**أسئله ليكو يا مصرييييييين** جاوب وورينا شطارتك

من طرف **merooo** الإثنين يونيو 29, 2009 3:17 am

دي يا جماعه شويه اسئله
وياريت اللى يعرف حلها او حل جزء منها وله الشكر والاجر والثواب
اولا الاسئلة الجغرافية
ليه جامعة القاهرة اسمها جامعة القاهرة مع انها فى محافظة الجيزة؟؟
وليه مستشفى الاطفال الجماعى ابوالريش اسمها مستشفى المنيرة وهى فى حى السيدة الزينب؟؟
وليه مكان رئيس حى المعادى موجود فى حى البساتين؟؟
وايه فايدة التقسيم الادارى الجديد؟؟
وليه الحكومة اللى المفروض تسكن فى العاصمة ساكنة فى محافظة 6 اكتوبر؟؟

ثانيا الاسئلة السياسية
ليه مدة الدورة فى مجلس الشعب 5 سنين مش اقل؟؟
ليه مجلس الشورى والمحليات فيهم اعضاء بالتعيين؟؟
ليه الحكومة ساكنة فى القرية الذكية ومع ذلك قراراتها فى منتهى الغباء؟؟
ليه مصر بتصدر الغاز الطبيعى وهى محتاجة جدا؟؟
ليه قانون الطوارئ يفضل شغال اكتر من 20 سنة؟؟

الاسئلة الاقتصادية
بما تفسر ياعلاوة ما اتقبضت خدها الغلاء وطار؟؟
ليه البنزين والزيت والرز والسجائر والكهرباء والمياه والعيشة اسعارها بقت مولعة ناررررر؟؟
ليه الشقق غالية والقاهرة نصفها مقابر والصحراء كلها صحرا ؟؟
ليه الجنيه المصرى بقه ايدك منه والارض؟؟
ليه كل حاجة عمالة تغلى الا الانسان فى مصر عمال يرخص؟؟

اسئلة لولبية
ليه وزارة احمد نظيف مش بتستقل او تتعزل رغم كل المصايب اللى عمال تحصل دى؟؟
ليه رئيس الوزارة اسمه نظيف مع ان البلد كلها تلوث فى تلوث؟؟
ليه التليفزيون بتاعنا بجيب الخبر بعد ما يحصل باربع سنين ده لو افتكر وجابه؟؟
ليه بيقول ان التعليم مجانى مع ان اى بيت بيدفع مش اقل من 500 جنيه شهريا دروس خصوصية؟؟
ليه محدش يعرف دكتور مصطفى مشرفة والناس كلها تعرف سعد الصغير؟؟
اللى ميعرفش الدكنور مصطفى يدوس هنا
ليه معندناش لجنة ادارة ازمات مع اننا اكتر حاجة عندنا هى الازمات؟؟
كل حاجة عندنا بطابور ومع ذلك احنا معندناش نقطة نظام؟؟
عندنا اكتر من 100 الف خريج جامعى سنويا ومعندناش ولا 100 عالم ؟؟
ليه كتاب عشان متضربيش على قفاك اتصادر وليه اصلا الناس كلها بتدور عليه؟؟
وليه الناس كلها اللى بتددخل المدونة دى مش بتسيب تعليق؟؟
واخيرا ليه منيو الخمسة لسه بخمسة مغليش زى كل حاجة فى البلد؟؟

من طرف vet_nwara الإثنين يونيو 29, 2009 8:14 am

نجاوب على ايه بس يا ميرو حسبنا الله ونعم الوكيل هنقول ايه بس

بس ايه منيو خمسة دا ؟

واخيرا ليه منيو الخمسة لسه بخمسة مغليش زى كل حاجة فى البلد؟؟

موضوع يقلب المواجع شكرا لك