NeXt VeT
المنتدى هنا زى الفل و مش محتاج سجل بسرعة و أدخل على طول و إستمتع معانا بأحلى الأوقات ... منتدى بحق و حقيقى مش لعب عيال و تحدى يلا مستنى أيه سجلو شارك باقى الأعضاء فى الأقسام المختلفة ... الحصريات بجد عندنا و بس......

امجــد الـشيـخ مقرر اسرة نكست فيت يرحب بكم
ويتمني لكم قضاء اجمل الاوقات معنا


خطوات التعامل مع الحالات الحقليه

استعرض الموضوع السابق استعرض الموضوع التالي اذهب الى الأسفل

خطوات التعامل مع الحالات الحقليه

مُساهمة من طرف باسووم في الأربعاء نوفمبر 18, 2009 8:52 pm


نت رحت لحاله معينه تعمل ايه بالظبط وبالترتيب.

المطلوب منك حاجتين:



1- تشخيص الحاله
2- علاج الحاله


اولا : تشخيص الحاله


علشان تقدر تشخص الحاله صح لازم تكون على درايه بخمس نقاط يهمنا فيهم اول
تلاته وهما .




أ-فصيله الحيوان( بقر جاموس خيول ............ الخ)


وده لان فيه امراض تخص فصيله عن اخرى فمثلا مرض مثل حمى التلات ايام ياتى
للمجترات ولا ياتى للخيول كمثال وهكذا.


ب- نوع الحيوان(ذكر انثى)


فمثلا تكوين الحصوات يكون فى الذكور اكثر منه فى الاناث لان القضيب فى
الذكور طويل وضيق اما الاناث فمجرى البول قصير وواسع وهكذا.


ج- عمر الحيوان


فهناك اعمار تكون فيها نسبه الاصابه بمرض معين اكبر من الاعمار الاخرى
فمثلا مرض ال john s يصيب الابقار فوق الخمس سنوات وهكذا.


د- اكل الحيوان وشربه ومكانه


حيث ان الاكل له دور كبير فى تشخيص امراض الباطنه فمثلا لو اكتشفنا ان
الحيوان بياكل دره كتير او عيش او اى نشويات وكنا شاكين فى اعراض لكمه كدا
اتاكدنا لو عرفنا انه اكل نشويات وهكذا.


اما مكانه فممكن اشخص حاله simple indigesion نتيجه اكل اكياس وحبال لو
لقينا المكان غير نظيف وملى بالاكياس والحبال .وهكذا


ه-هل اتى طبيب قبلك للحاله


لان هناك حالات تسمم نتيجه دواء اعطاه دكتور قبلك.

1- تاريخ الحاله case history
وهنا لازم تكون عارف كل شى عن ظروف بيئه الحيوان ودى بتمثل 75% وممكن توصل
الى 100% من تشخيص الحاله فلازم لازم لازم نهتم بيها اوى ودى بتسال فيها عن
الاتى.



2- الاعراض والفحص الاكلينيكى symptomes and clinical examination
بمشاهده الاعراض الظاهريه ثم فحص اجهزه الجسم كما زكرت فى موضوع الفحص
الكامل للحيوان فى قسم الحالات الحقليه.



3- التشخيص التفريقى differential diagnosis
وهنا بانى اشك فى اكثر من مرض من الاعراض وافرق بينهم بتاريخ الحاله وفحص
الحيوان .




وده مش مهم اوى غير فى المزارع.



4- الفحص بعد الوفاه pm
وده بانك بتفحص الاجهزه الجسميه عد الوفاه لتاكيد الاصابه بمرض معين . وده
بيساعد فى التشخيص التفريقى.
5- الفحص فى المعمل lab diagnosis
وده ما يهمناش اوى فى الفيلد لكن بيهم دكاتره التحاليل .


وبكدا عاوزكم تهتموا بالتلات نقاط الاولى وخاصه تاريخ الحاله لانه مهم مهم
مهم مهم جدا ولو هفضل اقول لبكره مهم جدا مش هديه حقه.



ثانيا: علاج الحاله



العلاج بيضم شقين:



فيروس او بكتيريا او ديدان او غيره وده لازم للقضاء على الحاله نهائيا .



اسهال او لعاب كثيف او مغص وغيره وده علشان الاعراض ممكن تسبب لوحدها وفاه
الحيوان فمثلا الاسهال يسبب الجفاف والحيوان بيموت من الهبوط فى الدوره
الدمويه وتوقف التنفس.

1- علاج السبب الحقيقى
2- علاج الاعراض


وبكدا نكون وضحنا خطوات التعامل مع اى حاله ولو سمحتم اللى يعرض حاله لابد
ان يعرض تاريخ الحاله والاعراض وان شاء الله بمكدا نساعده لكن الاعراض فقط
لا تكفى.



