لعبة الصراحة

من طرف unknown الإثنين سبتمبر 13, 2010 11:31 pm

تذكير بمساهمة فاتح الموضوع :

بسم الله الرحمن الرحيم
انا عجبتني لعبة جميله اوي.......................وهي لعبة الصراحة
يعني انا اسأل سؤال للي بعدي وهو يجاوب عليه....................وبعدان يسأل سؤال للبعده
يلا نلعبها بقي
انا هسأل سؤال للبعدي
انت في سنه كام

من طرف **شرويت** الأحد أكتوبر 24, 2010 4:43 pm

اة واللة يالولا بجد قصيدة حلوة قوى وبجد البيت الى كنت هكتبة كان من القصيدة من قبل ما اكمل السؤال
والبيت الى انا بحبة تسالنى من انا وهى عليمة بحب البيت دة قوى
قولنا شعر او اغنية بتعبر عن مودك دلوقتى

فقلت كما شاءت وشاء لها الهوي قتيلك قالت ايهم فهم كثر
البيت دا كمان حلو
اما الاغنيه اللي بتعبر عن مودي ممكن نقول
حاسس بمصيبه جيالي يالطيف يالطيف هههههههههههههههه
طبعا امتحان البيو علي الابواب
السؤال ايه اكتر حاجه غريبه حصلتلك النهارده

من طرف **no name 2010** الثلاثاء أكتوبر 26, 2010 6:52 pm

ما فيش حاجة غريبة حصلتلي النهارده

ذاكرت حاجة في المنهج لحد دلوقتي ؟؟

من طرف **SA_SMA_SO** الثلاثاء أكتوبر 26, 2010 8:24 pm

`الحمد لله ذاكرت اللى امتحنت فيهم ههههههههههه
امنيه شخصيه نفسك تحققها؟؟

امنيه شخصيه
اممممم
اشتري موبايل جديد وان اللي ف بالي يتحقق
السؤال تقدر تعبر عن نفسك ف سطر

من طرف **شرويت** الأربعاء أكتوبر 27, 2010 7:55 pm

لية كدة بس يالولا السؤال صعب قوى بس هحاول
انسانة عادية اكتر حاجة بحبها فى الدنيا اهلى واصحابى ومش ليا غيرهم فى الدنيا
الى بعدى يعرف يعبر عن نفسة فى سطر

من طرف **وعد العيون** الخميس أكتوبر 28, 2010 1:56 pm

بترديها لي ولا ايه ياشرويت
علي العموم انا برضه عاديه جدا وبحب الناس اللي حوليا والحمد لله كتير من الناس بيحبوني
اما الناس اللي بتكرهني فمع نفسهم باه الحب مش بالعافيه ههههههههههههههه
السؤال بتفكر تاخد خطوه جريئه ومش عارف العواقب؟

من طرف Angel الخميس أكتوبر 28, 2010 2:46 pm

لا لان ده مش من عادتى
بتعمل ايه وانت مخنوق

من طرف **dr:sniper** الخميس أكتوبر 28, 2010 3:53 pm

بقعد مع نفسي لحد ما اهدا

واراجع نفسي

بتحب؟

من طرف **no name 2010** الخميس أكتوبر 28, 2010 7:33 pm

yes

مش بتحب ؟؟؟

من طرف **شرويت** الخميس أكتوبر 28, 2010 8:47 pm

لا سؤال حلو يا نو نيم صيغة جديدة
اة انا مش بحب
حبيت كم مرة فى حياتك

من طرف **dr:sniper** الخميس أكتوبر 28, 2010 9:12 pm

كتير

ايه هو مفهوم الحب عندك؟

من طرف **شرويت** الجمعة أكتوبر 29, 2010 12:43 am

انا على مااعتقد انة اجمل حاجة فى الدنيا وبيضم اسمى المعانى امان احتواء عطاء تضحية
الى بعدى يقول اية

من طرف **dr:sniper** الجمعة أكتوبر 29, 2010 1:00 am

يقول ايه ف ايه؟

من طرف **no name 2010** الجمعة أكتوبر 29, 2010 1:11 am

أحلي حاجة ممكن تحصلك بس لو بجد مش لعب عيال يعني
و يا سلام بقي لو كنت بتحب و روحت تقول للي انت بتحبه انك بتحبه فلاقيته هو كمان بيحبك
يا سلام علي ده أحساس ما فيش أجمل من كده
بس مؤمن بأن
ليس كل ما يتمناه المرء يدركه تأتي الرياح بما لا تشتهي السفن
ده الي بيحصل في أغلب المواقف مش عارف ليه

تفتكر ليه أي قصة حب جميلة مش بتكمل و لازم الظروف تفرق بين الأتنين الي بيحبو بعض ؟؟؟

من طرف **شرويت** الجمعة أكتوبر 29, 2010 1:44 am

انا شايفة انة لو كان حب حقيقى بجد بين الطرفين وهما الاتنين عارفين انهم بيحبوا بعض بجد ومش عملوا حاجة تغضب ربنا يعنى مش كلموا بعض فى التليفون بالساعات مش خرجوا مع بعض من ورا اهلها اكيد ربنا هيوفقهم وحبهم هينتهى بزواج
لكن انا شايفة ان السبب فى البعد بيكون عدم ارضاء ربنا على الى هما عملوة قبل ما يكون فى ارتباط رسمى لو هما مش عملوا كدة ممكن يكون بسبب الاهل انهم مش شايفين ان الشخصية مناسبة او كدة بس على ما اعتقد ان الارجح هو السبب الاول
اسفة انى طولت عليكم
ونشوف الى بعدى راية اية

من طرف **emy** الجمعة أكتوبر 29, 2010 2:19 am

لا على فكره مش دايما
اعرف ناس كتيره كملوه للنهايه
بس كل الموضوع ان اجمل حاجه ان يحصل عقبات وقلق واضطربات وخوف
وبعدين يطمنو بقى بيكون ليها طعم لما يتعبو فيها شويه يعنى الواحد لما يتعب فى حاجه بيحس بمدى جمالها ومش بيفرط فيها بسهوله بعد كده
واهم من كل ده النصيب
وبرضو زى مانت قولت
ليس كل ما يتمناه المرء يدركه تأتي الرياح بما لا تشتهي السفن

ومرسى ليك تنك فكرتنى باكتر بيت شعر حفظاه عن ظهر قلب

نتعب الناس شويه
ونديهم نفس السؤال

من طرف **vet_ro2a** السبت أكتوبر 30, 2010 12:43 pm

انا رايى من راى شرويت لو اتنين حبوا بعض بس خلوا الشعور دة جواهم ومغضيوش ربنا اكيد ربنا هيكرمهم وتنتهى

القصه باحلى نهايه..........

ايه اكتر حاجه نفسك تعملها وخايف ؟؟؟؟؟؟

من طرف **transparent heart** السبت أكتوبر 30, 2010 3:31 pm

nfce el2ensana elly b7bha tkon men naseby w 5ayef men el3aks . Qu: garabt t7eb bgadd ?

من طرف **no name 2010** السبت أكتوبر 30, 2010 6:12 pm

yes, but may be from one side . i don't know

في حد جرحك قبل كده ؟؟

من طرف **وعد العيون** السبت أكتوبر 30, 2010 11:31 pm

لا
السؤال ممكن تقدر تحضر فرح حبيبتك/حبيبك ؟

من طرف **no name 2010** الإثنين نوفمبر 01, 2010 5:13 pm

مش عارف بصراحة الموضوع ده مش سهل بس أظن لأ

عمرك ظلمت حد قبل كده ؟؟

من طرف **SA_SMA_SO** الإثنين نوفمبر 01, 2010 9:11 pm

مممممممم سابقا لا بس الظاهر انى هظلم حد معايا قريب ومش عارفه اعمل ايه ؟؟؟

اكتر موضوع شاغلك ف الوقت الحاضر

من طرف **transparent heart** الخميس نوفمبر 04, 2010 10:02 am

3ayez aakol 7aga gamda ...... bte3raf ttbo5? hahahahahaaaaaa

من طرف **transparent heart** الخميس نوفمبر 04, 2010 10:05 am

3ayez aakol 7aga gamda ...... bte3raf ttbo5? hahahahahaaaaaa

من طرف **no name 2010** الخميس نوفمبر 04, 2010 12:45 pm

ههههههههه أطلاقا . مش بعرف أسلق بيض حتي Laughing

ايه الي شاغلك اليومين دول ؟؟

من طرف Angel الخميس نوفمبر 04, 2010 1:14 pm

مستقبلى
لو حد من اصحابك مهتم بحد والحد ده بيحب حد تانى وانت مش عايز صاحبك يتعلق بوهم تعمل ايه

من طرف **dr:sniper** الخميس نوفمبر 04, 2010 2:47 pm

هصارحه واقوله يلغي الموضوع ويشيلة من دماغة

نفس السؤال؟

من طرف **شرويت** الخميس نوفمبر 04, 2010 4:51 pm

اكيد هصارحة بالحقيقة دى واحاول اقنعة ان الحد دة مش بيحبها وكدة واحاول معاها على ما تنسى الموضوع دة
عمرك اتحطيط فى موقف زى دة ان صاحبك بيحب حد وانت عارف انة مش بيحبة واتصرفت ازاى

من طرف lola الجمعة نوفمبر 05, 2010 2:15 pm

اه فعلا بس لانها كانت متعلقة بيه ما كنتش مقتنعه
اللي بعدي نفس السؤال

من طرف **وعد العيون** الجمعة نوفمبر 05, 2010 7:46 pm

طبعا هصارحها بالحقيقه حتي لو الحقيقه دي هتجرحها بس اعمل ايه بقي مش صاحبيتي
السؤال
مين جابلك هديه ف الفلنتين او انت جبت لمين هديه؟( او حتي مجرد تمني)

من طرف **شرويت** الجمعة نوفمبر 05, 2010 9:41 pm

لا واللة يالولا محدش عبرنى ولا جابلى هدية ان شاء اللة اما ارتبط جوزى هيجبلى ان شاء اللة
مين الى جاب للى بعدى او جاب لمين

من طرف Angel الجمعة نوفمبر 05, 2010 9:57 pm

والله مافيش حد عبرنى انا كمان بس واحدة من أصحابى هى اللى بعتتلى رسالة
لو كونت هتجيب لحد هدية فى عيد الحب هتكون الهدية ايه

من طرف **وعد العيون** الجمعة نوفمبر 05, 2010 10:06 pm

الهديه تزكره طيران للسعوديه لماما علشان تروح تحج يلا الاحلام مش بفلوس

السؤال هتزعل من اصحابك لو نسيو عيد ميلادك

من طرف **شرويت** الجمعة نوفمبر 05, 2010 10:22 pm

اة اكيد طبعا لان دى حاجة مش تتنسى المفروض يكونوا فاكرين من قبلها على الاقل باسبوع زى ما انا بفتكر وبصراحة الحمدللة فى عيد ميلادى كل اصحابى كلمونى الساعة 12 باليل وقالوا لى كل سنة وانتى طيبة
اجمل هدية جتلك فى عيد ميلادك اية ومن مين

من طرف **transparent heart** السبت نوفمبر 06, 2010 4:48 am

saneyt batates ma7rou2a ..... menny.... eh aktar 7aga bt7bha fe as7abk?

