بحبك يا مصر

من طرف **dr:sniper** الأربعاء أغسطس 04, 2010 8:31 am

زجل عن الهجرة من مصر

بحبك يا مصر
بحبك وحبك عليا دا فرض
بحبك بخوفي رغم ظرفي
بحبك لانه عليا دا فرض
بحبك يا مصر

قسيتي عليا طلعتي عنيا
وبرده بحبك لانه فرض
نفسي احبك وابادلك ف حبك
مش اني احبك لانه فرض
بحبك يا مصر

نفسي في يوم
اشكي همومي والعن ظروفي
والقي اللي يسمع ومني يرد
لكنك سمعتي وعني بعدتي
وقلتي احبك فبرده بحبك
ما حبك خلاص بقي فعل امر
بحبك يا مصر

همومي كبيرة مشاكلي كتيرة
لمين راح اشكي ولمين راح ابكي
ومين راح هيسمع ومين راح يحل
نفسي تحني وبيا تحسي
انا برده ابنك انا بن مصر
بحبك يا مصر

يا بلدي يا غالية ليه عني عالية
دا مش بس ليا ولا خوف عليا
دي مصالح دي عاليا
دي سرقة ونهب
ليه عليا تلوموا لما بهاجر
ما انا كنت بتعب وباكدح واتاجر
نهبو تجارتي..حسيت اني ضايع
اغتصو حقوقي .. وما اقدرت ادافع
وحسيت اني ارخص من اني ادافع
دا حتي لمطالبي ما كان حد سامع
قررت اسافر قررت اهاجر
محدش يلموني..لأ لوموا عليها
طول عمري بقرب ولا مدت ايديها

مكنش يوم حلمي ان اسكن ف قصر
ولا املك جواري ولا امشي بفخر
دا كان بس حلمي احس اني شخص
ما انا باكل وبشرب... بس كمان بحس
لوموا عليها وبعدين لموني
ولو كنت غلط ابقوا لموني
او حتي حاكموني او حتي بدونها

ما احنا في مصر