العياده النفسيه

يا جماعه دي فكره فكرت فيها لو عجبيتكم نعملها ولو معجبتكو نلغيها مفيش مشكله
وهي عباره عن فضفضه بينا وبين بعض
يعني واحد يكون متضايق شويه
او في موضوع عايز ياخد راينا فيه علي اننا اخواته
او تعبان وزهقان يدخل هنا ويقول بيشتكي من ايه
وكلنا هنسمعه مش انا الواحدي بس
اي حد عايز يشارك معانا وينصحه بحاجه يدخل ويقولهالك
اعتقد الصوره وضحت كده
يالا مستينه رايكم في الفكره
وفي اول مريض هيدخل العياده
هههههههههههه
اه نسيت اقولكم علشان الاحراج ومحدش يعرف انت مين
ممكن نعمل عضويه باسم معين وباسورد معين كلنا نعرفه
واللي يجي يعرض مشكلته يدخل عليه
ايه رايكم

من طرف **princess of the moon** الجمعة فبراير 13, 2009 2:26 pm

فكره جميله يا ملكة الاحساس وشكرا علي المبادره الجميله دي

من طرف **ملكه الاحساس** السبت فبراير 14, 2009 5:49 pm

princess of the moon كتب:فكره جميله يا ملكة الاحساس وشكرا علي المبادره الجميله دي

شكرا ليك يا برنسس
ومستنين راي باقي الاعضاء

من طرف **رحماك ربى** الأربعاء فبراير 18, 2009 7:58 pm

فكرة جميلة بس ممكن تكون محرجة شوية

mayyyooo كتب:فكرة جميلة بس ممكن تكون محرجة شوية

مانا عارفه علشان كده اقترحت اننا نعمل عضويه باسم معين زي مثلا(مشكلتي) وباسورد معين وليكن( 123) واللي يحب يقول مشكلته يدخل علي العضويه دي وبكده محدش هيعرفه وتبقي العضويه للجميع مش باسم حد معين

من طرف **dr:sniper** السبت فبراير 21, 2009 12:02 pm

فعلا فكره جميله جدا بحيكي عليها
والأجمل بقي فكره العضويه العامه
انا هثبت الموضوع
ومنتظر أول مشاركه

من طرف **ملكه الاحساس** السبت فبراير 21, 2009 2:36 pm

Admin كتب:فعلا فكره جميله جدا بحيكي عليها
والأجمل بقي فكره العضويه العامه
انا هثبت الموضوع
ومنتظر أول مشاركه

بجد متشكره جدا يا سياده المدير
ومش عارفه اقولك ايه
انا سعيده جدا بتثبيت الموضوع
يارب اكون دائماعند حسن ظنكم

من طرف **dr:sniper** السبت فبراير 21, 2009 8:11 pm

طبعا يا دكتوره انتي أختنا الكبيره
وبعدين طلباتك أوامر يا فاندم

منتظرين الأعلان عن العضوية المشتركه
وكمان منتظر أول مشاركه

من طرف **ملكه الاحساس** الأحد فبراير 22, 2009 1:10 pm

انا خلاص يا جماعه عملت العضويه الجديده باسم
(مشكلتي)
والباسورد
000000
يعني 6 اصفار
وجاري تفعيل العضويه
ومستنين اول مشارك معانا
هيدخل العياده ويبوح بما في داخله
الي اللقاء

من طرف **dr:sniper** الأحد فبراير 22, 2009 2:22 pm

مبروك يا فاندم
وجاري تفعيل العضوية
وفي أنتظار أول زائر ف العياده

من طرف مشكلتي الخميس مارس 05, 2009 2:28 pm

انا اول حد هيدخل العياده النفسيه
مش عارفه ايه مشكلتي بالضبط بس انا في اسباب كتير ممكن مخلياني تعبانه جداااااااااااااااااااا
ممكن تكون النتيجه اللي ظهرت دي وكمان حبه زهق من الدنيا كلها
كتير بقعد مع نفسي ومبقدرش امنع دموعي لانها كتيييييييييييييييييييييييييييير
ولما اجي افكر ف السبب مش باكون عارفاه تحديداااااااااااااااا
عاوزاكو تساعدوني اني اخرج من الحاله دي عشان انا تعبانه جداااااااااااااااااااااااااااااااااااااا

من طرف **ملكه الاحساس** الخميس مارس 05, 2009 4:39 pm

بجد
انا مبسوطه بالمشاركه الاولي دي وشجاعتها القويه انها تفتح قلبها لينا بدون اي احراج
واكيد اللي بره الموضوع بيبقي عنده القدره علي معالجه الامور عن اللي عايش المشكله نفسه حتي ولو الموضوع صغير
انا هحاول ارد علي قد مفهومي للحياه اللي عشتها ومن خلال خبرتي الصغيره بالدنيا ويارب اقدر اساعدك انك تخرجي من اللي انت فيه

انت بتقولي مش عارفه مشكلتي ايه بالضبط
اولا الواحد المفروض يدور علي السبب اللي مخليه متضايق ويحاول يتخلص منه
سعات الواحد بيكون متضايق زي ما قولتي من غير سبب
بس علي قد ماالزعل بيكون مفيد علشان بيطلع الالم اللي جواكي
حاولي تتخلصي منه
مثلا متقعديش لوحدك كتير علشان الموضوع ما يجيش في بالك كتير وتضايقي يعني حاولي تشغلي نفسك بحاجه تنسيكي المشكله تقعدي مع اصحابك مع اخواتك وادعي ربنا يزيل عنك الهم اقري قران
ولو كان السبب زي ما بتقولي ممكن تكون النتيجه
اولا لازم تحمدي ربنا مهما كانت النتيجه علشان ده مكتوبلك ممكن تكوني مقصره ودي كانت قرصه ودن ولازم تزودي جهودك شويه او عملتي اللي عليكي فعلا وده امتحان من ربنا وعايز يمتحنك وان شاء الله يعوضك في الترم التاني
وعن تجربه لي كنت مظلومه جامد في ماده وانا الوحيده من زمايلي جبت ضعيف
بس مياستش واجتهدت اكتر ودعيت ربنا كتير وذكرت اكتر واكتر مش في الماده دي بس في كل المواد
وعلشان كنت واثقه اني مظلومه وعارفه ربنا انه معايا جبت احلي تقدير في السنين كلها وعديت باحلي نتيجه
لازم يكون عندك اراده
وبعدين جبتي تقدير ما جبتيش
كله محصل بعضه في الاخر اسمك دكتوره
انا عارفه ان الواحد بيبقي نفسه يسعد ابوه وامه بس انت عملتي اللي عليك وخلاص
الشيطان دائما بيكون السبب في حاله عدم الرضا
مدتهوش الفرصه دي
ولو ملكيش نصيب في تقدير يكون نصيبك في حاجه تانيه عريس مثلا
الواحد مش بياخد كل حاجه
اما بقي عن هموم الدنيا فهي كتير
بس الواحد لازم يقعد مع نفسه ويعد نعم ربنا عليه في ورقه هتعرفي انك في اكبر نعمه
واللي مكتوبلك هيكون
وصدقيني سعات وايام وسنين بتضيع علشان بنزعل علي حجات متستهلش
مش عارفه اقوللك ايه بس انا حاسه بيكي لاني مريت بحجات كتير زي دي في حياتي
بس اكتشفت اني ضعيت وقت كتير في حاجه كان ممكن استغلها في صالحي
اتمني اني اكون قدرت اهون عليكي شويه
واشوفك المره اللي جايه في افضل حال
تحياتي ليكي

