صداقة بين شاب و فتاة

من طرف **marmer** الجمعة يناير 30, 2009 12:52 am

بسم الله الرحمن الرحيم
السلام عليكم ورحمة الله وبركاته[/u]
لازم تشاركنا
وقول رأيك

[u]ما رأيك في الصداقة بين الشاب والفتاة؟

عبر عن رأيك بكل صراحة
وياريت يكون بأدلة وبراهين
وتشارك في الاستفتاء
اوعي تنسي التصويت

المهم اني اريد معرفة رأيكم بكل صراحة
علشان كلنا نستفيد

ايه رأيك في علاقة الصداقة ؟ وايه حدودها؟
طيب
هي أفضل ولا علاقة الزمالة؟
واي صورة من صور الزمالة تقصدها؟
وايه برده حدودها؟
ولا انت بترفض اصلا فكرة اي صداقة او زمالة بين الشاب والفتاة
الا في حالة الضرورة القصوي القصوي القصوي ؟
ولا انت بترفضها تماما ومفيش حاجة اسمها ضرورة قصوي
طيب
ايه رأيك في صداقات الشات؟
او حتي كلام الشات ؟
طيب
بالنسبة للكلام في المنتديات......... ايه رأيك فيه ؟

عبر بكل صدق وصراحة
و جاوب علي كل الاسئلة
الاسئلة كلها اجبارية
مفيش اختياري
والاجابات تكون مقالي
أو
ع الاقل خالص تكون short note
ومفيش MCQ

عبر عن رأيك وقول كل اللي في نفسك
لازم
كلنا نفيد ونستفيد

واللي مش هيجاوب ... هو .......حر

من طرف **marmer** الأحد فبراير 01, 2009 12:00 am

دي كانت ورقة الاسئلة الاولي
ومحدش جاوب
كده هتضطروا تشيلوا الاسئلة تاني
وما علينا
انا دلوقتي لازم انزل بورقة الاسئلة الثانية
وابقوا جاوبوا الاتنين مع بعض
وهتاخدوا زمن اكبر للاجابة

المهم ندخل في الجد شوية

بالنسبة للولد كنت عايزة اعرف رأيك بصراحة
ايه رأيك في البنت اللي تكلم ولد ع الشات ؟
طيب ايه الطريقة اللي ممكن يتكلموا بيها ؟
طيب ايه موقفك لما تعرف ان اختك او خطيبتك =زوجتك المستقبلية كانت بتكلم ولد ع الشات
مش هقول اولاد احنا مش فاتحينها نادي ؟
ممكن نقول ولد او 2 او 3 بالكتير مثلا ؟
طيب هتختلف البنت اللي بتكلم ولد عن اللي بتكلم مجموعة اولاد بالنسبة للشات ؟
موقفك مع اختك هيكون نفسه مع خطيبتك ؟ علل ؟
ولا المفروض البنت لو ولدا كلمها من ع الشات ماتردش تحت اي ظرف ؟
حتي لو كان بيتكلم بأدب ؟

الاجابات لازم تكون صريحة علشان كلنا نستفيد
دي كانت اسئلة للاولاد
وبكررها للبنات
لو شوفتي او عرفتي عن بنت ما تعرفيش حاجة عن اخلاقها
او ع الاقل بتسمعي ان اخلاقها كويسة
وعملت اللي انا ذكرته
ايه هيكون انطباعك عنها ؟ ورأيك فيها ؟

******* انتهت الورقة الثانية *********

من طرف angle of mercifulness الأحد فبراير 01, 2009 12:02 pm

انا هقول رايي وخلاص
الصداقه بين الولد والبنت ارفضها
بس في زماله في حدود المصالح المتبادله
والدين موضح كل حاجه
اما بالنسبه للشاتنج
هو غلط وحرام كمان
بس دي فتنه زيها زي التلفزيون والدش والاختلاط في الاماكن العامه كلها فتن طرأت علينا
وربنا يستر بقي علينا

من طرف sandrilla الأحد فبراير 01, 2009 12:29 pm

ياحبيتي الموضوع مش محتاج الاسئلة دي كلها
ياااااااه كتير اوي
هو ببساطه الدين وضح كل حاجه
انا ارفض كلمة صداقه بين ولد وبنت
لان مافيش صداقه بينهم شئ طبيعي انها هتاخد محور تاني
لكن زي ماقلنا ممكن تكون زماله علي قدر الحاجه الي ذلك يعني لاهزار ولا صحك يعني علي قدر الحاجه
لكن الشات حراااااااااااااااااااااااااام
ده رأيي ببساطه
تسلمي علي الموضوع الرائع

