قصيدة من تأليفي

خلاص هدخل الكلية .. مافيش تعب من تاني
ما فيش صحيان بدري .. هنام و اصحي علي مزاجي
هنسي مزاكرة الثانوية .. و أرجع أهيس من تاني
من النهارده ما فيش دروس .. و الوقت بقي بتاعي
مش هشيل هم نتيجة .. خلاص هلاقي راحة بالي

زاكرت جامد في الثانوية .. الظاهر كنت غلطان
في البيت يقولو هتلحق .. طب , صيدلة أو حتي اسنان
أنا بزاكر و خلاص .. و كل الكلام ده في النسيان
و جبت مجموع مش بطال .. يعني كليات القمة في الحسبان

و لما نتيجة التنسيق ظهرت .. قلت البيطيري ده مش بتاعي
أنا أدخل خدمة أجتماعية .. بس البيطيري ما يكونش مكاني
و فضلت أفكر كتير .. بس ما فيش غيره قدامي
قلت أمري لله .. و يا رب الكلية تحقق أحلامي
ايه يعني كلية قمة ؟؟؟ .. هذاكر و اجيب تقدير خيالي

و في أول يوم في الكلية .. ما بقتش شايف قدامي
أيه الصحرا دي ؟؟؟ هو ده التعليم العالي ؟؟؟
ده مش منظر كلية .. ولا حتي مدينة ملاهي
قلت علشان بس أول يوم .. بعد كده كله هيبقي عادي

دخلت أول محاضرة .. و قلت هركز و افهم علي طول
لاقيت دكتور التشريح .. عمال يرغي و يقول
مرة كرينيال و مرة كودال .. و انا زي المسطول
أنا مش فاهم اي حاجة .. الكلام ده مش معقول
طب براحة علينا شوية .. يعني خليك يا عم كووول

خلصت المحاضرة .. حاسس اني في عالم تاني
مش زي ما أتصورت .. و لو حتي في خيالي
يمكن علشان بس أول يوم .. و الدنيا بعد كده عادي
أول يوم كده خلص .. و أنا مش عارف أيه احساسي

الوقت عدي بسرعة .. و الميد تيرم خلاص قرب
المواد عليا غريبة .. و الأمتحانات شكلها مريبة
أيه البايو دي ؟؟؟؟ دي مادة رذيلة
طيب عايز فرصة اخيرة .. يمكن أذاكر و أفهم الليلة
ما لحقتش أذاكر حاجة .. قلت أقعد في المدينة
رحت هناك .. و الصدمة كانت كبيرة
كله مهيس .. و ما فيش مزاكرة و لا نيلة

خلاص بقي هدخل الأمتحان .. و أكتب الي أعرفه
جه أمتحان الفسيولوجي .. و أنا مش مستلطفه
قلت أفكر شوية .. و أكيد الأمتحان هعرف أظبطه
الأسئلة عايزة حد مزاكر .. و أنا حالي يصعب علي الكافر
حليت الي ينجحني .. يا رب بقي أعدي
بس الظاهر الدكتور .. كان له رأي غير الي عندي

خلاص خلصت أمتحانات .. و مستني بقي النتيجة
يا تري هعدي ؟؟؟؟ .. ولا هتكون خيبتي التقيلة ؟؟؟؟
علي طول في حيرة .. و خايف من كلام العيلة

ظهرت النتيجة و كانت المفاجأة .. أني أعدي بس معايا مادة
أكيد فرحان علشان عديت .. و برده زعلان علشان الي هيعيد

دلوقتي مش ندمان .. ع البيطيري الي كنت عليه غضبان
و لو رجعلي القرار .. هيكون البيطيري الأختيار

هههههههههههههههههه
ياعم انت لسه شفت حاجه

هههههههههه
ربنا يطمنك يا ريس