من طرف **ملكه الاحساس** الجمعة مارس 06, 2009 7:20 pm

علي فكره يا جماعه
انا غيرت اسم العضويه
لان حسيت ان في ناس دخيله من بره
بتستخدمها مش في مكانها
وبطريقه مش كويسه
وبقي الاسم الجديد
قلب موجوع
اما الباسورد بقي الجديد
هبعتهلكم في رساله خاصه
للاعضاء طبعا بس

من طرف **dr:sniper** السبت مارس 07, 2009 10:23 pm

اوك

واحنا منتظريين يا فاندم

الباس ورد

من طرف **merooo** الأحد مارس 08, 2009 10:20 pm

علي فكره بجد فكره جميله جدااااااااااااااااا

وهتزود روح الاخوه اللي بينا

من طرف قلب موجوع الثلاثاء مارس 10, 2009 2:33 am

انا بقي كنت عارفه اني هدخل هنا قريب
بس جه الوقت
انا بقي تعبانه لاقي درجه ممكن حد يخيلها
ليه كل حاجه حلوه بتضيع
ليه ممكن نبيع ف ثانيه
اصعب حاجه انك تفضل تضحي وتضحي
والاخر تطلع غلطان
ولازم تكتم ف نفسك عشان تمشي الامور
لما تلاقي اعز ما عندك ف نفس الموقف تاني بتصرف نفس التصرف
ياااااااااااااااااااااااااااااااااااااااااااااهبجد ياااااااااااااااااااااااااااااااااااااااااه
هو انا مريضه بجد ولاايه
انا مش عارف
انا مش عارفه حاجه خالص
ولا فاهمه
بجد نفسي اموت
مش قادره استحمل كل اللي بيحصل
عارفه انه حرام
بس كل حياتنا غلط جت ع ده
اه ياني
انا ليه بدمر نفسي ساعات بسال انا عايشه ليه وعايزه ايه من الدنيا
القاني مش عايزه غير اللي راح
عايزه الماضي اللي مش راجع
لازم اعرف انه مش راجع
فيه واقع دلوقتي لازم اعيشه
انا بجد خلاص مش قادره
لما تبقي كل احلامي اعيش مع حد معين الزمن خده خلاص
ومفيش رجوع تاني
لما تدي من غير ما تفكر تاخد ايه
لكن بتلاقيك بجد بتاخد

من طرف قلب موجوع الثلاثاء مارس 10, 2009 2:46 am

بتاخد كل الم ممكن تعيشه
بتعيش اصب ايامك وانت بتفكر فيه
بتخاف عليه اكتر من نفسك لو خدوا الدنيا كلها منك الا هو كانت تعيش احلي ايام ممكن تعيشها
انا مش عارفه بكتب ايه ولا بقول ايه
بس انا بستريح مع ان كلامي مالوش معني ولا يوصل لحاجه تساعدوني بيها
بس انا مسترحيه دلوقت شويه
انا كنت اول ما بدات كنت ف حالف ما يعلم بيها الا ربنا
استغفر الله العظيم من كل ذنب
معلش ازعجتكم بس نفسي اكمل
انا بجد عايشه ومش عايشه لازم اتغير والاقي لحاتي هدف اعيش عشانه لان هدف الحب لوحده مش كفايه حب صداقه دا اللي اقصده
المفروض للصداقه حدود مهما بلغت اقصاها اسال مجرب كل واحد له حياته الخاصه بيه مينفعش حد يدخل ف حاجه متخصوش
تخيلوا
هوفيه كدا
انا مكبره الحكايه صح اه عادي يعني كل واحد له حياته واسراره
صح
انا بجد لازم افوق من الحلم اللي لسه عايشه فيه
دا فات ايام كتييييييييييييييييييره قوي
وانا لسه وراااااااااااااااااااااااااااااقوي
يارب قويني قويني
انت ادري بكل اللي جوايا وعارف
بس مش بايدي حاجه اعملها
اغرب شيء اني ف كل حاجه اقوي منمما تتخيلوا
الا ف ده
اضعف مما تتخيوا
مكنتش اعرف كده غير لما الفراق كان اساسي
طلعت اضعف مما كنت انا اتخيل
طلعت ورق
محصلتش ورقه حتي
لو اقدر اقطع قلبي ده بس لا
انا نفسي افضل عايشه ف الحلم القديم
ياريت الايام تقف والزمن كمان يرجع
بجد العوض ع الله ف كله دقه قلب وكل دمعه وكل فرحه وكل حاجه
مش ندمانه ع اي حاجه
بالعكس
يارب يوفق كل من كان ويهدي الجميع متاسفه طولت عليكم وتقريبا مقلتش حاجه بس مش متخيلين مدي الراحه دلوقت
اللي انا حساه
انا بجد تعبانه ادعولي يقوي قلبي وانا ابقي كويسه
الف شكر يا ملكه جزاكي الله خير

من طرف **باسووم** الثلاثاء مارس 10, 2009 7:31 am

بجد انا فعلا مش فاهم حاجه
بس عموما انا هاقرا الموضوع كذا مره ويارب اعرف ارد بس متقلقيش كل حاجه ليها حل
وربنا كبير

من طرف **marmer** السبت مارس 14, 2009 4:31 pm

انا اللي فهمته انك تقريبا خارجة من قصة حب فاشلة
او بلاش فاشلة هي مش كملت للاخر او للنهاية اللي كان نفسك فيها
"ليس كل ما يتمناه المرء يدركه "
انتي اهم حاجة تحاولي تعمليها انك تنسي
ولازم تنسي
وكوني مع ربنا علي طول وادعيله
وهو اكيد ان شاء الله هيستجيب لك
"اللهم انك تعلم سرى وعلانيتى فاقبل معذرتى . وتعلم حاجتى فاعطنى سؤالى وتعلم ما فى نفسى فاغفر لى ذنبى .. اللهم انى اسالك ايمانا يباشر قلبى . ويقينا صادقا حتى اعلم انه لن يصيبنى الا ما كتبته على . وراضنى بما قسمته لى ياذا الجلال والاكرام .... "

حاولي تخرجي من الاحلام اللي انتي عايشة فيها علشان مش تتعبي

وربنا معاكي

ده ردي علي قدر فهمي للموضوع

حتي لو مش هيفيدك

كفاية زي ما قولتي "انك حكيتي" و استريحتي

"""لو حاسس إن ذنوبك كترت .. روحله .. روح لربنا .. صلي ركعتين بالليل .. وفضفضله ... ابكي بين يديه .. اشتكيله من نفسك .. قول له كل اللي أنت حاسس بيه ... قول له يارب أنا نفسي أبقى كويس .. لكن نفسي بتغلبني .. قول له كل حاجة ... كل حاجة ووالله .. لو كنت بتقول الكلام ده بقلبك ... وكنت صادق معاه ... والله ما هيسيبك أبدا ... """

