اختار اوعى تحتار

اختار اوعى تحتار

بقى دى شرعية خلاص ما بقت مهلبية

تاعب نفسك نازل من بيتك

ماخلاص اللى اختار اختار

على ايه تختار زيد ماهو زى عبيد

وزيد من بدرى اخدها حتى ولو تختار

مش فارقة كتير الصناديق اتفقلت واحنا

اخترناك اخترناك

دا ولاد الدايرة ولادك

يا مشغلنا ياكاسى عيالنا

يا عايش احوالنا

امال ليه اخترناك

اخترناك اخترناك

بدعيلك بالصحة ويعلى مقامك

وبعيشة هنية وبراحة نفسية

وضمير مرتاح وضمير مرتاح

بس عندى سؤال بس ياريت تجاوب فى الحال

هو انت فين طبعا باحوالنا مشغول ما انا عارف

بترعى مصالحنا وتضيع وقتك علشانا ما انا شايف

صوتك فى القهوة بيجلجل ما هو رئيسها هو اللى حاكمها

على طول بيوافق بالاجماع ماهو دايما امره مطاع

عشان كده اخترناك

اخترناك اخترناك

يا نايم تحت القبة مادارى باللى بيجرالنا

لو قالوا يمين على طول بتلين

عاوز تكتم اصواتنا عاوز تحبس انفاسنا

برصاص قال ايه عاوز تضرب متظاهرين

هما اللى جابوك وشالوك رفعوك

وقالوا

اخترناك اخترناك

ماهو اللى تعبنا مشاعرنا واختاروا ابن بلدنا

ولو بعقولنا فكرنا ولو بندور على مصالحنا

كنا عرفنا واخترنا

لكن يا خسارة

اخترناك اخترناك

من اجلك انت وقدرت تقولها

هو انا ناقص

صحة فى النازل

وكبد فيروسى وكلى وخلاص صرفت فلوسى

صوتى مش مرفوع

كلامى مش مسموع

ولو اتكلمت وبقالى صوت حلاقى على جسمى الف سوط وسوط

على ايه خلينى فى حالى

ولو عملوا انتخابات فاحنا

اخترناك اخترناك

وواحد تانى بيقول اصلاح ماعرفنا

ماهى شعارات وشعارنا اسلامنا

لا وطنية ولا ملوخية

دا احنا بتوع الاصلاح

اهو طلع كلام وصياح ونياح

وعاوزنى اقولك

اخترناك اخترناك

يوووووووه يوووووووه

اخترناك اخترناك