><.,,.(ادخل احكي واضحك).,,.><

والله هى فكره حلوه
بس كده هنفضح نفسنا
ياريت تبداى انتى

اقلكوا انا كنت شقية جدا فى المدرسة

وكنت متصاحبة على كل المدرسين

وبالذات مدرس الاقتصاد فى سنة تالتة

كان غلبان خالص

مرة كدة
كان بيصحح الكشاكيل وانا دسكى كان جنب الشباك

كنت انا مع نفسى فى الشباك

لاقيتة مرة واحدة زعاقلى جامد اوى اوى

والفصل كلة سكت وقعد يزعق بصوت عالى

وانا واقفة مش زعلانة بس مستغربة هو فعلا بيكلمنى انا ولا حد تانى

بس طلع بيكلمنى

وكان بجد موقف محرج جدا لان الفصل كلة كان بيتفرج عليا

بس جة بعد الفسحة لحد عندى فى الفصل واعتذارلى

بس انا عاوزة اقلوكوا انى كنت خلاص هيغمى عليا

اقلك انا موقف جميل خالص بالنسبة لى

كنت باخد درس انجليزى فى الثانوية العامة عند مدرس مشهور قوى
وهو عارف كل اخواتى
وكان فكرى انه ما يعرفنيش انا خالص
المهم لما حصلت على 24 من25 فى تانية ثانوى صورتى اتعلقت على برواز بجواره مع صور الاخرين

وفى تالتة ثانوى كانت اول مرة اسمى يتنادى مع الطلبة اللى جابوا درجات وحشة فى الحصة دى
فلما نادى اسمى وشافنى
قاللى انتى اصلا شاطرة واسمك متعلق مع الاوائل
وبعدين انتى علمى علوم واكيد المواد التانية انتى مركزة فيها اكتر بس برضوا ما تنسيش الانجليزى عشان ما تتعبيش فيه بعد كده

وقال كلام كتير حلو ومحفز



المهم ذاكرت كويس بعدها والحصة اللى بعد كده

ما اتناديتش معاهم

فقال اما ننادى على اسماء اللى اتنادوا المرة اللى فاتت نشوفهم غابوا النهارده ولا ذاكروا كويس

ونادى عليا فرفعت ايدى فقاللى انتى اصلا شاطرة جدا وده كان موقف عابر نزلى ايدك


ساعتها ابتسمت جامد ومعرفتش اخفى فرحتى غير تحت الديسك

بس كان يوم جميل
فيه اتاكدت ان المدرس عارفنى بانى شاطرة


الموقف ده بفتكره كل ماكون مكتئبة وبفرح قوى



واليك مواقف اخرى قريبا ان شاء الله

موقف كمان حلو خالص
اصلى مبسوطة حبتين

كنت فى تالتة ثانوى باخد درس عربى عند مدرسة صاحبة مامتى
وبعدين كنا بنات مع ولاد ماعلينا


فهى حست انى بطلت اركن العربى
فقالت المرة القادمة هنعمل منافسة بينى وبين ولد اخر على الادب كله
عشان تحفزنى انى اذاكر

فالحصة اللى بعدها سالتنى وجبت عشرة من عشرة والولد
جاب خمسة من عشرة

ماكانش حد يعرفنى فى الدرس كله بس يومها اتعرفت بحاجة كويسة


ربنا يديم الذكرى الكويسة دى علطول




هكتبلك تانى

وهبقى زبونة

بس اشوف ردك عليا الاول

ايوة يا توتا ازيك
اليوم التانى على التوالى ولسه ما عرفتش رايك ايه
وماهو تعليقك

المهم برضه هكتبلك

ونظرا لاستمرا حالتى المزاجية من الانبساط والسرور

والحمد لله وربنا يديمه على الكل يارب
النهارده كان يوم لطيف خالص فى الكلية
كنت بضحك قبل ما اروح والدكتور فى المحاضرة ضحكنا شويتين
وانا مروحة برضه قعدت اضحك كتير مع زميلاتى


المهم الدكتور كان بيتكلم عن الناس المعقدين الانطوائيين


وبعد المحاضرة زميلاتى كلهم قالولى دا كان بتكلم عن شخصيتى جامد خالص


المهم ايه اللى وصلهم انى كده

طب ما انتى قابلتينى قبل كده
كان ايه هو انطباعك الاول عنى





وبجد ياتوتا انا بحب تعليقاتك خالص
فما تطوليش عليا

حبيبتى والله انتى زى العسل

ربنا يديم عليكى الانبساط ويا رب تضحكى على طول

ويا رب ما تزورك دمعة ابدا
وكل مواقفك ما شاء الله مشرفة

يا رب يا نور يا قمر تفضل المواقف دى ذكرى حلوة تضحك على طول

والله يا توتا يا جميلة انتى فعلا برنسيسة المنتدى

بجد اول ما افتكر اى موقف اكيد هحكية

ههههههههههههههه الظاهر ان كل المواقف دراسيه بحته

بصوا يا جماعه بما انى مبحبش اكلم عن نفسى كتير ودى بقى اللى الناس ماتعرفهوش عنى
هاحكيلكم موقف بس امانه عليكم استروا عليا
انا كنت مثال للطالب المتفوق بس دى اللى يعرفوه الناس والمدريسين واهلى ولكن ياريت اللى حصل ماحصل وكالعاده الضحيه معروفه بس المجرم مش معروف...احم احم اكيد انتوا عارفين مين المجرم بس الضحيه دى حظها انه وقع فى ايدى
المهم علشان ماطولش عليكم
الحكايه انى كنت باخد درس عربى عندى فى البيت وكان بيجيلى مدرس عربى بيحبنى موت بس انا شايف انه لو عرف الموقف ده هيكرهنى موت
المهم كالعاده احنا بنتخنق انا وزمايلى من الدروس بس مضرين اليوم ده كان المدرس قال هيسالنا
وبعدين احنا مازكرناش فطبعا زمايلى لجاولى كالعاده نعمل ايه
قولتلهم خلاص الموضوع اتحل؟؟؟
دايما امى كانت بتديلى الشاى من بره الباب علشان الاشتاذ ولكن انا خت الشاى ولللاسف كان فى جيبى مقلب دى لو اتحط فى الشاى لمواخذه الاشتاذ هيعمل فراقيع بس مش اى فراقيع بمعنى اصح بريحه وحشه
الاستاذ خد الشاى وبعد 10دقائق قلنا نكما المره اللى جايه
وانا كالعاده قعدت ارخم قولتله يااستاذ عندى اسئله
وهو يقولى المره اللى جايه المهم سبنا ومشى
والعيال قعدوا يضحكوا وقعدنا لمده شهرين كل لما يجى نقعد نضحك
وللاسف الضحيه ماتعرفش من ايه وبسبب ايه





ياتوتا ايه رايك
انا حاسس بالذنب
وياريت يسامحنى لما يعرف
سلام

ههههههههههههههههههههههههههههههههههههههههههه

ربنا يهدك يامفترى

والله حرام عليك

اللى تعملة يا فقى

هههههههههههههههههههه

حصل موقف كده كنت انا و واحد صاحبي معايا في الكلية نازلين من علي السلم علشان نحضر سكشن البايو و كنا متأخرين شوية فأنا سبقته خطوتين كده . و فجأة سمعت صوت. بصيت ورايا لقيته وقع حتة وقعة خد السلالم كلها زحف يا عيني . بصراحة المنظر كان يموت من الضحك و كنت عايز أضحك بس ما ينفعش علشان هو صاحبي و هيزعل مني . المهم مسكت نفسي بالعافية و حاولت ما أضحكش قدامه . بس اما دخلت السكشن كنت بموت علي نفسي من الضحك كل اما افتكر المنظر و اما حد يقولي بتضحك علي ايه اقوله ما فيش حاجة مبسوط شوية بس .

ههههههههههههههه بصراحة هو موقف يضحك فعلا لو انا بقى مكنتش قدرت امسك نفسى من الضحك

مش فاكرة حاجة دلوقتى لما افتكر هقولكم

هههههههههههه
هو انا فعلا ما قدرتش امسك نفسي بعد كده و كنت كل اما اشوفه افكره و نضحك احنا الاتنين
بس بجد موقف محرج أوي . خصوصا ان كان فيه بنات شايفين الموقف كمان
و الله كنت مكسوفله سلف . بس خدنا الموقف بضحك و عدت ع خير يعني

