أمثال خاطئة

من طرف **د/نور** السبت أغسطس 22, 2009 4:41 am

أمثال خاطئة

الكثير من الأمثال الشعبية نسمعها يومياً .... لكنها خاطئة لو فكرنا فيها قليلاً .. إليكم مجموعة من هذه الأمثال :

المثل : اللي بيته من إزاز ميحدفش الناس بالطوب .
التصحيح : اللي بيته من إزاز ميغيرش هدومه في الصالون..
أيوه لأنه مكشوف لكل اللي بره وبالتالي مينفعش يغير هدومه
في الصالون ... إنما تقولي ميحدفش الناس بالطوب !!! ميطلع بره بيته ويحدف
زي ماهوه عايز.. تقولي مهو الناس هيردوا عليه بالطوب ويكسروا له بيته..
بسيطة يا عم ..يبعد عن بيته أما ييجي يحدف الناس بالطوب ويلبس قناع كمان
عشان ميتعرفش..

المثل: اقلب الإدرة على فمها تطلع البنت لأمها .
التصحيح:اقلب الإدرة على فمها يندلق الفول منها .
نفسي أفهم إيه علاقة إدرة الفول بالبنت وأمها... ده على
أساس أن البنات بيطلعوا من إدر الفول اليومين دول... ولا يعني لو أنا قلبت
الإدرة على جنبها البنت هتطلع لخالتها ... أو لو سبتها معدولة البنت هتطلع
لأبوها !!!!!... هبل!

المثل: اتغدى واتمشى .
التصحيح: اتغدى واتعشى وكل كويس.
تتمشى بعد الغدا ليه يعني .. عشان تهضم الأكل وتحرقه... أمال كنت بتاكله ليه من الأول؟!!!

المثل: بدلاً من أن تلعن الظلام ... أوقد شمعة.
التصحيح : بعد أن تلعن الظلام ... أوقد شمعة.
وهو الظلام حلو يعني .. متسب وتلعن في الظلام لما تشبع
وفي الآخر ابقى ولع يا عم كل الشمع اللي أنت عاوزه ... ده حتى غلط أما
تقعد تكبت في نفسك كتير كده ... وبعدين لازم تخرج مخزون الشتايم
والعدوانية اللي عندك في الحاجات اللي تستاهل بدل مايطلع غصب عنك في مواقف
مش مناسبة ويسبب لك مشاكل.

لو عندكوا أي أمثال تانية شاكين أنها غلط قولوا لي عليها وأنا أحاول أصلحها لكم..

وعلى رأي الشاعر العظيم أبو العلاء المعري :
كأننا والماء من حولنا .......... قوم جلوس حولهم ماء

من طرف Dr.hayah السبت سبتمبر 05, 2009 12:27 am

ههههههههههههه

لا نايس خالص........

بصى يا ستى....

امثال خاطئه

1_اللى يعوزه بيتك يحرم ع الجامع

2_اممممممممم

مش فاكره انا اصلا كنت سامعه مره محاضره عن الامثال دى

لو افتكرتها هبقى اقولك اوووووووووك؟!

من طرف **dr_diro** الثلاثاء فبراير 16, 2010 1:34 am

طويب انا ممكن اساعدك
اللى اتلسع من الشربة ينفخ فى الزبادى
التصحيح اللى اتلسع من الشوربة يتصل بالمطافى
جت الحزينة تفرح ملقتلهاش مطرح
جت الحزينة تفرح شغلت شريط حكيم (واضحة يعنى )
من حفر حفرة لاخية وقع فيها
التصحيح من حفرة حفرة لاخية وقع فيها اخية (داة اكيد طبعا)
اللى خرج من دارة يتقل مقدارة
التصحيح اللى خرج من دارة مينساش ياخد المفتاح معاة
يالة اى خدمة

أمثال خاطئة

أمثال خاطئة

رد: أمثال خاطئة

رد: أمثال خاطئة