لعبة النقاش الجديدة

حاجه من الاتنين يا اما اسيبه وامشي يا اما اتنرفز عليه والاغلب موش هسيبه وهعرفه غلطه الاول بالذوق ولان دا طبع موش هيغيره اكيدد هيستفذني واشخط فيه

وفي النهايه بردو هسيبه وامشي



سؤالي


ما موقفك من شخص يلح عليك في استعاره احد اشياءك وانت تلويت بالحجج والاعاذيرلانك لاتريد ان تعيرها له
ولكن برخاااااااامته لايزال يطالبك بها؟؟؟؟؟؟؟؟

اكيد لو صاحبى هستحمل رزالته

لكن لو موش صاحبى موش ها اديهالوا هقوله محتاجها


السؤال

لو حصل موقف بينك وبين خطيبتك

وانتو الاتنين زعلتوا من بعض تفتكر مين اللى يبدأ


يصالح التانى

حديهمملوووو في جنابووووو تماام وحقلو من تدخل في ما لا يعنيه سمه ولقي ما لا يرضيه فابعد عن وشي حالا

لو راكب في تاكسي او توكتوك او اي مواااااصله ولقيت السواق عمال يستظرف حيكون اه موقفك ؟تستحمل لحد ما تزل ولا تكبسه ولا تتصرف تصرف تاني؟

اممممممممم هو بصراحة بتحصل كتير انك تكون راكب في تكس والراجل عمال يستظرف خصوصا لو كان الزبون بنت ..
بس انا شخصيا لما بتحصل معايا بتنيني أقول ...آه .. ايوه ..معرفش ... احتمال .. ممكن ..ايوه ايوه .. لغية لما انزل من التكس وأقوم أرزع الباب ورايا فيعرف السواق اني اتخنقت منو ..


سؤالي :: تعمل ايه لو كنت تعبان جوا محضه او سكشن ومطر تسيب المحضرا عشان عندك معاد مع الدكتور وانت قايم من مكانك الدكتور كسفك قدام كل الطلبة وهزقك .. هتعقد ولا هتمشي ولما المحضره تخلص هتتكلم مع دكتور المادة ولا هطنش ؟؟؟؟

اكيد طبعا حسيب المحااااضره وبعد كده حبقى اروووووح للدكتووور افهمه

وسؤالي هو

تعمل ايه لو انسان انت معتقد انه صاحبك وشهد عليك زور في حاجه تضرك في مستقبلك ؟

هي اكيد حاجة تحرق الدم .. انا شخصيا هعيش في حزن وأسى وهحس ان الدنيا كلها وحشة ومعدش فيه خير في الدنيا ... وهواجه الشخص دا وأقلوا في وشوا .. اني آسفة على كل لحظة صدقتوا فيها وحسيت انوا صاحبي..


سؤالي هو : بنت إلي تجاوب عليه .. تعملي ايه لو اتعاكستي في الشارع ؟؟

هقول حسبى الله ونعم الوكيل فيه وربنا ينتقم منه ويورينى فيه يوم يحصل فيه كده واكتر واكيد لما واحد صاحبك يعمل فيك هتنجرح
اوى اوى


تعمل ايه لو انت حبيت صاحبك عشان هو بيحبك اوى وهو اللى خلاك تحبه وفى الاخر هو اللى يسيبك عشان انت طلعت صافى وجايب تقدير وهو طلع بماده؟

انا اسفه انا كنت برد على السؤال اللى قبله بس نوكومنت سبقنى

عن نفسي مش برد وبعمل نفسى مش سمعه

انت بتتكلم في ايه الشباب معظموا في الشارع كلو بقى فاسد دا بيعكسوا بنات منقبات وستات متجوزات هم بيعكسوا لإنهم مفكرين انهم كدا رجالة .. بصراحة لو انا راجل زيهم هحاول افكرهم بقول الرسول صلى الله عليه وسلم ( اعطي الطريق حقه ) ..

لان انا بحس الشباب المصري فيه رجولة وشهامه .. لو حتطهم في موقف ان واحد اجنبي حاول انوا يئذي بنت مصرية في الشارع .. انا متأكدة ان الشباب البايظ ده هيهجم عليه ويموتوه من الضرب ويدفعوا عن البنت دي .. عشان كدا احن لازم نوعيهم ..