من طرف **ملكه الاحساس** السبت مارس 14, 2009 5:43 pm

بجد
انا زعلانه علشانك كتير
وحاسه بيكي اوي
يمكن الكلام مش واضح علي اللي خلاكي توصلي للمرحله دي
بس بتحصل لينا كتير
سعات بنفتكر ان الخير في الحاجه اللي بنحبها ونبقي عايزين نتمسك بيها ومش عايزين غيرها وبس
وكمان بنبقي عايزين الدنيا ترجعها وتديهلنا بس ده مكتوب ولازم نرضي بيه
انا في حياتي كنت حابه حاجه اوي وكنت مبسوطه بيها وكنت عايزها جدااااااا
ولما راحت مني زعلت جامد وحسيت ان حاجه كبيره ضاعت مني ونفسي ارجعها باي تمن
بس لما ربنا عوضنا باحسن منها
حمدت ربنا وقلت ياااااااه
بجد محدش يعرف الخير فين
اعتقد مرمر قامت بالواجب
وقالت كلام حلو كتير
يارب ترجعي بسرعه وترجع الضحكه الحلوه علي وشك
وبكره تقولي يااااااااه
ده انا كنت عبيطه اوي ايه اللي عملته في نفسي ده
بجد صدقيني هي مرحله وتعدي
مفيش غير ربنا اللي يقدر يقف جنبك ويخرجك من الحاله دي
واحنا مبسوطين انك طلعتي اللي جواكي وفضفضتي لينا
وهوه ده المطلوب من الموضوع
وتلاقي حد جنبك يسمعك

من طرف dr\kemoooo الأحد مارس 22, 2009 10:50 pm

dr\\kemooooooooo
no comment
ربنــــــــــــــــــــــــــــا يهديكوا

من طرف sandrilla الأربعاء أبريل 08, 2009 9:18 pm

انا بقي كنت عارفه اني هدخل هنا قريب
بس جه الوقت
انا بقي تعبانه لاقي درجه ممكن حد يخيلها
ليه كل حاجه حلوه بتضيع
ليه ممكن نبيع ف ثانيه
اصعب حاجه انك تفضل تضحي وتضحي
والاخر تطلع غلطان
ولازم تكتم ف نفسك عشان تمشي الامور
لما تلاقي اعز ما عندك ف نفس الموقف تاني بتصرف نفس التصرف
ياااااااااااااااااااااااااااااااااااااااااااااهبجد ياااااااااااااااااااااااااااااااااااااااااه
هو انا مريضه بجد ولاايه
انا مش عارف
انا مش عارفه حاجه خالص
ولا فاهمه
بجد نفسي اموت
مش قادره استحمل كل اللي بيحصل
عارفه انه حرام
بس كل حياتنا غلط جت ع ده
اه ياني
انا ليه بدمر نفسي ساعات بسال انا عايشه ليه وعايزه ايه من الدنيا
القاني مش عايزه غير اللي راح
عايزه الماضي اللي مش راجع
لازم اعرف انه مش راجع
فيه واقع دلوقتي لازم اعيشه
انا بجد خلاص مش قادره
لما تبقي كل احلامي اعيش مع حد معين الزمن خده خلاص
ومفيش رجوع تاني
لما تدي من غير ما تفكر تاخد ايه
لكن بتلاقيك بجد بتاخد
بتاخد كل الم ممكن تعيشه
بتعيش اصب ايامك وانت بتفكر فيه
بتخاف عليه اكتر من نفسك لو خدوا الدنيا كلها منك الا هو كانت تعيش احلي ايام ممكن تعيشها
انا مش عارفه بكتب ايه ولا بقول ايه
بس انا بستريح مع ان كلامي مالوش معني ولا يوصل لحاجه تساعدوني بيها
بس انا مسترحيه دلوقت شويه
انا كنت اول ما بدات كنت ف حالف ما يعلم بيها الا ربنا
استغفر الله العظيم من كل ذنب
معلش ازعجتكم بس نفسي اكمل
انا بجد عايشه ومش عايشه لازم اتغير والاقي لحاتي هدف اعيش عشانه لان هدف الحب لوحده مش كفايه حب صداقه دا اللي اقصده
المفروض للصداقه حدود مهما بلغت اقصاها اسال مجرب كل واحد له حياته الخاصه بيه مينفعش حد يدخل ف حاجه متخصوش
تخيلوا
هوفيه كدا
انا مكبره الحكايه صح اه عادي يعني كل واحد له حياته واسراره
صح
انا بجد لازم افوق من الحلم اللي لسه عايشه فيه
دا فات ايام كتييييييييييييييييييره قوي
وانا لسه وراااااااااااااااااااااااااااااقوي
يارب قويني قويني
انت ادري بكل اللي جوايا وعارف
بس مش بايدي حاجه اعملها
اغرب شيء اني ف كل حاجه اقوي منمما تتخيلوا
الا ف ده
اضعف مما تتخيوا
مكنتش اعرف كده غير لما الفراق كان اساسي
طلعت اضعف مما كنت انا اتخيل
طلعت ورق
محصلتش ورقه حتي
لو اقدر اقطع قلبي ده بس لا
انا نفسي افضل عايشه ف الحلم القديم
ياريت الايام تقف والزمن كمان يرجع
بجد العوض ع الله ف كله دقه قلب وكل دمعه وكل فرحه وكل حاجه
مش ندمانه ع اي حاجه
بالعكس
يارب يوفق كل من كان ويهدي الجميع متاسفه طولت عليكم وتقريبا مقلتش حاجه بس مش متخيلين مدي الراحه دلوقت
اللي انا حساه
انا بجد تعبانه ادعولي يقوي قلبي وانا ابقي كويسه
الف شكر يا ملكه جزاكي الله خير

يااااااااااااااااااااااااااااااه انتي بجد تعبانة اوي
بس انا عايزه اسألك سؤال
تاعبة نفسك ليه ياحبيبتي ؟
اسألي نفسك السؤال واستني لغاية اما تجاوبي عليه
انا تاعبه نفسي ليه بعذبها ليه ماتستاهلش مني كده
والله ماتستاهل كل الالم ده
فكري مع نفسك شوية تلاقي انك تاعبة قلبك علي الفاضي مفيش حاجه تستاهل انك تعملي في نفسك كده
ياحبيبتي انا مش بقلل من الموضوع بس عايزه اقولك طالما النهاية اتكتبت ماتعشيش في اللي حصل قبلها
ليه دايما بنحط نفسنا في الماضي ونقفل علينا
ومش بس كده احنا بنحط نفسنا في الماضي السعيد نفضل نفتكر كل حاجه حلوه حصلت وفجأة نصحي
يااااااااااااااااااااااااااااااااااااااااااااااااااه الجرح اللي بيصحنا
الالم اللي بينادي علينا
فجأة نفتكر كل حاجه وحشه حصلت نفضل نبكي يمكن مش بالدموع وممكن تكون الدموع ابعد حاجه بس بكي القلب اوجع
عشان كده كان تعب النفس اصعب انواع التعب
تعب غير مرئي وللأسف مش بيلاقي حد يحس بيه حتي اقرب الناس لينا
بجد صدقيني ياحبيبتي انتي تقدري تطلعي نفسك من الموقف ده
اه بنفتكر نفسنا اقويه والموقف ده هعمل فيه كذا واما يجي الموقف يااااااااااااااااه
فعلا بنكتشف نفسنا صح
الفراق صع اوي اصعب حاجه وببسبب جرح مستحيل يتداوي
مش هقولك هتقدري تنسي صدقيني صعب اوي
بس انا متأكده انك تقدري تتناسي الموضع ده لحد اما تنسيه فعلا
وطبعا ده مش هيحصل لو طول الوقت بتفكري فيه
ريحي تفكيرك ياحبيبتي وحطي النهاية قدام عنيكي
هيبقي في الاول صعب جدا بس والله هتقدري وطبعا استعيني بربنا اوي
قربي منه اوي اوي محدش غيره هيحس بيكي
واشغلي نفسك طول الوقت وابعدي عن اي حلجه بتفكرك بالموضوع ولو اي حد من اللي حواليكي يعرفه قوليلهم مايفتحوهوش تاني ولا حتي يهمسوا بيه
اشغلي نفسك بالمذاكره ومع اصحابك طول الوقت قللي وقت قعدادك مع نفسك كل ماييجي في تفكيرك قومي اعملي اي حاجه
التفكير في الموضوع ده لا هيحل ولا هيربط بل بالعكس هيتعبك اكتر
صلي كتييييييييييييييييييير وادعي ربنا يريحك ياحبيبتي
يارب ريحك يارب ياحبيبتي
وصدقيني والله انتي الوحيده اللي تقدري تخرجي نفسك من الحالة دي
فكري ازاي تخرجي منها وهتخرجي منها ان شاء الله
ياريت تبقي تطمنيينا عليكي