من طرف **RaNdY OrTeN** الأحد فبراير 01, 2009 6:06 pm

والله الدين مبين كل حاجة
وطبعا كلنا عارفين ان لكل حاجة حدود ولو كل بنت و ولد احترمو الحدود دي كل حاجة ومنها الصداقة هتبقا حاجة حلوة
دي اجابة صفحة الأسئلة الأولى

اما اجابة الصفحة التانية
هي الأسئلة صعبة ان اي واحد يجاوبها
بالنسبة لكلام النت
انا طبعا قلت ان لكل حاجة لها حدود
وياريت ما تزعليش لأن والله الأسئلة صعبة ان اي واحد يجاوبها
اصل لما الواحد يرفض الناس يقولو علي دة قفل و متشدد
واما الواحد يوافق لا دة مش راجل
بس لما اعرف ان لما خطيبتي كانت بتكلم واحد على النت طبعا هيبقا فيها كلام تاني
لذالك الواحد لازم يكون عارف البنت الي ناوي يجوزها قبل الجواز بسنين ومن هنا ممكن اشجع الحب pale

من طرف vet_nwara الأحد فبراير 01, 2009 11:08 pm

marmer كتب:
بسم الله الرحمن الرحيم
السلام عليكم ورحمة الله وبركاته[/u]
لازم تشاركنا
وقول رأيك

[u]ما رأيك في الصداقة بين الشاب والفتاة؟
طبعا حاجة أولا حرام ثانيا عيب
عبر عن رأيك بكل صراحة
وياريت يكون بأدلة وبراهين
وتشارك في الاستفتاء
اوعي تنسي التصويت

المهم اني اريد معرفة رأيكم بكل صراحة
علشان كلنا نستفيد

ايه رأيك في علاقة الصداقة ؟ وايه حدودها؟
الصداقة بين ولد وبين ؟ طبعا حاجة غلط 200% والمفروض متبدأش عشان يكون لها حدود أصلاطيب
هي أفضل ولا علاقة الزمالة؟
الزمالةواي صورة من صور الزمالة تقصدها؟

بصي يا مرمر أنا مكنتش مقتنعة إنها تفرق كتير عن الزمالة

بس السنة دي أعرف واحدة دخلت كلية غير كليتنا وإشتركت في منتدى للكلية دي وطلع إن للمنتدى أسرة في الكلية إشتركت فيها وبعدين بقت مشرفة في المنتدى وبقى لها دور جامد في الأسرة لأنها جديدة بقوا يدخلوا كونفرنس على الياهو من غير ما حد من الشباب يضيف إميلها طبعا

وبقىة فيه إجتماعات للأسرة وحاجات كتير مفيدة بيعملوها مع بعض بكل إحترام وأدب ساعتها بس عرفت إن ممكن يكون فيه حاجة إسمها زمالة بس بحدود طبعا يعني طبعا مفيش إميلا متبادلة ولا أرقام تليفونات ولا وقفات في الكلية في غير مقر الأسرة
وايه برده حدودها؟
ولا انت بترفض اصلا فكرة اي صداقة او زمالة بين الشاب والفتاة
الا في حالة الضرورة القصوي القصوي القصوي ؟

ولا انت بترفضها تماما ومفيش حاجة اسمها ضرورة قصوي
القصوى القصوى زي ما وضحت لك فوق
طيب
ايه رأيك في صداقات الشات؟

متفرقش كتير عن غيرها من الصداقات أكيد حرام وعيب والله أعلم
او حتي كلام الشات ؟

أكيد بيؤدي إلى صداقة يبقى قلته أحسن ثم إن البات خلاص إنقرضوا يعني عشان نشيت مع شباب يا سبحان الله
طيببالنسبة للكلام في المنتديات......... ايه رأيك فيه ؟