افتكرت موقف كمان كده . في واحد صاحبي بس مش معايا في الكلية هو مقتنع ان صوته حلو أوي و بيعرف يغني . جه في مرة كده و قالي انا هسمعك صوتي و قولي ايه رأيك . قولتله ماشي غني و انا هقولك رأيي . المهم بعد ما غني اتضضح ان مالوش اي علاقة بالغني خالص . حاولت افهمه ده من غير ما أجرحه يعني بس هو ما اقتنعش و فاهم ان صوته ما فيش زيه . قلت لازم بقي اخليه يقتنع . كان فيه حفلة عاملها المستر بتاع الأنجليزي في اخر سنة تالتة بمناسبة بقي ان دي اخر سنة لينا معاه و كده . و كان الحفلة دي في قاعة و الفقرات بتاعت الحفلة المفروض احنا الي هنقدمها . يعني الي عنده موهبة يسجل اسمه و يقول الفقرة الي هيقدمها . المهم انا اقنعت صاحبي ده انه لازم يغني في الحفلة و ان صوته حلو بس انا الي ما كنتش واخد بالي . و اول ما قلتله كده بقي فرحان طبعا و اقتنع . فعلا راح سجل اسمه و قعد يعمل بروفه قدامنا و احنا استحملنا صوته و قلنا مش مهم صاحبنا برده و قاعدنا نمدح فيه و نقوله ايوه كده يا نجم و حاجات زي كده . و بدأت الماساه اول ما مسك الميك و ابتدي يغني في الحفلة كل الناس طبعا قعدو يضحكو عليه و اولهم انا و اصحابي . بجد كان موقفه وحش أوي و في نفس الوقت كان لازم يكمل مش ينفع ينسحب يعني . من ساعتها طبعا ما بقاش يفكر انه يغني خالص .

الموقف دة بقى اسة حاصل حالا دخلت زى الشاطرة ع النت عشان اشوف نتيجة اخويا طلعت ولا لا وبعدين قلت هية النتيجة ظهرت هاتوا رقم الجلوس واخدت رقم الجلوس وجبت النتيجة طبعا ظاهرة تقديرات بس عمالة اقول اية التقديرات دى مش غريبة على بس مش مهم وفرحت ماما وزعرتت وقلت اتصل باخويا اقولة بس للاسف مردش احسن بردة واعدت اقولهم لو عايزين نتيجة حد تانى انا ف الخدمة بعد شوية بقلب كدة لقيتنى جبت نتيجة الترم الاول كانت حتة كسفة ماما كانت هتضربنى بس كويس انى مقولتلوش كنت هخدلى كلمتين حلوين ياللا مش مهم اية رايكم بقى ف الكسفة دى اوعدكم انى مليش دعوة بحاجة تانى

ههههههههههههههههههه
بجد موقف جااااااامد جداااااا
و يا سلام بقي لو كان اخوكي رد عليكي كمان
كانت كده تبقي كملت فعلا

كنت بشتري لبس انا و اصحابي و كنت بقيس تي شيرت في البروفه و طالع علشان أوريه لأصحابي فدخل واحد ما أعرفوش في البروفه علشان يقيس هو كمان و انا واقف بره باخد رأي اصحابي و فجأة لقيت الي كان في البروفه طالع و لابس التيشيرت بتاعي الي كنت جاي بيه اصلا و عمال يقول لصاحبه ايه رأيك و التاني يقوله تمام يا معلم و شكله جامد عليك مبروك عليك يا ريس
كل ده و انا واقف عمال اشبه ع التيشيرت و اقول مش ده التيشيرت الي كنت جاي بيه و لما أتأكدت قولتله أدخل اقلعلك البنطلون علشان تكمل الطقم و بالمرة خد الجزمة كمان
أول ما عرف ان التي شيرت بتاعي مات علي نفسه من الضحك و احنا كمان قعدنا نضحك بس كان موقف جامد أوي

ههههههههههههههههههه
هههههههههههههههههه
بجد موقف جااااااااااااامد

بجدموقف جامد جداكويس انك قدرت تتكلمانا لو مكانك مش كنت هقدر امسك نفسى من الضحك ومش كنت هعرف اتكلم

هههههههههههههههههه
ما انا لو ما قدرتش امسك نفسي من الضحك يبقي هسيبله التيشيرت بقي و أشوف تيشيرتي بيتباع قدام عنيا كده و مش عارف اعمل حاجة

ههههههههههههههههههههه
والجذمه كمان دا ايه الكرم ده
بس بجد موقف جامد

ما أنا لقيت التيشيرت عاجبه اوي فقلت اكيد الجزمه كمان هتعجبه
كان ناقص كمان اديله عنوان بيتي و اقوله اما تحب تشتري لبس ابقي تعالي اشتري من عندي

افتكرت موقف حصلى بس كان شكلى كان وحش جدا كنت معزومة عند خالى وراحت عليا نومة فهما اتصلا صاحونى من النومقالوا لى يلا الاكل اتحط خلاص فانا قومت لبست العباية اللف بتاعتى بس للاسف لبستها بالمقلوب وماشية طول الطريق ومش حاسة باى حاجة روحت هناك كلهم قاعدين يضحكوا عليا وانا مش فاهمة حاجة بس بعد كدة قعدت اضحك معاهم على نفسى

هههههههه

كنتي قوليلهم دي الموضة و ما كنش حد هياخد باله