من طرف **رحماك ربى** الجمعة أبريل 10, 2009 8:55 pm

انا اللى فهمتة نفس راى مرمر
ونصيحتى ليكى بجد انك تنسى وتشغلى نفسك بالتفكير باى حاجة تانية غيرالموضوع دا على قدر الامكان
واشكى لربنا وربنا عمرة ماهيتخلى عنك
بس انتى اعملى اللى عليكى وابعدى وبلاش تفكرى فى الموضوع
وربنا معاكى يارب ويزيل عنك كل هم وعن كل البشر

بس انا مش اعرف الباسورد بتاع الموضوع دا يبقا اى حد فى المنتدى مشكور يبعتهولى

من طرف **HaaMeeS** الثلاثاء أبريل 14, 2009 12:56 am

بجد فكره حلوه قوى
بس فين الباس ورد ولا انا ماليش نفس
شكرا ع الفكره الهايله دى

من طرف sandra الثلاثاء يونيو 30, 2009 4:02 pm

في ايه يا ملكه دا العدل اساس الملك وانا مجتليش رساله هو انا مالي نفس Sad

بس علي العموم دي فكره رائعه وفرصه طيبه لتجميع الاعضاء بروح حلوه كتتتتييييير
بس انا لسه زعلانه ومش هسامحك الا لما تبعتيلي رساله بالباسورد
وبالله التوفيق

من طرف **RaNdY OrTeN** الثلاثاء يونيو 30, 2009 10:34 pm

وانا كمان

من طرف Hopeless Case الثلاثاء يوليو 21, 2009 2:08 am

انا بقى بكره أهلى
متستغربوش
انا فعلا بكرههم
و زهقت من الكلام الكتير بتاع ( ملكش غير امك و ابوك )
و ( الجنة تحت أقدام الأمهات )
و ( مش هتحس بقيمتهم غير لما تبعد عنهم )

انا تخطيت المرحلة دى
بقيت بكرههم
و بستغل كل الفرص عشان ابعد عنهم

انا ليا أختين بنات
برضه بكرههم
بحس انهم مفروضين عليا
أصحابى انا اللى بختارهم
لكن دول مفروضين عليا

بغض النظر عن اختلاف وجهات النظر مع امى و ابويا
و بغض النظر عن خناقات الأطفال مع اخواتى

انا بجد بكرههم
بكره تصرفاتهم و بكره طريقة تفكيرهم
و بكره معاملتهم
انا ممكن استحمل أى غلطة من صحابى
لكن مبستحملش غلطة من حد فيهم

بقيت معاهم عايش كأنى ف فندق
نوم و أكل
و على أد مقدر عايش بره البيت

و زهقت من خناقاتهم و تفكريهم و كل حاجة
و زهقت برضه من الكلام المثالى اللى ممكن تقولوهولى

هو انا مش طمعان انى الاقى حل
لأن أكيد ممكن العيب يكون فيا
بس النتيجة واحدة و هى انى بكررهم
لكن حبيت افضفض معاكوا
و دى أول مرة ف حياتى اتكلم ف الموضوع ده أصلا

من طرف **dr:sniper** الثلاثاء يوليو 21, 2009 3:13 pm

اولا برحب بيك معانا ف المنتدى

ثانيا المشاكل والاخنلافات موجوده ف كل البيوت

وعلشان فعلا احنا موش بنختارهم

يبقى لازم نرضى بيهم

ما تحاولش تبعد

لان ده هيزود الخلافات موش هيحلها

لازم تواجه عارف انه صعب

بس لو شايف ان فيه مشكله

انصحك بانك تواجها

من طرف Dr.hayah الخميس يوليو 23, 2009 12:07 am

لا اله الا الله طب ليه كده بس...... بص باه يا هوبلس كاس انا مش عايزه اقولك كلام مكرر ومحفوظ زى ما انت بتقول بس فعلا والله العظيم هوه ده الكلام الصح انت فعلا مالكش غير والدك ووالدتك ومش هتلاقى فى حياااااااتك دى كلها احن من صدر مامتك ولا اطيب من قلب باباك هما ممكن يكون بيتنرفزو شويه او مش مديينك مجال تبقى قريب منهم بس طبعا واكيد غصب عنهم ممكن مشغولين فى شغلهم اللى هوه فى الاول وفى الاخر فى مصلحتك لان هما عايزين يهيئولك انت واخواتك العيشه الكويسه دلوقتى وفى المستقبل او ممكن يكونو مشغولين فى الدنيا وهمومها اللى ما بتخلصش وبرضو اللى اكيد لمصلحتك فى الاخر لان انت هم من همومهم عايزين يطمنو عليك ويطمنو على مستقبلك وانك هتغيش عيشه هنيه وكويسه وعلى اخواتك البنات برضو لما تخلص تعليمها ولما ربنا يسهل لها بالزوج الصالح اللى بتقى الله فيها ويعاملها بما يرضى الله على فكره فى حاجات كتيييييير جدا الاب والام مشغولين بيها وبيفكرو فيها وانت ولا على بالك ومش بتحس بده الا لما تكون اب فى المستقبل ان شاء الله .....انا عايزه اسالك سؤال انت متخيل دلوقتى لما يكون عندك اولاد ان شاء الله فى المستقبل هتحبهم اد ايه؟! وهتخاف عليهم اد ايه؟! حتى لو اضطريت فى وقت من الاوقات انك تقسى عليهم بس ده اكيد من وجهة نظرك انه من مصلحتهم....... بص باه اولا صدقنى انت لو حاولت تقرب منهم اكتر وتحبهم بجد من قلبك وتقارن حبك ليهم بحبهم هما ليك والله هتلقى فرق شاسع انت لو بتحبهم ربع حبهم ليك مكنتش عمرك قولت كده.......وياريت تكون صريح مع نفسك