السؤال هو : تعمل ايه لو انت سايق عربيتك ولقيت واحد بستنجد بيك في الطريق وبيأشرلك شكلوا مريض وعايز حد يوديه المستشفى ؟؟

والله هو موقف محرج جدا لان الدنيا مابقاش فيها امان

بس بصراحه لو كنت لوحدي في العربيه مش حقفله لكن لو معايا حد ممكن افكر

السؤال
لو عشت قصة حب والطرفين بيحبوو بعض جدا وفجأه تخلي طرف من الاطراف عن التاني حيكون ايه تصرفك ؟

امممممممم بجد هي حاجة صعبه اوي ان قصة حب حلوة تضيع .. لكن انا رئيي ان لو البنت هي إلي سابت الولد وهو عارف انها بتحبوا .. وهو بيحبها يبقى لازم يحاول تاني ..
اما لو الولد هو إلي ساب البنت .. مينفعش هي إلي تحاول ترجعلوا لإن احنا في مجتمع شرقي لازم يبقى ليها شخصية وكرامه ..

مع العلم طبعا ان الحب إلي بينهم ده طبعا طبعا في سياق انهم ...مخطوبين .. مش زمايل في الكلية مثلا

سؤالي هو : لو فيه واحدة معجب بيها اوي هتحاول تكلمها ولا هتسأل عليها وعلى أهلى وتتوجه لأهلها الاول ؟؟وممكن ترتبط بواحده ليها اصحاب صبيان في الكلية ؟؟

انا اسفه قوييا انا مش هقدر ارد علي سؤالك يانوكومنت لاني بنت بس هرد علي سؤال اما بعد اذنك لو الطرف التاني خلي بيا ودا اكيد هيكون خطيبي لاني مش ممكن اكون علاقة حب الا مع خطيبي وبس هسيبه ببساطه واتمني له الخير لانه مش ممكن يبقي سعيد معايا انا مش ممكن ارضهاله انه يبقي معايا علي غير رضا



وسؤالي لو حسيت بظلم من حد بتحبه قوي وحسيت انهجرحك تعمل ايها

البادي اظلم

ونشوف مين فينا الي هيسد مع التاني
اكره حاجات عندي الكدب والخيانة والظلم

والعين بالعين والسن بالسن والبادي اظلم مش كدة ولا اية



س : لو انتا حبيت بنت او انتي حبيتي ولد وفية نظرات متبادلة ما بينكم وخلاص وصلت لحالة انك تكلمها او تكلمية
ممكن تعمل اية ؟

بصراااحة انا كبنت مستحيـــــــــــــــــــل أحاول افكر اني اكلموا لإن البنت طبعا مينفعش تعمل كدا ..
لكن الولد ممكن يروح يكلمها على شرط ان الموضوع يبقى بجد مش تسلية وخلاص ..

سؤالي : ممكن ترتبط بواحدة ليها اصحاب صبيان في الكلية,,,,,,, ووووو اول ما تشوف واحدة لأول مرة واقفة في الكلية مع واحد ،،، ايه اول تفكير يجي على بالك؟؟؟؟؟؟؟؟

عادي يعني فيها ايه لما يكون ليها اصحاب ولاد وبنات والحياة شغالة اصل الزمالة غير الحب بس تصاحب زميل ليا بس في حدود


وبالنسبه للجزء التاني بالنسبة لكليتكم اول كلمة بسمعها من الشباب دي ماشية معاه

معرفش ايه السبب في كدة ممكن يكون عادات وتقاليد

سؤالي بقا سهل عندك ان انسان يغير فكرتو عنك وانت متأكد وعارف هوا بيفكر ازاي؟

موش فاهم السؤال

فعلا السؤال مش محدد
هو غير فكرته عنك للاحسن ولا للاوحش
بس هيكون صعب عليا جدا لو غير فكرته عنى لحاجه مش صحيحه عنى لانى مش بحب حد يظلمنى اويفهمنى غلط
حتى لو انا عارفه انه بيفكر باسلوب غلط
سؤالى بقى:ايه الحاجه اللى ممكن تندم عليها اوى لانك معملتهاش لحد دلوقتى؟

