NeXt VeT
المنتدى هنا زى الفل و مش محتاج سجل بسرعة و أدخل على طول و إستمتع معانا بأحلى الأوقات ... منتدى بحق و حقيقى مش لعب عيال و تحدى يلا مستنى أيه سجلو شارك باقى الأعضاء فى الأقسام المختلفة ... الحصريات بجد عندنا و بس......

امجــد الـشيـخ مقرر اسرة نكست فيت يرحب بكم
ويتمني لكم قضاء اجمل الاوقات معنا

قوة غسيل المخ  6qwete0


انضم إلى المنتدى ، فالأمر سريع وسهل

NeXt VeT
المنتدى هنا زى الفل و مش محتاج سجل بسرعة و أدخل على طول و إستمتع معانا بأحلى الأوقات ... منتدى بحق و حقيقى مش لعب عيال و تحدى يلا مستنى أيه سجلو شارك باقى الأعضاء فى الأقسام المختلفة ... الحصريات بجد عندنا و بس......

امجــد الـشيـخ مقرر اسرة نكست فيت يرحب بكم
ويتمني لكم قضاء اجمل الاوقات معنا

قوة غسيل المخ  6qwete0
NeXt VeT
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

قوة غسيل المخ

3 مشترك

اذهب الى الأسفل

قوة غسيل المخ  Empty قوة غسيل المخ

مُساهمة من طرف amora الأربعاء سبتمبر 08, 2010 8:54 pm

قوة غسيل المخ



قوة غسيل المخ  189839708



في أواخر الخمسينات.. خلال الحرب الأهلية الكورية.. حصل شئ عجيب جدا..
الكوريين قدروا يحولوا عدد مهول من الأسرى الأمريكيين الى الشيوعية.. و هو نظام معادي للنظام الأمريكي.. حولوا ولائهم من الولاء للنظام الأمريكي الى الولاء للنظام الشيوعي....
ازاي تم ده؟؟ بالتعذيب؟؟ بالضغط؟؟
أبدا..
العجيب في الأمر.. ان الموضوع ده تم بأنهم ببساطة غيروا رؤية الجنود الأمريكيين لأنفسهم.. غيروا معتقداتهم الشخصية عن أنفسهم..
لأن الكوريين كانوا عارفين كويس ان سلوك الإنسان نتيجة طبيعية لمعتقداته عن نفسه..
هو بيتصرف حسب الشخصية اللي هو شايف نفسه فيها..
حلقة مستمرة الدوران.. انا عندي صورة ذاتية.. أو معتقد عن نفسي.. أو الصورة اللي شايف بيها نفسي.. باترجمها الى سلوك.. و السلوك يطلع يؤكد صورتي الذاتية..حلقة مستمرة..
الكوريين عملوا ايه بقى..اعترضوا دوران الحلقة دي..
طبعا من الصعب جدا انك تعمل انقلاب في شخصية جنود دربوا على ان ماحدش يقدر يستخرج منهم أي معلومات نهائيا غير اسمهم و رتبتهم فقط.. و لكن الكوريين نجحوا في ده.. بأنهم عملوه خطوة.. بخطوة..
كانوا بيستدرجوا السجناء لأنهم يقولوا جملة أو جملتين ضد النظام الأمريكي.. أو مع النظام الشيوعي.. جمل بسيطة مش مستفزة..
زي مثلا :
"النظام الأمريكي فيه بعض المشاكل"..
أو
"في الدول الشيوعية..معدل البطالة و الجريمة أقل بكثير من غيرها من الدول"..
و بمجرد ما السجين تطلع منه جمل زي دي.. يسألوه انه يوضحلهم بالتفصيل أسباب للكلام اللي قاله ده.. أسباب لأن الحكومة الأمريكية عندها مشاكل.. أو لأن النظام الشيوعي عنده معدل اقل للبطالة و الجريمة..
و بعدها يستنوا لما السجين يبقى متعب جدا و مرهق و منهار.. و يطلبوا منه يوقع على قائمة الأسباب اللي ذكرها..
بعدها بيعملوا مجموعات نقاش للسجناء.. discussion groups.. كل سجين بيقرأ فيها قائمة الأسباب اللي ذكرها.. و بيتم اذاعة الحوار ده و بثه من خلال الراديو لكل الأسرى الأمريكيين.. و لكل القوات الأمريكية الموجودة في كوريا الجنوبية مع ذكر اسم السجين صاحب القائمة..
و هنا تحصل الأزمة..
كده السجين ظهر قدام الجميع في صورة الخائن.. و بدأ زملائه الأسرى يوبخوه..
انت ايه اللي عملته ده.. و ازاي عملت كده؟؟
و طبعا هو ماعندوش اجابة.. لأنه مايقدرش يقول انهم عذبوه.. لأنه فعلا ماحدش عذبه ولا ضغط عليه.. القائمة هو اللي كتبها فعلا.. و هو اللي موقع عليها بكامل ارادته..
فيبدأ هو نفسه يحتار.. ويسأل نفسه.. صحيح .. انا ليه عملت كده؟؟