من طرف Dr.hayah الخميس يوليو 23, 2009 12:30 am

انا طبعا اسفه انى طولت عليك بس فعلا والله كلامك اثر فيا بجد.... انا نسيت اقولك ان دى كلها وساوس شيطان وانت ما تديش فرصه للشيطان انه يضحك عليك....لان والعياذ بالله عقوق الوالدين ده شىء مش كويس خالص......المهم كل ما تيجى تفكر فى الحاجات ما تسيبش خيالك يسرح ويضحك عليك وكمان الاحسن انك تقوم تصليلك ركعتين بجد والله هتحس برااااااااااااااحه وكمان غيظ الشيطان بانك تقوم قايم بايس ايد ماماتك وباباك بالغيظ فى الشيطان وكفايه اوى انك هتدخل عليهم السرور ومين عارف مش يمكن تكون فاتحة خير وحاول تعرف فين المشكله مش عشان تتعقد لكن عشان تحاول تصلحها وتعالجها........وبعدين ده لو ماماتك دى عملت ايه صرخه واحده من صرخات الولاده نغفر لها اى حاجه تانيه .......وبعدين حاول تصاحب باباك ده برضو ممكن يكون حل على فكره حتى لو هوا مستواه العلمى اقل منك على فكره ده عمره ماكان مقياس........ يوووه باه بجد انا كل لما اجى اقفل فى الموضوع الاقى الكلام بيتفتح لوحده عموما انا عايزه اسمع رايك ومستنيا مشاركتك تانى وكمان عايزاك تغير هوبلس كاس دى*تفائلو بالخير تجدوه*

من طرف Hopeless Case الخميس يوليو 23, 2009 11:26 am

ماهو انا مش عارف ارد اقول ايه
كل اللى قلتيه كلام تمام و مفيش مشاكل
بس بالنسبالى ضرب من ضروب الخيال
و كلام أفلام
و على فكرة انا اصلا مش عاق بيهم
انا أساسا مش بعاملهم خالص لا حلو ولا وحش
" ماما عايز آكل " ... " بابا , عايز فلوس " ..... مفيش اكتر من كده
و ممكن يعدى عليا يومين و تلاتة مشوفهومش مع اننا بايتين ف نفس البيت
بس انا دنيتى بقت مقفولة على اصحابى و على النت
اوضتى مقفولة عليا طول اليوم
من اول مصحى لحد مخرج بالليل نت
و من أول مرجع لحد منام تانى نت
هم أصلا بره اهتماماتى

و انا مش فرحان بكده
بس انا لما حاولت اقرب اتخنقت بسرعة
فيه فجوة عملاقة ف الأجيال
كل حاجة بفكر فيها تبقى تافهة و سطحية
أى انجاز بعمله و احاول افرح بيه سواء على مستوى دراستى او هواياتى يبقى شغل عيال
أى قعدة مع اصحابى تبقى قعدة صيع
أى بنت بكلمها ف التليفون يبقى أكيييييييييييد مرتبط بيها

فاهمة انا بتكلم على ايه ؟
ده تفكيرهم فيا
و انا لما قربت بدأت احتك بالأفكار دى
و بدأ يجيلى إحباط ف حاجات كتير
ده غير انه بدأ يسبب مشاكل و خناقات بسبب انى عنيد

ف برجع تانى اقول خلينى بعيد احسن و اريح
لأنى بصراحة مش من هواة الخناقات و بجد مش فاضيلها
انا ف دراستى ببقى مطحون
و ف أجازتى مبحاولش أضيع ثانية واحدة من غير مستمتع بيها

....................................

أما بقى الكلام بتاع ان مليش غيرهم و كده
كلام مش عملى
كلام عاطفى

من طرف Dr.hayah الأربعاء يوليو 29, 2009 1:45 pm

لا حول ولاقوة الا بالله..... والله انا كان نفسى اساعدك بس المشكله انك مش عايز تساعدنى او بمعنى اصح انك مش عايز تساعد نفسك ....على فكره اكيد فى مشكله معينه هيا الى عامله الفجوه دى وانت اكيد عارفها بس بتحاول تنكرها او تتجاهلهاو تضحك على نفسك وتسيب نفسك للوساوس دى .......على فكره الهروب عمروه ما كان حل بل العكس ده بيزود المشكله اكتر ........طب بص عشان اقدر اساعدك*وانا والله نفسى اساعدك*لازم توضحلى فين المشكله بالظبط يعنى ايه السبب من وجهة نظرك اصل مش معقول المشكله دى جت من فراغ اكيد فى سبب وانت لازم تساعدنى وتقولى عليه طبعا الا اذا كنت مش عايز دى حاجه ترجعلك انا كان قصدى مجرد محاوله علشان نلاقى حل*ولازم تلاقى حل*

من طرف Dr.hayah الأربعاء يوليو 29, 2009 2:55 pm

وبعدين اسمحلى اعلق على بعض الجمل اللى انت قولتها ودايقتنى جدا منها مثلا* انا بقى بكره أهلى* لا والعجيب انك بتطلب من اننا عدم الاستغراب*متستغربوش*لا طبعا هستغرب جدااااااا لان ما فيش حد بيكره اهله مش لان ده ماينفعش ولكن انك انت نفسك مش هتقدر واكيد دى جمله مبالغ فيها جدا...ممكن الواحد بيمر بشوية مشاكل مع شخص معين بس عمره ما يقدر يكره حتى لوعمل ايه
*و بستغل كل الفرص عشان ابعد عنهم*لا طبعا الكلام ده مش صحيح بدليل انك لسه عايش معاهم فى نفس البيت وماتقدرش تستغنى عنهم بدليل" ماما عايز آكل " ... " بابا , عايز فلوس " لا واكتر كمان بس انت اللى مش عايز تقتنع*انا ليا أختين بنات
برضه بكرههم
بحس انهم مفروضين عليا
أصحابى انا اللى بختارهم
لكن دول مفروضين عليا*انت عايز تفهمنى ان اخواتك البنات دول انت تقدر تستغنى عنهم؟؟؟!!! لا بيتهيئلك وهتحس بده اكتر لما تتجوز وتبعد عنهم صدقنى هتشتاقلهم اكتر بكتييييييييير من صحابك دول حتى لو كانو كويسين بس مهما كان الاخ والاخت عمره مايتعوض...طب وهما كمان بيكرهوك كده؟؟!! اكيد طبعا لا وحتى لو كانو بيظهرو كده.........
*هم أصلا بره اهتماماتى*ياسلااااااااااااام انت عايز تفهمنى انك لو صحيت باليل على صوت حد بيتألم وبعدين الصوت عمال بيزيد طبعا انت طبيعى قومت خرجت تشوف مين ؟! لقيت ماماتك بتتألم ....عايز تفهمنى انك هتتجاهلها وهنخش تكمل نووم؟؟اتحدااااااااااااااااااااااااك لو ما روحتش جرى عليها وقولتلها(..مالك يا ماما....... انتى حاسه بايه...اوديكى مستشفى....ولاااا لالا انا هجبلك دكتور هنا .....)وكمان كلامك مش هيكون واضح لانه مخنوق بالعيااااط وانت فورا هتنزل جرى تشوف الدكتور حتى هتنسى تصحى اخواتك او والدك وتروح لدكتور واتنين وتلاته وتبقى مدايق جدا من الدكتور اللى هيقولك *انا متاسف والله انا مش هقدر اجى معاك...*المهم هتجيب الدكتور .......ويمكن كمان تلاقيك نازل بالبجامه وسورى شبشب فرده وفرده........والدكتور يكشف على ماماتك ويقولك.........(اتفضل الروجته اهيه بس معلش هوا الدوا غالى شويه)....انت طبعا هتبذل اقصى ما فى جهدك عشان تجيبلها الدوا ده.........صح ولا غلط؟؟؟؟ طب ولو قولتلك ان دواها.......... فى ابتسامه منك وايد منك تترفع وتتطبطب علييها...كلمة صباح الخير يا ماما كل يوم الصبح وكلمة ازيك يا ماما حضرتك عايزه منى حاجه طب بعد ازنك انا خارج انا واصحابى شويه عايزه منى حاجه......؟؟؟؟.......صدقنى مش هتلاقيها الا و ايديها بتترفع وبتدعيلك.........

