ايه اللى ممكن تعمله لو قابلت الانسان اللى دمر حياتك؟؟؟

على حسب العلاقه والقرابه الى بينا يعنى يقربلى ولا لا واذاكان قاصد يعمل كدا ولا لا

بس يعنى لو كان الحد دا قاصد هحاول اتجنب الكلام على قد ما اقدر

و الله هو على حسب الضرر اللى حاصل
لو هو صغير انا عن نفسى مش هبين غضبى لانى مبحبش ابين غضبى لحد لان دا بيحسسه بزعلى و هو دا اللى هو عاوزه بس بردو هاحاول اسامحه
لو كان الضرر كبير اكيد هاحاول اكلمه و اعرف هو عمل كدا لايه لانه اكيد مش قاصد الازاء الجامد دا خصوصا لو كان قريبك زى ما بتقول يمكن شايف مصلحتك فى اللى عمله من وجهه نظره

يبقى هو اللى جابه لنفسه

بس


هاسامحه طبعا

هعمل مش شايفاه

انا عارفه انو حل مش منطقى بس انا لو اتكلمت مع الحد ممكن اعمل تصرفات محبهاش بعد كدا او اندم عليها

عن نفسى هبصلة نظرة تحسسة بكل ذنب عملة فيا ممكن تكون النظرة اشد من اى رد

ولا هعبره لانه ما يستاهل انى ابوصله حتى

اما انا بقى مش عارفه ارد لانى بواجه المشكله دى من صاحبه ومن قرايبى

من رايى غدر الصديق ممكن تتحل .صحيح الواحد هينجرح اوى ويتعب فتره بس هتعدى وممكن تلاقى صديق احسن منه بكتير

اما بقى حد قريبك يدمرلك حياتك مش لقيلها حل
وتعمل ايه لو قريبك ده على طول ظلمك ويسوء الظن فيك وانت غير كده خالص ورغم ده كله بتدعيله بالهدايه
ولو كان قريبك ده اقرب حد من الاقارب والمكان كمان
بيتهيئلى مفيش غير (حسبى الله ونعم الوكيل فى اى حد يظلم امى وابى)