أبحاث علم النفس أثبتت ان الإنسان مايقدرش يحتمل وجود اختلاف بين صورته الذاتية.. و بين سلوكه.. و ده اللي حصل مع السجين.. لأنه مايعرفش النقطة دي..
السجين حس انه لازم يبرر الفعل اللي عمله ده لأنه حاسس بصراع بين سلوكه..
وبين صورته الذاتية عن نفسه كأمريكي..
فلما بيسأل نفسه.. ياترى الكلام اللي انا قلته ده حقيقي؟؟ يلاقي انه فعلا حقيقي.. فتبدأ صورته عن نفسه تتغير.. يبدأ يحس انه فعلا من جواه مقتنع و مؤيد للنظام الشيوعي.. وفي نفس الوقت.. كل السجناء زملاؤه بيعاملوه على انه خائن و مؤيد للنظام الشيوعي فبيؤكدوا الصورة دي في نفسه..
يحصل ايه؟.. تكتمل الحلقة.. صورة ذاتية تؤدي الى السلوك.. و سلوك يؤدي الى صورة ذاتية..
و بالتالي.. يبدأ عشان يحس بالتكامل بين صورته الذاتية الجديدة و تصرفاته.. يسعى لأنه يؤكدها عن طريق السلوك.. فيبدأ يتعاون مع النظام الشيوعي ضد النظام الأمريكي بكامل ارادته..اترسخت صورته الذاتية الجديدة و أصبحت حتى غير قابلة للنقاش .


كمان..الصورة اللي بتشوف بيها نفسك.. بتؤثر بشكل قوي جدا على الصورة اللي الناس بيشوفوك بيها..
لأن الإنسان في حالة تواصل مستمر مع الناس سواء بالكلمة.. أو بالحركة..أو حتى بالنظرة .. و 90% من الرسائل اللي بيبثها الإنسان للناس حواليه هي رسائل لا شعورية.. احنا مش واعيين ليها و احنا بنرسلها للناس ..
و الناس بالتالي بتستجيب للرسائل دي سواء كانت عن طريق ايماءات الجسم.. أو نغمة الصوت.. أو الأحاسيس اللي بتبثها في الجو حواليك باستمرار.. كل انسان فينا محطة اذاعية شغالة ع الهوا 24 ساعة..

كلمة "آسف ماكنتش اقصد" .. كلمة بنسمعها كتير.. بتقول كلمة.. نيتك منها قد تكون خير.. و لكن الناس يفهموا منها معنى تاني تماما.. ليه؟؟ لأن زي ماقلنا.. الإرسال اللي انت بتبعته للناس حواليك مش كلام بس.. ده كلام و ايماءات و حركات و نغمة صوت و نظرات و مشاعر.. الخ..

والخلاصة هي..
"اننا دايما بنعرف الناس اللي حوالينا ازاي يعاملونا.. بالطريقة اللي احنا بنعامل بيها نفسنا"..
لو انت بتحترم نفسك.. و بتقدر نفسك.. و بتحسن معاملة نفسك..
فانت بالتالي بتبعت رسائل للناس انهم يعاملوك بنفس الطريقة.. لأنك لن تقبل معاملة بأقل من المستوى ده..

و عشان تتضح الصورة أكتر..تخيل معايا واحد شغال جرسون في رستورانت كبير و فخم.. و جاله زبون بعد ما قدم له الأكل.. و اداله بقشيش ربع جنيه مثلا.. هايبقى موقفه ايه؟..
هايطلع من جيبه 100 جنيه على الربع جنيه و يديهمله.. هايصعب عليه الزبون ..
ده لو كان راجل ذوق يعني و ما لبسش الزبون طبق الشوربة في راسه..

و تخيل واحد تاني.. شخص فقير جدا.. عايش في الشارع.. بقاله أيام ما أكلش..
و مر عليه نفس الزبون اللي كان في المطعم بعد مالبس طبق الشوربة في راسه.. و اداله الربع جنيه في ايده..
ايه احساس الشخص ده؟.. هايدعي للزبون ده للصبح..

ايه الفرق بين الإتنين؟؟
في الحالة الأولى ..
الجارسون حاسس بقيمته.. حاسس انه غالي..
و الحالة التانية..
الشخص الفقير الشريد ده برضه حاسس بقيمته.. حاسس قد ايه هو صغير في الدنيا دي...
احنا اللي بنعرف الناس ازاي يعاملونا..