اهو دا بقى مش عارفة أنا بتكلم عادي في المنتديات بس تعرفي بحس إنه بيدي شعور الأخوة الحقيقي ومش ممكن يتعدى عن كدا إلا في النادرعبر بكل صدق وصراحة
و جاوب علي كل الاسئلة
الاسئلة كلها اجبارية
مفيش اختياري
والاجابات تكون مقالي
أو
ع الاقل خالص تكون short note
ومفيش MCQ

فكرتينا بالذي مضى وقلبتي المواجع الله يسامحك
عبر عن رأيك وقول كل اللي في نفسك
لازم
كلنا نفيد ونستفيد

واللي مش هيجاوب ... هو .......حر

بجد ربنا يكرمك موضوع هام جداشكرا لك

من طرف vet_nwara الأحد فبراير 01, 2009 11:21 pm

والله إنتي عسل يا مرمر

بالنسبة للورقة التانية ( مش بقولك بتقلبي علينا المواجع )

البنت دي ؟؟؟ إممممممممم هو سؤال صعب لو أنا عارفاها وعافة أخلاقها وعارفة إنها كويسة هدعي ربنا يهديها وحاول أنصحها وهيكون رأيي إنها هبلة شوية أو متسيبة

لو مش عارفاها برده غالبا هيكون نفس الراي يعني بلاش ظن السؤء وتحياتي يا قمر

من طرف **Dr. Ju MaNjI** الإثنين فبراير 02, 2009 6:49 am

الوسطيه
كلمه جميله بس نحطها قدام عنينا شويه كدا
هنستريح
خد فى أمور مقياس نفسك
لو انت بتدارى من الناس فى حاجه بتعملها
أعرف انك غلط
ولو بتعملها قدام الناس وبقلب جرئ
أعرف انك صح
وفى أمور مشتبهات ساعتها حاذر منها خد المفيد وسيب الاذى
العلاقه بين الولاد والبنات طبعا مرفوضه لاطلاق العلاقه
انما فى العمل ممكن تفيد ولكن بحذر
أما بالنسبه للشات
أنا أعتقد انه أمره أسهل من العلاقه الحيه
لانه يعتبر حاجز بين الاتنيين اللى بيتكلموا
ومن ناحيه الصداقه معتقدش تنفع
والله أعلم

من طرف dr fatafeet الإثنين فبراير 02, 2009 1:04 pm

[center] [color=blue][/colo r][b

الحرام بين والحلال بين وكل تصرف الانسان بيتصرفه بيبقي عارف انه صح او غلط ومش شرط كل حاجه نعملها قدام الناس تكون صح مش مقياس لانه ممكن يكون فيه ناس نسوا ان في حاجه اسمها حياء ودا اظنه ان ما اكثره في الزمن ده بس انا لي راي في موضوع الصداقه بين الولد والبنت انا مقدرش اقول اني برفضه رفض مطلق اصل الصداقه دي كلمه كبيره قوي وليها قواعد واصول واساسيات سواء كانت بين ولد وولد او بنت وبنت او ولد وبنت يعني ممكن يكون الصداقه بين ولد وبنت وتكون صداقه جامده جدا وتستمر لحد اخر يوم في عمرهم .الصداقه عموما عامله زي البذره لما تتزرع مش مهم مين اللي زرعها ولامين اللي رواها المهم هي اتزرعت صح ولا لأ واتروت بايه ومتنسوش النيه اللي اتزرعت بيها لان الاعمال بالنيات ساعتها هتكبر وجذورها تتثبت في الارض اكتر واكتر وثمارها تبقي طيبه .ومش شرط ان الصداقه تتحول احتمال واحتمال يعني في الاخر ان الحكايه امر نسبي بتختلف علي حسب الافراد والظروف وحاجات كتيره قوي عشان كده مقدرش ارفضها رفض مطلق وعلي فكره الحكايه في ايد البنت بنسبه كبيره كل واحده تقدر تخلي اي حد يعاملها باحترام ويبقي عارف ايه الحدود المسموح بيها معاهاحتي لو كانوا اعز الاصدقاء كمان .وعموما الصداقه دلوقتي بقت شي شويه نادر وصعب انك تلاقيه .وبعدين ربنا قال تعاونوا علي البر والتقوي وجه الامر دا لكل الناس يعني ممكن يبقي فيه تعاون بين الطلبه والطالبات في الكليه مدام فيها خير للكل وفيها مصلحه عامه للجميع والله احنا لو اتعاملنا مع بعض بنيه صافيه شويه كل الامور هتتحل ونسبنا من التعليق علي بعض والتفكير دايمابالنيه السيئه قبل الحسنه فيه حاجات تانيه كتير لازم نفكر فيها لو همنا بجد دينا وايمانا بربنا .وبعدين حكايه الشات دي بصراحه انا رايي اتغير فيها امبارح بس كنت بحكم عليها من غير ما اجرب كان رايي انها ممكن تكون مفيده بنسبه 80 % لو استعملناه صح ودا كان بسبب موقف عشته وحصل قدامي ان في واحد حاله اتقلب 360 درجه بسبب واحده كانت بتكلمه علي الشات وما شاء الله عليه دلوقتي ربنا يحميه ويجازي اللي كانت السبب دي خير بس بصراحه امبارح رايي اتغير واتقلبت النسبه عندي لاني عملت شات بالصدفه البحته امبارح وغيرت رايي فيه وعرفت انه نيات الناس بتختلف وانه بتفهم غلط وقلما ونادرا جدا ان يكون اللي قدامك كويس او يتعامل معاكي بنفس نيتك .اما المنتدي اعتقد انه افضل حالا والكلام عليه فعلا بيخلق نوع من احساس الاخوه .وفيه حاجه كمان محيراني جدا وعايزه اعلق عليه ازاي حد يرفض ان بنت تكلم ولد علي الشات ويبقي موضوع ارتباطه بيها قابل للتفكير وفي نفس الوقت يكون بيشجع الحب قبل الجواز وانه لازم يكون عارف البنت ديقبلها بفتره مهي كده برده مشيت معاك وعرفتك ايه الفرق !!!!!!!!!!!!!! ولو الحكايه دي مع اختك يبقي ليك تصرف تاني وترفض انها تعمل كده عشان بتخاف عليها طب والي انت المفروض بتحبها دي مش المفروض تخاف عليها برده؟؟؟ في تناقض غريب !!!!!!! الموضوع الكلام فيه مش بيخلص وموضوع بجد خطير جدا وواقعي ولازم نتعامل معاه بمرونه وواقعيه ونسمه بعض عشان يبقي فيه حل اصله سهل اننا نقول دا حرم ودا غلط ودا عيب بس اللي ينفذ مين ؟؟ احنا نفسنا ساعات بنغلط مين فينا ما بيغلطش ؟ بس المهم نعترف بالغلط ولازم نكون لينا دور فعال اكتر من كده الناس مش بتتغير بسهوله مينفعش نفضل نقول دا حرام ودا غلط ودا عيب ودا كده يروح النار والتلفزيون فتنه والدش حرام والشات حرام ومليون حاجه وافكار ما يعلم بيها الا ربنا اتحدفت علينا من برا واحنا للاسف وراها بنرددمن غير تفكير مفيش بيت دلوقتي مفيش فيه تلفويون ولادش والكل عارف انه حرام وفتنه شي طبيعي لكن المفروض انه يبقي فيه حبه ذكاء فطري في التعامل مع كل فتن العصر يعني مثلا لو ام منعت ابنها انه ميتفرجش علي التليفزيون هيتفرج بره ويسمع من اصحابه ومن وراها ودا افزع لكن ممكن هي تقعد تتفرج معاه علي مسلسل مثلا وتبدا تنتقد فيه الحاجات اللي مش صح وتنا قشها معاه وتعرفه الصح والغلط دي الايجابيه والتعامل مع الواقع صح وغيرها وغيرها دا رايي ومش عايزه حد يزعل مني . وبجد الموضوع جميل ومشكوره

من طرف dr fatafeet الإثنين فبراير 02, 2009 1:09 pm

[center] [color=blue][/colo r][b

الحرام بين والحلال بين وكل تصرف الانسان بيتصرفه بيبقي عارف انه صح او غلط ومش شرط كل حاجه نعملها قدام الناس تكون صح مش مقياس لانه ممكن يكون فيه ناس نسوا ان في حاجه اسمها حياء ودا اظنه ان ما اكثره في الزمن ده بس انا لي راي في موضوع الصداقه بين الولد والبنت انا مقدرش اقول اني برفضه رفض مطلق اصل الصداقه دي كلمه كبيره قوي وليها قواعد واصول واساسيات سواء كانت بين ولد وولد او بنت وبنت او ولد وبنت يعني ممكن يكون الصداقه بين ولد وبنت وتكون صداقه جامده جدا وتستمر لحد اخر يوم في عمرهم .الصداقه عموما عامله زي البذره لما تتزرع مش مهم مين اللي زرعها ولامين اللي رواها المهم هي اتزرعت صح ولا لأ واتروت بايه ومتنسوش النيه اللي اتزرعت بيها لان الاعمال بالنيات ساعتها هتكبر وجذورها تتثبت في الارض اكتر واكتر وثمارها تبقي طيبه .ومش شرط ان الصداقه تتحول احتمال واحتمال يعني في الاخر ان الحكايه امر نسبي بتختلف علي حسب الافراد والظروف وحاجات كتيره قوي عشان كده مقدرش ارفضها رفض مطلق وعلي فكره الحكايه في ايد البنت بنسبه كبيره كل واحده تقدر تخلي اي حد يعاملها باحترام ويبقي عارف ايه الحدود المسموح بيها معاهاحتي لو كانوا اعز الاصدقاء كمان .وعموما الصداقه دلوقتي بقت شي شويه نادر وصعب انك تلاقيه .وبعدين ربنا قال تعاونوا علي البر والتقوي وجه الامر دا لكل الناس يعني ممكن يبقي فيه تعاون بين الطلبه والطالبات في الكليه مدام فيها خير للكل وفيها مصلحه عامه للجميع والله احنا لو اتعاملنا مع بعض بنيه صافيه شويه كل الامور هتتحل ونسبنا من التعليق علي بعض والتفكير دايمابالنيه السيئه قبل الحسنه فيه حاجات تانيه كتير لازم نفكر فيها لو همنا بجد دينا وايمانا بربنا .وبعدين حكايه الشات دي بصراحه انا رايي اتغير فيها امبارح بس كنت بحكم عليها من غير ما اجرب كان رايي انها ممكن تكون مفيده بنسبه 80 % لو استعملناه صح ودا كان بسبب موقف عشته وحصل قدامي ان في واحد حاله اتقلب 360 درجه بسبب واحده كانت بتكلمه علي الشات وما شاء الله عليه دلوقتي ربنا يحميه ويجازي اللي كانت السبب دي خير بس بصراحه امبارح رايي اتغير واتقلبت النسبه عندي لاني عملت شات بالصدفه البحته امبارح وغيرت رايي فيه وعرفت انه نيات الناس بتختلف وانه بتفهم غلط وقلما ونادرا جدا ان يكون اللي قدامك كويس او يتعامل معاكي بنفس نيتك .اما المنتدي اعتقد انه افضل حالا والكلام عليه فعلا بيخلق نوع من احساس الاخوه .وفيه حاجه كمان محيراني جدا وعايزه اعلق عليه ازاي حد يرفض ان بنت تكلم ولد علي الشات ويبقي موضوع ارتباطه بيها قابل للتفكير وفي نفس الوقت يكون بيشجع الحب قبل الجواز وانه لازم يكون عارف البنت ديقبلها بفتره مهي كده برده مشيت معاك وعرفتك ايه الفرق !!!!!!!!!!!!!! ولو الحكايه دي مع اختك يبقي ليك تصرف تاني وترفض انها تعمل كده عشان بتخاف عليها طب والي انت المفروض بتحبها دي مش المفروض تخاف عليها برده؟؟؟ في تناقض غريب !!!!!!! الموضوع الكلام فيه مش بيخلص وموضوع بجد خطير جدا وواقعي ولازم نتعامل معاه بمرونه وواقعيه ونسمه بعض عشان يبقي فيه حل اصله سهل اننا نقول دا حرم ودا غلط ودا عيب بس اللي ينفذ مين ؟؟ احنا نفسنا ساعات بنغلط مين فينا ما بيغلطش ؟ بس المهم نعترف بالغلط ولازم نكون لينا دور فعال اكتر من كده الناس مش بتتغير بسهوله مينفعش نفضل نقول دا حرام ودا غلط ودا عيب ودا كده يروح النار والتلفزيون فتنه والدش حرام والشات حرام ومليون حاجه وافكار ما يعلم بيها الا ربنا اتحدفت علينا من برا واحنا للاسف وراها بنرددمن غير تفكير مفيش بيت دلوقتي مفيش فيه تلفويون ولادش والكل عارف انه حرام وفتنه شي طبيعي لكن المفروض انه يبقي فيه حبه ذكاء فطري في التعامل مع كل فتن العصر يعني مثلا لو ام منعت ابنها انه ميتفرجش علي التليفزيون هيتفرج بره ويسمع من اصحابه ومن وراها ودا افزع لكن ممكن هي تقعد تتفرج معاه علي مسلسل مثلا وتبدا تنتقد فيه الحاجات اللي مش صح وتنا قشها معاه وتعرفه الصح والغلط دي الايجابيه والتعامل مع الواقع صح وغيرها وغيرها دا رايي ومش عايزه حد يزعل مني . وبجد الموضوع جميل ومشكوره