طيب سوال مهم : ازاى احل لغز حاله ؟



السوال اللى كلنا بنقوله لنفسنا لما بنكون لسه جديد على الحاالات. انا مش
عارف اتوصل لحاجه مع انى شايف الاعراض ؟ صح ولا لا.


الموضوع بسيط بس عاوز اهتمام شويه .


انت بتبدأ تقسم الحالات الى تقسيمه تخصك انت . مثلا .


ايه الامراض التى ترفع الحراره ( اه لما بيكون فيه فيروس او بكتيريا او
ديدان دم او تسمم ) اه يبقى لما الاقى حراره عاليه اشك فى دول .


طيب كويس ( لو لقيت اعراض تنفسيه مع الحراره ) اه يبقى ايه الحالات اللى
بتعمل اعراض تنفسيه ( اه عندى مثلا الالتهابات فى الجهاز التنفسى مثل
الحنجره او البلعوم او القصه الهوائيه ثم الالتهاب الرئوى ) طيب افرق بينهم
ازاى بانى استخدم السماعه لسماع الرئه لو سليمه يبقى اكيد العيب فى مجرى
التنفس وابدأ افحص الجهاز التنفسى زى ما زكرنا فى فحص الحيوان ) طيب افرض
انا لقت الرئه مش سليمه يبقى التهاب رئوى ( طيب ايه اسباب الالتهاب الرئوى )
اه هناك فيروس وهناك بكتيريا وهناك ديدان وغيره . طيب كويس بس احنا لقينا
حراره عاليه مع الالتهاب الرئوى واحنا قلنا اللى يرفع الحراره فوق طيب
يبقى ايه العامل المشترك ( اه طلع البكتيريا ووالفيروس ) طيب كويس يبقى
احنا توصلنا اهو واحده واحده الى ان السبب بكتيريا او فيروس وسبنا الديدان
والالتهاب الرئوى الناتج عن استنشاق المياه وغيره لانها لا ترفع الحراره .


شفتوا الموضوع سهل ازاى . كل الحكايه فى حل اللغز انك ترتب افكارك وتجمع
الامراض اللى بتسبب اعراض متشابهه وتفرق بينها وبكدا توصل لحل اللغز واللى
فوق دا كان مثال ولكل قاعده شواذ بس ابداو واحده واحده وبعدين هتعرفوا
الشواذ.


شكرا




avatar
باسووم
مشرف عام
مشرف عام

s m s :
ذكر الجوزاء الثعبان
عدد الرسائل : 827
العمر : 28
الموقع : بير السلم....
العمل/الترفيه : بربي عيالي..
تاريخ التسجيل : 28/01/2009

الرجوع الى أعلى الصفحة اذهب الى الأسفل

رد: خطوات التعامل مع الحالات الحقليه

مُساهمة من طرف dr:sniper في الخميس ديسمبر 10, 2009 6:14 pm

ايه الحلاوة دى يا باسووووم


فيه امل


شكرا يا باسووم على مواضيعك الجامده دى




avatar
dr:sniper
شخصية هامة
شخصية هامة

s m s : أَنْهى الحـــــديثَ ، ولمْ يفـطن لخطبـــتهِ إلاَّ الصَّــدى و الّلَظى في قَـــلْبِه الدَّامي

وجَلْجَــــــــلَتْ صرْخةُ المستـهزئينَ بهِ : فــــــاتَ الأوانُ ، فلا تركن لأوهــــــامِ

نســـــيْتَ أنَّ لنــــا ربًّــــــا نلــــوذُ بـــهِ إذا تَـــــــطَاوَلَ فـينا جَـــــــورُ حُــــكَّامِ
ذكر العذراء الثعبان
عدد الرسائل : 5173
العمر : 28
الموقع : next vet
العمل/الترفيه : طبيب بـــــــــــيطري
تاريخ التسجيل : 13/12/2008

http://nextvet.alafdal.net

الرجوع الى أعلى الصفحة اذهب الى الأسفل

رد: خطوات التعامل مع الحالات الحقليه

مُساهمة من طرف باسووم في الإثنين ديسمبر 28, 2009 9:47 am

يالا بقي اي خدمه مش عارف بس من غيرنا كنتوا هاتعملوا اي....ههههههههههههههه
avatar
باسووم
مشرف عام
مشرف عام

s m s :
ذكر الجوزاء الثعبان
عدد الرسائل : 827
العمر : 28
الموقع : بير السلم....
العمل/الترفيه : بربي عيالي..
تاريخ التسجيل : 28/01/2009

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى