> مجالات العمل البيطري, ادخل مش هتندم

من طرف **nextvet** الأربعاء يوليو 14, 2010 6:18 am

احبتي في الله ...

أقسم بالله اني احبكم في الله ...

وأقسم
بالله أنه حبيب الي نفسي أن أحدثكم في ما ينفعكم كأطباء بيطريين

طبعا
كلنا ياشباب سواء خلص طب بيطري خلاص أو طالب في البكالوريوس أو لسه في
أولي أو حتي متردد ومش عارف يختار طب بيطري لو جاتله وللا لأ ...؟؟؟!!!!

لأ......

أنا
بأقوللك من موقع المسئولية ادخل وما تندمش ...

مجال الطب البيطري
يا جماعة جميل ...

ومناسب لكل فئات المجتمع ...

بمعني ...

أنت
ابن ناس و واد استايلش و مش هينفع تحط ايدك في بقرة او جاموسة ////

أقوللك
يا سيدي ... افتح عيادة حيوانات اليفة وكل مكان في مصر فيه مكان
ينفع يتفتح فيه عيادة حيوانات منزلية ( قطط وكلاب وعصافير وسمك )...

أو
اشتغل في مركز البحوث أو في مطعم مدينة جامعية او مستشفي او فندق كبير
مراقب أغذية

أو اشتغل مندوب دعاية طبية في شركة ادوية

طيب
لو انت ابن ناس متوسطين او زي حالاتنا من ابناء الشعب الغلابة ....

حبيب
قلبي والله ...

لو من الارياف افتح عيادة بيطري شيك ...

وحط
تحت شيك دي 100 خط أو ان شئت اجعلها قبل كلمة بيطري اصلا يعني تبقي عيادة
شيك بيطري

عشان نرقي بمستوي المهنة ...

ومتخافوش ...
سواء غني او فقير هتشتغل و هتكسب وهتعيش احسن عيشة وبكرة تفتكر كلامي

انت
دكتور بيطري ... يعني احسن ناس في المجتمع ...

صدقوني احلي
فلوس واكتر شغل و احسن عيشة و بتتجوز الدكتورة والمهندسة والدبلوم ما تقلقش
كل الناس بتحبك و بتحب تخصصك

اهم حاجة يبقي عندك يقين ان زي ابوك
عاش وعرف يربيك و زي ما جدك عاش وعرف يربي ابوك و اللي قبلهم بردو عاشوا
وهكذا لحد ابينا آدم .... انت كمان هيجيلك الرزق لحد عندك بس بردو اسعي
شوية وخطط للاحسن بشرط تكون واثق ان كده كده رزقك جايلك

وصدقوني
عندي كلام كتير عايز اقوله بس أنا تعبان وعايز انام واكيد هاكمل بكرة بس
سمعوني تعليقاتكم وطلباتكم

انا عندي مواد كتيرة للطب البيطري يعني
سيديهات و مذكرات وكتب و مراجع و اللي محتاج اي حاجة يؤمرني بس

وانا
زي ما قلتلكم أقسم بالله بأحبكم
سلام يا دكاترة المستقبل