مظلومه يا سيدي مظلومه

من طرف **amora** الأحد أغسطس 30, 2009 1:03 am

اه يا سيدي ضربوني ####علي قفايه كمان ادوني
علي السجن يا سيدي#### شدوني
اه مهنم #### غلبوني
اه منكم يا حكومه
مين قال اني عدوتكم #### دا انا كلي عشان خدمتكم
دا انا عمري ما قولت لمين ####ولا حتي سالت لمين
دا انا دايما بشكر فيكم ####ودا كله عشان احيكم
طب حتي اسالوا اصحابي####ودا كله كمان في كتابي
بكتب علشان اشجعكم ####وارفع كمان من روحكم
ولا عمري يوم مليت ####دا انا يا ابني جنب الحيط
لا بقول لا كاني ولا ماني #### دا انا بسمع حتي اغاني
ولا قرأن ولا احاديث ####دا انا بسمع عمرو و ميس
طب بص يا سيدي عليه #### بئه دي وحده سياسيه
مين قال دي الكلمه عليه ####دا انا عمري ما كنت غبيه
ادخل باديه النار ####وكمان ركبه علي حمار
انا ايوه صحيح بيطريه ####بس مش كده يا عنيه
دا انا يوم سالوني علي الريس #### قولت دا حبيبي و كويس
يا حبيبي دا ديما طيب #### من الناس علي طول قريب
دا يا سيدي ابو الحريه #### اول طلعه جويه
انا طبعا عمري ما فيش #### ودا كله عشان الريس
وتقولي سياسه وغالي #### ونظيف يا سيدي وانا مالي
دا انا امي كانت بتقول #### امشي كده اهو علي طول
تيجي انت يا سيدي وتقول #### سياسه لا مش معقول
مظلومه يا سيدي مظلومه #### مظلومه والنبي مظلومه
طب كده يرضيكي يا حكومه ####مظلومه يا سيدي مظلومه
مظلومه والنبي مظلومه

من طرف **marmer** الأحد أغسطس 30, 2009 1:23 am

لالالالالالالالالالالالا

ايه يا بنتي؟؟؟؟؟؟؟؟؟؟؟؟

انتي كنتي فين بالظبط

؟؟؟؟؟؟؟؟؟؟؟

من طرف **AMA** الأربعاء سبتمبر 02, 2009 7:07 pm

إنشاء الله حتاخدي حقك

بس طمنينا عليكي الاول

من طرف **amora** الأربعاء سبتمبر 02, 2009 10:27 pm

ههههههههههههههههههههههه
شكرا مرمر
شكراAMA
علي مروركم
و اكيد هاخد حقي
المره الجايه
هههههههههههههههههههههههه

من طرف adnan الخميس سبتمبر 03, 2009 9:03 pm

والله دا اللي كنت خايف منه
على العموم
الشده الشده والصبر

وكله بيهون
بس اديني عنوان السجن
الليمان
وللا طره
وللا القناطر
ههههههههههههههههههه
بعد الشر عليكي

وجميله جدا
واستمري

من طرف **amora** الخميس سبتمبر 03, 2009 10:31 pm

هههههههههههههههههههههههههههه
يا دكتور هو السجن دا له عنوان
دا سكة الي يروح ما يرجعشي
شكرا يا دكتور علي مرورك

من طرف sandrilla الأربعاء سبتمبر 30, 2009 10:36 pm

بجد جميله بس في محيرني اوي ياامورة
بجد انتي زرتي الاماكن دي قبل كده
هههههههههههههههههههه
بس علي فكره دول كانو مدلعينك علي الاخير
يادوبك شوية ضرب علي القفا
يعني سهله والحمد لله انك حرجتي عشان تكتبيلنا القصيدة الجميلة دي
بس خدي بالك المرة الجاية لتروحي وادي النطرون والمرادي مفيهاش رجووووووع

من طرف **amora** السبت مارس 27, 2010 5:26 pm

ههههههههههههههههههههههههههههههههههههههههههه
وادي النطرون
اي سجن في مصر واحد يا سندريلا
ههههههههههههههههههههههههههههه
اساليني انا
اسال مجرب ولا تساليش طبيب
هههههههههههههههههههههههه