من طرف Dr.hayah الأربعاء يوليو 29, 2009 3:06 pm

*أى بنت بكلمها ف التليفون يبقى أكيييييييييييد مرتبط بيها*ده بقى موضوع تانى خااااااااااااااااااالص عايزله قاعده لوحده.........المهم دلوقتى هستنى رايك ومشاركتك وردك على كل الكلام والاسئله دى........يا متفااااااااااااااااااااااااااااااااااااااااااااااااااااااااااااااااااااائل عايزاك برضو تغير اسمك لان التفائل بدايه كويسه......اسفه طبعا انى بطول عليكى بس لازم نلاقى حل للمشكله دى وانت لازم تساعدنى.......

من طرف Hopeless Case الأربعاء يوليو 29, 2009 3:37 pm

بصى
هو الموضوع موضوع عموما يعنى
مش ف موقف معين
انا من زمان و انا كده
مش مسألة موقف واحد و خلاص
و ان كنت بعمل حاجة من اللى بتقوليها بتاع الدكتور او الروجتة او اى اى حاجة من دى
مش بعملها عشان دى امى او ده ابويا و كده
بعملها عشان ده فرض عليا
لأنى لو معملتش كده هبقى غلطان
لكن موضوع القلق و كده مبيحصلش

و بصى
دى عيادة نفسية
تمام ؟
و اول خطوة ف العلاج النفسى ان الواحد يعترف بانه هو اللى مريض و ان العيب فيه
و انا معترف بكده مفيش مشاكل
أكيد العيب فيا لأن مش كل الناس بتكره أهلها لمجرد انهم مفروضين عليهم

بس فعلا انا حالتى ميئوس منها
انا اللى مصبرنى انى اخلص كليتى ف سنتين تلاتة و اسافر ف اى حتة اشتغل

هتقولى كتير مش هتحس بقيمتهم غير لما تبعد عنهم
عموما لما ابعد هبقى اعرف
لكن حاليا عمرى مهحس بأى تغير من ناحيتهم
مع ان الناس دى بتعمل اى حاجة عشان ترضينى
بس موضوع الحب و الكره ده بتاع ربنا
مش بقبل منهم أى حاجة حلوة أو وحشة

أما بالنسبة لحكاية الاسم
فهو مش كده عشان الموضوع ده
ده كده عشان موضوع تانى

أنا اصلا حياتى كلها سلسلة من الكوارث
و واضح فعلا انى مريض نفسى بجد

من طرف RIKA الخميس يوليو 30, 2009 1:27 pm

انا اول مره اشوف موضوعك دا بس بصراحه صعقت جدا
معلش متزعلش من كلامى
انت فعلا مبالغ جدا
اكيد فى حاجه كبيره بس انت مش عاوز تعترف بيها
بس انا هفترض ان زى ما انت بتقول ان مفيش حاجه معينه هى اللى عامله فيك كدا
بس لو سمحت اسمع كلامى و افهمه من غير الافكار اللى فى دماغك دى خالص
انت بتقول انت بتكره طريقه تفكيرهم
اكيد دا لانهم مش بيفهموك او مش بيفكروا زيك
و انت نفسك قلت ان فى فرق فى الاجيال و الجيل فعلا اختلف
انت ازاى عاوز مامتك و باباك اللى من جيل تانى خالص يفكروا زى ما انت بتفكر
دا مستحيل
و هم طبعا ميقدروش يقربوا من مستوى تفكيرك لان هم ماعشوش فى الزمن اللى انت عايش فيه دا هم عاشوا فى زمن تانى خالص لما كانوا فى سنك
طب متحاول انت تقرب منهم
انت دلوقتى عايش معاهم 18 سنه يعنى اكيد عارف هم بيفكروا ازاى وبيحبوا ايه
حاول بس تعمل اللى هم بيحبوه وبيهتموا بيه حاول تقرب من فكرهم وتعامل بيه معاهم بس مش مع كل الناس
انا عارفه ان دا صعب بس النت بتعمل محاوله لكسب نفسك

تانى حاجهانت بتقول هم مش بيهتموا بانجزاتك فى دراستك او فى هوايتك
طب يعنى انت منتظر منهم ايه وسط ضغوط الحياه دى كلها والمصاريف اللى هم مطالبين بيها و انشغالهم بمستقبلكم انتم وبس
هم يعنى اخرهم انهم يقولولك مبروك ويفرحوا معاك شويه

انت كمان بتقول انك مثلا لو مع اصحابك يبقى بتصيع
طب لو انت اب او ام وبتشوف منظر الشباب اليومين دول واحوالهم مش هتخاف على اولادك من اصحابهم وانت شاب وعارف اكتر منى ان الشباب بيبوظ بعضه
كام شاب فى كليتنا مبيشربش سجاير ويارتها واقفه على السجاير وبس
شفت بقى
هم خايفين عليك معلش اعزرهم

بتقول ان اى بنت بتكلمها يبقى مرتبطين
طيب هم من جيل تانى و احنا فى مجتمع شرقى
بس انت بردوو متاكد ان انت مبتعملش حاجه غلط
بس هم شايفين دا غلط
خلاص ريحهم
متكترش من مكالمتك امامهم
و مبقولش اعمل حاجه من وراهم يعنى يكونوا عارفين بس مش لدرجه توصل لشكهم

ياريت تسمع كلامى و تستفيد منه
ومتزعلش منى لى دايقتك

من طرف RIKA الخميس يوليو 30, 2009 1:34 pm

انا نسيت اتكلم على اخواتك البنات
انت حاسس انهم مفروضين عليك
بس انت عارف هم بيحسوا ايه فيك
انت مصدر امانهم
بجد
دا حقيقى
ابنت بتحس الامان فى اخوها اكتر حتى من ابوها
لانه هو اللى باقى لها بعد عمر طويل لباباها
و كان هو قريب منها اكتر
و اقرب لها من زوجها ان شاء الله
زوجها ممكن تنفصل عنه لكن اخوها مش ممكن ابدا
شفت هم بيحبوك ازاى
حاول انت تقرب منهم بس
شويه صغيرين
اقعد معاهم كل يوم ولو ساعه واحده
شاركهم اللى بيحبوه
هيكونوا متضايقين فى الاول لانهم مش واخدين عليك
بس بعد كدا هيحبوك صدقنى

من طرف Hopeless Case الخميس يوليو 30, 2009 1:41 pm

صدقينى المشكلة مش ف انهم يحبونى
بالعكس
انا محبوب جدا ف أسرتى و ف عيلتى

المشكلة فيا انا
انا اللى مش عارف احبهم
يمكن يكون اللى انا بحكيه ده كل شاب بيتعرض ليه
لكن انا مش بعرف استحمل
مش بعرف انافق
مش بعرف امشى بسياسة ( مشى حالك ) و كده

و من أكتر المشاكل
انى من حقى لما اشوغ تصرف يضايقنى من ابويا ... انى اروح اقولله
و اكلمه بينى و بينه
لكن هو بيعتبنى بتريق عليه
و الموضوع يتقلب لمشكلة كبير
هو عصبى و انا عنيد

و الموقف ده دايما بيحصل

لدرجة انى متخانق مع والدى بقالى 10 ايام
مش بنكلم بعض
مع ان فرح اختى بعد بكره
بس برضه انا و هو مش بنكلم بعض
ولا بناكل مع بعض حتى
بسبب انى عاتبته على موقف هو عمله

دايما على كده
و مشاكل كتير كل لما احاول اقرب
ممكن الناس تستحملها او تعديها
لكن انا مبستحملش

و ده بيخلينى ابعد اكتر و ارتاح طول منا بعيد

معلش بقى انا برغى كتير
و بفتح ف حاجات كتير

بس دى عيادة نفسية بقى
من حقى اقول كل اللى ييجى على بالى

من طرف RIKA الخميس يوليو 30, 2009 6:02 pm

طب انا بجد مش فاهمه
لما هما بيحبوك و انت عارف كدا
و انت وحيد مامتك و باباك واخواتك البنات
يعنى ملهمش غيرك
ليه انت مش قادر تحبهم
هو انت اساسا مبتعرفش تحب حد
بس انت قلت ان لك اصحاب مرتبط بيهم و بتتحمل الغلط منهم كمان
طب ليه اهلك مبتقبلش الغلط منهم زى اصحابك
صدقنى مفيش حد متفق مع اهله تماما
بس فى تقارب لحد كبير مش زيك كدا
ودا مش نفاق خالص
انت لما تعمل اللى اهلك بيحبوه حتى لو انت مبتحبوش
دا يعتبر بر ليهم لانك بتيجى على نفسك علشانهم
و مادمت بتيجى على نفسك مع اصحابك تقدر تيجى على نفسك مع اهلك
بس انت اللى مش عاوز
بس انت متقدرش تبعد عنهم حتى لو فاكر ان باقيلك سنتين تلاته وتخلص وتسافر
بردوو مش هتقدر تبعد
دول حياتك
يعنى ماضيك كله معاهم
طفولتك و شبابك معاهم
اديهم فرصه
حاول00000 حاول تحبهم

من طرف Dr.hayah الجمعة يوليو 31, 2009 8:46 pm

بأه كده يعنى حضرتك محبوب فى اهلك وفى عيلتك وكمان بين اخواتك البنات والناس دى(زى ماحضرتك بتقول)بتحاول ترضيك يعنى بيتمنولك الرضى ترضى وحضرتك اللى معصلج دماغك لا ومش عاجبك......وكمان مخاصم باباك حلو اوى...........لالا وكمان فرح اختك كان بعد بكره وحضرتك قاعد على النت وسايب الدنيا تضرب تقلب وحضرتك ولا على بالك.............قوم ياحضرت كلم اختك وقولها عامله ايه ناقصك حاجه ؟؟انتى بجد هتوحشينى خاااااااااااالص.......وقوم قول بابا حضرتك عايزنى فى حاجه يعنى ناقص حاجه طب عربية الفرح جاهزه طب.....اى كلام والسلام المهم تكلمه .......وبعدين مافيش حاجه اسمها مخاصم بابا يا استاذ قصدى يا بشمهندس.........ده لو واحد صاحبك هتقوم تكلمه وتقول اصله كان مشغول اصله كان متنرفز اصله مش قصده لكن بابا ازاى يغلط فيا ولا يتنرفز ويتعصب عليا؟؟؟؟!!!!!!! وبعدين انا اروح اكلمه ليه واعتذر له ليه ؟؟!!! هوا انا غلط فيه ولا انا.....كويييييييس خاااااااااااااالص يا بشمهندس يا كبير يا مثقف يا متعلم ياللى عارف ربنا........قوم قول لاختك الف مبروووووووووووووووووووووك وهاتلها هديه حلوه ...وخليك واقف جنب باباك اكيد هيعوزك......يلا مش عايزين نشوفك الا بعد الفرح ربنا يتمم بخير وعقبالك وتلاقى اختك دى وافغه جنبك كده وفرحانالك وعمال تزغرطلك ورايحه جايه وبتعمل اللى تقدر عليه والللا ماتقدرش عليه..............بعد الفرح ان شاء الله هقولك على حاجات اسشفيتها من كلامك ونحاول نلاقى حل........

من طرف RIKA السبت أغسطس 01, 2009 7:25 pm

ها قولى يلا عملتوا ايه فى الفرح
انت عملت ايه
ياريت تكون سمعت كلام دكتور حياه وساعدت والدك وفرحت اختك ووقفت جنبها فى اليوم دا
و ياريت متكنش نرفزتهم و دايقتهم
يلا ربنا يسعدها ويفرحكوا و يقرب بنكم
يلا روح بارك لاختك وعريسها و ادعلهم
هه ادعلهم من قلبك

من طرف Hopeless Case الأحد أغسطس 09, 2009 3:01 pm

انا رحت قبل الفرح بيومين اتكلمت مع ابويا عادى
مع انى مش مقتنع باللى انا عملته ده يعنى
و عادى الفرح كان كويس و انا و جوز اختى اصحاب اصلا و الموضوع ماشى يعنى
و بقيت احاول اريح دماغى من الخناقات و المشاكل و اخدهم على أد عقلهم
و واضح ان ده مريحهم جدا

من طرف **princess of the moon** الإثنين أغسطس 10, 2009 10:18 am

يااااااااااه فعلا الحكايه عامله زي فلم بيتكر كل وم في كل بيت
وانا اول مره اخد بالي من الموضوع
واحب ابارك لهوبليس كاس علي زواج اخته ولدكتورهحياة بقلها
علي فكره انتي كلامك جميل ومقنع وهتبقي نصره للطب البيطري لو اتخصصتي علم نفس وتبقي سيكك هايله

احب انصح دكتور الميؤس منه انه بجد ز ما عمل كدا يحاول ريح اهله عشان يمكن مع الوقت يحس هو براحه
واحساساك بكرهك ليهم دا اكيد موش جاي كدا اكيد زي ما انت ممكن تكون غلطان
هم كمان اهلك اكيد فيه محاجه غلط ويا جماعه سعات الاهل هم يبقوا السبب في ان ابناءهم يبقوا عاقين بيهم او يكونوا كارهينهم او كارهين افعالهم وبيتسببوا بتربيتهم الغلط في انهم يخلوا ابناءهم قنبله موقوته تنفجر فيهم وللاسف محدش بيحس بدا الا بعد فوات الاوان وبعد ما نبق خلاص محتاجين دكتور نفسي فياريت يا دكتور
تديهم فرصه وتدي نفسك فرصه انك تحبهم دور علي سبب الكره وغيره حوله لحالة حب او رضي باللي انت فيه
وان ماقدرتش يبقي لازم تحط في دماغك ان رضاء اهلك واجب عليك وان قطع الارحام دا شئ ممكن يحجب عنك دخول الجنه وهي امام عنيك واعمل دا وهو مفروض عليك وانك حاسس انه واجب من ربنا وشويه بشويه هتلاقيها بقت عاده ما تقدرش تسيبها وهتلاقي العاده والواجب اتحولوا لحب وتضحيه
وعلي فكره الموضوع موش هيكون سهل زي الصلاه بالزبط لان اللي هتعمله هو الصح والشيطان علي قد ما تقدرهيحاول يفكرك بكرهك دا كل ما تحاول تعمل حاجه صح او ترضيهوترضي ربنا بيها فحاول تكون اقوي منه واستعن بالصبر والصلاه والقران والقرب من الله