ياترى انت حاسس بقيمتك؟.. حاسس انك غالي؟؟

شوف حبيبك النبي و هو بياخد بإيد انسان.. يوريه طاقة النور اللي جواه...
شخص بسيط من البادية.. كان إذا أتى الى المدينة لا بد يأتي بهدية للنبي ..
هدية بسيطة من البادية..
عارف زي حد من الأرياف يروح يزور حد قريبه في المدينة و ياخدله معاه بقى الفطير المشلتت و العسل و الحاجات اللي مش موجودة في المدينة؟..
أهو زاهر كان بيعمل كده مع النبي ..
و كان النبي بيحبه جدا.. فكان هو كمان يديله هدية من المدينة و هو راجع لأهله في البادية..
و كان يداعبه و يقول له " زاهرٌ باديتنا ونحن حاضروه.."زاهر كان دميم.. و هو كمان شايف نفسه دميم.
. شايف انه صغير.. قليل وسط الناس حواليه..
في يوم مر النبي عليه و هو بيبيع متاعه في السوق.. فاحتضنه من خلفه. و هو مش شايفه.. ياااه يا رسول الله.. للدرجة دي التباسط و المداعبة مع الناس؟...
فقال زاهر: "من هذا؟؟.. أرسلني..."
مين ده؟.. سيبني باقولك..
فالتفت فوجد النبي ..
فجعل النبي يمسك بيده و يبتسم و يقول:
"من يشتري هذا العبد؟"..
فقال له زاهر:
"يا رسول الله.. إذاً تجدني كاسداً"
.. ماحدش هايرضى يشتريني يا رسول الله..
فنظر له النبي ( صلى الله عليه وسلم ) مبتسما.. ابتسامة حب.. و عطف.. و قال له:
" و لكنك عند الله غالٍ"...
انت غالي عند ربنا قوي يا زاهر..

يااااه..
تخيل احساس زاهر ساعتها..
انا؟.. أنا غالي عند ربنا؟.. دي عندي بالدنيا و ما فيها.. ماعادش يهمني حد..
ماعادش يهمني حاجة في الدنيا.. مادام ربنا راضي عني..

للحديث بقيه ان شاء الله

amora
amora
مشرف ذهبى
مشرف ذهبى

s m s :
انثى القوس الحصان
عدد الرسائل : 728
العمر : 33
العمل/الترفيه : طالبة بكلية الطب البيطري
تاريخ التسجيل : 08/02/2009

الرجوع الى أعلى الصفحة اذهب الى الأسفل

قوة غسيل المخ  Empty رد: قوة غسيل المخ

مُساهمة من طرف MANDOO الإثنين سبتمبر 13, 2010 7:52 am

الطشت قالى الطشت قالى يا حلوه ياللى قومى استحمى
الموضوع دا يا امور عايز ضرب نار بجد
طخ طخ طخ طخ طخ طخ طخ طخ طخ طخ طخ
واحلى ما فى الموضوع الخلاصه وعشان خاطر الخلاصه هفرقع بمب
بم بم بم بم بم بم بم بم بم بم

MANDOO
عضو نشيط
عضو نشيط

s m s : ياااااااااااااااارب
كفاني فخراً انك لي ربً .. كفاني عِزاً أني لك عبداً
يااااااااااااااارب
أنت لي كما أُحِب فأجعلني لك كما تُحِب
ذكر القوس الماعز
عدد الرسائل : 83
العمر : 32
العمل/الترفيه : مصر هيا امى ومفيش غيرها هيشغلنى
تاريخ التسجيل : 17/08/2010

الرجوع الى أعلى الصفحة اذهب الى الأسفل

قوة غسيل المخ  Empty رد: قوة غسيل المخ

مُساهمة من طرف amora الإثنين سبتمبر 13, 2010 10:22 am

ههههههههههههههههه

شكرا يا دكتور ماندو علي النار دي
amora
amora
مشرف ذهبى
مشرف ذهبى

s m s :
انثى القوس الحصان
عدد الرسائل : 728
العمر : 33
العمل/الترفيه : طالبة بكلية الطب البيطري
تاريخ التسجيل : 08/02/2009

الرجوع الى أعلى الصفحة اذهب الى الأسفل

قوة غسيل المخ  Empty رد: قوة غسيل المخ

مُساهمة من طرف عاشقه الفردوس الإثنين سبتمبر 13, 2010 3:01 pm

الله عليكى يامورا
بجد الكلام جميل جدا وكله عبر ومواعظ
ياريت كلنا نستفيد منه بجد
تسلمى امورا
عاشقه الفردوس
عاشقه الفردوس
مراقبه عام
مراقبه عام

s m s : اكثروا من ذكر الموت فهو غائبكم المرتقب

وان الغائب اذا طالت غيبته

قربت عودته

وترقبه ذووه






انثى الميزان الماعز
عدد الرسائل : 1060
العمر : 32
العمل/الترفيه : ابغي رضا ربي ووالديا
تاريخ التسجيل : 18/04/2009

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى