كل الخيـــــــــــــــــــر

من طرف **mahmoud amer** الخميس سبتمبر 02, 2010 3:15 pm

طول ما الفرن مولع نارة
والصحفى بيكتب فى مقاله
والترزى بيلضم فى زرارة
والاستاذماسك الطباشير
طول ما البنا بيبنى بيعلى
والطالب فى دراستة تملى
وفى ناس فى كنايس بتصلى
وفى ناس بتلبى التكبير

متقولش بلدنا مفيهاش خير
متقولش بلدنا مفيهاش خير

فيها كل الخير
فيها كل الخير

طول ما التاجر وسط تجارتة
والعسكرى واقف فى اشارتة
والعامل بيأدى رسالتة
يخدم بلده بدون تفكير
طول ما الفلاح جوة غيطانة
والرسام ماسك الوان
والفنان يعزف الحانة
والشيخ بيرتل ترتيل

متقولش بلدنا مفيهاش خير
متقولش بلدنا مفيهاش خير

فيها كل الخير
فيها كل الخير

طول ما الجمهور جاى يشجع
والدكتور جنب اللى اتوجع
وفريق يحلم بالكاس يرجع
علشان يسعد شعب كبير
شعب اصيل زى الاهرام
متهزوش اصعب ايام
يعبر ويحقق احلام
مصر غنية بشعب اصيل

متقولش بلدنا مفيهاش خير
متقولش بلدنا مفيهاش خير

فيها كل الخير
فيها كل الخير

يا ريت تعجبكوا وعايز اعرف رأيكم