من طرف **marmer** الإثنين فبراير 02, 2009 6:40 pm

شكرا للجميع علي مروركم الكريم
وشكر خاص ل dr.faatafeet
لانها عضو جديد معانا في المنتدي
بنرحب بيها اولا طبعا
ورايها بيتسم بالوسطية
او هو مايتسم به هذا العصر

بس انا ضد فكرة الصداقة بين البنت والولد
والافضل علاقة الزمالة للضرورة القصوي

شكرا لحضراتكم

وفي انتظار مزيد من الاراء ....

الاول جزاك الله خيرا انك فتحت الموضوع زى دا لان دائما فى اى مكان بيعتبروا اى علاقة بين بنت وولد من اى نوع مش كويسة لية مش عارفة حتى فى كليتنا اقل كلمة مع اى ولد لبنت بتتفهم غلط وانا من راى عادى جدا بين الصداقة الولد والبنت بس بتكون فى مجال الدراسة مش امتر من اخوة وممكن بجد يكونوا اصداقاء بيخافوا على بعض بمعنى الاخوة بجد اما بالنسبة للشات الناس بقوا بيستخدموة بطريقة مستفزة ومش كويسة وعيب ان البنت تدخل الشات انا بعارض فى كدة البنت لها الحق فى كل شئ فى الحياة ولو هى كويسة تقدر تحكم اللى قدامها باى كلمة اما فى حب عن طريق الشات دا كلة لعب عيال وكلام فاضى بيرددوة علشان يشغلوا وقتهم لكن بجد ممكن يكون ليك اصحاب بنات وشباب من النت ويكونوا وفين جدا ووووالله دا موجود فى اصحاب بجد بيقفوا جمب بعض لما يكون فى مشكلة بس فى ملحوظة على البنت بذات لما تتكلم مع اصحابها يبقا كتابى بس لايتعدى كدة مش مايك وصورة وكاميرا والكلام دا لو حصل بيبقا حاجة تانية غير الاخوة وربنااااااااااااااااااااااااايهدينا ويعافينا كلنا يااااااااااااااااااااااااااااااااااااااااااااااااااااارب

من طرف **marmer** الأربعاء فبراير 18, 2009 1:16 am

mayyyooo كتب:الاول جزاك الله خيرا انك فتحت الموضوع زى دا لان دائما فى اى مكان بيعتبروا اى علاقة بين بنت وولد من اى نوع مش كويسة لية مش عارفة حتى فى كليتنا اقل كلمة مع اى ولد لبنت بتتفهم غلط وانا من راى عادى جدا بين الصداقة الولد والبنت بس بتكون فى مجال الدراسة مش امتر من اخوة وممكن بجد يكونوا اصداقاء بيخافوا على بعض بمعنى الاخوة بجد اما بالنسبة للشات الناس بقوا بيستخدموة بطريقة مستفزة ومش كويسة وعيب ان البنت تدخل الشات انا بعارض فى كدة البنت لها الحق فى كل شئ فى الحياة ولو هى كويسة تقدر تحكم اللى قدامها باى كلمة اما فى حب عن طريق الشات دا كلة لعب عيال وكلام فاضى بيرددوة علشان يشغلوا وقتهم لكن بجد ممكن يكون ليك اصحاب بنات وشباب من النت ويكونوا وفين جدا ووووالله دا موجود فى اصحاب بجد بيقفوا جمب بعض لما يكون فى مشكلة بس فى ملحوظة على البنت بذات لما تتكلم مع اصحابها يبقا كتابى بس لايتعدى كدة مش مايك وصورة وكاميرا والكلام دا لو حصل بيبقا حاجة تانية غير الاخوة وربنااااااااااااااااااااااااايهدينا ويعافينا كلنا يااااااااااااااااااااااااااااااااااااااااااااااااااااارب

شكرا علي مرورك
وانا متفقة معاكي في الرأي
اهم حاجة البنت تقدر تحترم نفسها
علشان اللي قدامها يحترمها

من طرف ???? الأحد أبريل 12, 2009 12:37 am

انا اوافق على صداقة الشاب والفتاه

بس مش فى مجتمعنا ده

لان فى مجتمعنا صعب تلاقى بنت وولد اصحاب بنية صافية

فى معظم الاحيان بيكون فى اغراض اخرى من الصداقة

بس على كل حال

لو الصداقة بنية صافية مفيش مانع

لان ده بيسمح بتبادل الثقافة والمعرفة وطرق تفكير الجنسين

ودى حاجات المفروض الكل يكون عارفها

من طرف **marmer** الإثنين أبريل 13, 2009 7:09 pm

شكرا علي مرور حضرتك دكتور moodygalal

لكن حضرتك قولتها

"" مش في مجتمعنا ده ""

بالاضافة ان في معادلة كانت في مقال لاحد الكتاب العظام
لا اذكر اسمه
تقول

(صداقة + ميل فطري = حب )

واعتقد ان ده هو الساري في هذا الوقت

من طرف mena metwashlah الثلاثاء أبريل 14, 2009 11:05 pm

الصداقة يعني حد عارف عني كل حاجة ويمكن يكون عارفني اكتر من نفسي
فامعتقدش ان ده ممكن يكون بين ولد وبنت
هي ممكن العلاقة في الكلية او المجتمع تكون اسمها زمالة او اخوات ولازم الولد يخاف علي اخته لكن صداقة معتقدش
الزمالة حاجة والصداقة حاجة تانية خالص
لو حصل صداقة بين ولد وبنت اعتقد دي بدايه الحب بينهم

من طرف ???? الخميس أبريل 16, 2009 2:01 am

تمام يا فيت مرمر

بس فى حاجة بالنسبة لموضوع (صداقة + ميل فطرى = حب)

ايه المشكلة فى كده

دى طبيعة النفس البشرية

وبعدين الحب فى حد ذاته مش عيب

ولا انتى رأيك ايه؟

من طرف **marmer** الخميس أبريل 16, 2009 8:42 am

شكرا علي مرورك يا دكتور مينا

ورأي حضرتك مظبوط مليون في المية

المشكلة ان في ناس كتير مش فاهمة يعني ايه صداقة

واكيد طبعا مش اي حد نقابله او نعامله نقول عليه صديق

الصداقة شئ نادر الوجود

لان "الصداقة" تحمل معاني كتيييييييييير جدا

الصديق يعني نفسك

واعتقد ان ده صعب بين البنت والولد

من طرف **marmer** الخميس أبريل 16, 2009 8:47 am

يا دكتور moodygalal

الموضوع هنا مش بيناقش علاقة الحب لكن بيناقش علاقة الصداقة

ومعني ان المعادلة تنطبق علي الرغم من ان البداية كانت صداقة وبعدين اتحولت لحب

معني كده ان مفيش حاجة اسمها صداقة بين بنت و ولد

لانها مش بتستمر للنهاية صداقة لكنها بتتحول

من طرف ???? الخميس أبريل 16, 2009 2:35 pm

ماشى يا فيت مرمر

بس فى حاجة تانية

دلوقتى لو حسبناها مع بعض واحدة واحدة

اول حاجة ايه هى الصداقة

حب انسان فى الله بدون اى غرض او مصلحة

الخوف عليه

الاهتمام به

اعطاءه النصيحة

الخ الخ ...... كل الحاجات بقى اللى زى دى

ممكن بقى تكون الحاجات دى كلها مصحوبة بميل فطرى وده زى ما قولتى مش موضوعنا

بس برضة وارد جدا تكون مش مصحوبة بميل فطرى وتكون صداقة بس

يعنى مثلا انا ممكن اكون بخاف على بنت وبهتم بيها وبنصحها وبحبها طبعا بس مش الحب اللى انتى قصدك عليه

