مسلسل سعدية وميدو" متجدد" هتموتوا على نفسكوا من الضحك صدقونى

الله عليكِ يا توتا
وعلي قصصك ومواضيعك
هو ده الشغل
كنتي فين يا بنتي من زمــــــــــــــــن ؟؟؟؟

يا نهار ابيض

كمّلي بقي

ياتري هيحصل ايه ؟؟؟

واساسا ....الاحدا كلها غير متوقعة بالمرة .... علشان كده صعب ان الواحد يتوقع ايه اللي هيحصل

بس غالبا ..... ميدو وسعدية ..هيكملوا .....

عموما ...نشوف

لكن في واحدة بتحب واحد تقعد تقوله منيل و .و......و..........و ..... دي غريبة جــــــدا

وهو اساسا يحبها ازاي وهي بتشتمه كده ....... اي نعم جدعة ....... لكن المفروض يكون في احترام متبادل

ما علينا دلوقتي

كمّـــــــــــــــــــلي

احترام متبادل بين اتنين بيحبوا بعض؟!!!!!!!!؟؟؟؟؟؟؟؟
يعني روحين في جسد واحد
ينفع واحد يزعل من نفسه لو شتم روحه أو نفسه طبعا لآلآلآلآلآ
مش ممكن أبدا
ما تسمعيش كلامها يا توتا
الحكاية روعة بكل أحداثها وتفاصيلها
مستني النهاية
تكون
ميدو يكون ل سعدية




ونهاية كلامي سلامي

اية يا عم ميدو الكلام الجامد دة

انت شكلك كدة حبيب قديم

بس وجهة نظر تحترم منك انت ومرمر

بصوا انتوا ليكو فى ذمتى 4 حلقات

2 النهاردة و2 بكرة

وعايزة اسمع اجمد ردود من كل اللى فى المنتدى حتى اللى مكانش متابعها من الاول

اهى قربت تخلص يقروها كلها واسمع اجمد ردود

ومنى ليكو اجمد حلقتين

انا قولت علشان ماطولش عليكو

نزلتلكوا بقيت الحلقات مرة واحدة

ودى كانت النهاية ويا رب تكون عجبتكوا

مرسى لكل واحد قرى الموضوع بتاعى ورد علية وبالذات مرمر وميدو اللى منورين الموضوع دايما وكل موضوعاتى


على فكرة انا عندى مسلسل تانى بس بجد تحفى هو فى نفس السياق بس بجد جامد اوى

لو تحبوا انزلهولكوا

قولولى رايكوا وانا على اساسة اشوف انزلة ولا لا

تقبلوا تحياتى وتقديرى

شكرا بجد يا توتا عالقصة الرائعة دي ونتمنى المزيد

مبروك على ميدو سعديه
قصه تحفه ياتوتا
وعلى فكره انا متبعاها من الاول

مرسى يا ميدو الهدية الحلوة دى

وبجد تحفة مرسى ليك

وعاشقة الفردوس كرسى كتير ليكى ويا رب تكون عجبتك بجد

حلوة النهاية دي يا توتا

ونهاية متوقعة

ان ميدو وسعدية يكملوا

بالنسبة بقي لدكتور ميدو

ماينفعش يكون في حب من غير احترام متبادل
الحب والاحترام لازم يكونوا متلازمين
مش معقول اني بحب حد وهو بيحبني يبقي ايزي خالص اني اشتمه او يشتمني .... لالالالالا..... مش نافع طبعا
فين الكرامة .... ومتقوليش مفيش كرامة في الحب ... اللي بيحب بيحافظ علي كرامة وشعور اللي بيحبه وعلي احترامه وصورته قدام الناس وقبل كل ده صورته قدامه وقدام نفسه
أصل بالطريقة دي استحالة انهم يكملوا سوي ... أكيد هيجي وقت ويزهق من الطريقة دي والتعامل ده
ومفيش راجل يقبل علي نفسه انه كل شوية يتهزق او يتعامل بالطريقة دي ......هو لو كان بيستحملها علشان بيحبها ...استحملها كتير ...... وجه دورها بقي ...انها المفروض تعمل اللي المفروض يتعمل وتراعي شعوره

سوري اني طوّلت
بس انا كده اختصرت جدا

وعموما ..... الاختلاف في الرأي لايفسد للود قضية .


وميرسي خالص ليكِ يا توتا ع القصة الجميلة دي .

يعني روحين في جسد واحد


تؤتؤتؤ
روح واحدة في جسدين

كلامك رائع يا مرمر بجد
وجهة نظر محترمة
وبعدين
روحين في جسدين واحد
روح واحدة في جسدين
المهم انهم واحد


وهو ده كان الهدف من كلامي




وأحب أشكر توتا للمرة التانية

مرمر
بجد عاجبني أوي طريقة كلامك واقتناعك بيه
بس انا مش مقتنع
ومش عاوزك تزعلي مني
وبعدين انتي قولتيها


وعموما ..... الاختلاف في الرأي لايفسد للود قضية .

والله والله والله

انتو بتحرجونى

بجد مرسى ليكو انتو الموضوع من غيركو مش يبقى لية لازمة

ميدو بجد انا عاوزة اقولك انك زى العسل وربنا يخليك على كل ردودك اللى بجد بتحسسنى انى عملت حاجة حلوة

يا رب تكون عجبتكو

مرمر القمر الاختلاف لا يفسد للود قضية وكل ارائك على راسى يا قمر

بجد بحبكوا اوى

ياااااااه

القصة خلصت من غير ما كنت اعرف

بس نهاية حلوة خالص
وماتزعليش منى يا توتا على التاخير فى الرد


وبالنسبة لمرمر حبيبتى

كنت سمعت اكتر من مرة
ان لما حد يكون بيحب حد وحاسس انه مش هيكون ليه
بيشتمه
ازاى معرفش
بس تقريبا عشان يبين له انه مش فى دماغه
وعشان يحسس نفسه انه مبيقبلوش


وتقريبا دى بتكون حركة لا ارادية

وسعدية عمرها ما هتغلط فى ميدو بعد كده خالص

حتى ناخد راى توتا



ومنتظرين اى حكايات تانية منك ياتوتا