فرحتك
والدنيا ديا تشهد
ويشهد كمان زمانك

مديت ايديا ليها
وحضنت ايديها
لقيتها بترتعش
خفت بجد عليها

كان نفسى
فى حضنى اخدها
عشان اطمن خوفها
لكن لقيتها برده
بتبعد ايدها عنى
ساعتها فهمت منها
ان ده قرارها

وعنيها قالتلى كلمه
بجد مش ناسيها
مهما بعدنا حياتى
هتفضل عايش فيها

انت حمايتى وسندى
وانت اللى محليها

قلتلها الوداع
قالتلى الى اللقاء
قلتلها قلبك باع
قالتلى الوداع

سامووووووووووووووووووووووووووووووو
قلب حب ولا طالش