حب بعقلك اولا
صفحة 1 من اصل 1
حب بعقلك اولا
في مقوله بتقول ( الحب كلمة جميله تستخدم لتبرير افعال قبيحه)
للاسف الكلام دة مظبوط .... لان الواحد ممكن يلاقي نفسه بيتخلى عن مبادئه
و يبرر لنفسه افعال كان بيرفضها قبل كدة
لكن بمجرد انه اصبح في الموقف بقى بيعمل نفس الحاجات دي
و بيتجاهل كل الكلام اللي كان بيقوله زمان
المشكلة ان الانسان ممكن يحب حد لدرجة انه يضعف قدامه
و يوصل لدرجة انه يناقض نفسه
ودة كله لانه استسلم لعاطفته و لغى عقله قدام قلبه
عشان كدة دايما باقول ان الواحد لازم اولا (يحب بعقله)
بمعنى..........
الواحد قبل ما يسمح لقلبه انه يحب حد و يتعلق بيه
لازم يعدي الموضوع على عقله الاول
بحيث انه يفحص الموضوع من كل جوانبه فحص شامل و يشوف...........
ربنا هيكون راضي عن الموضوع دة وللا لا,
الاهل هيوافقو وللا هيعترضو,
و اذا كانو معترضين... يا ترا لسبب قوي وللا لسبب بسيط ممكن يتحل
و لازم كمان يشوف مدى التوافق بين شخصيته و الشحصية التانية
في التفكير و درجة التعليم و الاراء (لو كان سبق لهم الكلام او الاختلاط في مواقف سابقة)
و في النهاية بعد ما يفكر و يعقل كل الامور هيقدر ياخد قرار سليم
و يشوف اذا كان يفتح بقى المجال قدام قلبه و للا يلغي الفكرة من اساسها
ناس كتير هيقولو ان الكلام ان الكلام دة صعب و غريب و ان اللي بتقوله واحدة معقدة
لكن والله يا جماعة دة احسن من اللي قلبه بيغلب عقله
و بيلاقي نفسه ماشي مع التيار من غير ما يفكر في النهايه اللي ممكن يوصلها
و دول غالبا التيار بيحدفهم في حته مجهوله بيتوهو فيها
لانهم من البداية ما اخدوش احطياتهم و انساقو ورا عاطفة عميا
و نسيو ان ربنا ادانا عقل ممكن ينورلنا الطريق لو استخدمناه شويه
في النهايه دة رايي الشخصي و لا يعبر عن حد غيري
و احب دلوقتي اشوف ارائكم
helina- مشرفه
- s m s : اللهم اعنى على ذكرك وشكرك و حسن عبادتك
عدد الرسائل : 301
العمر : 31
العمل/الترفيه : vet
تاريخ التسجيل : 05/11/2009
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى