ازاي تخلي خطيبك ينتحر ؟؟؟؟

من طرف **merooo** الثلاثاء فبراير 03, 2009 2:26 am

السلام عليكم ورحمه الله وبركاته

عايزه خطيبك ينتحر
طيب ركزي معايا في القصه دي ونفذيها بالحرف وربنا حيسهلك باذن الله
--------------------------------------------------------------

"أحمد" و"مني".. مخطوبين من فتره لكن ناقر ونقير !

"أحمد" بيحب "مني" وهي كمان بتحبه قوي.. بس الحوار ليه اللي

بيحبوا بعض اليومين دول بقي مختلف قوي.. تعالوا نشوف المشاكل

بتحصل إزاي وإيه اللي يخلي الدنيا تبوظ:

موسيقي تصويرية شعبان عبدالرحيم انا بكره إسرائيل وبحب عمرو موسي؟

مني وأحمد واقفين في عز الضهر علي الكوبري

مني: "برومانسية" شايف النجوم يا أحمد

أحمد: نجوم ايه بس في عز الضهر دا أنا الشمس حرقت افايا

مني: الله ياأحمد بص السحابة اللي هناك دي اللي عليها العصافير

أحمد: لا والله ياحبيبتي أنا مش شايفها بس شايف دخان عربيات خنقني
مني: يووووووووووووه يا أحمد خليك رومانسي شوية

أحمد: رومانسي إيه بس وأنتي مخرجاني في عز الضهر كده أنا

الشمس كلت وشي وقالت أنا شبعت

مني: انت مش بتحبني والا ايه

أحمد: ياستي بحبك

مني: لأ انت كذاب انت مش بتحبني

أحمد: يعني أولع في نفسي عشان تصدقي اني بحبك

مني: "والدموع علي خدها" لا يا أحمد أنت تغيرت خالص

أحمد: ياحبيبتي والله بحبك

مني: لأ يا أحمد متصلحش اللي أنت عملته

أحمد: وهو أنا كنت عملت إيه بس

مني: "تعيط" اهئ اهئ اهئ

أحمد: بتعيطي ليه دلوقت

مني: أحمد طلقني يا أحمد

أحمد: هو احنا لسة اتجوزنا عشان اطلقك

مني: يعني كمان مش عايز تطلقني

أحمد يشد في شعره: يادي الليلة السودا أنا ايه اللي خرجني بس

مني: كمان خليتها ليلة سودا.. يعني أنا اللي خرجتك غصب عنك

أحمد: ياستي مش قصدي. بصي أنا مش هرد عليكي عشان

مانتخانقش

مني: للدرجادي قرفان مني

أحمد: "وشه يحمر من الغيظ" يعني انتي عايزة تتخانقي وخلاص

مني: يعني أنا نكدية يا أحمد

أحمد: لأ...... أنا

مني: انت بتاخدني علي اد عقلي

أحمد: حقك عليا وادي رأسك ابوسها

مني: ياسلام كده بكل بساطة

فجأة يقف أحمد علي سور الكوبري ويرمي نفسه في الميه

مني: تفتكر يا أحمد اني كده هسامحك ؟؟

وبكدا تكون خلصت وريحت

دماغها

من طرف **marmer** الثلاثاء فبراير 03, 2009 3:21 am

والله
كده حرام عليها
وانا بصراحة متعاطفة جدا معاه
ده انا لو مكانه كنت رميتها تحت اي عربية ماشية
وخلصت نفسي
ليه الذل ده يعني
ما كنتش خطوبة اللي الواحد يضيع فيها كده !!!!!!!
وعجبي...........

عربية ايه اللي يرميها تحتيها
وتجيبله مصيبه هو يزقها من علي الكبري ويقول وقعت

من طرف dr_amoul الثلاثاء فبراير 03, 2009 1:25 pm

ايه دا دا هيخش الجنه حدف علشان خلص الدنيا منها
لا دي مستفزه بطريقه عجيبه الله يكون في عونه علي الايام اللي خطبها فيه

من طرف nora vet الثلاثاء فبراير 03, 2009 5:59 pm

ههههههههههههههههههههه
ايه يا بنات ده
انتو جايين علي مني اوي
هما الولاد كده مينفعش معاهم الا كده احم احم (مش كلهم طبعا)
وبعدين هو اللي غلطان حد قاله يخرج معاها
ههههههههههههههههه