ساكت ليه ساكت

كنت ساكت ليه ساكت
شفت بعينى المطر بينزل ارضى وبيغتصبها وهى بتصرخ وانا برده ساكت
شفت السحاب الاسود بيغطى الشمس وبيسرق فرحتها وانا برده ساكت
شفت النسمة الحلوة عاوزة تتحرك عاوزة اللى يمدلها ايده وانا برده ساكت
وقفت لقيت العامل ماسك عصا وبيدخل الفراخ مزارعها زى النمل فى جحورها عرفت ليه انا ساكت
بصيت لايديه لقيت دايرتين من ......نار حوليهم بصيتت لعينى لقيت غمامتين بتغطيهم بس برده انا ساكت
ومن بعيد شفت شعاع الشعاع كان قوى يختفى شوية لكن نوره بعدها كان بيزيد لانه ما كانش ساكت
الشعاع بيقرب مش هايب الشعاع نوره بيزيد بيحاول يشدنى معاه يقوللى تعال للنور
ولا انت خلاص الجهل بقى شعارك انا حر ولا انت الحرية ماسمعتش عنها مدلى ايديه فكرت فى كلامه ما ترددتتش مديت ايديه اه........اه احساس غريب اتولدت من جديد بقى هى دى الحياة
بقى هو ده النور خلاص ما بقتش ساكت
بس ياترى اللى مدقش طعمه الحياة هيفضل برده ساكت

جميله قوى
بس اكيد مش لازم نستنى حاجه تفوقنا
عشان يمكن تيجى متأخره قوى او مش تيجى اصلا
ياريت كلنا نتحرك للصح ومش نسكت عن الغلط

Dr.zmalekoooooooooooooo كتب:جميله قوى
بس اكيد مش لازم نستنى حاجه تفوقنا
عشان يمكن تيجى متأخره قوى او مش تيجى اصلا
ياريت كلنا نتحرك للصح ومش نسكت عن الغلط

احسن شئ انك فاهمة المعنى البعيدة للكلام والمقصود بيه بالظبط كان عارفة انا بفكر فى ايه