*روحوا باركولها*

من طرف **samozean** الثلاثاء أغسطس 17, 2010 12:06 pm

روحوا باركولها روحوا هنوها
روحوا قولولها ان انا مبسوط

خدوا بايدها وافرحوا بيها
قولولها بعدك مش هيموت

خدوا بالكوا منها دى غلبانه
كانت عاوزه تفرح وهى فرحت

ومهما كان بينا دى انسانه
وانا مسامحها لو جرحت

مهى ياما عاشت زعلانه
وكتير منها الفرحه اتسرقت

وكتير فى قلوب تعبانه
فى البحر عامت ولا غرقت

اجرحها!
اكيد لا مش انا
وبكره نقول ايام عدت

وعمرى ما هقول قد كان
وهفتح عينى الى معاكى عميت

نار قلبى صحيح ليكى عطشانه
بس هتموت لو شربت

والذكرى فى قلبى اهى متعانه
مهما الدنيا فى عينى اسودت

خايف بس تعيش ندمانه
وتتمنى الفرحه ما تمت

وانتوا بتباركولها قولولها
ان انا مستنيلها الفرحه

مستنى اليوم الى هتلبس
فستان ابيض فيه والطرحه

وقولولها اوعى تفكرى ان انتى
كنتى معاه كدابه وجارحه

بالعكس ده ايامه معاكى
كانت كلها حب وفرحه

كنتى بتهونى ايامه
وينسى احزانه بروحك المرحه

اوعى تدارى الفرح عشانه
ده ذكرى !
وبكره غير البارحه

انسيه وفكرى بس فى روحك
قربك عمره ماكان فى صالحه

وكفايه كتير قوى عشتى عشانه
وكتير قوى قوى شفتى مصالحه

انا اوعدكم لما اقابلها
هبارك الفرحه لانسانه جارحه

روحوا باركولها روحوا هنوها
روحوا قولولها ان انا مبسوط

خدوا بايدها وافرحوا بيها
قولولها بعدك مش هيموت

روحوا باركولها

ساموووووووووووووووووووووووووووووووووووووووووو