وضاع العمر عل القهوه

من طرف adnan الثلاثاء مايو 26, 2009 6:46 pm

كعادتي ليلا اقضي ساعه استجم على احدى القهاوي الشعبيه……ومره كنت جالس بجوار رجل كبير في السن

تظهر على وجهه اثار الزمان وبصمة الحزن……. وتابعته وقد كان يهاتف صديق له وفي الحوار بينهم سأله صديقه في معناه وما توقعته انه سأله

- هتستناني فين…؟؟؟

فرد عليه قائلا….

- يعني هستناك فين يعني … في القهوه……….

في هذه اللحظه سقطت في خاطري هذه القصيده والتي اتممتها في القهوه

وضاع العمر في القهوه

سنين فاتت وانا مش قد احزانها

هربت بعيد….

وهام بيا الزمن وحدفني عل القهوه

قابلت كتير …وضاع مني كتير

قابلناهم عرفناهم وحبينا الهوى وياهم

وعلى سهوه ضاع العمر عل القهوه

حجر شيشه يا عبد الله

وهات ينسون

بقالي سنين

ونفس الكرسي والساعه

كأن ماعداشي على عمري ولا ساعه

في عز شبابي حبيتها

لحد ما شعري صار ابيض

بقت بيتي…..

وعلى سهوه

ضاع العمر مني على القهوه

يا عبدالله زود نار

وهاتلي الشاي بلاش سكر

بقالي سنين واخدها حذار

ولا مصاحب ولا عاشق

ولا سمسار

ماليش في اللف والدوران

عجوز هايم بأرض الله

يا عبد الله

هات الشاي….

بلاش نغرق كتير في الماضي

خليني لعمري الجاي

ياعبد الله حجر شيشه

وهاتلي الشاي..

وضاع العمر تاني…وبرضه عل القهوه
شربت كتييييييييير
حسابي زاد
عجوز سهيييييييير
تراب الارض في اديا
وسابلي شقوق
وسايب وشم على صدري
بدم الشوق
ولما دار العمر بالمقلوب
لقيت نفسي
لسه على القهوه
هقولك ايه يا عبد الله
كلامي كتير
وهاتلي الشاي
تعال اسمع
كلامي الجاي
وفكر يا بني في الدنيا
وقول مواويل
وغني للفرح غنوه
وفيها سؤال
عن القهوه
زمان كان جانبي ناس ياما
سابوني خلاص
وكان الموت مفرقنا
لا عنده شوق وللا احساس
وكان الحب يتمكن بقلب الناس
ويتقابلوا هنا في الركن
في القهوه