انت مصحيني ليه ... ؟؟

من طرف **د/نور** الجمعة سبتمبر 18, 2009 8:42 am

انت مصحيني ليه ... ؟؟

انت مصحيني ليه
انا صاحي مبعملش حاجة
قاعد زهقان
مش لاقي حاجة اعملها
ليه مصحيني
مش مخليني انام ليه ... ؟؟

منا قاعد بضيع وقت
يمكن حتي اكون بعمل حاجات غلط
بعمل حاجات انت مبتحبهاش
طب متخليني انام احسن

ليه مصحيني
قاعد بقلب في التليفزيون
ليه كل ما اقلب قناة
الاقي حد بيتكلم عنك
حد بيقولي اقوم اكلمك
كل ما افتح حاجة
الاقيها بتفكرني بيك
كل مااكلم حد الاقيه بيكلمني عنك
بيفكرني بيك
بيشجعني اني ارجعلك

انا عايز ارجعلك
بس مش عارف
عايز اكلمك
عايز ارجع العلاقة بيني وبينك
بس مش قادر
كل ما اقول خلاص هقوم اكلمه
بحس ان في حاجات بتشدني
حاجات بتخليني مقومش

وبعد كل ده
ليه مصحيني لغاية دلوقتي ؟؟؟

معقول
لسه بتبعتلي ناس يفكروني بيك
بعد كل اللي عملته
لسه بتيجي علي بالي
لسه مش قادر انساك
لسه بترسم لي طريق الرجوع
لسه مش زعلان مني
لسه بتاخد بايدي من غير ما احس
بتهيأ كل الظروف اللي حواليا
عشان ارجعلك

بعد كل اللي عملته
بعد ما نسيتك الفترة دي كلها

انا مش لاقي غير تفسير واحد للكلام ده
تفسير واحد بس منطقي

انك انت بتحبني يارب

ايوة لسه بتحبني يارب