*لو عريس جديد جاى يتفرج عليكى قصدى يتعرف عليكى*

لمقابلة الاولى بينك وبين العريس المنتظر ازاى حتتصرفى ؟؟

هناك قاعدة تقول إن "الانطباع الأول يدوم" يعني الفكرة اللي هياخدها عنك الشاب اللي جاي ده في أول لقاء هيترتب عليها حاجات كتير أوووي نفس الشيء بالنسبة ليك الفكرة اللي هتاخديها عنه من أول مرة هيترتب عليها حاجات كتير أوووي
علشان كده عايزك تبقي ناصحة وتقدري بأسلوبك وذكائك وجمالك تتركي انطباع كويس عنك عند الشاب ده حتى لو محصلش نصيب
طبعا هتسألي نفسك وتقولي ازاي ده أنا مكسوفة مووووت ومش عارفة أعمل إيه وحاسة إني هلخبط الدنيا وعمالة أتصل بصاحباتي وكل واحدة تضحك عليّ ومحدش قال لي كلمة مفيدة أقدر أستفيد بيها
ماتخافيش.. إنا دلوقتي همشي معاكي خطوة خطوة واقول لك تعملي إيه
واهو كله بثوابه
بس يارب تتجوزوا بقى
*******
الخطوة الأولى
1_
جهزي نفسك نفسيا ومظهريا
علشان ماتتعبيش نفسك وأعصابك على الفاضي ياريت تشيلي من دماغك فكرة إنك بضاعة جاي العريس يتفرج عليها (لا خالص اطلاقا)لأن دي حاجة مش صح وحطي في دماغك إن ده جاي يتعرف على البنت اللي ممكن تكون شريكة حياته وإن دي حاجة مش عيب ومفيش منها أي تقليل من شأنك
2-
حاولي على قد ما تقدري تخلّي أعصابك هادية جدا وتبعدي عن أي مصدر قلق أو توتر.. علشان التوتر ممكن يبان على وشك واحنا مش عايزين كده احنا عايزين عروسة زي القمر وياريت كمان قبل الميعاد ده تاخدي دش دافي( وتشربى اللبن وتنامى ساعتين)
3-
بعد كده ادخلي الأوضة عندك وابدأي في اختيار لبسك.. وعلى فكرة النقطة دي بتحير بنات كتيييير أووووي لأنهم بيحتاورا يلبسوا كلاسيك ولا لبس عادي
بس بيني وبينك ياريت أول مرة دي تلبسي لبسك العادي اللي انتي بتلبسيه وأنت خارجة.. يعني لو كنت بتلبسي بنطلون وبلوزة البسيهم بس ياريت البنطلون يكون قماش مش جينز أو لو كنت بتلبسي جيب وبلوزة البسيهم برضه وده علشان يشوفك على طبيعتك في اللبس وبلاش موضوع إنك تلبسي بدلة لأن دي هتخلي الحكاية تبقى رسمي أوووي وممكن تبيّنك أكبر من سنك
واوعي تنسي تختاري الألوان اللي تكون مناسبة عليك(مناسبه لسنك يعنى هههههههههههه) وتنور وشك
4-
لو كان اللقاء ده هيتم في البيت فياريت ما تلبسيش كعب عالي قوووي وخليك في الكعب اللي 3 سم(عشان الجيران الى تحت نايمين ههههههه)
5-
ياريت في اليوم ده ما تكتريش في المكياج (علشان ما تبقيش عاملة زي البلياتشو).. وخليك بسيطة جدا في مكياجك يعني كفاية أووي إنك تحطي روج وترسمي عينيك بالكحل والآي شادو وتحطي ماسكرا وبلاش أحمر خدود لأن طبيعي جدا إن وشك هيحمر في اليوم ده(ولا ايه؟) فمش هتحتاجي لأحمر الخدود لأنه هيكون موجود طبيعي
6-
خليكي متفائلة وتوقعي الخير علشان تلاقيه خير وتوكلي على الله وفوضي أمرك إليه، وادعي ربنا يوفقك في اللي فيه خير ليكي
أعتقد إنك لو عملتي الحاجات اللي قلنا عليها دي هتكوني فعلا استعديت للقاء ده وتعالي نشوف اللي المفروض تعمليه أثناء اللقاء ده
*******
الخطوة التانية
أثناء اللقاء نفسه
1-
بلاش تشيلي صينية عصير في إيدك وأنت داخلة لأنك ممكن ترتبكي وتوقعيها على اللي قاعدين.. كفاية قووي إنك تدخلي بابتسامة بسيطة على شفايفك وتسلمي على كل اللي موجودين وعليه هو كمان.. واقعدي وخليك شاطرة واختاري إنك تقعدي في الكرسي اللي يكون مواجه له علشان تقدري تشوفيه كويس لأن ده حقك الشرعي وخليكي واثقة من نفسك وخدي الموضوع ببساطة علشان يعدّي
2-
لو مامته جات معاه ياريت تخلّي بالك منها وبلاش تكشّري في وشها وهي قاعدة.. خليكي مبتسمة ليها دايما حتى لو قالت حاجة مش عجباك اوعي تردي عليها رد مش مناسب وكلميها عادي وحاولي تكسبي رضاها وخليكي ذكية وفكري في كل كلمة قبل ماتقوليها
3-
وأنت قاعدة اتكلمي براحتك من غير تكلف وافتحي مجالات للكلام واسمعيه كويس وهو بيتكلم علشان تقدري تحكمي عليه
4-
لو فيه حاجة تضحك يا ريت ماتضحكيش ضحك بصوت عالي أو ضحك هيستري كفاية قوووي ابتسامة بسيطة على شفايفك
5-
خليكي جريئة ولو وجه لك الكلام ردي عليه بذوق من غير كسوف
*******
كمان خدي بالك أوووي
1-
لو سمحت الظروف وقعدتوا مع بعض ياريت تتكلمي معاه في أمور عادية جدا.. زي مثلا البرامج اللي بتعجبك في التليفزيون أو عن حاجة تكون حصلت قريب وشدت انتباهك وابعدي عن الكلام في أي مواضيع تكون مسار جدل زي مثلا الكرة والأهلي والزمالك.. ولو تطور الكلام بينكم لأي مواضيع فيها جدل خليكي ذكية وبلاش يكون عندك تحيز في الرأي واسمعي منه وابدي رأيك بأسلوب لطيف من غير ما تحرجي نفسك أو تحرجيه
واوعي في أول كلام بينكم تسأليه أي أسئلة شخصية أو أسئلة محرجة زي مثلا إنك تسأليه إذا كان خاطب قبل كده ولا لأ أو مثلا مرتبه كام؟؟ لأن الأسئلة اللي من النوع ده ما ينفعش تسأليها في أول مقابلة
2-
لو كان اللقاء في مكان عام زي النادي مثلا أو كافيه أو خلال مناسبة ما فحاولي تقللي من نظراتك حول الأشخاص الموجودين في المكان وركزي في الشخص نفسه
*******
الخطوة الثالثة
بعد انتهاء اللقاء
بعد ما يمشوا عايزاكي تقعدي مع مامتك وتحكي لها على اللي حصل وتفكري معاها كويس وشوفي إيه اللي قدرتي تطلعي بيه من اللقاء ده.. لأن فيه حاجات حتى لو بسيطة هتكون بانت قدامك ولو مش قادرة تحكمي كويس ياريت تطلبي لقاء تاني علشان تقدري تحكمي على أساس صح..
انا عارف ان مفيش عرسان اليومين دول بس اكيد الكلام دة حيبقى لية عوزة مستقبلا ان شاء الله
وربنا يوفقكم