المذاكرة




ايه بقى الحاجه اللى عملتها وبتندم انك عملتها؟؟

سؤااال صعب بجد ؟؟؟؟؟؟؟؟؟؟؟؟؟؟؟؟؟ هو كتير ... بس مشعرفه

ايه سؤالك

انا مشكلتى انى بندم على كل حاجه بعملها حتى لو تافهه
ماعدا طبعا الحاجات الكويسه

سؤالى:لما تشوف شاب تارك لحيته ايه اول حاجه بتيجى على ذهنك او بتقول عنه ايه؟

بجد بقول ربنا يحرسه
وانا عن نفسي بفرح لما اشوف كدا علي الرغم من انه ممكن تارك لحيته لسبب غير ديني بس مش عارفه ليه حسن الظن الحمد لله بيجي في بالي الاول واقول ربنا يزيده وبدعيله والله من غير ما اكون عارفاه


سؤالي
ايه رايك في شكل الحجاب دلوقتي واللي البنات بتلبسه من بديهات ورايك في لبس الشباب والبناطيل الغريبه والقمصان الستان الاغرب

والله الحجاب والأسداال حاجة محترمة جدااا وطبعا اي شاب حتى لو كان خمورجي وشاف وحدة لابسة اسدال او حجاب لوحدة تلقائي بيحترم نفسة ومايقدرش حتى يرمي عليها كلمة
بجد انا معجب جدا بطريقة الحجاب والأسدال وطبعا اول حاجة بيفكر فيها الشاب لما يرتبط بيفكر في المحترمة الي لبسها محترم جدا


اما بالنسبة للشباب لازم يعمل كدة علشاااااااااااان الجو بتاعة اما بالنسبة ليا مابحبش البنطلون الي اسمة الصاروج لأنة بيفكرني وانا لابسة بــ؟؟؟؟؟؟


س : اوصف شعورك وانتا راكب عربية اجرة والعربية مليانة ويجي واحد يقول وهو ماسك سيجارة ميرت وفي جيبة الي فوق علبة ميرت واحنا عارفين ان الميرت ب 6.5 ج ويقول للناس الي في العربية يا جماعة ليا بنت عندها سرطان وعاوز اعالجها !! هتديلة ولا ولأ ؟

فيه حاجتين هما اما مديلهوش واما اديله
مديلهوش عشانشكله نصاب
واديله عشان يمكن مبيحبش الا السجاير دي وبعدين اديله اصلا دي صدقة ان كان نصاب هياخد السيئات من عند ربنا

هو فين السؤال

معليش لو في دكتور في الجامعة ظلمك يعني انتا وصاحبك نفس الخطأ صاحبك اتحسبتله صح وانت خطا
هتعمل اييه وهو ممنوع الاعتراض على المدرس؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هرضي بالمكتوب طبعا احسن لأشيل المادة ولا اية


لو انتا عارف ان الي انتا بتعمله غلط جامد وبردة مستمر على الي بتعملة هتعمل اية علشان تبطله ؟

فى اسباب هى اللى بتخلينا نعمل حاجات غلط ممكن الاصحاب او اى سبب تانى يعنى لو بعدت عن الاسباب دى اكيد دا هيقلل من الوقوع فى الغلط دا



نفس السؤال

انا اوافقك في الجواب :

شفت واحدة بتشحت وتروح تشتري بالفلوس اللي تدلها وشوية اشوفها بتسرق من المحلات لو قالتلك اديلها
ولا لا

لا طبعا بعد كل دا ما ينفعش، لان الناس المحتاجه فعلا مش بيعملو دا....

سؤالى: ايه هيا خطتك لتنميه موارد بلدنا مصر ،دا طبعا لو بقيت من المسئولين

هرفع اجووور العمال
ولما العمال يفرحو ويحبو الشغل هيشتغلو بكل مجهودهم
ومن هنا هنزود انتاج البلد ونقلل البطاله


نفس السؤال

اول حاجة لازم اقيم حدود ربنا وانشر الدين بجد وبعدين اشجع على العمل واعنل في كل مدرسة مختبر فيه كل حاجة عشان يتعلمو فيه وهخلي التعليم ببلاش
وخلي هناك تتطبيق للعلم وهجع العلماء

دا غير اللي قالو ماتريكس

انا بقا ههيص الشعب
هدي لكل واحد المرتب بالدولار
وهخلي الشعب مزاجة عالي على طووووول