يعنى مثلا مش هفكر فى يوم من الايام انى اروح اخطبها

وممكن برضة اخاف على بنت تانية واحترمها وانصحها بس زيادة على كده فى ميل فطرى....... ده بقى حب

انا بس حبيت اشرح الفرق بين الحب والصداقة من وجهة نظرى

ويارب مكنش طولت عليكى

من طرف **Dr. Ju MaNjI** الخميس أبريل 16, 2009 4:10 pm

يا مودى الحب بيبان والصداقه بتبان

والاخوه بردو بتبان

بس المشكله ان محدش فاهم اى حاجه غير انه لو كلم بنت يحبها

ويبقى فى بدايه معرفته بيها قاصد انه يحبها

والبنت هكذا نفس الكلام

بس بعد فتره من التعامل ممكن ياخدوا على بعض وينسوا حكايه الحب دى

ويسلكوا طريق يسموه الصداقه

او الاخوه فى نظر ناس تانيه

طيب ومداها اد ايه ؟

مجرد تقريبا الكليه ولما تنتهى وتتجوز مثلا او هو يخطب حتى

كله بيروح ومحدش بيكلم حد

دا حتى لو قابلها فى الشارع وممكن يكون عارفها وشافها مع جوزها ميبصش اصلا مش هقول يسلم حتى

المهم ان المرحله دى سواء صداقه او زماله او اخوه

مؤقته

واعتقادى كلها سواء

بس نفس الواحد والواحده بيسمحوا ان مدى تعاملهم وكلامهم يوصل لايه بالظبط

مكتومه شويه تبقى زماله

نص نص صداقه

يعنى فى مساحه كويسه من المعرفه تبقى اخوه

وكلها مؤقته بقول تانى مؤقته

يعنى بعتبرها معرفه طايشه ولزمتها ارضاء النفس وحب الكلام مع الاخر

وربنا يهدينا جميعا

والله أعلى و أعلم

من طرف ???? الخميس أبريل 16, 2009 5:15 pm

يعنى انت يا فيت جو معايا ان فى حب وفى صداقة

شكرا للاهتمام

من طرف **Dr. Ju MaNjI** الخميس أبريل 16, 2009 5:43 pm

أكيد فى حب

والحب ينفع يبقى صداقه والعكس

بس فى ناس بتعتقد ان الحب عمره ما يتحول لصداقه

المهم ان العلاقات تكون وضحت للكل

فى حب

فى صداقه
اللى هيا اخوه اللى هى زماله

وكل معنى واحد

والاهم انك تعرف انت بتتعامل ازاى

وتهتم بانك تكون صح ومظبوط

من طرف ???? الخميس أبريل 16, 2009 8:28 pm

الله ينور عليك يا جو

انا عايز اقول كده برضه

من طرف loma2000 السبت أبريل 25, 2009 8:11 pm

لا أوافق
وقد نبهنا رسولنا الكريم صلى الله عليه وسلم إلى أنه ما خلى رجل بامرأة إلا كان الشيطان ثالثهما Embarassed

من طرف **marmer** الخميس أبريل 30, 2009 4:53 pm

صداقة بين شاب و فتاة

ما رأيك في الصداقة بين شاب و فتاة ؟

صداقة بين شاب و فتاة

رد: صداقة بين شاب و فتاة

رد: صداقة بين شاب و فتاة

رد: صداقة بين شاب و فتاة

رد: صداقة بين شاب و فتاة

رد: صداقة بين شاب و فتاة

رد: صداقة بين شاب و فتاة

رد: صداقة بين شاب و فتاة

رد: صداقة بين شاب و فتاة

رد: صداقة بين شاب و فتاة

رد: صداقة بين شاب و فتاة

رد: صداقة بين شاب و فتاة

رد: صداقة بين شاب و فتاة

رد: صداقة بين شاب و فتاة

رد: صداقة بين شاب و فتاة

رد: صداقة بين شاب و فتاة

رد: صداقة بين شاب و فتاة

رد: صداقة بين شاب و فتاة

رد: صداقة بين شاب و فتاة

رد: صداقة بين شاب و فتاة

رد: صداقة بين شاب و فتاة

رد: صداقة بين شاب و فتاة

رد: صداقة بين شاب و فتاة

رد: صداقة بين شاب و فتاة

رد: صداقة بين شاب و فتاة

رد: صداقة بين شاب و فتاة