يارب اكون نفعتكم بحاجه

ويارب كل البنات تتجوز اهى احسن من القعده كده

شكراااااااااااااااااااااااااااااااااااااااااااااااااااااااااااا
ســــــــــــــــــــــــــــــــــــــــــــــــــــــــــــــــامــــــــــــــــــــــــــــــــــــــــــــــــــو

ya wad ya gaaamed .... 3ash ya samo .. tslm eedak ya kabeeer

هههههههههههههههههه إيه ياعم الكلام الجامد ده
أنت علي كده لازم تشترك في مجلة زوقيني يا ماما
بجد موضوع حلو ومنك نستفيد

هههههههههههههههههههههههههههههه
ههههههههههههههههههههههههههههههه
تسلم ايدك ع النصائح
مش عارفين
من غيرك كنا هنعمل ايه
يخليك ربنا لبنات حوا

ويابنات متنسوش تعزمو سامو
علشان يشوف نتائج الشغل بتاعه

هههههههههههه اكيد هنعزمه مش هو الخاطبه بتاعتناااااااااااااااااااااا هههههههههههههههههههههههه

اضحك بقى ولا اعمل ايه

حد واخد منها حاجه اضحك ههههههههههههه لو ضايقتك sorry

لا مضايقتش ولا حاجه انتى نورتى سما
واتطورت ازاى يا مرمر

اومال بيتجوزوا دلوقتى ازاى

دلوقتي البنت بتجيب العريس لمامتها وتقولها ده عريسي يا ماما وفرحي يوم كذا

ههههههههههههههههههههههههههههههههههههههههههههه

بجد الموضوع حلو قوووووووووووي

ساااااااااااااااااااااااااااااااااااااااموووووووووووووووووو

مهما الدنيا اتغيرت مرمر طريقه الجواز هي واحده

ايه ياسامو مالطبيعي احسن

ههههههههههههههههههههههههههههههههههه
هو ده يا شاكى الى انا بقول عليه
ده حتى مبقتش تقول لمامتها
هههههههههههههههههههههههههههه

مش تظلمها ساموووووووووووووووووووو

اهم حاجه بتخدها الفرح معاها

بجد موضوع حلو

بس معاكي يا مرمر ان الطرق اختلفت دلوقت بس بردو لسا جواز الصالونات دا موجود

واكتر البنات بيعتبرو ان الباشا جاي يتفرج عليها وانها انتيكه يا تعجبه او لا وعاده بيكون كدا

بجد بيبقي موقف وحش اوي اذا العريس راح مرجعش