لعل كلامي دا يكون حافزليك وفعلا انا حاسه انك عايز تعمل الصح لانك لوموش عايز تعمله ما كنتش فضفضت ولا قلت عايز حل وبداية الحل الاعتراف بالغلط

اما بالنسبه لحكايه مريض نفسي دي انا بقلك لو حاسس فعلا انك مخنوق وان الفضفضه علي المنتدي موش كافيه وهي اكيد موش كافيه
حاول تفضفض لحد يقدر يساعدك فعلا زي حد قريبك يكون كبير وفاهمالحياه وهفيدك من خبرته
او طبيب نفسي

يا رب يهدينا ويهديك يا رب

من طرف Hopeless Case الإثنين أغسطس 10, 2009 2:56 pm

كلام تمام و جميل جدا
و هو ده اللى بدأت اعمله فعلا من فترة لمجرد انى اريح دماغى
و واضح انه جايب نتيجة جامدة جدا
لأنى بقيت تقريبا منافق
أى حاجة بتتعمل غلط او صح مبقتش اناقش فيها
اى كلام بيقولوه مهما كان مش مقنع بيبقى برضه كلام صح و عين العقل
كده يعنى

و على فكرة انا مش دكتور هوبليس كيس
أنا بشمهندس

من طرف Dr.hayah الأربعاء أغسطس 12, 2009 10:32 pm

السلام عليكمورحمة الله وبركاته

اولا شكرا يا برنسس على الكلام الجميل ده وبعدين حلوه أوى *نصره للطب البيطرى*دى

ولا*سيكك هايله* دى انتى بتشتغلى فى السكه الحديد ولا ايه؟!!هههههههه

ثانيا بأه وده الأهم موضوع الباشمهندس متفائل ده الى مش عايز يخلص

هوا انت حد موصيك عليا تنرفزنى يعنى ولا ايه؟؟؟

تانى لا وعاشر بتقول الفاظ تغيظ

احنا بأه هنقضيها تعليق على الالفاظ والجمل ولا ايه ؟؟؟اوووووك

*و بقيت احاول اريح دماغى من الخناقات و المشاكل و اخدهم على أد عقلهم*

على أد عقلهم؟؟!! يا عيييينى.......

سورى يا عنى ده انت لو عايش مع ناس مجانين مش هتقول كده........

بص سيبك من الالفاظ اصلها كتيره بصراحه.......

خلينا فى الموضوع الاساسى انت فى عياده نفسيه مش كده؟؟؟

وحضرتك قبل كده قولت ان اول خطوه فى العلاج النفسى هيا الاعتراف

*و اول خطوة ف العلاج النفسى ان الواحد يعترف بانه هو اللى مريض و ان العيب فيه
و انا معترف بكده مفيش مشاكل
أكيد العيب فيا لأن مش كل الناس بتكره أهلها لمجرد انهم مفروضين عليهم*

كويس خالص

انا بأه بقولك ان تانى خطوه هيا الرغبه فى العلاج....ودى أهم خطوه.........

واسمحلى يا بشمهندس اقولك انت عامل زى اللى نفسه فى البيعه وبيقول يفتح الله.........

فهو الظاهر انك واخدها عند او عدم اقتناع او انت خلاص سستمت نفسك على كده او اهو موضوع بتشغل

نفسك بيه ومعيش نفسك فى أوهااااااااااااااااااااااااااااااااااااااام وخلاص..........

وبعدين على فكره انت اصلا مش قادر تستغنى عنهم وكمان بتتلكك عشان تكلمهم واوعى تقنع نفسك بأنك يا

عينى غاصب على نفسك عشان تكلمهم ..........

وهما مبسوطين بالوضع ده وكفايه عليهم كده لا يا بشمهندس

ان كانو هم فرحانين ومبسوطين فانت طاير من الفرحه ان الفجوه اللى انت قولت عليها بتضيق وكمان بدأت

تعيش فى جو أسرى لحد ما كويس ........

وعلى فكره مش كل الكلام اللى انت مش مقتنع بيه يبقى غلط.....

انت كنت الاول بتقول ان كلامى كلام افلام احب اوضح لحضرتك ان الظاهر انك انت اللى عايش او معيش

نفسك فى الافلام.........سيبك بأه من احساس المظلوم او اللى مش لاقى نفسه او مش لاقى حد يفهمه

ده.........

انا قولتلك من الاول ان الصراحه هى اهم عنصر

فاياريت تواجه نفسك بصراحه وتقتل الاوهام دى ..........

أخيرا انا عايزه اقولك انا مش بعرف انافق .....

ولو كنت دايقتك او غلط فيك او دخلت فيك شمال فده طبعا انا عارفه انه مش من حقى بس لازم تعرف ان ده

كله عشان مصلحتك .........

وبعدين انا الدكتور ولازم تسمع كلامى...ههههههههه ........صح؟؟؟

ان شاء الله هبقى انزل موضوع عن بر الوالدين وعموما لحد ما انزله ياريت تسمع بر الوالدين للشيخ محمد

العريفى..........وياريت لو انت سبقتنى ونزلت الحلقه فده هيبقى دليل على الرغبه منك فى العلاج التوصل

لحل ....... ودى هتبقى اول خطوه ايجابيه..........

وافتكر ان العياده مفتوحه 24 ساعه و خلى بالك انك لحد دلوقتى ما دفعتش الكشف.......

من طرف **dr:sniper** الأربعاء أغسطس 12, 2009 10:47 pm

على فكرة يا دكتورة انا هحاسبك اخر الشهر

هتدفعى ضرايب طبعا

عندنا الضرايب ف المنتدى 90 % من الكشف

من طرف Hopeless Case الخميس أغسطس 13, 2009 1:49 am

واضح انى بتدبس ف فلوس
انا كنت فاكرها ببلاش
لو اعرف انى هدفع مكنتش دخلت على فكرة

عموما انا زبون عندكو
لسة عندى بلاوى كتير
هبقى احاسبكوا بالسنة

من طرف Dr.hayah الأربعاء سبتمبر 02, 2009 1:08 am

لا انت من ناحية بتدبس

فا انت بتدبس ونص كمان

يلا اعمل حركة جدعنه كده واعزمنا كلنا على الفطار.....ولا انت كمان بخيل؟؟!!

وبعدين انت يعنى طنشت كده وما علقتش على الكلام بتاعى.....

انت اظاهر كده فعلا زعلت يا باشمهندس...........

عموما انت اللى طلبت النصيحه وانا قولتلك انى مش بعرف انافق وكمان الكلام ده كله بجد والله كان عشان مصلحتك

بس بدام انت هتزعل كده خلااااااااااااااااااااااااااااااااااااااااااااااااااااااااااااااااص أنا بطلت وقفلت العياده وقعدت فى بيتنا

كمان بس اتفضل بأه يا باشمهندس شوفلى شغل............

وأخيرا أنا متأسفه جدا جدا لو كنت فعلا دايقتك............

من طرف Hopeless Case الأربعاء سبتمبر 02, 2009 4:50 pm

لا طبعا انا قلت 100 مرة انى مزعلتش والله
بس المشكلة خلاص اتحلت
و انا قلت انى بدأت اريح كل الزباين عشان اريح دماغى
و بعامل كل واحد زى ماهو عايز و خلاص
مقضيها تثبيت و نفاق

بس يعنى المشكلة محلولة بقالها فترة

من طرف Dr.hayah الخميس سبتمبر 03, 2009 3:55 pm

طب الحمد لله......