وحياه عنيكي....يتيمتي الجديده

من طرف adnan الأربعاء مايو 19, 2010 8:10 am

اليها تلك التي تتمثل في خاطري
طيفا من الانوثه
و سيل من عذاب الذكريات
طالما كتبت اليها
على امل موعد وحيد
في هذا العمر

....

وحياة عنيكي اللي اتولد فيها القمر
انا مش هخاف
على اي كلمه قولتها
لكن هخاف على حبنا
هفضل احبك
زي اول مره حبيت القمر
حب بسكات
احبك بصمتي
ودمعي وكبتي
وصرخة عنيا
بتكسر حجر

ولا عمري مره هودعك

ولا عمري مره هرجعك
دنيا البشر
دنيا البشر مش زي دنيا حبنا
يمكن عشان من حقنا
نفضل نداري الحب
جوه قلبنا
ومع السلامه
يا احلى رمش
يا رمشها
انا مش ضعيف
ورغم اني كل مره بنكسر
انا مش ضعيف
انا مش جبان
علشان اداري
جوه دمعك
الف جرح من الزمان
برغم اني كل مره بنكسر
هفضل احبك زي اول مره حبيت فيها
القمر
وحياة صلابتي
في الشتا
تحت المطر
فوق الرصيف
الحب مش محتاج غنا
الحب صمت
الحب كلمه تتوه
تتوه الف كلمه
انا مش جبان
لكني بهرب
من عناد الاسئله
ماتدوريش عن حل
الحل هو المسأله
لحظه ما سبتك
والقلق
باين عليا
مشكله
والظنون عجنت ملامحي
فضلت ارسملك
ليالي
من سهر
وبرغم اني كل مره بنكسر
هفضل احبك
زي اول مره حبيت
فيها القمر
اه م البشر
واه منك يا جنيه
من تحت الرمال
(( ايا غجرية الاوصال ))
انا الرحال مابين سكتة عنيكي
وانطلاق
الازمه في قلوب الرجال
انا الرحال
مابين مشرق عيونك
ما بين لحظة غروبك
ما بين فجري وهروبك
م السؤال
انا الرحال
وبتألم
لكن عارف حدود الجرح
والاوطان
متعلم
اداوي كل احزاني
عشان انسان
ومتحزم
بكل دموعك الطاهره
ورغم اني كل مره بنكسر
ورغم اني لسه عاشق الترحال
هفضل احبك
زي اول مره حبيت القمر.....
واقول في عنيكي ميت موال

محمود 15/11/2009