من طرف angelina joly الأحد نوفمبر 07, 2010 12:05 am

أنهم فاهمني قوي
وبيسامحوني لو غلطت في حقهم
ايه اكتر حاجة تحب تغيرها من نفسك او من حد قريب منك

من طرف **transparent heart** الأحد نوفمبر 07, 2010 12:52 am

7osn elzan ..... momken f youm tkdeb kedba beada?

من طرف **no name 2010** الإثنين نوفمبر 08, 2010 1:49 pm

ما فيش حاجة اسمها كدبة بيضة هو في النهاية اسمه كدب بس ممكن الواحد يكدب كدبة كده عشان يعدي الموقف . يعني مثلا لو واحد صاحبي اشتري تيشيرت جديد و جه ياخد رأيي فيه و هو كان وحش فلو قلتله انه وحش ممكن أكرهه فيه فهقوله حلو و خلاص . و حجات كتير زي كده ممكن الواحد يكدب فيها

لو حبيت واحدة و عرفت ان صاحبك هو كمان بيحبها هتعمل أيه ؟
أو
لو حبيتي واحد و عرفتي ان صاحبتك هي كمان بتحبه هتعملي ايه ؟

من طرف angelina joly الإثنين نوفمبر 08, 2010 2:06 pm

والله ساعتها لا
زم أقف شوية وأسيب الأمر للنصيب
وطبعا معرفش زميلتي عشان مجرحهاش وساعتها القدر هيحكم
أيه اكتر حاجة عملتها وندمت عليها بعدها

من طرف **SA_SMA_SO** الأربعاء نوفمبر 10, 2010 12:25 am

هى حاجات كتير صراحه بس انى ااخد قرار بدرى اوى وبعدين ابقى حاسه انه كاااااان سررررررررررراب

ف لحظه ف حياتك نفسك توقفها سواء حلوه او وحشه

من طرف angelina joly الأربعاء نوفمبر 10, 2010 1:52 am

طبعا اللحظة الحلوة لازم أوقفها إنما اللحظة الوحشة لازم تعدي وبسرعة كمان طبعا أحلي لحظة أحب أوقفها يوم ما أتعرفت علي أوفي صديقة ليا ويارب دايما نفضل أصحاب ومفيش حاجة تفرق بينا
إيه أكتر حاجة بتفتخر إنك عملتها

من طرف **شرويت** الأربعاء نوفمبر 10, 2010 5:16 pm

مش فى دماغى حاجة بصراحة
ممكن الى بعدى يقول

من طرف **Dr/Gego** الأربعاء نوفمبر 10, 2010 7:39 pm

اكتر حاجة فعلا بفتخر بها وهفضل افتخر بها طول عمري
هي اني الحمد لله حافظة 16 جزء وان شاء الله اتمه
والفضل لبابا وماما

من طرف Angel الأربعاء نوفمبر 10, 2010 7:50 pm

طيب فين السؤال

من طرف **Dr/Gego** الأربعاء نوفمبر 10, 2010 8:02 pm

اكتر موقف اتعرضت له وتتمنى انك تمحيه من ذاكرتك

من طرف Angel الأربعاء نوفمبر 10, 2010 8:52 pm

هو موقف واحد اظنك عرفاه
مين اكتر ممثل بتحبه

من طرف **no name 2010** الأربعاء نوفمبر 10, 2010 9:48 pm

أحمد حلمي طبعا

مين أكتر ممثلة بتحبها ؟؟

من طرف **Dr/Gego** الأربعاء نوفمبر 10, 2010 10:59 pm

حنان ترك ومنى زكى

مين مثلك الاعلى؟؟؟

من طرف **dr:sniper** الأربعاء نوفمبر 10, 2010 11:14 pm

سيدنا محمد (ص)

مين اكتر واحد بيحبك؟

من طرف **Dr/Gego** الأربعاء نوفمبر 10, 2010 11:23 pm

اكيد بابا وماما

تدي لمين وردة في عيد الحب